升中交流區 - 北區

ricetaster

1. 鄧顯成績好得多, 拍得住皇仁, 好過DBS, 但催谷得很厲害, 能夠以5年時間把北區Band 1生追過傳统名校嘅成績水平, 足 Band 1 中的Band 1, 小朋友唔谷得就咪報讀, 但又谷得又被動就最啱 。

2. 我唔清楚你小朋友讀邊間小學(學業水平會好唔同), 如果全級首5名, 兩所中學都有chance, 但全級10名外就無謂報。

3. 上述笫一題答了鄧顯, 莫壽增就剛好相反, 比較自由放任, 如果小朋友性格被動, 而唔會自動覺讀書, 亦無謂報莫壽增。

4.  都係鄧顯和甲寅兩間揀, 其他北區Band 1中學成績和上述兩校有一段距離。

[ 本帖最後由 ricetaster 於 10-12-10 16:59 編輯 ]

@1314

ricetaster,
想深一層,我都唔知報不報王大輝,因為王是一間注重設計及運動科的學校(其他學科唔知点呢?),這二項並非我兒子的强項,如果考入,都是浪費了他們的資源.得物無所用. ...又或者報考先啦,人地收讀先至再想啦！
不如實際Ｄ,報津貼算吧！對嗎????
其實我報直資的原因,是怕以兒子的成績(band2尾至band3頭),唔知會派去邊！！
圓玄我都喜歡,但唔知機会大不大?

kittylam

看完各位過來人的分析，我獲益良多，非常感激！ 雖然我大仔才二年級，但要入好中學要一早做好預備，請問如果想入鄧顯除了成績，還要學D咩可以增加機會？

ricetaster

例如傑出運動表現, 奧數或其他國際 / 全港性的學科比賽都有幫助, 尤其能入到小學校隊參加由鄧顯舉辦小六學術精英大挑戰, 鄧顯經常在比賽中尋找合適收生對象, 等自行收生時唔會揀錯人, 一般這些參賽學生都會在自行收生時報鄧顯。

[ 本帖最後由 ricetaster 於 10-12-10 11:16 編輯 ]

eurohk

鄧顯小六學術精英大挑戰. 星期六就係喇。

http://www.tanghin.edu.hk/en/p6_academic_contest2010

kittylam

ricetaster
謝謝你為我解答問題。
你唔講我都唔知道鄧顯還有一個常識問答比賽，我只喺知道佢有個學術精英挑戰賽，鄧顯都看重奧數比賽？需唔需要學一門樂器？請你不要介意我一堆問題。

eurohk

鄧顯面試的表現好重要，會觀察到學生的反應和知識層面。應該佔收生標準的30%。有機會比小朋友多點接觸世界大事，加強視野。
小孩今年入讀中1，暫時覺得呢間學校唔係浪得虛名，讀得書的小朋友，它會幫你更上一層樓。學校的教學舖排，一切都是為了學生。

kittylam

原帖由 eurohk 於 10-12-9 22:38 發表
鄧顯面試的表現好重要，會觀察到學生的反應和知識層面。應該佔收生標準的30%。有機會比小朋友多點接觸世界大事，加強視野。
小孩今年入讀中1，暫時覺得呢間學校唔係浪得虛名，讀得書的小朋友，它會幫你更上一層樓。學校的教學 ...

恭喜你！你小朋友一定很出色，多謝你的經驗分享。

fungyubb

我聽有些家長講：前幾年在統一派位階段揀學校時要好有技巧，她們說學校提醒，第一志願選你心儀又受歡迎的，第二志願便不要選很受歡迎的，因為受歡迎的學校多數在分派第一志願時已經分完，沒有學位。    請問：舉例如果有位學生band 1，但隨機編號較後，第一志願：鄧顯，第二志願：甲寅年，第三志願：陳融，第四：田家炳，第五：李嘉誠。是不是這樣排位多數派唔到頭五志願？按上段的說法，隨機編號後，每一輪派到你的時候都已沒有學額了？是這樣推論嗎？

ricetaster

依照經驗, 唔係推論, 北區Band 1 生 約有900-1,000人, 鄧顯, 甲寅, 陳融, 在大抽獎第一志願已經比人抽哂, 因為每間都係得 140 個學額左右, 連第一志願抽獎中, 李嘉誠和田家炳都比人抽得七七八八， 第二志願大抽獎未抽完, 這五間Band 1 中學學額都比人抽哂, 你頭5志願已全數落空。

