用戶登入
用戶名稱:
密      碼:
搜索
教育王國 討論區 自閉寶寶 「社x綜合x療中心」之我見
發新帖
查看: 1270|回覆: 5
go

「社x綜合x療中心」之我見

Rank: 3Rank: 3


113
發表於 10-9-9 00:23 |顯示全部帖子
跟各位媽媽一樣,當懷疑小朋友患有自閉時,都心急找一間機構做評估,那時我見私營的心理評估要成$5XXX,在偶然下搵到「社x綜合x療中心」,而佢只係$1500,排期又快,我便二話不說報名。

在「社x綜合x療中心」評估過後,"職業治療師"認為小兒並非自閉,只是「發展遲緩」,我當時心想還好。可是無耐之後自己疑心又再起,因為評估無法令我悉疑,小兒何解始終愛轉動物件,又有重覆性行為,更不愛同其他小朋友玩?

於是乎,我再到協康會排期,這兒的心理評估超全面,心理學家又細心,跟進服務更好,更重要的,他們的評估報告當然不止「發展遲緩」咁少……

在此,我想說說「社x綜合x療中心」幾點值得注意的地方:

1. 令人質疑的評估方法
正常自閉評估應由心理學家進行,而我在協康的評估範疇更包括父母評語、老師評語、兒童對心理學家表現、兒童觀察小組表現、智能評估,總共多過6小時(分幾日做)。然而,「社」竟由「職業治療師」作評估,評估範疇只有父母評語,及兒童對治療師表現,歷時只有1小時,更只有口頭報告。

2. 資格備受質疑的言語治療師
評估過後,「社」建議我小朋友做言語治療,收費是$350/0.5hr,我上了幾堂,言語治療師的確很nice,也十分有心,但當我收到他的卡片時,才驚訝發現他沒有讀過任何「言語治療系的學位」,卻只有一大堆證書、文憑﹗大家都知道,稱得上言語治療師的,至少要有相關的學位﹐在外國什至要求碩士。我知道後即停﹗

3. 經驗未到的導師
評估過後,「社」又建議我小朋友上社交小組,$200-300/1hr,第一堂,我剛巧遲到10min,正打開房門,社工導師卻沒有主動帶我小朋友入內,只是生硬的企係度等我自己埋堆﹗﹗上完堂,我又問下其他家長「夠竟上堂做些什麼?這個堂收什麼名?」佢地話「我都唔知」。我知道後又即停﹗

在我而言這是一間比較混亂的機構。其實還有其他的看法,但主要的有這三點。務請各位家長報讀任何「社」的課程/評估/治療前三思。

[ 本帖最後由 charisma07 於 10-9-9 00:25 編輯 ]

Rank: 5Rank: 5


1263
發表於 10-9-9 14:54 |顯示全部帖子
只是路過, 雖然未讀過你提到的中心, 不過都比d 意見:

1. 通常做自閉症評估的會係心理學家或兒科醫生. 有感覺統合問題應由職業治療師評估.
正如邁X的朱姑娘同我講, 有自閉症未必有感統問題.

2. 我通常都無特別 check 下導師的學歷. 心想捉到老鼠就係好貓. 如果碩士生(好似我咁)唔識捉老鼠都係無用.

3. 我覺得導師這樣做也無可厚非, 可能她忙着和其他小孩進行活動中.
唔知上堂做d 物, 我都接受唔到. 我都會選擇親子的社交班.

通常一知道個仔/女 有事, 都會立刻行動, 亦因好多服務要排隊, 所以會報其他中心.

對於不適合的中心, 都應懷着感因的心. 我相信整體而言, 都係對特殊教育有一定貢獻. (如果想搵錢, 應該不會開特殊中心, 這些兒童真的很難教的.)

Rank: 2


93
發表於 10-9-9 21:32 |顯示全部帖子
我剩係知道呢間野係行內出名拖糧................

Rank: 3Rank: 3


113
發表於 10-9-10 23:20 |顯示全部帖子
其實我還有一點想講:

後來我發現我身邊有朋友有ST同社工,佢地話,在他們行內呢間「社xxx中心」係出名混亂同不完善,他們也呼籲我quit。

回應2: 那位ST更提我,一定要搵合資格的ST,不然train錯了就弊。另外對我而言,佢的收費係ST收費,資格卻……

回應3: 依我所見,果位社工導師係inexperienced多於忙於睇住其他學生。佢那刻既不是照顧緊其他學生(都係得3個),又不是向我兒走近,而係一碌木企係中間。

原帖由 kelvin_hmlau 於 10-9-9 14:54 發表
只是路過, 雖然未讀過你提到的中心, 不過都比d 意見:

1. 通常做自閉症評估的會係心理學家或兒科醫生. 有感覺統合問題應由職業治療師評估.
正如邁X的朱姑娘同我講, 有自閉症未必有感統問題.

2. 我通常都無特別 chec ...

[ 本帖最後由 charisma07 於 10-9-10 23:25 編輯 ]


936
發表於 10-9-19 10:56 |顯示全部帖子
提示: 作者被禁止或刪除 內容自動屏蔽

Rank: 3Rank: 3


347
發表於 10-9-22 00:01 |顯示全部帖子
charisma,

想問下是那區的「社x綜合x療中心」?