用戶登入
用戶名稱:
密      碼:
搜索
教育王國 討論區 特殊教育 如果教仔教到好忟妳地點cold down?
發新帖
查看: 2296|回覆: 18
go

如果教仔教到好忟妳地點cold down?

Rank: 3Rank: 3


279
發表於 10-9-21 21:36 |顯示全部帖子
有時教仔教到打佢, 嗰刻真喺控制唔到自己, 佢本身都無乜信心做每樣嘢...我都知佢喺發展遲緩小朋友, 但喺佢有d嘢喺會識...但佢到好似唔願試, 呢樣嘢我喺最嬲同最忟, 而家發覺自己對佢嘅包容越來越小, 真喺想問其他有呢類嘅小朋友嘅媽咪心得...可以教吓我點調節自己...thanks


73
發表於 10-9-21 22:05 |顯示全部帖子

回復 1# NemoFish 的帖子

你個小朋友幾多歲呀? 如果打係方法, 就唔駛禁體罰啦. 試下比多D時間他準備,同埋要用小朋友的角度去衡量他的能力,因為我們成人易完成的事, 不代表他們都一樣易於完成.
不過, 你再用打罵方式, 肯定佢自信心受傷, 對佢心理有影響. 你把問題講多點先可以幫你.
QQ

Rank: 3Rank: 3


279
發表於 10-9-21 22:25 |顯示全部帖子
mgo:

佢五歲幾, 讀k3
e.g : 好似撘lift咁, 每次出門都問佢出街按咩掣呀...佢答到嗰喎..但當入lift嘅時候, 佢就好似點咗穴咁企喺到, 喺都要我答"啱喇"佢先會"禁" 呢d case日日都發生...我每次都同佢講..你識就"禁"啦...唔駛問我架啦...但喺次次都喺咁...唉...我都唔知佢真識定假識...

Rank: 2


44
發表於 10-9-21 23:24 |顯示全部帖子
請你嘗試了解他吧!體罰絕對不可為, 咁小事就動怒, 怎面對以後的成長路? 請先調節自己對仔仔的寄望, 遇到不快時, 禱告吧!

Rank: 5Rank: 5


1787
發表於 10-9-21 23:44 |顯示全部帖子
NemoFish,
你小朋友好細姐,況且你都知佢無信心,你更加唔應該打佢/鬧佢啦.
我自己都係EQ底既人,但對亞B會盡量笑住同佢對答,當然人有時都會失控既!我個B 2歲3個月,由細到大,我打過佢十次都無,每次都係一,兩下(只限屁股,手掌)....但足夠佢及我痛...我即刻好後悔! 唔好再打佢啦! 你試下代入佢角式諗下?你估佢想咁無信心架咩!會唔會係因為你既面容/反應長期影響左佢? 如果真係忍唔住,你試下即刻走開,去個廁所冷靜,當然佢要響安全環境下你先好走開啦!
例如按LIFT咁,你試下捉住佢手仔一齊按,然後讚佢...試多十次八次,睇下呢個做法無效!?....我地大家一齊努力,一齊學習做個有耐性既媽咪啦!

Rank: 5Rank: 5


1263
發表於 10-9-22 01:07 |顯示全部帖子
我相信上帝為我們每個人準備的並唔係失敗而係成功. 願意面對失敗的人, 最後會獲得成功.

Rank: 3Rank: 3


397
發表於 10-9-22 10:30 |顯示全部帖子
願意面對失敗的人, 最後會獲得成功.
真係好好既一課..
插入我心~~

Rank: 3Rank: 3


499
發表於 10-9-22 23:05 |顯示全部帖子
我媽媽時常都唱歌,她也叫我要常唱歌,不同程況下唱不同的歌;當心裡很憤怒和難過,但那時並不合適唱歌,那可以一樣用氣唱、但在心裡唱;我覺得是很有效的。

我們教小朋友時覺得他們講極都不明、教極都不曉,真很容易起火;今天我到圖書館借了一本書叫When My Autism Gets Too Big,是幾分鐘就可以看完的兒童書籍,內容教我們作父母在這時刻要放鬆,


放鬆5步曲:
1.
深呼吸3次;