如果真係咁填表法等於由第二志願至第五志願4次抽獎棄權, 比人擺埋一邊, 自已眼白白比其他審慎填表嘅Band 1 學生在這4次抽獎中, 連 Band 2 頭, 甚至部份 Band 2 中嘅學校都掃埋, 我諗你比人派到第九, 第十志願都絕對有可能。

以上計算係未包括北區14間中學有可能縮班的嘅影響在內。

因為無人預先知自已隨機號碼, 所以除非那位Band 1 生諗住全攻型,不然的話, 正常人嘅排法 :

1st choice  :  3所英中其中一間

2nd choice :  李嘉誠 或 田家炳 或風采

3rd choice :  馬錦明 (又名 Band 1 生水泡)

有部份慎重嘅Band 1 生, 尤其是 唔知自已係Band 1尾定Band 2 頭那一類, 2nd choice 已經揀馬錦明。

[ 本帖最後由 ricetaster 於 10-12-10 21:58 編輯 ]

fungyubb

ricetaster：多謝你！你的解說很清楚！請恕我唐突！你這樣清楚派位的資訊，又那麼有經驗和見地，你是教育局職員還是教育界人士？

ricetaster

我和教育局, 教育界無乜關係, 只係一個5呎7吋高, , 健談, 時尚, 有正義感嘅職業女性, 當然亦都係需要教仔嘅C9。

自小我就十分留意身邊嘅事物, 如遇到問題 / 困難, 我會盡量諗吓那一方法能可將事情處理得最好及最無手尾跟，經多方面反覆評估及分析後才去馬。  我現在只不過將3年前為囝囝所準備升中的資料及行動與大家分享下啫！

凡事要預早準備, 做事小心謹慎, 專注及竭盡所能, 一向係我自已的做人態度。

[ 本帖最後由 ricetaster 於 10-12-11 09:10 編輯 ]

eurohk

呢個答覆係北區band1學生填表既明燈

樂樂

原帖由 fungyubb 於 10-12-10 13:59 發表
我聽有些家長講：前幾年在統一派位階段揀學校時要好有技巧，她們說學校提醒，第一志願選你心儀又受歡迎的，第二志願便不要選很受歡迎的，因為受歡迎的學校多數在分派第一志願時已經分完，沒有學位。    請問：舉例如果有位學生band ...

你呢個排位真係有人咁排喎, 早兩年我仔同學佢地真係咁排架,,有一個派到第四志願田家炳.我都覺得好奇怪,但真係事實,佢自選冇選田家炳架.

ricetaster

有傳聞上年榮真(兩間唔知邊間), 有部份家長堅持頭5志願填哂5間 Band 1 中學, 最後尾都派得好差。

1999

知不知,粉嶺聖方濟各中學,banding和校風是怎樣?易不易入?
聖方濟各 / 心誠 ,二間比較???

ricetaster

聖方濟各中學校風一般, 比心誠好少少, 聖芳濟有一半學生願意專心讀書, 另一半浪費時間。  聖方濟應該 Band 3 頭, 心誠亦差唔得幾遠, 心誠有個別學生的品行行為可能重差過聖芳濟，如果有得揀或想讀直資, 不如揀大埔羅定邦。

ricetaster

我都係建議做正路嘢好D, 另一方面, 有D偏門嘢大家可以討論下, 因為大埔恩主教及王肇枝都會在大抽獎乙部, 每校分配兩個學額比北區抽, 如果我係Band 1 生在第一志願填恩或王, 能抽中機會有幾大, 有時覺得好易抽, 有時覺得好難, 但機會應該大過首5志願填哂 Band 1中學, 重咁好彩第四志願都比你派到田家炳。

