細B, 大B, 邊緣BB, 知唔邊個月出世最可憐? 唉~!

marcuscyrus

原帖由 LL222 於 10-12-30 14:55 發表

抽獎同自己考直資私立都會揀，只不過9-12月出世B可以揀做超級大B同時亦有10分，8月就只可以2選1，

我個女2-3個月前只可以講單雙字，宜家可以全句講，差幾個月真係差好遠，D KG又要咁早in，如果出年2、3月先in公平好多。我諗好多 ...

其實無論邊個月in都唔會對所有人公平，我仔都係8月bb，歲幾已經講句子，早一/兩個月in 可能對佢仲有利，但又可以點?我只能夠講，能唔能夠入讀某校，可能都係講d緣份，我大仔當年係大b，一樣冇乜offer，依家咪又係咁大

LL222

原帖由 Tazman 於 10-12-30 14:58 發表
你囡囡係0808 架?

係呀，响其它post見過有D家長比細B repeat K1，咁我咪去做reseach，只通答案有點失望！

其它家長有幾個KG offer可以慢慢揀當然針唔拮到肉唔知通，有得揀點會無啦啦比個女repeat?

bb0322

都未讀就唸repeat，入唔到心儀幼稚園咪考慮插班囉！向前看...

alicialee1210

好明白做家長擔心小朋友嘅心情, 我仔仔08年9月尾出世,我之前都一個offer都冇, 我都同朋友講針唔拮到肉唔知痛, 個個人都想比最好嘅野比自己嘅小朋友, 但呢個世界好多野都唔係我們能力範圍裡面可以改變, 何必再計較公平興否, 而且我相信如果小朋友係有能力佢咩月份出世學校都會收, 唔洗咁早就諗冇得repeat以覺得可惜.

原帖由 LL222 於 10-12-30 15:18 發表

係呀，响其它post見過有D家長比細B repeat K1，咁我咪去做reseach，只通答案有點失望！

其它家長有幾個KG offer可以慢慢揀當然針唔拮到肉唔知通，有得揀點會無啦啦比個女repeat? ...

w_y

老實說, 8 月真係談不上叫細B. 如果真係覺得佢細, 競爭力無咁高, 你想咪俾佢 re 囉, 反正呢個年代, 能夠循首輪入讀心儀小學, 都唔夠一半人; 仲未計那些一早已有直資收左, 根本唔會入紙首輪果一批.

唔係人 re 你又 re, 你估超大B 實有好 offer 架啦? 總之係努力+運氣, 多過你幾時出世啦....

如果要計, 你應該話, 生遲左幾年就真, 我識得04 出生果年, 12 月出世入著名九龍塘幼兒園讀N1 一手都數唔晒呀!

[ 本帖最後由 w_y 於 10-12-30 15:49 編輯 ]

marcuscyrus

我大仔當年咪係冇得揀囉，2月仔tim阿，幾乎全線不收，我都好明白你o個種心情，因我都試過，如果你呻下開心d，都唔係壞事，但如果繼續o係呢個課題(有冇得揀repeat or not)糾纏，你自己同小朋友都會唔開心，咁又何苦呢

LL222

原帖由 alicialee1210 於 10-12-30 15:39 發表
好明白做家長擔心小朋友嘅心情, 我仔仔08年9月尾出世,我之前都一個offer都冇, 我都同朋友講針唔拮到肉唔知痛, 個個人都想比最好嘅野比自己嘅小朋友, 但呢個世界好多野都唔係我們能力範圍裡面可以改變, 何必再計較公 ...

咁你囝囝宜家點（KG方面）？

小曳人

樓主~ 唔係唔明白你呻乜
只係~ 凡事都可以有唔同角度去睇, 唔好咁執著啦, 放鬆d, 入唔到心儀KG唔係=入唔到心儀嘅小學! 唔=入唔到心儀中學
唔=無美滿人生!

呻完就算~ 努力將來呀!
加油!

bb0322

其實小朋友"行走食瞓"都得真係理知佢邊個月出世，擁有一個健康寶寶的人，又點會明呀！？

lyhv

原帖由 w_y 於 10-12-30 15:47 發表
老實說, 8 月真係談不上叫細B. 如果真係覺得佢細, 競爭力無咁高, 你想咪俾佢 re 囉, 反正呢個年代, 能夠循首輪入讀心儀小學, 都唔夠一半人; 仲未計那些一早已有直資收左, 根本唔會入紙首輪果一批.

唔係人 re 你又 r ...

同意!  又或者用另一個角度去睇, 相信如果當樓主個囡囡大個之後, 知道有個咁緊張自己未來嘅媽媽, 佢唔只唔覺得自己可憐, 重好感恩添!  可能樓主會覺得我個仔都唔係8月出世, 我梗係唔知針吉到肉果種痛法, 但希望樓主亦能去了解其他月份出世嘅家庭都會有佢地自己嘅壓力之處!  

另外更加同意"運氣"一項!  君不見大把家長入到名校然後才喺度問人間名校有咩好咩?  haha~~~

最後, 係真心希望樓主唔好氣餒, 雖則說大家都係香港教育制度下嘅競爭對手, 但我絕對明白樓主嘅感受!  希望大家一直繼續為自己嘅兒女努力!  加油!

alicialee1210

本身我報咗9間幼稚園但接2連4咁接咗4封waiting1封reject之後我在12月中即刻去york報名博多個希望, 之後喺23/12終於都收到offer 係 祟真+ york, 之前對祟真真係唔敢有任何期望因為我小朋友係第5輪interview,d人話越遲in機會越細再加上嗰4封waiting信完全打擊晒我們一家人的信心, 我仲為咗咁喊咗幾次, 因為我覺得我個小朋友同我都盡晒力可惜都唔達標, 當時我都好灰因為我心儀嗰幾間都係waiting. 我都有諗過出年repeat但又覺做超大b好似唔係咁好, 唔好再想咁多,好多人都可能入唔到心儀的學校但唔代表將來一定唔成功, 路仲有好長要走, 冇謂再想呢3年, 其實呢3年對佢嘅人生唔會真係有好大影響.

