報料:冬天校服

mimi_mama

"女生深籃色反領單襟絨西裝外套", 即係"大地牌"校褸(仲係我地細時讀書果d款), 個人認為可以不買, 反而件抓毛中褸仲有用又保暖又洗得.

九龍城係咪會有齊校裙, 運動服裝, 冷衫?
校裙, 有
運動服裝, 吾多覺有
冷衫, 有(普通寶藍色冷衫之麻), 書局買果d係有PC綉花嘅(個人較喜歡因靚d同質地好d)

P.S. 我係K3家長, 每次去書局買都係一肚氣:;pppp:

soonayuen

我今晚去了九龍稱獅子石道買灰長褲.個婆婆話唔係好多貨.之前已經好多家長去了買. K1個D細碼好少貨. 我幫仔仔買了兩條22號,不過覺得都係好薄咁,唔知夠唔夠暖.
每條$65.

josephine331

真係好奇怪今時今日仲有咁既服務態度!學校係辦教育的地方,職員最低要求應該有禮.差劣的態度會影響老師及學生.

另外,買校服既方法看來已不合時宜.其他學校都會放樣本出來,再派通告紙叫家長填數量,絕對唔會買唔齊校服,要周街搵!

希望校方盡快改善,好使大家都方便.

My-BeeBoy

嘩！我係愛民買要$85一條22碼灰褲。如果真係好凍，我會俾阿仔着條打底褲。
至於嗰位阿嬸嘅態度，真係一絕。依家回想起註冊當天已經有家長問要買冷衫，當時30幾度，心諗店會有？結果阿嬸攞咗件冷背心出嚟。
之前我去問，俾我買到最後一件過頭笠冷衫。但我係想買開胸的。不過都照買。上星期一放假又去問下。我開先問灰色衫校工阿姨有冇開胸冷衫。阿姨講得唔正我聽唔凊。再問一次，果位阿嬸即時好似機關槍咁。＂我訂咗貨好耐，上海廠要嚟就嚟，唔嚟我都無辦法。你問幾多次都係冇＂
真係唔知點解去買校服要俾人鬧？以前囝囝讀n1間學校會出通告，放好尺碼樣板，集合一齊幫家長訂。都唔駛週圍搵。
冷衫質地係地係merino混polyester，但又放個shertland既嘜上去。厳重違反商品標纖說明條例，如果唔條有條紅間，又有校章車花，真係唔想買。

棉花糖媽媽

灰長褲我係金錀買..... 質地都幾好&唔太簿.... 不過就貴d, $115 一條 (但真係一分錢一分貨呀)

原帖由 soonayuen 於 10-11-2 22:58 發表
我今晚去了九龍稱獅子石道買灰長褲.個婆婆話唔係好多貨.之前已經好多家長去了買. K1個D細碼好少貨. 我幫仔仔買了兩條22號,不過覺得都係好薄咁,唔知夠唔夠暖.
每條$65. ...

Alexismama

你仔仔好高大架？ ＄115／條？  我都係金錀買，我仔好高大下，好似唔使＄100喎。 我記得我問過佢咩料， 佢答我佢地灰長褲只有一隻料。

原帖由 棉花糖媽媽 於 10-11-3 08:35 發表
灰長褲我係金錀買..... 質地都幾好&唔太簿.... 不過就貴d, $115 一條 (但真係一分錢一分貨呀)

棉花糖媽媽

唔通加咗價?? 我上星期六買架.... 係最細碼... 我初初以為嗰度有pc 校服&運動衫買先去嗰度咋~ 點知得灰長褲買..... 你幾時買架??

原帖由 Alexismama 於 10-11-3 08:53 發表
你仔仔好高大架？ ＄115／條？  我都係金錀買，我仔好高大下，好似唔使＄100喎。 我記得我問過佢咩料， 佢答我佢地灰長褲只有一隻料。

棉花糖媽媽

我想問下除咗學校書局, 邊度有冬季校服&運動衫買呀? 我唔想去書局買呀....

Alexismama

我十月初定十月中去買，果時我幫阿女買校服， 所以一次買埋比阿仔。 個師傅仲幫阿仔度左身，試完才買的。 我仔一定唔係最細碼，因我記得，我女條裙2百幾，一件恤衫同阿仔一條褲，呢兩個ITEM都係＄100以下的。

男仔校服我知獅子石道有， 同埋有間叫愛民的都有， 但運動衫我唔肯定坊間有無得賣。

我想知你地話果個阿嬸，係職員定校工呀？ 乜個職員態度咁差咩？ 我真係好耐無去啦， 去年幫阿仔買運動衣時，都仲係舊果位職員。

原帖由 棉花糖媽媽 於 10-11-3 08:57 發表
唔通加咗價?? 我上星期六買架.... 係最細碼... 我初初以為嗰度有pc 校服&運動衫買先去嗰度咋~ 點知得灰長褲買..... 你幾時買架??

Alexismama

可能呢D就叫Organization culture.  好難一時三刻去改架喎。 當然，個人性格都會對一個人的待人接物有影響。

原帖由 josephine331 於 10-11-3 01:35 發表
真係好奇怪今時今日仲有咁既服務態度!學校係辦教育的地方,職員最低要求應該有禮.差劣的態度會影響老師及學生.

另外,買校服既方法看來已不合時宜.其他學校都會放樣本出來,再派通告紙叫家長填數量,絕對唔會買唔齊校服 ...

