直資李國寶中學 涉公然羞辱「你老竇冇嘢撈」

191169

【本報訊】一名就讀直資學校李國寶中學的中四貧窮學生，控訴獲批學費全免後屢遭教師歧視，上課時被侮辱「你老竇冇嘢撈呀？」更曾被罵是反對校方狂加學費的家長教師會主席劉李偲嫣的「走狗」；劉太亦斥責校方打壓異己，她投訴學校有大量儲備仍加學費後，其子即被針對及孤立，務求令他退學，從而逼她離開家教會，無法監察學校。
記者：張文傑、倪清江
四年前入讀香港管理專業協會李國寶中學的劉渙亨，昨偕父親劉兆安及同校另一家長劉李偲嫣召開記者會，劉兆安表示，本來任職教材推銷員，月入數萬，但兩年前減少至約 6,000元，替兒子向校方申請學費全免獲批，自此其子常被公然羞辱：「你老竇冇嘢撈呀？」當劉渙亨寫作貧窮題材的文章時，又被教師奚落「你用第一身去寫，寫吓自己有幾窮」。

feclagnes

呢件事我都有問過阿女(因為我個女响李國寶中學讀)，佢同我講佢唔識呢兩位師兄，只知道報導有D失實。例如罰嗰位同學長時間响訓導處門外對正冷風口位，訓導處門外根本就無冷氣機，係都裝响訓導處裏面啦，點會裝响門口呀???另一位劉同學被訓導主任困在訓導處內九小時，原因係「被屈收陀地，唔畀佢上堂」。嗰學生由返學到放學都無上過堂，要其他學生通知佢媽咪，報警備案，學校先肯放人?如果我係當事人個媽咪一定唔會再比個小朋友返學囉，更何況學校無權唔放人，點解要報警備案呢?我覺得家教會主席劉太講得好啱，唔可以投鼠忌器，佢個仔被人屈，又被老師「禁錮」响休息室九個鐘，理應一早攪大佢啦，都報左警，點解唔趁機通知埋傳媒佢個仔係冤枉，要依家先講出嚟呢?仲比個仔繼續返學??
實情兩個小朋友都一定唔係好乖，劉渙亨父親劉兆安都承認，佢個仔學業成績唔係太好，今年需重讀中四，亦曾被教師搜到香煙，有段時間與一些背景較複雜的同學來往。作為父親仲認為部份教師小題大做，針對佢個仔，試問有邊間中學係容許學生帶煙或幫人袋煙返學呢??如果佢個仔被人屈同埋比人歧視佢係窮學生，點解仲比個仔响度讀，繼續比老師「折磨」呢?一早通知傳媒呢個學校咁無良啦。
另一位劉同學(劉李偲嫣-家教會主席個仔)，個仔被屈收陀地，唔畀佢上堂，「禁錮」在休息室九小時，點解個個唔屈係屈佢個仔呢?就算劉太要求校方提高財政透明度，都唔能夠砌佢個仔收陀地，呢D係黑社會行為。
雖則我唔係當事人亦唔知道佢地點解會比個仔「折磨」咁耐先爆大鑊。但我個女讀咁耐，D老師比到我D感覺都好好，好有愛心，有D學生成績稍遜，學校都會要求佢地參加課後增潤班，學校亦無種族歧視，所以我覺得唔可以一竹蒿打一船人，更何況間間學校都會有D不良份子，我覺得唔應該因為一D壞份子就話呢間學校唔好。據我所知，現任外籍校長好比心機攪好學校。希望呢件事快D完結。

silvia_ng

原帖由 feclagnes 於 10-12-3 00:52 發表
呢件事我都有問過阿女(因為我個女响李國寶中學讀)，佢同我講佢唔識呢兩位師兄，只知道報導有D失實。例如罰嗰位同學長時間响訓導處門外對正冷風口位，訓導處門外根本就無冷氣機，係都裝响訓導處裏面啦，點會裝响門口呀???另一位 ...

咁個錄音你點睇?

SEI

Black or white, it is hard to judge by outside people.

Lyn

有報道, 老師的用語好得人驚. 如屬實, 就根本不配為人師表.

我以為睇緊電影, 仲要係有背景人仕的說話 .

silvia_ng

咁大家有冇聽埋段錄音? 唔知校方會唔會回應呢?

講真, 家長同學生講既野真係未必可以盡信(但我都信大部份架!)。但錄音就係一個物証(拿, 呢度唔係法庭, 唔好話法庭都唔會受理錄音呀), 學校究竟有冇一個咁樣用詞既老師?

一班乳臭未乾的學生, 聽到身為人師既用詞係咁, 就以為自己都可以咁樣講返出黎, 聽到果陣真係好震驚! 呢個老師先至係真正的一條粉腸...

brian61950

粉腸也不能形容如此賤人,希望他千萬不要生仔女.

原帖由 silvia_ng 於 10-12-3 10:33 發表
咁大家有冇聽埋段錄音? 唔知校方會唔會回應呢?

講真, 家長同學生講既野真係未必可以盡信(但我都信大部份架!)。但錄音就係一個物証(拿, 呢度唔係法庭, 唔好話法庭都唔會受理錄音呀), 學校究竟有冇一個咁樣用詞既老師 ...

tofumelon

咁係唔係食煙, 成績唔好, 同有背景較複雜的同學來往就代表可以比人任意羞辱, 就算係....但係羞辱o既主題又唔係針對呢d問題, 咁已經睇到學校同老師o既問題所在! 就算今次呢件事個學生係有講大話屈學校, 但個人認為學校都有好大o既問題,  所謂有教無類, 應該將好o既學生令佢地發展得更好, 將d唔好o既學生扶返正, 協助同鼓勵佢地自己搵條正確o既路行, 就算做唔到都無理加多腳去踩低佢地, 打擊佢地o架! 更何況窮真係唔係有罪啩?

