囡囡讀小一俾同學搶東西呀..點算好 !!

lam1115

我囡囡九月一返學,第一天放學返來都好開心,我做媽媽當然登佢開心啦,點知原來我囡囡由第一日返學至昨天我才知道原來佢日日都俾同搶食物,刷膠,鉛筆..我問囡囡為什麼昨天先同我講,佢話諗住俾三次機會佢,昨天我囡囡喊左五個鐘頭,話好驚見到個個同學,我都覺得太過份啦...我昨天打電話給佢班主任只說了一句我會留意下.,點知今天囡囡放學又喊啦...真係令我好心痛呀..我真係忍不住明天約左佢班主任傾下呢個同學既行為..我不想再又第二個同學好似我囡囡甘樣呀..令到小朋友成長好有問題嘛~...其實點解唔教好自己d 仔女呢,為何要這樣對同學呢.我囡囡現在才1年級,剛剛才開始點樣過這六年呢... 我真係好唔開心呀....

edea

要同老師溝通, 但家長都要小心, 唔好over-react令小朋友壓力更大. 唔好係咁大件事, 唔需要好唔開心. 妳囡囡喊成五個鐘, 會唔會係妳有話佢? 妳先要教佢take it easy, 同埋如果人地再搶佢野, 用嚴正語氣say no及同老師講.

呢個世界邊個地方都有欺凌, 係時候教自己小朋友點去保護自己, 受用一生.

先同老師見面溝通下啦.

MariaTsui

是時候教囡囡如何保護自已及財物,你可以向老師反映,老師極其量會留意一下,因為老師都不可能24小時留意該小朋友,只要你囡囡學懂保護自己,小朋友就不會搶,通常這些小朋友都是睇人來搶,另外,快些叫囡囡識一,兩個好朋友,因為有朋友的小朋友就不會那麼容易讓人"蝦".

Good Luck.

Charlotte_mom

係, 同老師溝通當然重要, 另一方面都要教識女女咩係自己財物咩可以同人share
我女一年班都試過件事, 就係我當時好開心佢考到間學校, 就買左d好靚既文具俾佢上小一, 點知佢同學問可唔可以俾佢, 我女就咩都俾晒人, 激到我噴血
所以我相信一年班小朋友真係唔知咩叫自己野咩叫人地野, 你可以教你個女應對方法, 例如同同學講呢d係媽咪買俾我, 我唔可以俾你, 如果俾左你我媽咪會好唔開心, 你再拎我就同老師講架喇等等
如果真係攪唔掂就唯有親自去見老師一轉啦! 唔好令小朋友一開學就同同學仔唔開心嘛

原帖由 MariaTsui 於 10-9-7 08:30 PM 發表
是時候教囡囡如何保護自已及財物,你可以向老師反映,老師極其量會留意一下,因為老師都不可能24小時留意該小朋友,只要你囡囡學懂保護自己,小朋友就不會搶,通常這些小朋友都是睇人來搶,另外,快些叫囡囡識一,兩個好朋友, ...

yfy2004

请问你边间小学?

lauerica

應該開心先真，個女喊到五個鐘頭，肺容量唔少野，可以訓練佢跑馬拉松，出戰奧運，贏個金牌返來，一可為港爭光，二可光宗耀祖，實屬雙贏局面，恭喜！恭喜！

lam1115

原帖由 yfy2004 於 10-9-7 22:34 發表
请问你边间小学?

佐xx聖約瑟天主教小學,我今天見過老師啦原來說那個學生沒有自制能力,見我囡囡比較靜d ,睇下可唔可以幫到佢帶動佢融合d ,我需然都想幫呢個小朋友,但甘樣影響左我囡囡,我真係愛莫能助啦,返小學全日制已經辛苦架啦,仲係適應期就要佢甘樣幫佢,我真係覺得唔ok 囉,除非我囡囡接受到,而可以幫到佢既話,我會為亞囡覺得驕傲..但可惜攪成甘樣....
其實我都知所以有學校都有呢類學生,唔可以歧視佢..但如果甘樣影響小朋友成長,我覺得學校一定會跟進..
我不停甘樣諗辨法幫佢,其實你地有無其他辨法令自己女兒保護自己呀....

lam1115

原帖由 MariaTsui 於 10-9-7 20:30 發表
是時候教囡囡如何保護自已及財物,你可以向老師反映,老師極其量會留意一下,因為老師都不可能24小時留意該小朋友,只要你囡囡學懂保護自己,小朋友就不會搶,通常這些小朋友都是睇人來搶,另外,快些叫囡囡識一,兩個好朋友, ...