2.
將雙手舉到最高,然後放下,做3次;


3.
洗手般擦擦雙手約3秒;


4.
擦擦大腿約3秒;


5.
再深呼吸。


其實我們的小朋友將會面對明人講極都不明的情況,還要給別人說表達力有問題,你可想像他們內心那團火是如何,你學好可以教他。

When My Autism Gets Too Big 這本書將這種火分為5級,如何將5級火變成2級或1級開心情況,值得與你和你的小朋友一齊看。


他建議小朋友:

1.
緊握雙手;


2.
深呼吸3次;


3.
坐下、閉上眼睛、擦擦大腿;


4.
想一些開心的事情。

最好盡早讓他知道什麼是能令他開心的事。

不過我都是喜歡唱歌。

Rank: 5Rank: 5


1787
發表於 10-9-23 13:44 |顯示全部帖子
pattsui11@yahoo
多謝你既分享,我覺得呢SET動作,不只係A仔父母去做,任何人都ARM做!

Rank: 3Rank: 3


499
發表於 10-9-24 12:54 |顯示全部帖子
有時我會看http://www.rehabaid.org/adminmode/TRA/rkl100/pdf/63-tc.pdf 這一類提醒我的文章,加下油。

原帖由 BeBe媽媽 於 10-9-23 13:44 發表
pattsui11@yahoo
多謝你既分享,我覺得呢SET動作,不只係A仔父母去做,任何人都ARM做!


73
發表於 10-10-4 20:10 |顯示全部帖子
你點解要佢按lift?, 可能你的孩子係識做,但唔明白點解要做! 我都見過,有d親子溝通輔導班家長都有呢d 問題,你的小朋友聰明, 所以佢可能留意到一個問題, 點解媽咪叫我做但佢唔做,但媽咪又欠了一個解釋。因為大人的世界有人生經驗可以推測別人的動機,但小朋友的世界就欠缺這經驗.

以你小朋友為例. 你入lift要佢按層數, 目的是什麼?你要用口告訴佢, 例如: "你唔按制架lift就唔會動囉," 又或者"媽咪想教你按lift番屋企。所以你要比試比媽咪睇. (因為可能學校老師會教小朋友唔可以玩lift......)咁樣佢會混亂.

你再教過吧! 佢如果識按制, 你要讚下佢, 即使是一句"唔該"都好. 你認同佢能力的方法.
QQ

Rank: 1


16
發表於 10-10-4 22:55 |顯示全部帖子
原帖由 NemoFish 於 10-9-21 21:36 發表
有時教仔教到打佢, 嗰刻真喺控制唔到自己, 佢本身都無乜信心做每樣嘢...我都知佢喺發展遲緩小朋友, 但喺佢有d嘢喺會識...但佢到好似唔願試, 呢樣嘢我喺最嬲同最忟, 而家發覺自己對佢嘅包容越來越小, 真喺想問其他有 ...


其實我同你都差唔多,我個仔k2好活躍,而家排緊期做評估,我都係這1年先全職湊佢,我個仔好like特登做D衰野激人,叫佢行東佢就行西,我都成日俾佢激到就好想大叫!!!!!
以前我一小小忍唔住就会打佢,嗰陣佢又喊我又喊,但後來我發現唔work,因為佢D脾氣越來越差,有一次仲俾我聽到佢講粗口.......個一刻我真係好驚,因為當佢發脾氣個刻好似我...... 而且佢仲成日同人講[如果你唔乖我就打你]......

見到佢咁我即刻檢討自己,而家我對佢比以前用多左好多耐性,當我真係好嬲嗰陣我就会同佢講[媽咪而家好傷心,我好想攬住你!],跟住我個仔就会好緊張咁問我咩事.......而家多左同佢傾偈同俾佢自己有選擇,而加佢都乖左....

不過我而家每晚都会檢討吓自己當日對佢既態度,慢慢我就明白我應該店做

希望你都快D找到你既方法啦~~唔好打佢喇

Rank: 5Rank: 5


1248
發表於 10-10-5 12:24 |顯示全部帖子
我仔有adhd, 而cp亦話他是極度不合作型, 所以教他真是少d力都吾得.

