請問有無家長既小朋友有弱視呀！有無方法可醫？

wingyeunglilo

小囡在9月驗眼時，先知道佢有弱視，要無時無刻載眼鏡，但係眼科醫生弱無得攪，希望8歲前仲可以有D幫忙，因為眼仔肌肉未完成，只可睇清3-4成，所以請問有無好心人可以知道有無方法可以幫吓我！

kikiboy

但眼科醫生同視光師同我講弱視有得攪, 近視冇得攪喎, 可能弱視都有好多種啩.
平時見到d小朋友遮住一邊眼嗰d就係攪緊弱視, 仲有d眼睛運動可以改善.
我仔近視冇得攪, 希望加深慢d已經心足咯.

wingyeunglilo

Thanks for your reply!係呀！阿囡仲+埋有少少近視同散光呀！如果有得攪就好啦～

lillymarie

原帖由 wingyeunglilo 於 10-12-19 11:05 發表
小囡在9月驗眼時，先知道佢有弱視，要無時無刻載眼鏡，但係眼科醫生弱無得攪，希望8歲前仲可以有D幫忙，因為眼仔肌肉未完成，只可睇清3-4成，所以請問有無好心人可以知道有無方法可以幫吓我！ ...

佢係一隻眼弱視定係兩隻眼?
如果係一隻眼, 好多時都係因為兩隻眼的視力不一樣, 例如我個姪女就有一隻眼好深遠視, 另一隻眼就淺好多, 結果佢隻深遠視既眼就變咗"無用", 弱視.

第一步要做既係一定要帶眼鏡, 令到兩隻眼的視力差唔多.
第二步, 可能要有一部份時間遮住隻"好"眼, 逼隻"弱"眼睇多D野.

其實點解會咁呢?
因為我地既腦係好聰明的腦, 好識慳能量.
一般情況, 大腦接收到兩隻眼傳送來的影象, 就會進行分析, 我地就會"見"到個清晰畫面.
但如果兩隻眼傳送來的影象有出入, 大腦進行分析時, 會發現兩個影象做唔到清晰畫面, 於是就會只取好眼的資料, 而唔要"弱"眼的資料.
久而久之, 大腦慢慢就會唔接收弱眼的影象. 即使"弱"眼其實係睇到野, 但大腦已選擇性地唔要佢.
所以, 8歲前, 係大腦視覺中心未發育完成前, 如果可以改善"弱"眼的視力, 令兩隻眼睇野一樣咁清, 就有機會可以令到大腦"睬"返隻"弱"眼.

所以, 小朋友最好3-4歲去驗眼, 如果發現兩隻眼度數不同, 一定要帶眼鏡. 兩隻眼睇唔清楚都好過一隻清一隻矇.

最後, 即使有一隻眼真的弱視, 都唔使驚既. 係影响深度視覺, 即係睇3D會差D. 打羽毛球可能評估唔到個波係邊, 打唔中.

TelleTelleMom

Deleted

wingyeunglilo

真係唔該晒，等我知多D，醫生話有弱視，BUT我聽唔明，佢有講過一隻眼係100X度，另一隻幾十度（近視），散光唔記得幾多度，因為佢一句話無得攪，個人就DOWN晒，咩野都要話下次返黎再睇。。。。應該CHRISTMAS後28號咁上下，如果依你所講，有可能有機會會好，因為阿囡話唔載同載咗有分別WO，起初載眼鏡都話無分別既，點解之前無CHECK，係因為去健康院，佢哋話啱啱OK既，到二年級跟學校去，就話佢連第一行都睇唔到，要排到出年先至有得睇，死梗，那那聲問人去邊度CHECK最平同最好，佢哋話盲人囉，一CHECK就話要再約，我哋就話可唔可以CHECK埋，個醫生就話要啲藥水，放大瞳孔，再CHECK都係咁，所以。。。。。直到而家囉，希望有進展啦！。。。。。。不過，有無人聽過用針X，又話用電療，有咩同好都想試吓囉。。。。

wingyeunglilo

THANKS先，OK，等睇埋覆診再唔OK，可以參照你個意見去搵私家醫生轉介。。。。

nakoko

唔洗太擔心,如一隻眼弱視,係有得醫,2隻我就唔太清楚,我仔3歲時都驗出弱視,分別一隻眼200度同50度散光,經過一段時期既遮眼同訓練已經好返晒,不過要明白好返既意思只係弱果隻眼o係帶左眼鏡後可睇得返野,而並唔係所有度數都走晒,如果你囡囡已2年班,你要快喇,過左8歲前治療既黃金機會就遲喇~~

