請智慧型阿媽, 給我一點意見

lamtsuiyee

各位媽咪, 請給我一點細心的分析.
小兒好慶幸於第一輪自行中抽中灣仔一所很好的男校, 知道呢間學校的學術要求都十分高...但我實在十五, 十六... 所以請各位智慧型阿媽給我一點意見....(我不是晒命)...
因工作關係, 我一家於大陸住了數年, 小兒一直於國際學校讀書, 英文及數都Ok...都算聰明, 但中文就有點擔心....佢學中文一直都是用普通話及簡體字, 4歲先講廣東話, 依家一首廣東話的兒歌或廣告歌都唱唔到, 加上佢有阿氏保加及廣東話遲緩2年, 唔多講野,  所以就算收了, 都超擔心...
其實我地有一間學術高的國際學校Backup, 佢嘅好處就係比較全面, 唔單指讀書要求高, 雖然功課唔多,但要求小朋友看書及讀書的量好多, 而且訓練求小朋友於社交, 溝通, 自理都好好...我地都好滿意...
其實我沒有想過會抽到,  但.....每次有人問我派位點樣, 我話唔讀, 想放番個位比有需要的, 就比人罵死...問心, 我只想佢好似一般小孩一樣及入讀一所適合佢嘅學校......老公就唔想轉佢, 所以好煩....請你地比d意見我地... 謝....!!

cpcog

For me, I would choose the international school. They offer better "all-round education" normally. Moreover, if you are happy with it, why should you change??

nicolemummy

你抽得中, 看來是以old boy 分入. 你先生所以唔想轉.
但小朋友有亜保氏加症, 在津貼學校會比較不合適. 所以我會覺得留在國際學校, 資源比較好d.

原帖由 lamtsuiyee 於 10-11-30 10:16 發表
各位媽咪, 請給我一點細心的分析.
小兒好慶幸於第一輪自行中抽中灣仔一所很好的男校, 知道呢間學校的學術要求都十分高...但我實在十五, 十六... 所以請各位智慧型阿媽給我一點意見....(我不是晒命)...
因工作關係,  ...

w_y

國際學校似乎好d. 原因你自己都明白. 人地鬧係人地事. 又唔係學費問題, 唔需要攪到大人小朋友咁辛苦, 學習係長期, 想像下長期整個家庭為追成績而痛苦, 我諗你心中都有答案了. 人家的選擇, 只係代表多數人會咁揀, 唔代表合適你.

gracelam

原帖由 lamtsuiyee 於 10-11-30 10:16 發表
各位媽咪, 請給我一點細心的分析.
小兒好慶幸於第一輪自行中抽中灣仔一所很好的男校, 知道呢間學校的學術要求都十分高...但我實在十五, 十六... 所以請各位智慧型阿媽給我一點意見....(我不是晒命)...
因工作關係,  ...

其實你已經揀左! 唔好因為d3姑6婆的說話而影響自己的決定.  只有媽媽最清楚自己子女啱咩學校.

Sumyeema1

我不是智慧型阿媽。。。

收你兒子的學校應是華仁 / St Jo.  兩家都是非常好的學校，放棄的確可惜。

但細看你兒子的情況，我覺得那間學術高的國際學校更適合他。 學校就像鞋子，穿在自己腳上，才知道舒不舒服。

不過，選校是一件重要的事，應和你先生/太太一起決定。

lamtsuiyee

感謝你們的意見!!!! 我們只有20分, 不是Old Boy...所以真的十分幸運..........所以朋友們及三姑六婆, 更加覺我我地唔應該放棄...

artroboy

雖然我不是智慧型阿媽, 但我都想比少少意見...
不要盲目跟風, 最緊要找個適合你仔仔的學校. 這條學習既路係好長好長.....令佢愛上讀書是才最主要.

原帖由 lamtsuiyee 於 10-11-30 10:16 發表
各位媽咪, 請給我一點細心的分析.
小兒好慶幸於第一輪自行中抽中灣仔一所很好的男校, 知道呢間學校的學術要求都十分高...但我實在十五, 十六... 所以請各位智慧型阿媽給我一點意見....(我不是晒命)...
因工作關係,  ...

meia

如魚飲水 冷暖自知

不要為別人的說話而生活, 要找一間適合你小朋友的學校, 而非名校.

monkey妹

如果是我, 一定為小朋友好, 搵一間適合自己小朋友的學校入讀, 讀書學習是一條漫漫長路, 只要小朋友開心學習又有得益就好足夠

milkonline2

sorry that I am not a wisdom mother but still want to leave few words here! I believe that you already have the answer in your deep heart ! trust yourself please! the most important is your son can learn happily without any pressure, right?   that kind of learning environment, i believe the old-fashion traditional plus famous boy school can't give you! happy learning is the first priority in your case, and the international school is also good right?

childrenfirst

只是一點分享..