上星期我個工人辭職走左, 又未揀到新工人, 我要返工, 仲要有左5個月, 你話係吾係人都癲

原帖由 Rachel小妹 於 10-10-4 22:55 發表


其實我同你都差唔多,我個仔k2好活躍,而家排緊期做評估,我都係這1年先全職湊佢,我個仔好like特登做D衰野激人,叫佢行東佢就行西,我都成日俾佢激到就好想大叫!!!!!
以前我一小小忍唔住就会打佢,嗰陣佢又喊我 ...

Rank: 1


16
發表於 10-10-6 00:10 |顯示全部帖子
原帖由 dorisfan 於 10-10-5 12:24 發表
我仔有adhd, 而cp亦話他是極度不合作型, 所以教他真是少d力都吾得.

上星期我個工人辭職走左, 又未揀到新工人, 我要返工, 仲要有左5個月, 你話係吾係人都癲

...


仲你個仔而加边個湊呀???
唉~~其實我都好想番工,但見佢開始有D進步又唔想放棄,始終自己一手一腳湊会好好多~~

Rank: 5Rank: 5


1248
發表於 10-10-8 10:31 |顯示全部帖子
好彩他返全日幼稚園, 放學後去我媽度玩一陣, 等埋我放工一齊食飯先至屋企, 但返到屋企又要做功課沖涼, 我等他瞓左先開始做家務, 攪到成差不多12點先有得瞓, 攰到我不得了.

原帖由 Rachel小妹 於 10-10-6 00:10 發表


仲你個仔而加边個湊呀???
唉~~其實我都好想番工,但見佢開始有D進步又唔想放棄,始終自己一手一腳湊会好好多~~

Rank: 4


754
發表於 10-10-8 21:07 |顯示全部帖子
我岩岩先對完我仔發癲!!

我知自己面色差到身邊D人一行過都FEEL到果種氣.

我無辦法令自己由極度黑面轉成滿面笑容.

見個公園無咩人,咪畀佢跑下囉!!

跑跑下,跑左去燈位前,仲要排到去D 大人前.

一路係後面大叫佢名,行到上去捉住佢.

真係想大把大把咁聲落去.

但我無,反面大大力打左落手掌到.

喊左,但我依然面黑.解釋左畀佢聽.

下次,心情唔好都係唔好帶佢去街.

Rank: 3Rank: 3


306
發表於 10-10-8 21:54 |顯示全部帖子
哎!我都好明白想教好個小朋友係吾可以打同駡。不過有時真係會忍吾住發脾氣(人黎遮)。我想講下,其實我地都好須要發洩途徑,好似係呢度"sung"下,或者搵個冇人既地方大叫,將D谷氣舒洩下,然後繼續再忍,有入有出好D,祝大家身體健康!努力!加油!
2005年4月18日出世 2006年1月18日 9.75kg 3.19kg Alvis studio photosAlvis Photos1 year old studio photoOne Year Old Studio Photo

Rank: 1


7
發表於 10-10-11 13:08 |顯示全部帖子
每次比阿仔激到爆, 然後同佢發脾氣之後, 我都好唔開心, 好後悔自己點解頭先唔可以冷靜一下教佢. 其實其他小朋友都有反叛的時候. 點解自己覺得阿仔係與眾不同 ?

我會睇多D 關於A仔的書, 希望更加了解佢.

大家一起努力, 希望大家的寳貝聽聽話話.

Rank: 3Rank: 3


344
發表於 10-10-11 17:00 |顯示全部帖子
Rachel 小妹,

你好! 我囝囝都係k2, 而家都仲排緊見醫生, 今日終於見到政府嘅言語冶療師, 佢話阿囝言語delay 10 個月, 又話佢有自閉証傾向, 我以前係Heep Hong 同Step  評又話佢冇問題, 而家我都唔知信邊個岩!


原帖由 Rachel小妹 於 10-10-4 22:55 發表


其實我同你都差唔多,我個仔k2好活躍,而家排緊期做評估,我都係這1年先全職湊佢,我個仔好like特登做D衰野激人,叫佢行東佢就行西,我都成日俾佢激到就好想大叫!!!!!
以前我一小小忍唔住就会打佢,嗰陣佢又喊我 ...