星級爸﹕坐牢與上學

samuel89

可能大家的觀點不同吧.....
我覺得不是"20年前的台灣人,風氣保守,仲有"戒嚴",我認為吳母的膽識很夠..." 的問題...只是我們大多數人都太在意別人既眼光而已, 即使是吳母自己其實一直都活在別人的眼光下(不然她不用花了大筆錢，重新裝潢地下室，讓他把作品和工具都移到地下室。他就不必受人嘲弄，他在那裡很開心。)....我相信她甘做,其實自小已經不自覺給了Jason一個無形的無比壓力, 當然結果Jason可以成功在壓力下有驕人成就, 才可以有這完滿的故事.....
我無意在此醜化吳母的做法, 只是覺得吳母的做法不是適合普遍的孩子, 正如你的結論

答案是：適合這個孩子的方式、環境，就是好的。因為你把一個很有想法的孩子放在很呆板的教育，他不一定能快樂、加分。如果你把一個比較傳統的孩子放到任何學習都要開放、自己去思考的環境，他不見得會做得很好。

annie40

20年前的台灣人,風氣保守,仲有"戒嚴",我認為吳母的膽識很夠...

自稱只是個平凡家庭主婦的陳美雲
- 应为这个绝不平凡的妈妈鼓掌,
是个充满温柔,爱心的妈妈典范.
自问就未必有guts..... 坚持.........支持 ......忍耐....徬惶......受尽白眼....担忧地......等待下去......  明天会更好吗????

这个妈妈是用 ' 心' 看孩子,  看到存在, 世人却看不见的物事.

Parenthood is a religion.  We believe in things, even not seeing it.

uncleedward

原帖由 csy_ma 於 11-1-19 00:06 發表

......無奈有需要暫離BK，先向您、Awah、Sumyeema1、Uncle等道個別

Dear All

呢期玩自大、炫耀。告別之作，繼續此調。以下所說，除誇大之言，皆為真心話。

從小到大，不知為甚麽，自己甚受女生歡迎。(小男人唔炫耀呢樣，點似小男人？) 當然會有網友說，你有啲受歡迎，皆因你夠畸形(身邊細路教的，出處未明)。但我的情况有點特別，準確一點說，我是特別受人家的媽媽鍾愛。從小到大，每次到女孩子家後，再見面時女孩子總是說：我阿媽話佢好鍾意你。

妻子說我人長得有點醜，但卻給人家媽媽有可以將女兒一生託付的感覺。

老師之中，特別喜歡我的，都是人家的媽媽。我老掛在口邊的常拖着我手的中五的陳老師，更是人家的婆婆。

我的秘書們都待我很好，年青時秘書也年青，第一個秘書移民加國後成了會計師，第二個也跑到理工唸了個學位，但遺憾的是，二人尚未結婚，也不知鼓勵二人讀書是否有錯。但照顧得我最無微不至的是我最後一個秘書，是一子一女之母，我總感覺她也把我當成她的兒子照顧。

幾年前進醫院ICU，裏面的護士都是天使，其中一位護士媽媽，至今尚久不久打電話來討論子女教育的事情。妻子笑說：「估唔到你剩番1/10條人命都有啲吸引力呀吓，但我保證唔關你身體事。」(因入ICU係人都要剝光豬，方便啲喉周身插。)後轉到普通病房，在那長長的完全不能吃喝的大半個月當中，護士長媽媽也經常坐我床邊與我閒談解悶。她說對我的好感源於我被送往做磁力共振時怎樣也不肯除下結婚介指。我不好意思告訴她其實是手指受損事小，若不見了介指我怕就可能即時有生命危險的真正原因；當然亦存歹心，萬一出不了院，將來在追思會上，除了自負獨斷，任性妄為外，人家勉強重會有啲好嘢講。幾個月前，護士長媽媽還 emailed 了一份神奇減肥餐單給我，每七天就可以有一天任食，吃甚麽都可以。可惜自己記性不好，老忘記食到第幾天，又貪方便的由任食那一天重頭再來。

其實，以上所說，例子都是真的，但命題却不真。一生之中，身邊的天使實在太多，不分男女，不分中外。在仕途上一直扶持我，揠苗助長的都是幾個外國人爸爸。


其實，男女之別，在於女性往往較善於表達自己的感情。當日自己差不多每星期都要坐飛機出差，為了一天的例會每個月都要飛歐洲一次。每次飛機在香港機場準備起飛時，我就已經開始掛念妻子女兒。只要是在亞洲，我周末一定要回家(所以不要以為我聖誕不讓女兒回來是一個容易的決定) 。但我總羞於表達這感覺。相反，我身邊的女性就強多了，秘書很多時會大方地說：「老板，呢兩日你唔喺度，有啲掛住你。」語氣之坦然，連善妒的妻子也能接受。妻子更不用說，我乘飛機回來都會有司機來接，但只要時間許可，大都能見到太太身影。有了女兒後更會抱/拖着女兒前來。有時甚至還叫女兒跌跌撞撞的走來獻花，扮久別重逢。