初初頭一,兩日都已經同我講左識左兩個同學,但點知掉左同呢個同學仔坐,佢就悶悶不樂.成日返來只說好驚呀媽咪呢個同學成日搶我d 東西...令我連返工都無晒心機呀 !!

KK07

我覺得你首先要調整自己的情緒先,雖然心痛,但退一步來看,這不是大問題,每校每班都會有這樣的同學. 你女愈發覺你take it too serious, 佢就愈覺得自己係受害者而逃避面對. 理性地告訴她這個同學的問題,怎樣保護自己又同時可與他相處. 小朋友其實好受父母情緒影響, be positive.....

lam1115

原帖由 KK07 於 10-9-8 10:30 發表
我覺得你首先要調整自己的情緒先,雖然心痛,但退一步來看,這不是大問題,每校每班都會有這樣的同學. 你女愈發覺你take it too serious, 佢就愈覺得自己係受害者而逃避面對. 理性地告訴她這個同學的問題,怎樣保護自己又 ...

其實我都已經好努力去解釋話俾個囡聽.好多小朋友都有呢d 事情發生,唔好受他們既影響,要積極去面對,我係佢面前都好堅強架啦,強忍眼淚,但只有內心真係好想好想去幫佢..但表面我知道不可以成日甘樣去保護佢架嘛,,為人父母甚艱難呀....多謝大家的保貴意見..我會叫亞囡去面對的...

Whitepine

我都好認同焯嵐媽咪的睇法，小一生開頭會遇到好多新的事物和問題，都要開始放手比佢地獨立去面對和解決問題。

原帖由 焯嵐媽咪 於 10-9-8 09:49 發表
我都係小一生媽咪,其實家長應該比小朋友自己想辦法去解決,你只要教佢,如果其他人搶你野,你就話比老師聽,家長唔好幫佢(除非好嚴重),因為你幫佢一次,佢次次有事都會返來同你講,等你同佢出頭,佢更加唔識點去解決!同埋佢 ...

Geni

我細個o既時候班上面有個同學仔成日蝦人, 老師又係見我乖就叫我同佢坐, 結果就係上上o下堂都俾佢用間尺插我.... 我唔敢出聲, 番到屋企就話俾媽咪聽, 佢就叫我下次個同學再整我就即時話俾老師聽, 於是第二日佢想整我o既時候我即時話俾老師知, 自此之後佢就冇再hurt我亦都冇再hurt其他人o勒, 而我地就繼續一齊坐直至下一次換位.

我自己覺得小朋友既然要自己番學, 就要學識點樣同人相處, 更要學識自己解決問題. 呢個世界乜人都有, 大人o既世界係咁, 小朋友o既世界都一樣, 我地做大人o既應該係教佢點做, 而唔係幫佢做, 因為如果佢依家唔學識自己照顧自己, 將來到佢大個就更加難獨立.

之前有報導話有90%以上o既中學有學生接觸過毒品, 咁即係話我地已經唔可以再用"避"o黎令小朋友唔好學壞, 而應該係教佢分辨是非, 自我保護.

edea

原帖由 lam1115 於 10-9-8 11:05 發表

其實我都已經好努力去解釋話俾個囡聽.好多小朋友都有呢d 事情發生,唔好受他們既影響,要積極去面對,我係佢面前都好堅強架啦,強忍眼淚,但只有內心真係好想好想去幫佢..但表面我知道不可以成日甘樣去保護佢架嘛,,為人 ...

我諗妳係一個好林善既媽媽, 其實唔係咩大事, 至少唔係有人糾黨打妳囡囡呀! 或者成班人故意杯葛妳囡囡唔侵佢玩. 呢D情況仲心痛, 我都見過, 但係我相信呢個世界上冇一個地方可以避過欺凌, 問題只係嚴重程度.

小一係適應期, 小朋友慢慢開始長大, 要學會面對, 克服, 團結, 最重要係自我保護.

lam1115

原帖由 edea 於 10-9-8 17:01 發表


我諗妳係一個好林善既媽媽, 其實唔係咩大事, 至少唔係有人糾黨打妳囡囡呀! 或者成班人故意杯葛妳囡囡唔侵佢玩. 呢D情況仲心痛, 我都見過, 但係我相信呢個世界上冇一個地方可以避過欺凌, 問題只係嚴重程度.