原帖由 LL222 於 10-12-30 15:54 發表


咁你囝囝宜家點（KG方面）？

LL222

原帖由 alicialee1210 於 10-12-30 16:15 發表
機會越細再加上嗰4封waiting信完全打擊晒我們一家人的信心, 我仲為咗咁喊咗幾次, 因為我覺得我個小朋友同我都盡晒力可惜都唔達標, 當時我都好灰因為我心儀嗰幾間都係waiting ...

拆信嗰一刻好大壓力, 睇咗係reject, waiting心裡一沈.

由其是自已好有信心入到D KG(問乜答乜, 叫乜做乜, 走時講Bye Bye, 幫自已及媽咪推回張凳等)但結果reject, waiting, 好失望. (反而我朋友BB由頭到尾都唔出聲都收咗, 當然靠人士啦, 我知道後好替囡囡不值)

其實今次去research都係想揾定多一條出路, 唔係話一定揀repeat. 又例如我一早睇完小一入學天書及小一入學講座, D朋友又話K1都未入, 駛唔駛咁早. 我只不過plan ahead, 幫小朋友計劃將來, 唔知小一係點又點幫揀KG?

唔認同D家長請當作為一個資訊吧(教育局POA規則: 七歲零一日入小一係冇咗10分, 所以8月或之前repeat K1係冇咗10分. 9-12月或之後repeat K1就冇問題.  至於KG收唔收超大B就視乎各校政策, 唔關教育局事)

GCCC1231

Are you sure?

GCCC1231

可唔可以post條link俾我睇吓邊度講話7歲零1日大就等於唔適齡!!!!

alicialee1210

你同我都好似d人都成日話我洗唔洗咁早睇小學呀,3歲都未夠就咁緊張. 可能因為我知自己住緊嗰區d小學唔係太好, 所以我一早已經決定如果有直資/私立背收佢我都一定會比錢佢讀,所以我希望佢可以考到間出名嘅幼稚園希望對佢考小一有幫助, 但經歷咗呢幾個月之後我發覺現在的競爭比我想像的還要大好多, 因此本身我首選kv&sc呢d幼稚園變成e家希望有小學做backup嘅幼稚園.

原帖由 LL222 於 10-12-30 17:39 發表


拆信嗰一刻好大壓力, 睇咗係reject, waiting心裡一沈.

由其是自已好有信心入到D KG(問乜答乜, 叫乜做乜, 走時講Bye Bye, 幫自已及媽咪推回張凳等)但結果reject, waiting, 好失望. (反而我朋友BB由頭到尾都唔出聲 ...

LL222

原帖由 GCCC1231 於 10-12-30 17:54 發表
可唔可以post條link俾我睇吓邊度講話7歲零1日大就等於唔適齡!!!!

http://www.edb.gov.hk/index.aspx?nodeID=1497&langno=2
《申請二○一一年九月小一入學》單張
然後打去查詢double confirm :

• 家長如有進一步查詢，請與教育局學位分配組聯絡。
地址：香港灣仔皇后大道東二六九號
呂祺教育服務中心二字樓
電話：2832 7610（港島）
2832 7620（九龍）
2832 7635（新界西及離島）
2832 7659（新界東及荃灣）
2832 7700/2832 7740（一般查詢）

LL222

原帖由 alicialee1210 於 10-12-30 17:58 發表
你同我都好似d人都成日話我洗唔洗咁早睇小學呀,3歲都未夠就咁緊張. 可能因為我知自己住緊嗰區d小學唔係太好, 所以我一早已經決定如果有直資/私立背收佢我都一定會比錢佢讀,所以我希望佢可以考到間出名嘅幼稚園希望對 ...

你同我想法一模一樣!
校區唔好唯有考直資/私立, 加上由03年出生率開始直線上升, 08年比起03年多咗65%BB (SC有8千人in!!!!), http://www.healthyhk.gov.hk/phisweb/plain/en/health_info/vit_stat/birth_rate/

直資/私立只占小一學校不足一成, 其餘九成多係大抽獎, 咁大競爭唔谷點得.

P.S.  PM咗你

marcuscyrus

唔好成日覺得大家唔認同啦，講真上得黎BK，個個都係有planning啦，我都會research定小學，希望搵一間"最適合"o既比自己小朋友，但係，人生就係咁啦，你做好哂計劃，都唔一定如你所願，小朋友亦有佢地自己o既路，2年前，我都係收唔到offer letter，我都唔開心左一排，甚至懷疑自己個仔有問題，不過我好快就諗通，希望你都快d可以開心返

kerkermui

原帖由 marcuscyrus 於 10-12-30 18:27 發表
唔好成日覺得大家唔認同啦

佢只係揾同聲同氣嘅人認同
唔打算認自己讚緊牛角尖~

世事有點會盡如人意呀~

alicialee1210

其實都唔好話樓主係想人認同，佢可能擔心個小朋友如果入唔到心儀嘅小學的話，有冇可能repeat一年，點知原來發覺係行唔通拎出嚟大家分亨一下lor.