棉花糖媽媽

咁肯定加咗價喇
我好好彩.... 買夏季校服時遇唔到嗰位嬸嬸, 我係一個姨姨sell 我架.... 不過聽到d 家長咁講都好驚呀~
(而且我都有遇到有關校車既不愉快經驗, 所以有d 杯弓蛇影囉 )

原帖由 Alexismama 於 10-11-3 09:07 發表
我十月初定十月中去買，果時我幫阿女買校服， 所以一次買埋比阿仔。 個師傅仲幫阿仔度左身，試完才買的。 我仔一定唔係最細碼，因我記得，我女條裙2百幾，一件恤衫同阿仔一條褲，呢兩個ITEM都係＄100以下的。

男仔校服我知獅子石道 ...

yinghimmeme

男仔灰褲在約瑟有得賣(即幫培正做校服的舖)約$90 ，23"外長。質地及厚度都好好, tel: 23846378  油麻地地鐵C出口側

NICOLE123

原帖由 yinghimmeme 於 10-11-3 09:57 發表
男仔灰褲在約瑟有得賣(即幫培正做校服的舖)約$90 ，23"外長。質地及厚度都好好, tel: 23846378  油麻地地鐵C出口側

其實我就唔明 點解學校會無得賣. 點解唔方便下d家長
買套衫都要去幾個地方搵

棉花糖媽媽

thank you so much ^^

原帖由 yinghimmeme 於 10-11-3 09:57 發表
男仔灰褲在約瑟有得賣(即幫培正做校服的舖)約$90 ，23"外長。質地及厚度都好好, tel: 23846378  油麻地地鐵C出口側

棉花糖媽媽

agree~ 不過我寧願佢sub-let 哂出去仲好.... 好過d 家長咁受氣啦

原帖由 NICOLE123 於 10-11-3 10:00 發表


其實我就唔明 點解學校會無得賣. 點解唔方便下d家長
買套衫都要去幾個地方搵

啡色小小熊

原帖由 josephine331 於 10-11-3 01:35 發表
真係好奇怪今時今日仲有咁既服務態度!學校係辦教育的地方,職員最低要求應該有禮.差劣的態度會影響老師及學生.

另外,買校服既方法看來已不合時宜.其他學校都會放樣本出來,再派通告紙叫家長填數量,絕對唔會買唔齊校服 ...

完全同意，連sample 都無，　人地點知你所謂的５，６７，碼and １７，１８，１９係咩，仲要問多句都惡言相向，基本上學校都要負責任，唔係今既員工仲有得留底，政策都要改啦．一般學校都係會出通告訂．攪到ｄ家長真是無所適從，真是一大失敗

啡色小小熊

原帖由 siulambonnie 於 10-11-2 12:56 發表
係啦, 你地都覺得個書局職員d態度差到爆, 買夏季時已經俾佢不禮貌對待, 上星期我地去問下冬季, 佢又係黑面咁叫我地走, 又話我地"隔硬黎", 我先生即刻上左去搵副校長投訴, 副校長話知好多家長投訴過, 但話佢係老臣子, ...

做得好ar. 你先生真係為好多家長出左啖氣，不過副校長竟然明言話同ar 審傾下，呢下應該係我地面色一沉而唔係佢lor, 今即是話佢都唔會有咩行動la.再講佢話佢係老臣子，今朝朝我買校服時有個小學mamai 話呢個唔係老臣子wow, 上年無見過佢ga ,  黎左１年多，以前個ｄ係老ｄ做野慢但態度都可接受但話黎個就．．．．．

不過今，副校今講，即是都係講錯la, 根本佢就唔係老臣子，即學校都有心”攬”佢lu. 今真係無野好講．
不過真係想知道最終學校會唔會reply 你先生la.

NICOLE123

琴日工人姐姐去買左運動衫褲 佢見到上衣6碼岩 同時買埋6碼褲. 點知條褲長到上心口...今日一早叫工人去換番5碼
點知已經話無貨..點算好
打電話去書局例牌無人聽..有無人可以幫手去問下幾時再會番貨 ?
thanks!

Alexismama

等換得嚟蚊都訓， 反正總會啱著，試下用熱水洗佢一次，會縮水架。

真係唔得咪下次有貨再買多條5碼啦。 再唔係就摺褲頭啦。

記住，佢地D上／下身唔係對稱架， 上身／下身要分別度下。 點解你工人咁懶，人都係度， 開埋條褲度一度有幾難？

原帖由 NICOLE123 於 10-11-4 09:22 發表
琴日工人姐姐去買左運動衫褲 佢見到上衣6碼岩 同時買埋6碼褲. 點知條褲長到上心口...今日一早叫工人去換番5碼
點知已經話無貨..點算好
打電話去書局例牌無人聽..有無人可以幫手去問下幾時再會番貨 ?
thanks! ...

棉花糖媽媽

唉~~~ 我星期六先得閒去買呀~
唔知到時會唔會乜都冇

原帖由 NICOLE123 於 10-11-4 09:22 發表
琴日工人姐姐去買左運動衫褲 佢見到上衣6碼岩 同時買埋6碼褲. 點知條褲長到上心口...今日一早叫工人去換番5碼
點知已經話無貨..點算好
打電話去書局例牌無人聽..有無人可以幫手去問下幾時再會番貨 ?
thanks! ...