無法停止流淚

fatpam

見左CAC醫生，評左小朋友係自閉，好傷心
明白傷心無用，但當時真的崩潰咁喊，我仲有一個小朋友，好擔心佢都有。

charisma07

我有一點點回應：
1) 我很愛我的兒子，當我知道他是自閉或什麼，無損我對他的愛和寄望。
2) 不用盡信CAC的評估。並非輸打贏要或否認現實，但有否想過俱俱的兩小時，以單對單的行為表現，來斷定小朋友是否自閉，會否有點片面和馬虎？絕有可能高估或低估小朋友的能力﹗我天天看著兒子成長，我100%肯定我比精神學家更了解佢﹗
3) 我聽過和見過許多許多的例子，有些小朋友被評為嚴重自閉或怎樣，一年後有近乎"痊癒"的情況﹔也有些輕度自閉，長大後一樣過正常生活——有社交有家庭有專業﹔也有位女孩3歲時被評為"弱智"，她媽媽堅決不認同，於是用心教女，女孩大個再做評估，佢的智能係"very good"(未到資優，但也甚好)，所以"自閉"or not 真係no big deal!!
4) 無論小朋友有多嚴重，用心教的話，半年已見很大分別。這是我和其他媽媽的經驗。
5) 及早治療是極度重要。有關自閉症各樣治療如感統訓練、言語治療、生物療法、ABA、Floortime、RDI、社交小組等等，可以在網上搜尋資料。我的經驗是不用每樣都做，時間、精神和經濟根本不容許，做了好幾堂，媽媽就知小朋友最適合邊幾樣，而且邊d方法最便宜和見效。
6) 加油﹗加油﹗講真的，真的不用太擔心和不高興。如有什麼憂心，這兒大把媽咪同你分憂﹗而且這兒有許多叻媽咪分享心得﹗

fatpam

好多謝你地，我會加油!

FoEE

Take it easy...
堅强、積極、樂觀...好重要
我個細女都不是A.

Totally agree with what Charisma07 said.

住家女人

今日我都知道我阿女比dr評估係自閉,仲味接受到~中d唔中d都好想快d改變到

ltdcorp

無論什麼評估和結果都好, 這是給我們一個機會去更多了解和關懷我們的小朋友.  

結果是與否都不重要, 記得同自己講無論如何我們都要更多更多的關懷他們...


努力....

IJai

一聽到診斷為自閉/自傾
的確會好傷心
但 e 種感覺好快過去
因為只要用心
小朋友就會進步
加油!

yuyu0202

MamiS 加油!

我係4個月前知道囝囝有自閉症.. 仲要話佢係中度自閉! (o個時我仲坐緊月.. 岩岩生完細囡)

o個刻個感覺...我都唔知搵咩形容... 仲要驚埋出世未夠一個月ge細囡.. 之後仲要比e生要我去見心理醫生.. 驚我產後抑鬱!

過左2個月... 我地再做checking（其間我地有做Training)　醫生同我講囝囝的自閉Features已經變到好輕微

而事發４個月ｇｅ今日．．．　個督ｃ同我講．．．我囝囝自閉的features差不多都沒了!!

所以我信...　自閉唔自閉真係只不過係個名詞!　我囝囝的確有佢自已問題全在!　評到佢係又係要教．．　唔係亦都要教!　我明白我地都要比一般ｍａｍｉ付出得更多更多！

但我相信囝囝每一天也在進步的!

住家女人

thx all mama support~

因我陀緊細佬,都驚細b會唔會都係咁(我知自閉男既比例多d),都開始唔諗咁多~家下同老公相量過一齊將阿女既問題改變,相信時間可見進步~多去公園,比佢同多d小朋友玩,work ma??個醫生話阿女個社交能力差,但其他我唔相信起個半中時間睇清楚阿女咁多野law~

住家女人

同埋阿女見陌生人唔係好驚係好定唔好??

IJai

原帖由 住家女人 於 10-12-16 02:42 發表
同埋阿女見陌生人唔係好驚係好定唔好??

