用戶登入
用戶名稱:
密      碼:
搜索
教育王國 討論區 升中派位 元朗區2013年升中資訊
查看: 234523|回覆: 1155
go

元朗區2013年升中資訊  

Rank: 5Rank: 5


1972
發表於 10-10-7 01:25 |顯示全部帖子
本帖最後由 mamafufu 於 12-12-11 00:20 編輯

2013 年升中入學討論,由995樓開始。

Rank: 5Rank: 5


1241
發表於 10-10-7 09:52 |顯示全部帖子
多謝mamafufu設立呢個專題,好啦!等我都擺D資訊落去先.

鄉中舉辦的元朗區十大傑出學生選舉:
http://www.nthykyldss.edu.hk/news/ylps/ylps_05.html  (deadline for submission: 15.10.10)



原帖由 mamafufu 於 10-10-7 01:25 發表
盧幹庭紀念中學:
小學親子升中觀校日

http://www.lktmc.edu.hk/fupload/2010_activities.pdf

Rank: 5Rank: 5


1972
發表於 10-10-15 15:58 |顯示全部帖子

伊中舊生會中學「學習生活體驗日」

伊中舊生會中學「學習生活體驗日」

(一)遊覽體驗
10月30日(星期六)

(二)校園生活體驗
11月3日(星期三)               

http://www.ss.qesosa.edu.hk/New_web_working/n4_curriculum/eps/20101030.pdf

[ 本帖最後由 mamafufu 於 10-10-15 16:03 編輯 ]

Rank: 5Rank: 5


1972
發表於 10-10-15 16:00 |顯示全部帖子

伊湯中 『體驗學習歷程』

伊中舊生會中學「學習生活體驗日」

(一)共遊湯中校園
10月30日(星期六)

(二)體驗學習歷程
11月3日(星期三)

http://www.tkwss.qesosa.edu.hk/adv/1011_primary_leaf.pdf

[ 本帖最後由 mamafufu 於 10-10-15 16:09 編輯 ]

Rank: 5Rank: 5


1972
發表於 10-10-20 03:12 |顯示全部帖子

保良局百周年李兆忠紀念中學

保良局百周年李兆忠紀念中學 (屯門)

* 中一自行分配學位 (2011-2012年) 的申請表格可於2010年12月1日起在學校網頁內下載。

*「升中簡介會」定於2010年12月12日下午1時30分於學校禮堂進行,歡迎小六同學及家長預留時間參與,報名詳情容後公佈。

Rank: 5Rank: 5


1972
發表於 10-10-21 10:42 |顯示全部帖子
呢排小六生掛住準備呈分試,升中資訊小d,所以我借機會講吓元朗/屯門區各中學的意見,自行收生階段係不分區,所以元朗學生都可以報屯門區中學(甚至九龍或港島區)。

首先講吓Band 1 中學,我認為元朗區EMI增值最多的一定係信義,而最少(甚至負增值)係元中、趙聿修、商會。元中、趙聿修好可能係非常大的負增值。

Rank: 5Rank: 5


1972
發表於 10-10-21 11:19 |顯示全部帖子
第一間我想講鄉議局中學,呢間絕對係元朗區最top的中學,元朗/天水圍小學全級頭三名好多都揀呢間,甚至天主教小學(有崇德聯繫位)既全級一/二名都經常揀鄉中而唔揀(應是自行時放第二志願)崇德。

呢間行絕對的精英主義,由中一開始,中一分班試時考頭四十名(現時好似係三十六名)編入E班(精英班),41-80名編入D班(次精英班),其餘打散編入ABC班,但通常其中一班成績會較差。

鄉中讀書比較自由﹐功課唔多,但較多小測,如果學生唔自律,就唔適合讀呢間。不過入得鄉中的學生,絕大部份係小學時成績已經好標青,讀書好叻,通常升中後都會KEEP住勤奮讀書,同學間讀書(溫書)氣氛頗濃。

佢地既試題同其他元朗EMI學校比,深咗小小,但差距不大。 雖然佢地的考試卷全級一樣,但平時 小測/chapter quiz ,由各負責老師自行出題,所以好多時E班一份小測卷,D班另一份考卷,ABC又另一份,大部分(但不是絕對)情況都係E/D班的小測卷略深過ABC班,ABC班的小測卷程度同其他元朗EMI差唔多。

鄉中傳統較着重理科,(會考年代)差唔多全部叻學生都揀理科,所以中六理科班有60個位,都要20/21分先至可以原校升讀。而文科(1班30個位)過去兩年都係收15分---對比信義文科今年收19分, 陳瑞芝收21分, 梁銶琚收22分。


如果個小學生的成績全級頭五名內,鄉中應放在自行收生階段的其中一間,6-20名內,如果學生有自律性,亦應考慮,20名以外,就要有破釜沈舟, 置之死地而後生的精神才好報讀。