這一段日子放肆了。一言一行，無不帶點委瑣齷齪，五十步笑百步的味道。「非誠勿語2」老說的一句話：人生是一場修行。猛然看一看鏡中自己，怎麽越修越醜了？

佛祖有命，馬騮仔休息時間已過，係時侯向前走回五十步，再翻兩個跟斗回五指山下面石修行。對於一眾爸爸媽媽這段時間的包容，甚至厚愛，在此一併謝過。

csy_媽，與您共進退，夠仗義啦啩。

[ 本帖最後由 uncleedward 於 11-1-20 09:13 編輯 ]

annie40

的確是大家的觀點不同,我的確很在意別人既眼光,唔好話20年前的台灣, 就算今時今日, 如果我個仔玩洋娃娃，我都唔能夠接受...

對不起,不是要傷害任何人,只是我思想太保守...

awah:

可能当妈妈与当爸爸的感觉不尽相同, 我真心不抗拒儿子玩洋娃娃. (sorry, I don't have a son to make sure my feeling). 只是想到无论女儿是四个眼精八条腿? 是性取向? 是缺陷儿? 我都感激她, 爱她, 让我尝历当妈妈的滋味.

如果是基因遗传影响, 应怪他或是爱他呢? 太复杂了, 谁敢保证!

认识几个有同性取向的男朋友, 真是大好人! 是我天真吗?

当然我丈夫想法跟你一般, 也是难以接受男孩玩洋娃娃. 很难理性解释. 就是间单不接受.

kaykaychow

uncle 的分享確實好精彩，要離開很可惜。 如果我的說話傷害了任何人，我向你們道歉。 我只不過是“論盡家傭”的C9，一次路過，發現這個森林很有趣，只是不想一草一木被傷害。

我回去“論盡家傭”， 再見！

cow

我小時候也有玩洋娃娃, 那些你把她放下, 會閉上眼睛旳.

同性取向..... 還是接受不了.

[ 本帖最後由 cow 於 11-1-21 09:00 編輯 ]

cow

uncle 是不會那麼容易受傷的!

hog.wash

Dear All

uncleedward 講道別又點少得我。等我臨走爆啲料俾你哋知。呢條友仔認屎認屁，又話識呢個；又話識嗰個，查實如果唔係因為我，佢點會識咁多人。

話說佢中年失業，見佢咁慘(你咪信佢話自己可以担担抬抬，實情係担唔担得，抬唔抬得，正一病壞)又見佢早年屈蛇過倫敦匿埋係唐人街旺記幾年，識幾個唔鹹唔淡嘅ABC，就介紹佢上山做看更替工囉。哈，咁就俾佢識咗好多人。唔知係唔係啲有錢佬靈舍寂寞鍾意揾人傾計，抑或孤寒啲心理醫生錢，佢一陣話誠哥約咗佢飲茶，傾吓點教仔。實情佢都冇仔，點教人？一陣又話「你家吓杰」嘅伯爺約佢食晚飯，傾吓美國最新遺傳科技。實情佢樣樣都咁粗疏，冇樣係强項，聽佢點就唔慌唔杰。

好似頭先落更，想揾佢去飲茶，佢又話唔得，話應承咗15樓嗰個個女係劍橋教書嘅吳生跑步(咦，嘜而家劍橋安老院咁先進，搞埋一人一大學添咩？)我哋班friends最初都唔信佢，諗住呢條友得個吹字，直至有一次港督府搞個唔知係團拜定乜鬼，唔夠人手叫埋我呢班二打六去幫手先得知真相。嗰個 uncleedward 自己嚟開工就好啦，重帶埋兩個女嚟添煩添亂。兩隻嘢自細都冇爺教啦，好似馬騮咁通處走。點知當我經過一個黑人同一個心口插支美國旗仔嘅鬼佬就俾我聽見個黑人咁問(講番轉頭都多得佢喺咁迫我學英文，而家有時俾啲鬼佬捉去唱karaoke都頂得兩咀My Way ！可憐佢頭兩個秘書就俾佢迫迫下連婚都未結。咦，唔啱數。餐館佬何來秘書？佢講啲嘢你哋咪認真，當笑話聽就算。)講番個黑人問：朋友，嗰個跛跛吓隻脚仲要半蹲咁同uncleedward 個大女玩緊嘅老人家係邊個？喺旁邊帶往 bowtie 吹緊口哨緊 uncleedward 個細女嗰個又係邊個？

