成績跌咗落band 2頭

漢堡飽

我對黃大仙及九龍城比較清楚，觀塘不大清楚。

bik1229

漢堡飽,

Thank you for your prompt reply.

I'm wonder if any chance to get in Heep Yan given that the banding around Band 1A in Wong Tai Sin.

Any recommendation?

漢堡飽

當然有機，但協恩不單要成績好，還有協恩會接見家長，要入到去實不容易，我贊成去馬。

hurtma

佛教孔仙洲紀念中學如何?ths

hurtma

其實讀中文中學,將來的英文能力會否較弱呢？其實中中係咪都未必差呢？

khmama

英中可以令小朋友多o的機會接觸英文, 英文聆聽同書寫能力會高o的. 如果讀中中, 小朋友會較易明白老師既講課, 亦無須適應新環境之餘仲要適應教學語言. 選擇在乎小朋友既能力. 其實你可以選何蔭棠呢間升呢中中, 另一間可以試下九龍城陳瑞琪喇沙呢間降呢英中.

bik1229

多謝你的回覆, 正考慮中。不過今次名次未出, 看下出來點先作決定。

呈分試, 有人升大人跌, 好看運氣。

hurtma

漢堡飽&khmama多謝你們的回覆!唔好意思我有很多問題^^
宜家考慮緊自行點報好，以下幾間點部署好呢?
1.何蔭棠99%唔得,
2.文理書院勝在有開英文班,但校舍就嘛嘛!硬係爭d.
3.孔仙洲中文中學，又怕英文第時更加追唔上人地！但交通方便
4.聖文德書院有開英文班,但硬係覺得校風麻麻！阿仔較純,怕佢比人洽.
5.培敦~d人話孔仙洲同文理好過佢！但呢間勝在交通方便和有開英文班.
我現在超級煩惱，我應唔應該報自行好呢?我最想入何蔭棠,但99%唔得.(其實大抽獎係咪機會都極微呢?)其餘已經唔知點揀好，但一間都唔報又好似浪費了機會,你地可以再比意見我嗎？十萬個感謝

hurtma

另外如果自行報band 2學校...收左！甘何蔭棠未冇左機會入囉,黃大仙個綱真係好難揀！學校唔多競爭大！除非band 1頭學生la!呢排日唸夜唸都係煩緊揀學校！訓得唔好！心情唔好!成績考得唔好真係好煩！仲有排擔心，出年先放榜，唉！

hurtma

有冇人比意見我呀唔該,時間無多要決定啦,

漢堡飽

我會選文理第一，孔先洲第二，文理一向都不太差，孔先洲在進步中。

hurtma

漢堡飽~thanks a lot 你意思自行和大抽都揀文理第一，孔先洲第二？唔好揀何蔭棠?孔先洲在進步中...其實會否有機會升呢轉英中呢?漢堡飽~thanks a lot

delimama

原帖由 hurtma 於 10-12-15 14:27 發表
有冇人比意見我呀唔該,時間無多要決定啦,

hurtma,

為孩子選校太重要了，我將會長篇大論，希望同你分析一下。

如你兒子一向都是band1成績，只是一時失手跌落band2，那你還有第三次呈分試，若下次呈分試不失手便可以band1成績參加攪珠。如你自行階段，報讀band2學校而成功，那便不會攪珠了。

黃大仙區小學成績參差，區內有三兩間小學band1學生比例很高 (over 50%)，有些小學則只有少於20%學生成績達區內band1，因此你必須向學校確認你兒子的banding。學校一般會給你兩次校內排名和所屬banding：兩次呈分試平均成績 (讓你部署自行選校)、三次呈分試平均成績 (讓你挑選30間統一派位選擇)。

自行階段，你報讀的學校會以所有報名學生的首兩次呈分試成績，來排名選出面試學生。在黃大仙區，文理是所有報名者都獲面試，其他如保一、協和、何蔭棠等就會挑選適合學生面試。