大抽獎呢家嘢本身有很多變數, 但我哋唔會知道這些變數嘅內容：

1. 各家長今年選校策略有何的改變
2. 本年不同電腦抽簽名次的學生, 其乙部每人個別不同選校組合, 因序號先後, 如何演變出意想不到的變化, 如果有相當部份家長填表過於審慎, 尤其是Band 1 組別, 有機會比稍差成績但慎表進取嘅學生執死雞, 我哋外人得知零碎片斷, 詳情只有教育局先知。
3. 部份家長非理性化選校, 可能打亂派位嘅結果
4. 因為學生始終人數多, 能撞彩嘅機會是有, 但有D沿木求魚, 機會率亦低。

[ 本帖最後由 ricetaster 於 10-12-11 10:14 編輯 ]

chinyyjudy

我囝囝今年有幾個同班同學係band1生, 係佢地間小學時都係好好成積全級10名內, 但係派位唔好, 統一派位填表第一/甲寅, 第二/田家炳, 第三/馬錦明, 結果派了入馬錦明, 仲唔衹有一個同學, 係好多個係咁, 即時話放田家炳第二都都未必抽入, 所以填表時小心, 不過如果真係band1生最差都係派入馬錦明/風采暏, 反正兩間都有英文班, 但係band1尾就真係要小心選擇, 可能趺了落band2頭都唔知, 就連馬錦明都入唔到!

ricetaster

首先田及李今年正式全開英文班, 在抽獎格局及家長選擇上可能有D改變, 而且陳融又有D落車格。 你提及嘅情况, 主角嗰幾位同學每人嘅頭幾個志願要必須大家完全相同才可比較。如果其他同學選第二志願係陳融或李嘉誠咁會跌去到第三志願一D都唔出奇。

假如你的電腦抽簽在500名以外(如果Band 1 組別係900人的話), 5所 Band 1 中學先得700個學位, 用一個現實例子, A同學佢嘅大抽獎名次是 501 / 900, 佢第一志願係甲寅, 但因之前頭500人已經佔用哂甲寅140個學額, 那麽A的 1st choice 落空, 可是第一志願抽獎去到501仍未抽完, 在A (501名次)之後還有399人未抽, 佢哋可能揀田家炳。去到第二志願, 原先第一回合在你人前嘅500人, 可能到當中400人已中獎, 仍有100人未有着落, 那麽第二回合正在你前面的就有100人, 佢哋一樣可以揀田家炳, 我以數學方式表達方便你們更容易了解 :

以 A 同學嘅電腦名次為 501, Band 1 生 共 有900 人

第一志願首500人 減 甲寅 140 個位     =  360 人
第一志願 在A 之後還有未抽獎            =  399  人
第二志願抽獎在 A 之前仍有                =   100 人
                                                        _________
                                                           859 人次

根據以上到計算, 的確有859人次可以早 過  A同學  一步抽哂田家炳那140個學額, 咁 A 會 跌到去第三志願嘅馬錦明都係情理之中,  即使在過去都一定出現過同樣出現, 只差在你唔知道啫, 無乜特別, 亦唔需要大驚小怪。

只要電腦抽簽名次排得後的確會出現上述跌到第三甚至第四志願嘅情况。大家要明白抽簽名次排得好後係無得救,惟有填表保守D, 減低其殺傷力, 但如果你電腦抽簽名次較前, 咁你亦可能會蝕底, 所以填表要父母和子女都同意, 始終係好個人化嘅决定, 真係無話啱唔啱 , 决定咗就無得埋怨其他人。

反而我興趣研究下, 你囝囝那幾位係全級十名內嘅同學, 佢哋即係Band 1 頭喇 ! 為什麼在自行收生中兩個 choice 都落空, 重幾個都係,我個人覺得很可奇怪，請問他們就讀那一間小學?

此外, 入到有英文班嘅 Band 2 中學, 即使你係Band 1 生都唔好高興得太早, 你唔係一定入到英文班, 因為英文班係無半班, 一定要整數, 例如收咗 45個 Band 1 生, 一班正常平均要35-38人, 英文班規定最少要80% 係Band 1 生, 咁大家諗吓凸咗頭嘅 Band 1 生點算 ?會唔會有 Band 1 生無得讀英文班呢 ?

[ 本帖最後由 ricetaster 於 10-12-11 22:47 編輯 ]