心地唔好! 對校長失望!

yauyau08

一出世就排隊, n1 讀唔到唔緊要, 好開心n2 有得去interview, 我排 40 -5x  機會好大

由於我細b 剛剛出世, 工人放左假, 下午先有人幫我湊bb, 本來於某日星期五上午面試, 我早兩星期打去改星期六或者下午 任何時段, 點知得來的回覆係......... 校長下午無時間比你, 你黎唔到就算啦

哇,,, 咁即係點呀? 呢間咩學校黎架? 想我產後抑鬱嗎? 點解唔比機會我小朋友呢? 我未找到人早上湊細b就累左個大無了面試機會, 連改期都不能!

siupp

報名費都無埋?

JadeW

其實有好多學校面試都是不能改期的
你有同教職員講清楚你的理由嗎？
可以講面試都好講誠意，你二個星期前都搵吾到人幫手？
真係搵吾到，俾我會帶晒二個小孩去面試。
老公請吾請吾到假呢？

ching_800322

係呀, 好多學校都唔可以改期架!!
不過我都唔鐘意間學校, 本來我個仔係10年12月BB, 佢一出世我地就用最快的時間去拎出世紙, 之後去報佢地, 我知佢地多人報, 12月BB實要遲一年, 問左佢地職員, 有冇得報第二年, 佢地堅持話得一條隊, 不過太大就冇得讀, 我又問N同K又有冇分隊, 又答我冇, 話有位會跟# 去約我地去INTERVIEW。
我地兩公婆都覺得怪, 所以11年年頭都打去問, 佢地都話得一條隊, 如果我地想報遲一年, 係唔得架, 即係冇得當超大B, 唯為等下會唔會有機會排, 就算排到去K條先有得IN都好, 11年打左幾次。 當我地INVOLVE 更多去報學校時, 多左INFO, 知道學校係冇權唔俾我地當超大B , 我今年9月再打去問排位情況, 點知佢地話我地冇排11年出世那條隊, 我火都黎咪, 我前後打左5-6次去問, 又俾晒REF佢地13-14年入讀問洗唔洗再報名, 校方都答唔使, 輪到先有得IN.....我即係同個接電話的理論, 佢地一直唔係咁答我, 佢拎左個REF #, 之後叫個校長答我。

ching_800322

我同校長講返件事, 佢同我講話係我誤會, 話佢地同事好清楚校方規則, 冇可能咁答, 佢信任個同事，我真係火都黎咪, 唔通我同老公都誤會左, 我地都分別有打去架。 校長話佢地係ADVISE 家長2010年出世的, 應該報返2010條隊, 如果家長唔係十分強烈要求, 校方不讚成/不會排11年條隊, 我聽落去就明白, 原來佢地係當我地乜都唔識唔追問就迫人做細B, 但我有要求當大b報13年入學的, 佢地同事係答我得1條隊呀, 我有request 過架, 唔通唔夠強烈,點先強烈呀。跟住我話我好肯定有問, 佢地同事係咁答, 我同佢講: [你地同事話我個B唔可以報2011年條隊因為超齡, 我查過教育局係唔可以咁架, 你係咪都信你同事冇咁同我講, 我有查過的, 又是我們聽錯嗎?我重申我唔係一定要入去佢地度讀, 只係想反影返事實。] 我咁同佢頂, 都預左佢地有機會"印象深刻", 有機會都唔會收, 但我唔怕講事實, 我覺得咁先係對小朋友有交代。

校長見冇得硬碰, 改用軟功,  話不過因為唔係佢親自聽我地對話, 唔同我爭辯,唔想口同鼻"our",  不過佢可以試下幫我安排返1XX, 因為冇可能俾我排更前的, 會對其他媽咪唔公平。我問佢之前一年interview 一般in 到幾多號, 佢又話有基本interview, 但新年都有機會有人走, 又補入interview, 我 追問上年total in左幾多人, 佢耍我唔倒, 答左我, 唔記得5x 定6x 之類。 我即時覆佢, 咁你俾我個offer 即係冇用啦!! 跟住佢都係好官式咁答我, 叫我遲些再搵佢, 話到時可能我都有其他學校唔想讀佢地.....最後我唔想再講, 得閒同個仔去街好過, 同佢地講佢地真係要檢討下個報名情況及透明機制。
唔知有冇人又係咁, 上黎share 下!

cutiekids

係呀！救世軍真係心地唔好，衰到冇人有架！你地聽完我講都唔會報佢。
佢個網頁寫到懶巴弊，有出世紙就可以報，攪埋D gimmick 野，我之前唔知，鄰居又報，以為佢好好，咪喺今年4月幫我個11年5月囝囝報名囉，寄信返黎先知籌號7xx，日后會再通知interview, 到11月中都未收到信interview就打去問啦，個老師問我幾多號籌，我話7xx，佢就大支野咁話"7xx一定冇得in, 我地收20個, 點會in你呀！"我即時火黎問佢點解仲要過我將票收我$30報名費呀？佢就懶委屈話"咁我地唔可以拒絕你嘅申請架麻~" 咁你收20個學咩人廣泛招生呀？收左人報名費連interview機會都俾人，明知人地冇機會仲繼續招生，不斷收$30，保守估計，至今至少有1500人報名，不斷淨袋報名費兼郵票，其他分行亦有這情況，朋友同我同時報沙田分校排到1500號。
人地出面九龍塘收3000個申請都一一in晒，保良局、藍如溪，有得in先交報名費，你救世軍真係有咩咁巴閉啫，問過其他教師佢都不會特別好，洗乜讀佢！

Cassidy

cutiekids 發表於 12-12-3 00:28
係呀！救世軍真係心地唔好，衰到冇人有架！你地聽完我講都唔會報佢。
佢個網頁寫到懶巴弊，有出世紙就可以 ...

唔好嬲....我阿囡11年1月尾出世...我2月頭先去交表....排三十幾都無得in...
因為佢話收得幾十個位....照計都唔會有份in wor...
叫我等k睇下有冇得in, 所以我無幫細囝(12年4月)報慳返算

宜家有offer叫到定d, 我已經完全將salvation army擺埋一邊lu~

All_is_well

聽落都幾嬲 , 不過唔係間間救世軍都咁差, 如果唔一定要讀全日,可以試下遲d in地下果間幼稚園-救世軍吳國偉, 唔錯的. 加油~

erica-camy

請問你最近有無收到電話有得in？

AWma

唔係咁差吓!!!雖然唔打算報，但幼稚園喎，應該明白有小朋友的苦況!

chancheukyiu

原帖由 cutiekids 於 12-12-03 發表
係呀！救世軍真係心地唔好，衰到冇人有架！你地聽完我講都唔會報佢。
佢個網頁寫到懶巴弊，有出世紙就可以 ...

我之前得到嘅答案都係咁！排400幾冇曬聲氣，打去問就有人答，400幾邊輪到你in