喺喇，唔可以同你哋講咁多啦。受阿嫂所托，要幫手住 uncleedward。阿嫂話佢呢排神神化化，成日口中唸唸有詞。乜嘢 Evie、茱迪、安妮、心兒，全部都係女人名；又平日都唔多講粗口，但口中唸唸有詞時又常常媽媽聲，有啲古怪。佢話最近有個唔知乜名嘅人講過男人最衰三樣嘢。佢老公已經衰咗兩瓣：少年得志，中年頹廢。唔想佢衰埋最後一瓣：臨老入花叢。叫我咪俾佢搞三搞四，幫佢緊啲。見阿嫂字都唔讖多個，最多識啲冧巴。見佢咁慘，只好幫幫佢，所以要同你地講byebye啦。

[ 本帖最後由 hog.wash 於 11-1-20 16:07 編輯 ]

annie40

Uncle,

Your EQ is suberb that's apprehensible to have many secret admirers and some not secret admirers (i'm not secret one).  Your inputs always grab my attention.   (excluding those about diet.)

Take care and good luck.

uncleedward

原帖由 hog.wash 於 11-1-20 16:04 發表
Dear All

uncleedward 講道別又點少得我。等我臨走爆啲料俾你哋知。呢條友仔認屎認屁，又話識呢個；又話識嗰個，查實如果唔係因為我，佢點會識咁多人。

話說佢中年失業，見佢咁慘(你咪信佢話自己可以担担抬抬，實情係担唔担得， ...

Dear All

(純粹博大家一粲)

本來話走就應該走，但唔抵得嗰個衰人 hog.wash (個人衰，改個名都衰過人，邊有人叫自己做豬食，分明係唔多識英文俾人點，以為改個英文名會潮啲)玩踢爆，忍唔住最後講多兩句。

妻子本乃鹹水大學生，絕非此卑鄙小人(成日以為介紹份看更替工俾我就乜嘢大恩大德咁，人哋只不過好似囝囝爸話齋，體驗生活咋嘛。) 所話嘅字都唔識多個，淨係識冧巴。其實，妻子只不過是中咗降頭中，古往今來，殺人無數，至陰至毒的「冧巴降」(出自黃子華) 。(咦，嗰個叫阿Joe嘅一向剩係吟詩，但最近無端端吟完詩後「up」咗串數字。查勻成本 Da Vincci Code 都木宰羊，唔通佢都係妻子病友？妻子每日中午起床後都有幾個鐘頭降毒發作，猛咁同我up啲我聽唔明嘅數字。好似前兩日中午貪得意，放一大塊頭菜墊底，加銀魚仔乾(浸透) 同大量薑絲嚟蒸大魚腩，問妻子好唔好。點知撞啱佢降毒發作，話「5354」，「95搭8」，搞到我個心「15、16」，「7上8落」，好彩見到妻子「3下5去2」，就張碟魚食個「7086」，仲話舊16蚊嘅魚食落有層次。嗱，佢冇事嘅時侯都幾有文化，唔係好似嗰個Judy或者嗰個林夕話「雞有雞味，魚有魚味」已經係最高境界(Judy，咪駁嘴，明屈你嘅)。

好彩自己生性愚鈍，又記性極差，對冧巴降有天然免疫能力。前幾年妻子駛咗幾十萬(我都好奇怪佢啲錢點嚟，唔通佢半夜落麥記做清潔？) 醫我，送我去埋啲乜嘢記憶訓練班，話係佢啲師弟妹啲徒孫開嘅。點知駛咗幾十萬，都剩係記得8號仔一個冧巴。妻子見我蠢過郭靖，佢縱有黃蓉之資，亦不會教出個所以然來，也就作罷。

最衰就係 hog.wash 一句「睇嚟中國仲有幾年好」引發妻子降毒發作。前兩日仲俾我見到佢哋細細聲講，只聽見妻子最後兩句「……9394，你幫我住佢。」我查勻都查唔到9394係邊隻股。咦，唔通 hog.wash個衰人想呃埋妻子啲棺材本。唔得，我都係要吸緊啲，費時人財兩失。聽講雲貴地方有一名山的捨身崖(廣告時間：所有名山都有捨身崖，因為佢哋冇東堤小築。) 下有一隱世名醫，專醫冧巴降，一於執埋行李，同妻子盡快起程。

