屋村學校+粵語父母=成世英文差?

Joeff

再講，經濟都唔許可，何必強求呢？

linushui

我自己都看遍很多的comment, 自己都好想小朋友英文ok, 中文要好. 我自己會和小朋友說英文, 但他多數以廣東話回答我, 但大都明白的, 因為我多數用simple word, take, give, put etc. 因為自己的英文都只是一般, 識睇唔識講,  識睇唔識寫. 我會和他看英文故事書, 問他只不要用中文講一次又不用, 但問他明不明, 又答唔明, 好好笑. 不過小朋友的估野能力是非常之高的, 唔明d 野, 估下估下就明, 我覺得這就是sense, 正因如此, 所以我才很想他可以返多d 英文net 的kinder, 20 mins 好似少d. 自己的英文半桶水都快用乾了. 不過真的很貴.
還在考慮中! 我自己是working mon, 每日伴他的時間有限.

chowhui97

我自己都頭痛緊呢個問題, 我同老公都係講到英文但係又唔係native的人, 我自己去外國讀過書, 老公就無. 我自小都無一個好好的英文學習環境, 初時真的學得很辛苦, 覺得很難, 對於我來說中文係”天生”已懂的language, 基本上我係讀得比較輕鬆的, 反而英文我真的花了努力才略有小成.

對於小朋友, 我們係典型的香港父母, 從小用好多英文去教佢, 很大部份原因是因為屋企有個講英文的姐姐. 即使沒有刻意教, 她還是懂很多廣東話! 點都好, 總算小朋友無白費我們的心機, 中英文都開始pick up到, 少不免好似大人咁中文夾英文咁講, 不過對住姐姐佢似乎都懂90%用英文, 所以係咪會有language confusion, 我諗係case by case咁睇.  

我覺得呢一代同我地上一代唔同, 我媽嗰代讀大學已經好叻, 我地呢代大學生通街都係, 到下一代, 講一口流利的英文相信唔係一個”bonus”, 係一個”must”, (當然仲有普通話). 我可以講, 我個2歲女的英文程度已經係我當年小一二的程度了, 分分鐘vocabulary仲識得多過我以前.  但呢啲都係好普通, 因為呢個年代個個都識呢啲嘢.  有學卷的學校唔係唔好, 不過聽得多廣東話又唔代表寫得出 (睇下我成編文幾口語就知), 反而普通話才係出口成文的語言, 與其俾小朋友係學校學廣東話, 不如花時間學英文同普通話. 廣東話真係唔駛教都一定會識!

另外, 都要睇家長對小朋友的讀音要求, 好多人讀英文好多懶音, 如plan讀成pan, file讀”快佬”, friend讀成fan, 講真, 你接受到咪得law, 我就接受唔到所以要搵NET教.

kitmantsoi

我覺得學英文方法好多, 有NET既kinder係其中一種方法. 我會比仔仔睇英文卡通片, 雖然單向, 但可以係無形中吸收.
當然唔好過度由朝睇到晚la!

onchai

agree~
其實真係好睇家長要求...眼見身邊好多人講英文都係半桶水, 自問真係接受唔到three 讀成fee, project 讀成paul蓆...所以我buy NET~
中文固然係重要, 但我又唔覺中文緊要過英文喎...工作上相信好多大機構, 學校, 政府部門都好重視員工英文程度, 尤其是interview + written test; 咁當然到凡囝囝出身做野果陣仲係咪咁就冇人預計到啦~

原帖由 chowhui97 於 10-11-23 11:45 發表
我自己都頭痛緊呢個問題, 我同老公都係講到英文但係又唔係native的人, 我自己去外國讀過書, 老公就無. 我自小都無一個好好的英文學習環境, 初時真的學得很辛苦, 覺得很難, 對於我來說中文係”天生”已懂的language,  ...

chowhui97

原帖由 onchai 於 10-11-23 13:40 發表
agree~
其實真係好睇家長要求...眼見身邊好多人講英文都係半桶水, 自問真係接受唔到three 讀成fee, project 讀成paul蓆...所以我buy NET~
中文固然係重要, 但我又唔覺中文緊要過英文喎...工作上相信好多大機構, 學校 ...

hehe 我地都係有要求的人! 我隔離個同事成日叫人叫到不知所謂, alice 叫做 "ai lu cy", jess又叫人做 jessie, global 又讀"高寶", 讀英文好似讀中文咁, 我都好想話佢!

Charlotte_mom

我鬼佬老闆就係堅到連中文都會睇會寫(當然好慢)
佢只會簡體, 因為果時O係北京讀書, 娶埋老婆
我老闆請我, 除左因為我識英文, 更重要係我識中文, 因為佢知自己"不足", 需要一個可以幫到佢既assistance.
你問我, 中文同英文一樣咁重要

原帖由 Joeff 於 10-11-23 10:22 AM 發表
首先，英文好代表乜先？品格高？前途好？......定係俾外國人問路唔會口窒窒？

依家咩嘢年代呀，個個都為咗學好中文，移咗民嘅都掟番d仔女番嚟讀書啦。我都係13歲移民，嗰度要仲學法文。我好記得嗰老師同我講，佢覺得中文係全世界最最 ...

