班中有個超級百厭星

小豬嘜

功課又成日漏交, 網上功課從來唔做<<唔關我事.

如果你仔女班中有個超級百厭星, 成日騷擾其他同學<<我會日日提醒我仔要自律.只可教自己個仔. 冇理由去教人地個仔.

ahpei

其實果個小朋友的家長也無可奈何, 如果個小朋友有過度活躍症/專注力缺乏, 係會騷擾其他人的, 是不會教得聽, 你同阿仔講, 如果呢個同學再騷擾你就話比老師聽, 睇下得唔得。

因為我個仔都係咁樣, 其實都好令我困擾....

原帖由 brianshe 於 10-11-11 16:50 發表
最慘有種係自己百厭.
有一種係會騷擾其他人, 呢件係騷擾人個種!

我已經叫亞仔唔好再理佢/ 同佢玩, 不過呢件野都要搞下人; 尋日又拎左亞仔茶點. 佢亞媽都知佢成日拎同學TISSUE返屋企, 點解唔教下佢呢?!


...

manicheung

唯有當作做一個反面教材,時時提醒仔/女要做好自己,有咩事就同老師講,叫老師幫手解決.....另外希望唔好稱呼d小朋友做"呢件野"

dorismama

早陣子我個仔成日都唔見筆, 有貼名的, 佢同我講佢隔離位成日攞佢D文具冇俾番佢, 最我我都係同老師反映, 呢幾日好多筆番咗黎!

原帖由 manicheung 於 10-11-11 18:13 發表
唯有當作做一個反面教材,時時提醒仔/女要做好自己,有咩事就同老師講,叫老師幫手解決.....另外希望唔好稱呼d小朋友做"呢件野" mouth:" />

qkhui

其實真係要了解下個同學點解會噉, 我相信如果佢上堂時騷擾其他同學, 老師一定會處理.

佢唔做功課, 事實又真係唔關自己事wor...

我記得仔仔小二時, 有一個同學又係好好動, 上堂都會成日說話, 又會成日比老師罰, o的同學都好唔喜歡佢. 噉仔仔返來都有同我講個同學好唔乖, 好嘈, 唔喜歡佢. 噉我無叫佢唔好同佢玩, 噉當然要解釋佢知, 咩情形之下有o的野真係唔可以做, 但都唔會叫佢唔好同佢玩, 我會叫佢盡量提醒個同學, 幫佢, 多o的為佢祈禱. 慢慢佢地仲成為好朋友, 而個同學真係乖佐好多, 讀書仲好叻tim.. 有時我覺得都要教自己小朋友, 面對一o的事, 應該要點. 我覺得如果因為同學唔乖就叫仔仔唔好同佢玩, 噉我覺得就不是太好.

我仔仔每次帶小食都一定會同個同學仔一齊食, 如果你仔仔個同學係自己取你仔仔茶點, 你可以教你仔仔, 同個同學仔講, 你想食我地一齊食, 但你不要自取. 慢慢個同學真係會被你仔仔感染到..

加油, 為你仔仔及那位同學仔..

原帖由 brianshe 於 10-11-11 16:50 發表
最慘有種係自己百厭.
有一種係會騷擾其他人, 呢件係騷擾人個種!

我已經叫亞仔唔好再理佢/ 同佢玩, 不過呢件野都要搞下人; 尋日又拎左亞仔茶點. 佢亞媽都知佢成日拎同學TISSUE返屋企, 點解唔教下佢呢?!


...

brian61950

選佢做班長.

wbmom

週圍都有百厭星嫁啦，間間有，班班有，總有一兩個係附近，邊理得人咁多吖，教自己個仔點應付至真。

arenamami

如果佢真係騷擾到自己既仔仔/囡囡, 我一定會同老師反映, 叫老師同佢家長傾下!

Rainy

呢位家長真係好好, 識得咁教你個小朋友, 個個家長都係咁就好.... 個世界會和諧好多...
至慘而家大部份都係會教唔好同佢地玩, 有乜就同老師講.... 搞到小小野都投訴投訴再投訴...