gracelam

我囡囡3歲時CHECK到有弱視+散光+遠視, 弱視嚴重程度只得2成視力, 醫生話發現得早, 8歲前戴眼鏡弱視問題可以解決, 我囡囡好聽話, 除左瞓覺, 無時無刻都戴眼鏡, 6歲再CHECK時視力已經有9成了, 即弱視差不多好番晒.
但散光和遠視都仲有, 遠視會隨著睇書, 睇電視, 睇電腦會慢慢減退, 散光就會跟住佢.  由於佢2隻眼都有弱視, 所以唔駛遮眼.
不過小朋友到左3,4歲, 最好CHECK一次眼, 唔好過左個治瘉黃金期.
P.S. 本人覺得健康院CHECK得好求其, 平平地可以去盲人輔導會, 一係去理大OR眼科醫生CHECK最穩陣.

[ 本帖最後由 gracelam 於 10-12-20 15:27 編輯 ]

wingyeunglilo

我之前都有CHECK，一未信健康院，我知淨得一年時間，但係都無計，所以未上BK問吓各位攞多D知識，我今次未去盲人CHECK話佢有弱視囉，希望過多個星期去再CHECK有好轉啦！因為睇唔到好大鑊，會影響佢上堂學習。。。。。。

twokidsmum

若果妳想省錢，找醫生幫妳寫紙到眼科醫院排期．
若捨得使錢，建議妳直接到養和看Agnes Tse, 她是眼科主管醫生，很有經驗．　

原帖由 wingyeunglilo 於 10-12-19 11:05 發表
小囡在9月驗眼時，先知道佢有弱視，要無時無刻載眼鏡，但係眼科醫生弱無得攪，希望8歲前仲可以有D幫忙，因為眼仔肌肉未完成，只可睇清3-4成，所以請問有無好心人可以知道有無方法可以幫吓我！ ...

hahe

之前新聞講過,針灸對弱視都有好大幫助, 或者你可以search 吓呢方面啲資料, 然後雙管齊下。

wingyeunglilo

Thank you 大家關心，但係大意既我記錯日期，要1月3日先有得睇呀！到時有最新消息再話俾你哋聽。。。。

wingyeunglilo

請問很貴嗎？一次大約幾錢？要睇幾多次？

twokidsmum

忘了診金多少, 我想around HK$800左右吧.  

謝醫生是養和眼科主管醫生, 很有名, 我的小朋友沒有弱視, 但我有數位朋友曾找她替小朋友做斜視手術, 做得非常好.

我覺得應先找一位好醫生斷症, 再決定下一步怎樣做.

原帖由 wingyeunglilo 於 10-12-28 12:24 發表
請問很貴嗎？一次大約幾錢？要睇幾多次？

wingyeunglilo

OH....THANKS!

wingyeunglilo

因為本星期一先有新眼鏡，順便一次過講，有進步WO，但係無話進幾多，BUT D近視就深咗好多，跟咗隻深既，而家兩隻一樣，要從新再配鏡片，一聽到有進步就好開心，但醫生要佢輪住每日四個小時庶住一隻眼，如事者要到下次（三個月後）覆診WO，要訓練兩隻眼仔睇細字好D，大家不用擔心，下次有最新消息，再話俾你哋知，THANKS各位有心人。

wingyeunglilo

試多間好D，去咗理大呀！CHECK完之後話好好呀！而家依舊要遮住，因為左眼好咗，但係右眼有1成未得，所以要遮住隻"好"眼,五月要覆診，到時再話俾你哋聽 ^O^

kc1016

我個仔都係謝醫生同佢做斜視手術, 佢非常細心. 雖然仔仔無弱視, 但由3歲開始帶眼鏡, D近視同散光都有成300幾度, 都無計...........

原帖由 twokidsmum 於 10-12-28 05:04 PM 發表
忘了診金多少, 我想around HK$800左右吧.  

謝醫生是養和眼科主管醫生, 很有名, 我的小朋友沒有弱視, 但我有數位朋友曾找她替小朋友做斜視手術, 做得非常好.

我覺得應先找一位好醫生斷症, 再決定下一步怎樣做.


...

wingyeunglilo

但係5月又要返理大CHECK，好煩，又要滴眼水，太近啦！點解好，CHECK定唔CHECK又要提早放學，就黎TEST啦！