起碼比過份抗拒好 la :D

zzzlam

原帖由 fatpam 於 10-12-12 22:17 發表
見左CAC醫生，評左小朋友係自閉，好傷心
明白傷心無用，但當時真的崩潰咁喊，我仲有一個小朋友，好擔心佢都有。

我當時心情同你都一樣,我仔仔3歲時評為自傾,而家5歲了,看見佢一日一日咁進步,而家出到去,跟本冇人會睇得出佢原本既問題,唔知既人仲會覺得佢好outgoing好醒tim,所以,只要用心教,唔好理佢自閉定唔自閉,都一樣可以教到一個出色既孩子~~

mcdull888

我係有左細仔先知大仔係自閉傾向, 當時真係好擔心, 所以細仔進展得比較慢, 我都好緊張, 不過有大仔既經驗, 有懷疑就即刻去健康院, CAC, 私人TRAINING, 我細仔兩歲幾果陣都發覺有言語遲緩, 我就既刻找TRAINING, 去CAC見醫生, 不過而家已經追番晒, 社交, 言語, 都沒有問題..
擔心係必然既, 不過係呢段時間, KEEP 住睇小朋友既進展, 多D帶佢地出去玩, 見多D人, 會有好處架!

xixi1218

原帖由 fatpam 於 10-12-12 22:17 發表
見左CAC醫生，評左小朋友係自閉，好傷心
明白傷心無用，但當時真的崩潰咁喊，我仲有一個小朋友，好擔心佢都有。

傷心肯定會的，我也試過天天以淚洗面，很佩服有些家長很快就能振作，我的心情一直還有反復呢。不過我發現其實知道了也不是件壞事，如果蒙在鼓里，不去面對，反而錯過了孩子的訓練時間，我自己已經錯過了很多了。
我覺得時間會沖淡傷心的，不過想沖淡得越快你就要越用心去找方法和訓練孩子，當孩子有進步，即使只是小小的進步。你都會很開心，開心多了，傷心就能被遮蓋得越多。
其實我還挺羡慕你們已經有兩個孩子了，因為我喜歡小孩子，卻因為害怕，不敢生了。像你們，已經有兩個，然後又有經驗，相信一切都不會是最壞的。希望你能儘快收拾心情。加油啦。

starfish

每次見CAC醫生也很緊張,但現在學識佢地只係一份政府工,靠佢就排咗一年半年,每次只係routine問家長幾句,就叫你下年再check.
上年CAC評估時,由一位very young的女醫生同BB做,佢都好有心機,點知到sum up時,個young靚女醫生都未講完,就有位高級中年女醫生沖入房,坐底叫咗BB兩聲,BB無望佢,佢就conclude
"你個仔叫都唔望我,佢有自閉傾向"重叫我千祈唔好哂錢做私人training,因為佢地無得醫.  你話個仔唔係佢,信佢就白白浪費咗小孩子的一生!
無得醫要俾咁多錢養CAC班醫生坐係SandyBay做勿?唔識醫就成team醫生做下research!
好彩我當佢"癈", 做了很多trainig, OT, PST, ST, PT now come ABA, BB真是一天一天進步!

pattsui11@yahoo

果位高級中年女醫生真是無得醫！

原帖由 starfish 於 10-12-22 10:12 發表
每次見CAC醫生也很緊張,但現在學識佢地只係一份政府工,靠佢就排咗一年半年,每次只係routine問家長幾句,就叫你下年再check.
上年CAC評估時,由一位very young的女醫生同BB做,佢都好有心機,點知到sum up時,個young靚女 ...

wcbaby

其實好多唔係A都唔第一時間望人架啦,個E生真係無E德。

kelvin_hmlau

雲，終究是雲。不過，它委屈時，也會落淚，那便是雨...

crystal媽咪

原帖由 starfish 於 10-12-22 10:12 發表
每次見CAC醫生也很緊張,但現在學識佢地只係一份政府工,靠佢就排咗一年半年,每次只係routine問家長幾句,就叫你下年再check.
上年CAC評估時,由一位very young的女醫生同BB做,佢都好有心機,點知到sum up時,個young靚女 ...

好在你無聽那個後生醫生講的, 無論自閉症/傾向/亞氏保家, 通常經過,如: st / ot / pt/幼兒導師綜合訓練/做感統之後, 都會有唔同程度的進步的.
有時醫生見得多, 只係佢知道咩叫自閉症, 但唔代表對呢個症的訓練方法及改善有認識的.
繼續加油做訓練 !!!!