CrabPincers

原帖由 feclagnes 於 10-12-3 00:52 發表
呢件事我都有問過阿女(因為我個女响李國寶中學讀)，佢同我講佢唔識呢兩位師兄，只知道報導有D失實。例如罰嗰位同學長時間响訓導處門外對正冷風口位，訓導處門外根本就無冷氣機，係都裝响訓導處裏面啦，點會裝响門口呀???另一位 ...

我吾敢講件事邊個岩邊個錯
但有晒錄音, 錄晒老師所講既野, 就一齊盡在不言中啦
吾可以話學生曳, 成績吾好, 就可以講呢d 說話去話個學生架bor
我信, 有d 老師係, 對乖/成績好的學生一副臉, 對d 成績差/曳既學生又另一副臉, 做不到一視同仁

machoma928

離譜離譜離譜!!!
  

feclagnes

原帖由 silvia_ng 於 10-12-3 10:33 發表
咁大家有冇聽埋段錄音? 唔知校方會唔會回應呢?

講真, 家長同學生講既野真係未必可以盡信(但我都信大部份架!)。但錄音就係一個物証(拿, 呢度唔係法庭, 唔好話法庭都唔會受理錄音呀), 學校究竟有冇一個咁樣用詞既老師 ...

我有聽過段錄音，但我無上過呢位阿sir堂，所以我唔知段錄音係咪真係嗰位阿sir講。如果真係個位阿 Sir講,咁真係.....(粗皮兼教壞學生)亦都影響學校聲譽,如果我係佢,d錄音又係真,我會引咎辭職,無謂影響學校,之前某位破產補習天王上堂比人錄音,原先講"藐"被人改為"小",所以當事人至知誰對誰錯

Sherryko9

不是局內人,好難知事實,傳媒有好影响,亦有誇大其詞,推波助瀾;成績唔好唔代表人品唔好,但人品唔好就一定係唔好人了!學校唔係兒童院,好難"有教無類",如果遇著品性好但成績唔好,還可以教,但遇著品性唔好,家庭複雜,唔到學校教了!如果我小朋友在這裡讀書,我希望學校簡單,壞份子唔存在.唔係幫邊方,如果是事實,果位老師固然有問題,但果位"學生"都唔係"好料",果位家長亦有問題,竟然答"那些問題"行為是學校少題大造?

brian61950

十零歲一個小朋友又點夠一個幾十歲有權罰你,鬧你,折磨你既至高無上老師鬥呀。
小朋友食煙都唔會係學校食呀，成績唔好關人乜事,同乜野朋友玩又關人乜事,原來無錢而申請資助要受個d屈辱既,轉校係好明智·可惜轉得太遲·
亦不要姑息那折磨人的牠·

原帖由 Sherryko9 於 10-12-3 17:08 發表
不是局內人,好難知事實,傳媒有好影响,亦有誇大其詞,推波助瀾;成績唔好唔代表人品唔好,但人品唔好就一定係唔好人了!學校唔係兒童院,好難"有教無類",如果遇著品性好但成績唔好,還可以教,但遇著品性唔好,家庭複雜,唔到 ...

Queenie2007

原帖由 feclagnes 於 10-12-3 15:23 發表

我有聽過段錄音，但我無上過呢位阿sir堂，所以我唔知段錄音係咪真係嗰位阿sir講。如果真係個位阿 Sir講,咁真係.....(粗皮兼教壞學生)亦都影響學校聲譽,如果我係佢,d錄音又係真,我會引咎辭職,無謂影響學校,之前某位破產 ...

當事人開記者會並提供錄音帶.如果段錄音係假的話.大家可以想像後果會是如何?
件事最大的問題是老師說"你老竇冇嘢撈呀？」當劉渙亨寫作貧窮題材的文章時，又被教師奚落「你用第一身去寫，寫吓自己有幾窮」。"

tofumelon

有教無類是好難做到, 但作為老師, 是否應該嘗試去做, 做唔到都叫克盡己任! 難道品性唔好, 家庭複雜的學生就應該自生自滅嗎? 而且, {果位"學生"都唔係"好料"} 這個評論是否言之尚早一點呢? 我都有個同事在 F.1-F.4 日日逃學, 打架, 甚至劈友都試過, 到咗 F.5 佢遇到一位非常好的老師, 沒有嫌棄他之餘, 還用了無限o既愛心和耐性去鼓勵他, 最後, 這位垃圾學生成為了一位會計師, 而且擁有自己的會計師樓! 那位學生只得十幾歲, 仲有好大O既變數!

KwanLui

教育吾係"有教冇類"既咩, 好既學生教得更好, 吾好既學生帶佢返正途...吾係叫佢去死...‥知易行難,但冇得放棄.

個學生有既問題全香港甚至一D名校我相信都存在..禁咪去教LAW..... 但係个教師的問題我覺得吾可以容忍,社會係有道德規犯...作為一个教師係要身教....你本身冇問題点比人錄音啫...學校重要包疵佢, 係咪變相鼓勵佢繼續用呢種言行黎禍害我地下一代LAW