----以上約屬個人意見,各家長應搜集多方面資料,才選出"最適合"你的小朋友就讀的學校。記住,沒有學校是完美的,而『最好』(會考成績)的學校未必是『最適合』你小朋友的學校。 -----

Rank: 4


990
發表於 10-10-21 11:40 |顯示全部帖子
mamafufu


好多謝你既意見同分享


如可以希望能夠講下band2, 3既學校情況! :)
http://i239.photobucket.com/albums/ff277/tammylaw2000/cmama150.gif[/img]

Rank: 5Rank: 5


1241
發表於 10-10-21 12:16 |顯示全部帖子
好多謝你提供的資料和分析,可否繼續提供由上至下各中學的個人分析,真係對我地的半盲毛好有用!

原帖由 mamafufu 於 10-10-21 10:42 發表
呢排小六生掛住準備呈分試,升中資訊小d,所以我借機會講吓元朗/屯門區各中學的意見,自行收生階段係不分區,所以元朗學生都可以報屯門區中學(甚至九龍或港島區)。

首先講吓Band 1 中學,我認為元朗區EMI增值最多的一定係信義 ...

Rank: 5Rank: 5


1972
發表於 10-10-21 12:24 |顯示全部帖子
唔使客氣,升中資料互相分享,大家都會得益。

不過我打字慢,打呢d文章要用好多時間,可能要慢慢來。

christy-mama and Sherryko9:
你地有冇邊間中學係心水?或者我講佢地先。不過我唔係所有元朗中學都熟識,睇下幫唔幫到你地。


原帖由 Sherryko9 於 10-10-21 12:16 發表
好多謝你提供的資料和分析,可否繼續提供由上至下各中學的個人分析,真係對我地的半盲毛好有用!

Rank: 5Rank: 5


1241
發表於 10-10-21 13:39 |顯示全部帖子
好多謝你呀!我都唔客氣,信義和盧中係我心水選,雖然趙中已不在我心水3甲,但我亦想知多知佢負增值情況.
對於學校功課和考試,囡囡唔雖太費勁,坐定定温晒D書就攪掂,佢主尊心唔太弱,有少少唔衰得的性格,佢自動力又唔太強,但到考試前佢又會主動走去書台温書,當然啦!有時要催促佢快D温晒去,佢少少慢條斯理,日日都要睇電視,我有話佢比好多同學hea,放學回家一定要睇6點果場電視,跟手食飯又睇電視劇,總之呢D係佢每日娛樂之一,我和爸爸都唔反對,但有時真係覺得太多甘解!可能佢出面學的野比學校深,所以學校書本對佢來說輕易易舉,我都唔太清楚邊D學校適合她;不如睇吓你有物好主意,參詳參詳!(囡囡記性好,默書呢家野只需温1次已攪掂,十居其八都拿滿分)

原帖由 mamafufu 於 10-10-21 12:24 發表
唔使客氣,升中資料互相分享,大家都會得益。

不過我打字慢,打呢d文章要用好多時間,可能要慢慢來。

christy-mama and Sherryko9:
你地有冇邊間中學係心水?或者我講佢地先。不過我唔係所有元朗中學都熟識,睇下幫唔幫到你地 ...

Rank: 3Rank: 3


198
發表於 10-10-21 14:36 |顯示全部帖子
原帖由 mamafufu 於 10-10-21 11:19 發表
第一間我想講鄉議局中學,呢間絕對係元朗區最top的中學,元朗/天水圍小學全級頭三名好多都揀呢間,甚至天主教小學(有崇德聯繫位)既全級一/二名都經常揀鄉中而唔揀(應是自行時放第二志願)崇德。

呢間行絕對的精英主義,由中 ...


我想補充小小:一般科目上下學期各測兩次,數學則每教完一個單元測一次;至於abc班測卷是否較淺,不大清楚,但统測安排在禮堂,我相信會是一樣,有些會安排在課室測,也許有所別也不奇,至於de班測卷有分別,未聽過亞女講,因她好同學在d班而她是e班。
今年2d班41人,因收了崇德成績很好的學生插入d班,e班仍是40人,abc班則37人,中一則de班39人,abc班34人。
鄉中教師很有個人風格,每個教師教法都不一樣,同學真的要加把勁才能適應,但整體而言教師是很尊重學生,功課多少都有商量,亞女讀得很開心。

Rank: 5Rank: 5


1972
發表於 10-10-22 03:06 |顯示全部帖子
跟著講下信義。

信義可以講係元朗區最"矚目"的中學,以往報紙要報導"中中的成績不比英中差",一定會訪問信義,不過呢種"成就",要學生付出好大的代價--每年中三升中四,都要淘汰一班,由(5x45)人減至(4x38)人,呢70人(有些年份多達100人),就要走去band 3尾的學校就讀。所以信義的會考14分或以上百分率,經常保持住85%以上,比女拔/男拔/喇沙/皇仁重高。