傳統學校有他們的特色，對學生於紀律、學術有較嚴格的要求，未必有空間可以根據每位小孩的特色和步伐作出調節。這也是中國人的特色。無可否認，國際學校和西方文化是比較relax, 對於有特別需要的小朋友包容的性也大一些。很多國際學校甚至包括特別班給有特別需要的小朋友。亞氏保加的小朋友好多都好叻，要應付傅統學校問題不大，但社交方面，始終需要一些留意。在傳統名校，步伐一定比較急促，要應付很多功課和課程要求，對於你小朋友在社交的exposure未必是一件好事。擴大你的小朋友的社交圈子和能力才是最重要。

加上你說你孩子的英文強，那國際學校的水準也高(有些國際學校的質素好唔OK，果D就唔好揀!)，如果學費唔係一個問題，我一定會揀一間阿仔適合的學校。

"雖然功課唔多,但要求小朋友看書及讀書的量好多, 而且訓練求小朋友於社交, 溝通, 自理都好好...我地都好滿意..." - 如果真係咁，真係唔好轉，呢D全部對你仔第時長遠有益。

唔好理人點comment, 如果間IS係好學校，學費又唔係問題，無人清楚個阿媽你的gut feeling.

Charlotte_mom

咁我都寫個disclaimer先 我唔係智慧型阿媽
樓主或者我可以俾到dd意見你: 我仔有adhd, 唔算犀利, 但專注力有時唔得, 有時無聊起黎又會亂攪野, 佢其實係聰明仔, 學野好快, 但一定要有適當指導lor
我自己住12網, 人人話名校區, 我一間都唔敢揀, 我只係想搵間小朋友讀得開心, 又支援同包容既學校 (當然學術成績要過關啦), 我絕對唔想揀左間"好學校", 我仔讀得唔開心, 我又日日擔驚受怕(我唔係話d所謂名校一定唔好, 我唔肯定d老師肯唔肯花多時間黎照顧佢一個姐, 如果為左趕課程, 老師已經好忙, 我驚lor)
呢句說話我成日o係bk講"世上無完美既學校, 只有最適合自己小朋友既學校" 如魚飲水, 冷暖自知, 咩係比較適合你, 而家仔仔讀得開唔開心, 我相信你自己好清楚
作為一個阿媽, 小朋友有special need, 我一定會搵間學校係願意同capable of幫到佢, 令佢有自信, 開心, 識同人相處, 掌握返應有既做人態度, o係小朋友唔合作時肯包容同花額外時間幫佢, 同家長保持溝通家校合作.............學術既野, 自己知道小朋友咩時候要多花時間, 咩時候handle到, 再因材施教好了
希望幫到你

thomasha

我沒有智慧，亦不是媽媽，可以分享一下嗎？
很同意這裡其他家長所說，應以學校是否適合你的孩子作為最重要的考慮因素，因為再 "好" 的學校也不一定適合你的孩子。

至於其他人給你的意見，你想一想，萬一你因為他們的說話選錯了學校，他們說過就算，不需要負責任的，到時執爛攤子的就是你了。再者，你回想一下，他們給你意見是有否以你的孩子是否適合作為考慮因素，還是只因學校很難獲取錄或是名校，就盲目要你別浪費一個別人難得的機會？

我想，你心中是有答案的，只是怕跟那些給過你意見的朋友交待。究竟跟他們交代重要，還是小孩的學習過程和滿足感重要？聰明的家長，相信你會知道怎樣選擇的。

kanahose

如果你係一個對小朋友的學業要求高的話,當然會揀名校,但有機會犧牲親子關係,既然你而家都已經咁擔心,要尋求意見,即係名校不是你杯茶,相信你都係希望我地同為父母的外人,去支持你所做的決定,去揀一間適合孩子的學校吧,毋須為放棄名校而自責,支援到你孩子的學校才可以對孩子的心靈有正面的影響,對將來的發展有更好的幫助,我認為做好一個人比讀好書更重要!

motherotk

"佢有阿氏保加及廣東話遲緩2年" - for traditional "famous" school, there is no guarantee that the teachers have good training in special needs education, so not to take risk, you better check with the parents in this school with similar situations to see how the school are able to acommodate these children in their primary education.
Without school accommodation and teachers' understanding and school culture to accept the children, it would be a disaster for kids and parents to place children in these schools..
I know that international school (e.g. ESF, not sure others) will have special needs teachers...they are trained in these areas and know how to best tune children's learning needs.

原帖由 lamtsuiyee 於 10-11-30 10:16 發表
各位媽咪, 請給我一點細心的分析.
小兒好慶幸於第一輪自行中抽中灣仔一所很好的男校, 知道呢間學校的學術要求都十分高...但我實在十五, 十六... 所以請各位智慧型阿媽給我一點意見....(我不是晒命)...
因工作關係,  ...

lamtsuiyee

感謝你們給我意見及支持...我的小朋友在新加坡國際學校讀書, 學校課程很好, 而老師十分有愛心...跟家長幾乎每星期都有溝通..我的小朋友每天回家都說 "I Love SIS"... 所以我才不知點算...見到你們的留言, 我很應同, 我們不是追求入讀名校...只是一所適合小朋友的學校... 我現在知道應該怎做...

dwklau

照情況睇, 你個仔的而且確適合國際學校多d. 不要被旁人的三言兩語左右你的決定, 因為只有你最清楚他的需要.

markBB

SIS is good too!

yantabo

朋友們及三姑六婆 sometimes really troublesome.....thousand words to say,don't affect by them,u know best on your kid!!!