剛１歲證實發展遲緩（6歲放棄主流，入讀體障）

nokia6300

hi ivy,

唔好太擔心,用多d時間去追去幫小朋友好d,雖然醫生系咁講,但同時,小朋友既進步空間真系可以好大好大,我系比較乖個d媽媽來的,pt講做咩,我都儘量配合做,簡單如食奶or佢睇dvd時,幫佢按下d "kwan"節位呀,又同佢去d斜路位停一停又按下呢d,我一有機會都會做,只系小小1-2分鐘既動工,pt說佢地系有野資訊send去大腦幫佢地的,所以都系,做多d

另外我唔敢judge你小朋友既情況,但我仔系要晚晚教佢反身先系7-8個月自己反到的,坐又系好耐先坐穩,坐得穩時如果一趺,對手又唔會自己反應按住,呢d一點一滴都系幫下佢,搵多d唔同聲音既玩具比佢玩,佢唔玩都捉佢手拿住,放系high chair都放好多toys比佢扔下好,食又好,總之比佢郁多d....食奶逼佢自己件拿奶樽,初初唔肯慢慢加時間,今日10秒,聽日15秒....比d learning mug佢自己飲水,juice等,食奶咀又系比佢自己放入口,全部都幫佢先,加d簡單句子,佢地可能明的,但唔明都講,呢d日後對佢speech 都有幫助呢~

唔好唔開心啦,好多過路人都行過呢段路,end up見到小朋友進步,你會好開心的!

ivychan1999

hi nokia6300:
好感激你嘅鼓勵同經驗,我會好俾心機去教ar b la!!!
請問你仔依家好嗎?幾歲呀?追到未呀?你除咗去政府嘅治療仲有冇去私家治療?有好嘅私家介紹嗎?我排咗將軍澳醫院嘅物理和職業治療,你覺得ok ma?好多問題,唔好意思!!!

methy

認同你所講～
本來我應該ＳＡＹ　ＮＯ既野，只要唔危及生命既，我都盡量唔阻止，咩都比阿仔探索。佢鐘意坐HIGHCHAIR將Ｄ野掉到周圍都係，我唔鐘意架，有後時間不停教佢要比我，佢學識左，我就由得佢，不停將Ｄ野掉落地，當練手肌肉囉。
佢學識左縮下縮下咁向前”爬”，”爬”去廁所食地上既塵．本來我阻止架，不過最後都係由得佢．佢”食食下”就唔食喇，同埋唔想攪到佢唔”爬”就由得佢。

methy

１６個多月．就黎１７個月，阿仔學識左抓住床欄起身，不過就未係好識慢慢坐返落床，都係”達”自己落返去。
今日就突然識扶住sofa　”第”起腳行左５、６步，開心ｃ我～

趕得切影低佢第一次自己抓住床欄起身。

平時用crawling track借力練坐起身，不過仲未成功自己由瞓變坐。

[ 本帖最後由 methy 於 11-5-22 22:27 編輯 ]

nokia6300

GREAT^^我仔學慢慢坐低而不是達落地系學左好好好........好耐呢~比d心機啦,快會行了.......