原帖由 qkhui 於 10-11-12 09:50 發表
其實真係要了解下個同學點解會噉, 我相信如果佢上堂時騷擾其他同學, 老師一定會處理.

佢唔做功課, 事實又真係唔關自己事wor...

我記得仔仔小二時, 有一個同學又係好好動, 上堂都會成日說話, 又會成日比老師罰, o的 ...

SOHOT

樓主,
你的小朋友係學校是不是好乖, 唔會騷擾其他人先?  其實你自己都未搞點自己"個件野", 就係到話人地個小朋友"呢件野"......

http://forum.edu-kingdom.com/vie ... tra=&page=22###

原帖由 brianshe 於 10-10-6 13:13 發表
請問知道平均分是多少嗎?

仔仔個個星期俾老師寫手冊
一時食左同學仔食物
一時轉堂大叫大嚷
又用鉛筆咭同學
又跟正副班長吵架

學校就係社會的縮影, 小朋友要學習與發展不同的同學相處, 並不是教他排斥異己, 要學會諒解才重要, 對嗎?

wen2wen

Agree!!

原帖由 Rainy 於 10-11-12 16:02 發表
呢位家長真係好好, 識得咁教你個小朋友, 個個家長都係咁就好.... 個世界會和諧好多...
至慘而家大部份都係會教唔好同佢地玩, 有乜就同老師講.... 搞到小小野都投訴投訴再投訴...



...

qkhui

"我無噉多時間攪噉多野" ---- 其實如果你覺得同自己小朋友去解釋問題, 教佢要點去處理問題, 係覺得因為無噉多時間攪噉多野而放棄, 噉你個小朋友都幾可憐....

其實每個小朋友做一o的百厭/不合群的事, 一定係有原因. 有可能同學唔同佢玩, 排擠佢, 噉另佢覺得要另人注意佢, 就會更百厭. 我都明白, 無一個家長希望自己小朋友給同學搔擾, 但同時亦無一個家長想自己的小朋友去搔擾別人. 如果你叫你自己小朋友唔好同佢玩, 我相信你的小朋友亦會叫其他同學唔好同佢玩.. 噉係一個惡性循環.

原帖由 brianshe 於 10-11-16 18:42 發表
我個仔唔係乖, 不過唔係咁百厭.
經兩個多月, PTA聚會/ 老師/ 所發生事件, 亞仔就係睇住呢個小朋友頭. 開頭佢大叫大嚷, 亞仔就跟住佢走出位玩.
我問亞仔, 點解出位; 就答亞邊個都係咁.

鉛筆老師話無拮, 佢只係習慣手 ...

Lilo

我小朋友個班都有一個咁百厭星，老師仲將佢"掉"左同我小朋友坐，最初我都有d擔心，老師話我小朋友夠定力，唔會受佢影響。所以樓主你教你小朋友唔好受佢影響，應該無問題。

雖然我都有同我個小朋友講，要用愛心同包容去幫個百厭星，不過其實我都覺得個小朋友父母好過份，有次去學校親子活動時，佢個小朋友倒亂，整爛其他小朋友手工，佢地話都唔話佢又無道歉，只係同其他家長講佢個小朋友有專注力失調性，攪到個小朋友一被人話(包括老師)，佢就搬佢個"病"出來做擋箭牌！

qkhui

係, 有o的家長真係唔肯去面對, 又唔肯帶小朋友去睇e生.
有時想起/見起這類小朋友, 真係鄧他們慘.  

原帖由 Lilo 於 10-11-17 12:28 發表
我小朋友個班都有一個咁百厭星，老師仲將佢"掉"左同我小朋友坐，最初我都有d擔心，老師話我小朋友夠定力，唔會受佢影響。所以樓主你教你小朋友唔好受佢影響，應該無問題。

雖然我都有同我個小朋友講，要用愛心同包容去幫個百 ...

CrabPincers

deleted~~~~~~~

[ 本帖最後由 CrabPincers 於 10-11-17 16:23 編輯 ]