因為黃大仙區band1學位緊咄，在時勢造英雄之下，很多較優秀的中中獲band1生垂青；例如何蔭棠，最少三年前已全收band1，朋友孩子當年以band1成績也不獲面試，最後抽入了保一。而文理近兩年也收很多band1生，若以band2成績自行機會不是無可能，但必須品行良好，順帶一提，文理是不收portfolio的，只須交成績表/學校證明書。

hurtma, 你兒子是不是保良局屬校? 他們在保一有聯繫位，亦跟何蔭棠同局有交情，故很多屬校band1學生以這兩中學為首選。

其實，若你兒一向都是band1生，你可考慮自行報心儀的band1學校 (但或許不獲錄取/面試)；攪珠時第一志願心儀band1學校 (eg. 何蔭棠)、第二志願便不能太進取，要選band2如孔仙洲等。如果孩子常浮游於band1尾band2頭，而今次又失手，那便要小心考慮，因黃大仙區band1學位緊，好校風band2都大把人爭，而他叩門能力不很強，所以不要貿然放棄自行機會；文理和khmama提議的九龍城陳瑞琪喇沙是不錯的選擇，個人覺得陳瑞琪比文理成數還高，因九龍城區band1學位充裕，部份英中出現收band2生情況。

最後，孔仙洲較聖文德、培敦好 (both學業成績及校風)，for黃大仙band2頭男生除文理外，便數孔仙洲了。

hurtma，因孩子長大了，十五三十分鐘車程並不是選校主要因素，反而要小心考慮成績程度和學校的focus是否適合孩子，校風亦是重要考慮因素。要緊記，必須清楚確定孩子banding，學校是有責任提供guidance的，有問題便要向學校查詢。祝心想事成。


delimama

hurtma

真的感謝你給我咁祥細的分析！
兒子不是保良局屬校!他應該屬於浮游於band1尾band2頭,而今次又失手.(兒子成績:下五.中A英B數A,上六中A英B數B,就讀普通小學)其實我覺得阿仔讀書maybe成績係可以好d,係未成熟,所以先想博何蔭棠囉,但是否不太適合他呢?其實我同佢原先最希望入何蔭棠，但照情況我是否應該放棄呢間呢？他又不想讀男校！甘我自行是否報文理一間算定一間都唔報呢？其實點解孔仙洲是中文學校但好多人都會覺得呢間好過培敦或其它學校呢？我只怕入讀中文中學只會令他英文更追唔上!定係我咁唸係唔正確呢!

hurtma

其實以阿仔成績係咪算唔好，讀band 2適合佢多d呢！
((文理是不收portfolio的，只須交成績表/學校證明書。))
咩係學校證明書?即係所有證書都唔需要交？

delimama

hurtma


當然在英中接觸英文遠較中中為多，因除中文、中史、普通話外，所有科目都以英文教授。正因如此，英文較遜的學生很容易會跟不上沉下來。所以你會見到勁校如保一、協和都有很多混混愕愕地過了五年而一無是處。

選校要以孩子能力和興趣來跟學校配對，再要考慮自己的底線。若你真的不試何蔭棠不甘心, 那自行放第一吧
(但機會很微)，文理放第二。但這樣，攪珠時要好保守，要以孔仙洲等為選擇目標。

真實個案，兩年前，一區內大校band2生 (品行運動都很好)，自行只見文理一間，攪珠也是文理放第一，最後派到第五開外的伍華。

學校證明書是由學校發出的文件，當中列名學生的品行獎懲、老師總評、課外活動及獎項，可視為成績表附頁，但可能不是每間學校都會為學生準備。文理遞表時是不用交證書，但面試要帶。但你最好同學校double check ，畢竟這是往年的資料。

hurtma

咁其實文理都唔容易入到架喎！唉！阿仔由小一至小五上學期的中、英、數都係A，但偏偏係呈分果兩次就開始跌,唉！真係整定！無奈

漢堡飽

我都感受到你的無奈感，但始終成績是反映他自己的能力及表現，要面對現實，現實就是... 我們就要以他現有的成績去為他爭取最好又適合而他又讀得開心的中學。
開心即是合乎他程度，校風好，同學背景相約的中學。
我覺得到校風最重要，校園讀書氣氛好，同學之間會互相影響，自然會去讀書。去爭取成績，他自會去努力。

hurtma

我真係好多謝你地每一位，係我好迷惘無助時，比好多有用的意見我.願意花時間打字祥細分析我知.回想起月頭派成績表知道成績唔理想時，我果幾日真係好down,down到唔識形容,咩動力都無哂！好彩多得你地幫忙，我先咁快無事，接受現實，重新部署,(我是單親的，好多事都要自己和阿仔去面對！所以......)在此再次感謝你地每一位