sanriokitty

ivychan1999,
我個女已經10個月大, 都照左磁力共振, 腦入面已經confirm無左中間既神經線, 上個月醫生話佢只有2-3個月大的肌肉能力, 到e+都未能夠自己抬起個頭, 坐都未坐到, 扶佢坐一係頭向下流晒口水, 一係向晒後, 自己hold唔到自己個頭, 扒轉佢佢唔係幾做到抬頭既動作, 已經係政府排好幾飯, 物理治療每星期去一次, 職業治療排左期等睇, 智力評估中心上星期做左驗眼, e+轉介左去醫院排眼科下個星期照, 腦內科要2-3個月番醫院一次, 心臟科係聯合同瑪麗都睇緊, e+已經穏定落黎2個月至番一次, 我今個星期打算去私家問下野, 之前都同阿女申請左政府個醫療編號, 等私家可以入去佢個file度睇, 腰骨無到力好唔鐘意比人動起佢坐或抱, 但我地唔可以成日比佢瞓地, 我爸爸媽媽同工人姐姐好好心機日頭同佢做運動按摩仲買左架學行車加好多tailormade cushion比佢薛住個人唔好左擺右擺, 我同老公晚黑就同佢傾偈郁下手腳, 幾個大人一個扶佢一個拉直佢對腳大仔就係前面打氣引佢, 佢連食野都差, 每餐3安x5-6餐, 有時一日嘔2-3餐, 門牙仔拿到黃晒, 我地都好心痛, 不過知佢都好落力, 佢真係好醒, 一見到"口罩人"或者知道帶佢去覆診, 佢唔開心兼無晒心機, 真係好心up, 去到醫院佢就係咁發脾氣同i救命直至真係走人至收聲, 我老公成日鼓勵我阿女可以好快追番上黎, 唔好担心, 不過我真係好辛苦仲要成日請假, 因為好多時每個dept/醫生都要問好多野, 公公婆婆未必記到咁多, 老公份工有時收工都唔知幾點請假難, 我日頭番工收工趕番去買d菜同個仔對功課溫書, 同阿女做運動, 但我唔會放棄, 我會加油, 你地都係.

methy

原帖由 sanriokitty 於 11-5-26 10:25 發表
ivychan1999,
我個女已經10個月大, 都照左磁力共振, 腦入面已經confirm無左中間既神經線, 上個月醫生話佢只有2-3個月大的肌肉能力, 到e+都未能夠自己抬起個頭, 坐都未坐到, 扶佢坐一係頭向下流晒口水, 一係向晒後,  ...

有家人既support真係好重要，你都好積極，加油!

methy

去左醫院第2次物理治療，今次係另一個治療師睇，佢既睇法同第一個完全唔同，佢主張阿仔企&行多d，佢同阿仔行完之後:你阿仔問題唔大喎。
我話阿仔同同月齡既相差好遠，未識由瞓轉企，又未識四點爬，只識縮下縮下咁爬，坐坐下都係會跌，行又未得.等....佢一句:佢遲早會識架喇:;pppp: 令我感覺好hea。
佢又唔教我點同阿仔做運動，佢同阿仔行完10分鐘之後，我都就自己同阿仔"自已治療"玩下呢個器具,嗰個器具。
睇黎無得慳錢,要keep住上協康&私人既物理治療。

methy

阿仔出水痘，塊面&身都突然出好多，睇左醫生。

不過佢好精神，仲貼牆企企得耐左，扶住sofa,模仿我地跟住音樂扭pat pat。問過私人既物理治療師，扭pat pat係一個難既動作，什麼weight shfiting..總知係有進步喇

assheep

methy,
康文署都有0-4歲的親子泳班,課程名叫:"幼兒水上安全班",我個小朋友玩左幾年,親身去報名五十蚊十堂,網上報名要一百蚊,報名時記得帶小朋友的出世紙去.每年六月已有班.七月及八月暑期班則要抽籤,通常都抽到.

nokia6300

系的,我以前教阿仔扭patpat,佢都系個body郁而不是由腰個位置扭,你仔仔真叻仔!!

yinglongma

現在已是晚上1:40, 才剛看到這討論, 所以未有時間讀哂所有討論.
我看到有關的討論, 心中非常激動, 眼淚也流了下來. 好開心有小朋友通過做PT和OT可以慢慢CATCH UP.
我的細仔也是16個月時見了CAC的醫生, 評估為整體發展遲緩, 現在已3歲1個月了, 仍然未識獨立企和行, 心裏其實很難過, 但除了training, 也沒什麼可以做, 而我們快做了兩年training, 成果也很小, 所以對training 其實都沒有把握.
不過我細仔是患有一種罕有的病叫, dandy walker, 是關乎小腦發育的, 所以他的平衡和肌肉協調非常困難. 各小朋友遲緩的情況不一, 所以不能彼此參考對方的情況, 只能盡力多給孩子愛, 接納和訓練, 希望能張天父給他們的才能發揮多一點點.
不是人人都能照顧這樣的小朋友的, 天父將這又大又難的事(這樣的小朋友)交在我們手裏, 是相信我們能帶給他們所需要的. 各位有這樣小朋友的爹地媽咪努力啊.