Joeff

當然中英文都重要，我想講嘅係好似樓主嘅朋友要咁辛苦去讀國際學校就唔值得喇。唔好搞到英文唔得就一無事處咁啦，路有好多條，何必呢。

我都好驚聽到D港式英文。自問唔係Native Speaker，所以唔會同個囡講英文，費事佢學壞師。教英文嘅責任，留番俾NET，不過我都係揀嗰D程度深少少而唔係IS......無咁多錢!!

tammyhw

而家個重點係經濟問題, 應該先還完基本問題, 如果經濟唔許可, 就唔應該去讀一些負擔唔起學l費的學校...如果只係為左小朋友讀書, 而大大增加經濟的壓力....似乎唔值得.... 講開又講.. CKY 的學費其實都好貴..... 如果想俾小朋友讀呢間, 你要考慮埋係咪負擔得起喎.......

BallBall417

我都好驚聽到D港式英文。  我隔離個同事就成日張Ops讀成 Op 屎 ... 不過我覺得學好外語係長久戰 ... 要不斷地學 (包括, 閱讀, 聽, 寫, 講)咁先得, 同埋唔係只係幼稚園同小學果幾年 ... 其實想小朋友英文好, 係咪早d放洋呢?  我同老公想讀完初中 ... 不過老公由話驚唔捨得 ...

chowhui97

原帖由 tammyhw 於 10-11-23 22:55 發表
而家個重點係經濟問題, 應該先還完基本問題, 如果經濟唔許可, 就唔應該去讀一些負擔唔起學l費的學校...如果只係為左小朋友讀書, 而大大增加經濟的壓力....似乎唔值得.... 講開又講.. CKY 的學費其實都好貴..... 如果 ...

咁講真, 經濟如果負擔唔到的話就要降低要求, 用其他方法去train小朋友的language了. 無NET就唯有開啲英文台呀, DVD, 去圖書館等等啦!
我依家間PN的學費其實同CKY頭幾年的學費都差唔多呀...  

Joeff

原帖由 BallBall417 於 10-11-23 23:42 發表
我都好驚聽到D港式英文。  我隔離個同事就成日張Ops讀成 Op 屎 ... 不過我覺得學好外語係長久戰 ... 要不斷地學 (包括, 閱讀, 聽, 寫, 講)咁先得, 同埋唔係只係幼稚園同小學果幾年 ... 其實想小朋友英文好, 係咪早d ...

其實我最後都會俾我個囡返加拿大讀書，唔係因為學英文嘅問題，而係香港D教育制度，真係會搞到D家長發癲。婆婆話想個孫讀完幼稚園就一齊走，但係我就想佢學好中文先，至少都小學畢業啦，爭持中!!

josephts16

唔知係咪因為自己從小嚮外國長大, 我反而唔會太側重要佢學好英文, 即係你叫我去駛筆錢去請NET去教佢一種語言, 我又覺得唔值, 我反而遲下等佢大D, 會搵一D學DRAMA既興趣班比佢玩下, 培養佢興趣同時, 又可以比佢了解下英國既文化, 好過下下走去鑽研GRAMMER咁悶. 記得有次睇都市閒情, 講過有個係專比小朋友演莎士比亞話劇的, D小朋友既BRITISH ACCENT咬得好正好好聽, 我反而會覺得咁去訓練佢有趣D囉.

ho_yan2406

原帖由 cherryird 於 10-11-23 09:44 發表
我覺得父母英文叻的, 就會覺得中文緊要過英文, 因為父母可以在家用英語和小朋友溝通
反而自己英文差(中文肯定好過英文)的, 就會想仔女讀英文幼稚園, 我就係呢種人 ...

yes..我都係咁呀~haha~~我覺得中文易過英文好多架,由細到大d中文都高分過英文...

linushui

Absolutely true!!

原帖由 ho_yan2406 於 10-11-24 01:11 發表

yes..我都係咁呀~haha~~我覺得中文易過英文好多架,由細到大d中文都高分過英文...

爸爸超人

這並不可以一概而論, 之前亦有提供建議, 有幾間有學券又很好的學校, 例如  PC, 宣道等, 而其中 TT更是一間既可學好英語及普通話, 而德育也不錯的好學校, 最重要是有學券, 負擔不會太重, 不知道 TT國際班的每月$1000(已扣學券)對你是平還是貴呢?

原帖由 karaqueenie 於 10-11-22 15:34 發表
就係而家呢個年代, 好多家長都話要小朋友學好兩文三語, 所以先搞到d私立幼稚園年年加價, 反觀d學卷幼稚園就平一平都吸引唔到人去讀, 其實母語就日日都講架啦, 反而英文/pth就係少機會用所以先至難學好, 同埋吃香d ...

linushui

TT國際班的每月$1000(已扣學券)

我沒有報到TT, 好後悔.

kitmantsoi

TT 好似無學券wor?
are you talking about Tutor Time?

原帖由 linushui 於 10-11-24 13:28 發表
TT國際班的每月$1000(已扣學券)

我沒有報到TT, 好後悔.