小一係 ...

我都知事情先要我囡囡去面對,但希望你地明白,我囡囡頭幾日返學開開心心,發生事件之後悶悶不樂個樣子,鎖緊眉頭,平時最多野講個個噃,竟然唔講野,問佢一句說話只冷淡答一句,眼淚不停係眼窩到打滾,九點鐘上床訓,一反常態,如果作為父母見到自己個仔女甘樣..我覺得事情真係唔係甘簡單囉....何妨剛剛才開學,仲係適應期.我覺得唔係需要適應俾同學搶東西嘛...而係適應上一年既生活囉,我都知同學一定有好有唔好.但如果影響到甘樣,話好驚個同學.真係唔係甘簡單囉.....

colourless

聽你形容,似乎真的不是這麼簡單,若只是那個同學貪心見你囡囡的文具靚想據為己有,那麼應該不會令你囡會有這麼害怕,請問那個搶野的同學是男定女 ? 若是男同學,會否曾經有些暴力的動作或對你囡有侵犯的行為,當然我是假設,而且亦希望根本沒有去到這麼嚴重,但若然身為父母都察覺到自己子女會有這麼大的情緒反應,若是我,我會去學校看看那個學生的模樣,因為可以觀察到佢的行為舉止,又或是甚麼人接佢放學,如是父母,亦可留意埋,因為有 d 家庭根本無教甚麼是尊重和守禮,因為確實有家長都會有 "身教" ,意思係教壞

原帖由 lam1115 於 10-9-9 10:04 發表


我都知事情先要我囡囡去面對,但希望你地明白,我囡囡頭幾日返學開開心心,發生事件之後悶悶不樂個樣子,鎖緊眉頭,平時最多野講個個噃,竟然唔講野,問佢一句說話只冷淡答一句,眼淚不停係眼窩到打滾,九點鐘上床訓,一反常 ...

lam1115

原帖由 colourless 於 10-9-9 13:39 發表
聽你形容,似乎真的不是這麼簡單,若只是那個同學貪心見你囡囡的文具靚想據為己有,那麼應該不會令你囡會有這麼害怕,請問那個搶野的同學是男定女 ? 若是男同學,會否曾經有些暴力的動作或對你囡有侵犯的行為,當然我是假 ...

搶野個個同學是男同學來架,唉..我今天去了學校同囡囡班主任傾過覺得甘樣問題唔大,要囡囡去面對呀.我知要囡囡去面對,但係唔係要起碼佢唔再驚返學先再面對呢~~
現在連學都唔想返,甘什樣去面對呢,佢未有暴力的動作,只係搶筆,刷膠,野食,同埋當我囡囡小息諗住休息下,佢又走去掃佢hair ...
我都想我囡囡返d 識多d 同學可以分散到佢注意力呀...

粉紅虎

我都係小一媽媽, 見你囡囡梗, 我都心痛, 你要加緊留意囡囡心理及動態, 有必要的要求調位, 一個很簡單的要求, 相信老師也會理解, 5好拖梗耐, 會0小朋友梗加5想返學.
近排睇左好多上小一的書本, 分享一吓.....
就這事情, 囡囡告知後, 昨為媽媽要泠靜, 表示同情囡囡,(如: 我都知你5開心, 慢慢引導囡囡講心低話)亦不要給副面信息, 教她原諒別人, 並且引導囡囡自行想方法去面對, 媽媽亦要左旁引導.....加油

brian61950

我自己細個都比高年班的恰過,明白你女兒的感受.
調位或避不是好方法,試下教你女反抗,比人搶野就下堂時或小息同老師講.(件件文具貼名)
小息攪攪陣就唔啋佢,太過份就同風紀講.

另一方面,小食不如帶多少少,請佢食做個friend,但教你個女同佢講,搶或攪攪陣一定唔得.

winchoy16888

分享得好好.其實真的要教他怎做.家長也有這些人、我們子有扶持他們

原帖由 edea 於 10-9-8 17:01 發表


我諗妳係一個好林善既媽媽, 其實唔係咩大事, 至少唔係有人糾黨打妳囡囡呀! 或者成班人 故意杯葛妳囡囡唔侵佢玩. 呢D情況仲心痛, 我都見過, 但係我相信呢個世界上冇一個地方可以避過欺凌, 問題只係嚴重程度.

小一係 ...