一個滯留英國機場的故事

honeybeemom

以下是我個囝的親身經歷
十七號:
我原本搭十七號CX256 在英國時間2050返香港,但係朝早卻收到短訊得知該班機取消,而在短訊卻中沒有提到點解.於是緊係決定同另外幾個同學早點出機場睇下發生咩事啦,於是立即搭的士出到機場 去到都只係1500,巳經見到好多人係到,但根本唔知發生咩事.突然聽到有個櫃台話搞CX256的野 咁走埋去CHECK-IN櫃台,佢係到話班機巳經取消 話我地未有 confirm booking 於是把我地放係waiting list到,跟住叫我地企係個櫃台附近等. 一有機位就通知我地 於是我地係乖乖地係到等左2個鐘,期間一直都冇人話比我地聽咩事. 後來 見到ticketing果邊超多人排隊. 咁我又走埋去睇下點啦, 點知原來係要係果到REBOOK TICKET. 果下真係好火 唔單止我同幾個同學,仲有其他人同我地一樣,係櫃台附近呆企左成2粒鐘. 我唔係介意要排REBBOKING條隊 但係佢地明知我地係果邊有咁多人等緊 點解唔一早叫我地 去果邊排 咁我地都冇計啦,只好一齊去排REBOOKING條隊.我地又排左成3個鐘先REBOOKING到 去19號 1125 最早果班機同埋拎到2晚酒店住宿.
19號:
我同我的朋友早上8點就出到機場,係出發之前 我地也預先上網查看過我地班機到底是不是預期出發 網上是肯定寫"Scheduled" 咁我地好放心咁check out跟住飛的士去機場...點知去到機場,又發現班機cancel左,我地當堂真係呆左係到,知到原來係天氣問題 當日四班機都唔會起飛.問CX D人要點做,佢地話我地又要REBOOKING過.我地好無奈咁又重新排過REBOOKING 條隊,今日果條隊仲長過十七號個條隊.排左成4個鐘,都唔知有冇行前2個人位.後來佢地先開始搞快左,過左唔知幾個鐘,終於REBOOK到20號的晚機.但係因為１９號飛唔到的原因係因為天氣問題　所以我地冇獲得任何住宿　而係呢個時候 我聽到一個好驚人的消息（未經證實，從別人口中得知），在十六號ＣＸ原本也有一班航機取消，而ＣＸ就把原來十七的２５６讓左比十六號的人走，而係十七號我地問ＣＸ的時候，佢地的解釋係話技術問題。

果下我真係超火，我地十七號ＣＸ２５６呢班人真係好慘，我地因為原來的班比人拎左而搞到要遲左２日然後再因為天氣問題又再搞到更後，我比較好彩拎到二十號機位，但有一部分人最遲要留至二十二號先有機走，而我地係冇任何的賠償，也沒有酒店的住宿提供，我地質問ＣＸ的人，佢地只解釋話巳經offer左另一班機比我地，現在係因為天氣的問題，所以唔會有任何的賠償，但我好想問一句，邊個搞到我地要遲左２日走先？

二十號：
係網上面得知會有２班加機，一班係Ｂ８００２早上8點半 另一班係B８００４ 下午2點半，我同我朋友一早６點未到巳經出到機場，希望可以拎到機位，點知ＣＸ同我地講話根本冇呢２班機，我地只好又係機場入面呆坐，後來，ＣＸ安排左一間酒店的大房比我地去，咁我地見到冇野做就只好去果到。都唔知係咪玩野，一去到酒店，就接到短訊話Ｂ８００４會準時係2點半開，我同我朋友又立即飛返出去機場，比埋個短訊佢地睇，點知佢地話係系統出錯，都係假的。最後，我只好等到夜晚搭我rebook到的機位, 我的朋友就比較慘,要22~24先可以走........

平心而論,18打後走唔到的人的確係只能夠怨唔好彩,因為係天氣問題,雖然CX冇責任要去賠償比我地,但係點解佢地唔可以比個清楚的指示比我地.我記得二十號早上,櫃台只有一個人做緊野,要到下午先有三個人.... 呢四日我來來回回機場4次左右,用左二百多磅在交通上面,每日係機場呆企8~12個小時.每次問CX 的人都只係話幫你唔到,請排隊搞rebooking,機場入面幾百人係到唔通個個走去一個個搞? 而我地十七號256的人係最慘,果日只有我地一班機飛唔到,因原因係因為我地的飛機讓左比人,要搞到咁遲先走到,仲要冇地方住,情況超亂.講真...今次真係對CX好失望.

gdaymum

cwp

這個故事還未完結，小兒情況跟honeybeemom兒子一樣是因為16/12/2010 CX機件故障而無辜滯留機場的受害者，我隨即寫信去CX投訴,最近才獲CX書面回覆:

“我們明白事件對閣下造成之擔憂和不便。惟根據現行客票條款，運送人對乘客及行李當儘其所能予以適切迅速承運，惟時間表或他處所列時間，並非保證時間，也不屬契約之一部份，航空公司無責任承擔旅客因航班延誤或取消而衍生之任何損失和費用。”

wymanbutt

二百多磅在交通上面

我聽到都覺得肉疼 差不多很多家長俾小朋友半個term的消費了

下次真係唔好book CX, 雖則我重來唔覺英航係好不過始終大大個terminal 5係道應變安排都會「好過CX」既