yinglongma

還有, GLENN DOMAN的書, 值得參考, 大家不妨也了解一下.
以下是介紹:
http://en.wikipedia.org/wiki/The ... _of_Human_Potential
以下是其中心的網址
http://www.iahp.org/

sanriokitty

methy,
大家互相扶持真係好重要, 前2日睇完醫生, 醫生好語重心長咁鼓勵我要比時間, 有咩需要既可以再黎傾下.

methy

原帖由 assheep 於 11-5-29 20:59 發表
methy,
康文署都有0-4歲的親子泳班,課程名叫:"幼兒水上安全班" ...

原來有d咁抵玩既課程架..等我搵下先,thx~

原帖由 pipi331
於 11-5-30 00:14 發表
[/url]
唉....
N年前正苦縮皮+經濟差+移民潮後部份3T回流.....
=>OT, PT 畢業生好難搵嘢做. 據說醫管局因為多臨

你連3T學額都研究埋


私人治療師好似一盤生意咁，相對地會認真d比d野我，等我覺得有d得著，再介紹其他人，佢生意就長做長有。
政府就更加係長做長有喇，佢一句"人人情況唔同"(咁事實都係)，train 成點,成效係點，我都無得要求。

原帖由 yinglongma
於 11-5-30 01:54 發表
[url=http://forum.edu-kingdom.com/redirect.php?goto=findpost&pid=33711571&ptid=2265656]
現在已是晚上1:40, 才剛看到這討論, 所以未有時間讀哂所有討論.
我看到有關的討論, 心中非常激動, 眼淚也流了下來. 好開心有小朋友通過做PT和OT可以慢慢CATCH UP.
我的細仔也是16個月時見了CAC的醫生, 評估為整體發 ...

catch 唔catch up到真係好睇小朋友本身既情況，暫時我知道阿仔既情況only慢左，無一ｄ明顯既病徵要食藥，我就當無野咁，用大路既方法幫佢。


私人既PT講過，我地個腦有２／３係未開發，有好大potential去進步，所以有好多”另類”治療係可以幫助我地既小朋友，當然唔係３幾個月既時間，係以年黎計算。
認同你所講，多給孩子愛, 接納和訓練！

why-me

你地每位媽咪都好積極, 我自己就好似得過且過, 好懶同個仔做訓練, 見佢係S位返左成日都已經好攰, 我放工食完飯沖埋涼都成8:30pm, 亞仔9:30前要瞓覺, 曾經試過係中間時段同佢訓練, 但佢好唔合作, 又含住眼淚, 我見佢唔做我又鬧佢, 攪到佢好唔開心.
曾經聽過:個天赐比我地呢D咁特別既囝囡, 係因為知道我地呢班父母能夠承擔得起, 但點解要咁睇得起我地?

木子兔媽媽

上來打個招呼. 阿仔進展不錯呀, 加油! 希望佢水痘快點康復! 小朋友的天賦每人不同, 若然說因為他們有發揮空間, 所以他們只靠訓練便能做任何事, 那只會害了自己和小朋友. 正如李+X的家底同我家底不同, 佢可以日日食鮑魚, 我只可晚晚食蒸魚一樣. 腦抽筋要食藥防止抽筋攞命, 不可以話只靠訓練保命!

我信神, 我信祂做或容許的事有祂的美意, 雖然儘管表面上大家要打一場好長的仗, 好辛苦, 其實有很多人陪你們一起行! 因為事實上, 有相當比重的小朋友始終靠現時的科學, 不能百份百有正常的能力. 我做的地方要接觸很多智障的大朋友, 有一些終其一生都像BB一樣, 不能言語, 不能活動, 但是, 當我上班的時候, 想的不是人工, 而是希望他們過得愉快安康. 我相信同我此心的人不少, 好多時和家長傾, 她們都說正常學校的老師, 可能不及特殊學校的老師細心; 當然不上心的人永遠都有.

在此和大家打氣! 我永遠記得患童健康笑的時候, 比千金更難得!