咦，Annie 成日上山落山，唔知好唔好問吓佢有冇多兩枝行山拐扙可以借呢？試吓佢係唔係真係咁好人都好，話唔定佢都都係好似 judy 咁孤寒？重有而家天寒地凍，Wunma 郁下就周身慶，唔知係識得獨門氣功抑或有啲勁爆暖包呢？真係要請教吓。去巫蠱之地，好唔好叫 ChiChiPaPa 教番兩句咒語呢？唔知點解，我總覺得 Chi—Chi—Pa—Pa-- 好似咒語，我唸一唸就成個人就正經哂。最後唔駛講，我唔喺度，eviepa 你點都要過嚟幫我頂頂。

好了，真的要走了，要真的走了。有緣再聚。

Sumyeema1

Uncle,

又話和 csy_ma 共同進退？ 佢都返來開壇講[國共歷史]，睇怕 eviepa 都應該岩嘴形。

我一於坐定定， 齋睇。

annie40

Uncle,

这边有您, 咁好玩! 不如唔好走啦! 最多送些健康菜单和运动分享. 我成日上山落山, 但托赖, 未须用拐杖,( 千万别误会我孤汉唔借行山拐扙. ).

港大后边, 从克顿道行上山顶好容易, 须时约20- 40 分钟. 沿途风景甚佳, 除却阿婆阿公, 常有美女壮男. 您跟妻把臂同游, 从温当年拍拖日子. 行上山顶饮茶, quite romantic! 卢吉道一带, 是富豪行山径, 甚合uncle 的身份. (上次跑步时不經意的问路, 碰上李柱铭等大状, 让他们浪费几分钟, 我是白赚了.)

另保證安全, 曾经夜半三点跑山, 到顶处, 黑漆漆的,  以为会撞鬼, 内心驚駭, 忽然有阿婆阿公大声讲早晨, 大大声互唱山歌交流. 场面非常滑稽. 公公婆婆真可爱. 我想他门是二十岁灵魂困在八十岁身子上. 如大家能用活得像二十岁, 儍得像二十岁, 甚么也make sense 吧!

annie

P.S.  
如愿意行山, 送你'Tiger' 或是 xodus 登山跑鞋又如何? 但最少每星期跑五天.   ok 否?  走吓, 走吓, 保证健步如飞, 点重要难鬼拐杖吖.

annie40

Awah,

丈夫也佷有画画天分, 奈何中国人吾知道画画也可揾食, 总之对不懂之事, 最好避之则吉.

从来佷羡慕有幽默感的朋友, (因为我无), 反应快, 聪明的人才会幽默, 是朋友的开心果. 你讲笑我唔知, 是我的问题, 不关你事, 抱歉!

记得你太太是外国人, 印象中嫁亚洲人的西方女士, 都十分开明, 中国女孩遗失的温柔贤淑, 反而见证于她们身上. 我常默默地欣賞.

有次路上碰见一双欧亚混血儿孩子, 约十一, 十二岁吧,  温柔地拖扶着年邁中国老祖父母的手, 后面跟着是西方妈妈和中国爸爸, 是考道矣, 难忘! 家教真好!

annie

原帖由 awah112 於 11-1-20 17:14 發表
Annie
  
或者20年後,我們可以隨便改變性別(其實而家都可以),所有人生仔都揾代母(其實而家都可以), 但在今時今日, 要做,壓力會很大, 仲有可能犯官非。

20年前,我家人和學校所有老師,都認為畫畫,係揾吾到食既...

所 ...

KWT

原帖由 uncleedward 於 11-1-20 09:11 發表


Dear All


csy_媽，與您共進退，夠仗義啦啩

uncleedward, csy_媽, hog.wash,其實我很喜歡看你們的東西,只不過一直是靜觀而已.

我不明白為什麼要退呢?天空海闊,本來就是可以你有你講,我有我講,有交流固然可喜,沒有也不是壞事.我口講我心,為什麼不?

希望能再見到你們的文章!

[ 本帖最後由 KWT 於 11-1-25 11:55 編輯 ]

annie40

最後唔駛講，我唔喺度，eviepa 你點都要過嚟幫我頂頂。

好了，真的要走了，要真的走了。有緣再聚。

Uncle,

您唔舒服都记得叫eviepa顶顶，　真有义气，eviepa 再唔出山，似乎有些．．．．

annie

eviepa

最後唔駛講，我唔喺度，eviepa 你點都要過嚟幫我頂頂。

好了，真的要走了，要真的走了。有緣再聚。

Uncle,

您唔舒服都记得叫eviepa顶顶，　真有义气，eviepa 再唔出山，似乎有些．．．．

講到好似我欠左你地咁。Uncle條衰佬一向都係咁，出現一陣，發表完一輪極之精采既言論，搞到大家慶合合之後，就突然消失一年半載。吹佢唔漲。