當然除了淘汰"次一級"(其實佢地仍然係BAND 1水準的學生)外,信義對自己學生的催谷都好勁,功課量比其他英中多好多,功課/測驗/考試題目比起其他英中略淺
,但由於量夠大,所以對提升BAND 1中至尾學生的水準,十分有效。

信義去年正式轉為全英中,但在催谷學生方面,絲毫沒有放鬆,反而加多"兩斤"重---今年信義F.1 統測前一個月,全級每日都要留校補課一小時,最快四點半先至放學,有時重要耐D。

聽學生轉述學校老師的說話--部分老師心聲--信義依家成績已經好過崇德及趙聿修,但重想更進一步。(呢點看法我有保留)

信義去年第一年(偷步)轉為全英中,世界歷史及地理首次使用英文教學。可能係第一年用英文教學的關係,效果並不十分理想,世史好多學生表示唔明白/掌握唔到重點,地理只係教咗原課程的三分之二,剩餘的三分一在六月大考後先教,暑假要學生自行做完整課的作業,九月開學時交。希望今年效果會好D。

信義係少數元朗區中學係初中有"真正"通識科的學校,課程內容同新高中文憑的通識科類似,我覺得對學生升讀新高中文憑的通識科好有幫助,不過佢地今年開始,初中通識使用全英文教學,我有D擔心教學效果反而會差咗,學生的分析/論點無法完整地表達出來。

至於校風方面,各家長完全唔使擔心,絕大部分學生都好純好乖,信義係元朗區校風最好的中學之一。

學校老師都好盡責,冇聽過有吞pot/不負責任老師的評語。

總括而言,信義係一間好好既學校,假設小六級band 1 生有60名,全級頭10名內,如果缺乏自覺性,"信義可以幫到你"!全級10至50名的學生亦應考慮放信義在自行收生階段的其中一間。入咗呢間中學,就唔好預期會有"輕鬆愉快"的校園生活,當然回報是公開試成績比其他人好。

.....呢編文章打咗兩個鐘,要休息幾日再講其他中學.....


-----


以上純屬個人意見,各家長應搜集多方面資料,才選出"最適合"你的小朋友就讀的學校。記住,沒有學校是完美的,而『最好』(會考成績)的學校未必是『最適合』你小朋友的學校。

-----

Rank: 5Rank: 5


1241
發表於 10-10-22 08:54 |顯示全部帖子
辛苦你呀!
你分析真係好詳細,我 .如果可以幫你打中文,我一定義不容遲!但係我地天各一方,你有你生活,我有我忙碌,還攪到你要閉關幾日養氣,真係唔好意思!希望你下次出關,又大發神功,開著名燈比我地詳考,謝謝

原帖由 mamafufu 於 10-10-22 03:06 發表
跟著講下信義。

信義可以講係元朗區最"矚目"的中學,以往報紙要報導"中中的成績不比英中差",一定會訪問信義,不過呢種"成就",要學生付出好大的代價--每年中三升中四,都要淘汰一班,由(5x45)人減至(4x38)人,呢70人(有些年份多 ...

Rank: 4


990
發表於 10-10-22 10:39 |顯示全部帖子
mamafufu


辛苦晒你用咁多間同心機打出來...

我想了解以下幾間學校!

1. 基朗
2. 伊利沙佰舊生會中學
3. 伊湯中
4. 西門英才
5. 羅桂祥

謝謝!!!
http://i239.photobucket.com/albums/ff277/tammylaw2000/cmama150.gif[/img]

Rank: 5Rank: 5


1241
發表於 10-10-22 11:12 |顯示全部帖子
我諗我可以講吓伊中兩所中學(因為識人係到教).
伊中兩所同伊小兩所直通,佢地主要貨源係收伊小,下年結龍---粗龍;伊中中自稱(在天水圍卦!)係band1尾,今年印左成幾仟份宣傳單張(唔明?幾千份甘多?)比元朗區小學,囡囡學校都收到,伊湯中只比伊小兩間,唔比其他.伊中中識人講,粗龍只會令佢地水準下降,甘睇我諗意思伊小學生成績唔太好,但無法,貨源保証;伊湯中D學生有好有唔好,以S5級為例,會有1班學習導向低,行為/成績間乎Band3水準(我諗間間中學都有呢D情況),好班自律性高,好主動學習,例如會自動留係課室温書,好勤力.伊中兩間最高領導人唔係校長,係幕後開山先祖校長,唔記得叫X太,無領人工,但成日email或回校開會,比"意見";如果以成績來看,伊中中比湯中受伊小學生歡迎,因為伊中中歷史耐.
如果係band1學生,還有大把選擇.
羅桂祥,好早已是天水圍band1(所謂)學校,我諗名聲比伊中兩所高卦?

原帖由 christy-mama 於 10-10-22 10:39 發表
mamafufu


辛苦晒你用咁多間同心機打出來...

我想了解以下幾間學校!

1. 基朗
2. 伊利沙佰舊生會中學
3. 伊湯中
4. 西門英才
5. 羅桂祥

謝謝!!! ...

Rank: 4


990
發表於 10-10-22 14:46 |顯示全部帖子
原帖由 Sherryko9 於 10-10-22 11:12 發表
我諗我可以講吓伊中兩所中學(因為識人係到教).
伊中兩所同伊小兩所直通,佢地主要貨源係收伊小,下年結龍---粗龍;伊中中自稱(在天水圍卦!)係band1尾,今年印左成幾仟份宣傳單張(唔明?幾千份甘多?)比元朗區小學,囡囡學校 ...


Sherry

多謝你既分析, 咁兩所伊中收幾伊小學生呢, 其他小學入既機會咪好少? 即然係咁, 伊中中點解仲要派傳單比其小學, 呀囡間學都收到!
http://i239.photobucket.com/albums/ff277/tammylaw2000/cmama150.gif[/img]

Rank: 5Rank: 5


1241
發表於 10-10-22 15:56 |顯示全部帖子
其實我講的都不是唔係甚麼分析.
佢地而家還研究緊明年"粗龍"的細節,好似和教局相量緊.
粗龍意思是兩間伊中和兩間伊小接龍,佢地高層唔想側向一邊,因為兩間伊小大部份學生取向伊中中,所以建議頭20%(唔肯定)可以揀自己喜愛的伊中中或湯中(多數會揀伊中),餘下的電腦派,平衡番D學生.
呢D真係有D奇怪?---伊中中會派宣傳單比元朗區小學;伊湯講明唔會,只派給伊小學生;有人話可能伊中中經費多,所以可以印幾千張宣傳單!其實宣傳單張.
再講番伊中中(伊湯中,暫時唔知太多),佢地每年攪唔少離港團給學生,有北京/歐洲(好似攪過德國?),阿X太(背後軍帥)好睇學生意見,所以係入面做的老師都好慘!早期好多老師頂唔順走人(呢個係事實),近幾年上左軌道,老師穏定左,但仍好辛苦(包括伊湯中,聽聞湯中有唔少老師,包括高層,曾患情緒病,因為工作壓力大).
如果照表面甘睇,你可以話佢地有衝勁,但苦了老師!

好多時我能醫不自醫,唉!都有D嘆矣何!對於自己心儀的學校反知不多!


原帖由 christy-mama 於 10-10-22 14:46 發表


Sherry

多謝你既分析, 咁兩所伊中收幾伊小學生呢, 其他小學入既機會咪好少? 即然係咁, 伊中中點解仲要派傳單比其小學, 呀囡間學都收到!

Rank: 5Rank: 5


1972
發表於 10-10-23 11:28 |顯示全部帖子
Sherryko認識伊中中的老師,佢對伊中中的意見應該比我有用好多。

不過我識幾個喺伊中中讀的學生,遲D講吓我對伊中中的印象,作為對Sherryko意見的補充。

上篇文章提到信義可能係EMI(英中)升值最高的中學,咁伊中中可能係CMI(中中)升值最高的中學之一。另外羅桂祥及翁佑都係非常好的中中。

伊中中及伊湯中明年(11年)開始同兩間伊小結龍,佢地收取的學生質素可能受影響,而且收取外校生的人數會減少好多,外校生想報伊中中,要留意呢點。

參考翁佑(同伍冕端一條龍)的數據,電腦派位階段乙部只有廿多個名額供全部學生(包括伍冕端學生及外校生)選擇。

[ 本帖最後由 mamafufu 於 10-10-24 01:50 編輯 ]

Rank: 6Rank: 6


7052
發表於 10-10-24 01:05 |顯示全部帖子
原帖由 mamafufu 於 10-10-23 11:28 發表
Sherryko認識伊中中的老師,佢對伊中中的意見應該比我有用好多。

不過我識幾個喺伊中中讀的學生(中二至中七都有),遲D講吓我對伊中中的印象,作為對Sherryko意見的補充。

上篇文章提到信義可能係EMI(英中)升值最高的中學 ...

翁祐only 20個位放出街 咁我即係諗都唔使諗啦!寄望羅桂祥啦!
再過屯門碰下運氣,馬可賓普教中,我like
不過我知有不少教育界ge父母,想仔女升中入宏信,唔使谷餐死都係好事

[ 本帖最後由 701003 於 10-10-24 01:11 編輯 ]