2010/11 P4 家長,報到啦!^^

Ellensu

小蕎媽媽：

我都想請教下，係咪放鬆比小朋友，反而佢地會生性左呢？你要返工又考試期間冇工人，小蕎仲煮飯幫你手，我就反問自己會唔會比太少家務阿女做呢？話晒係女仔喎。不過佢考試專心坐係度，我又怕叫佢幫手分左心。平日間中會睇下煮菜就幫少少吧。

冇乜要求，你女可能冇咁抗拒，我女特性可能同佢幾似。只係我過唔到要求佢咁低，又或是係我要面對自己既盡力同責任問題啦。

原帖由 小蕎媽媽 於 11-1-20 13:38 發表
今次考試撞正工人姐姐突然之間完約話走就走，新工人又未到，都冇乜時間迫佢。而家新工人來左2日，希望佢快d適應。

今次呀女係考試都有幫手做家務，我話以後都係佢煮飯，她真係乖左，所以今次佢乜成績我都會覺得好的(只要唔好唔 ...

J'smama

小蕎媽媽, 你囡囡好乖呀! 咁忙都肯幫手做家務, 証明佢孝順你咯！　我囡就頑皮得多, 係屋企就攪攪震, 試過收埋姐姐個掃把等佢係到揾餐死.

小蕎媽媽

ellen:

唔好講請教，大家討論吓。

我覺得首先係要調節自己的心態，問一問自己係咪小朋友測考真係合格(即係60幾分都接受到)就得? 調節到的話，就要睇時間分配，唔係要小朋友只係做家務唔溫書、唔做功課。

例如想小朋友自己收拾床舖，又要顧及佢返學時間，加上我女的me me mo mo 性格，如果我要佢做，我就要佢再早15分鐘起床做。又例如我想佢幫我洗米，我就要佢6點半之前做妥自己的功課、溫習先。做簡單的家務唔需要太長時間，但時間表就好緊要，我估呢方面Susanna 一定做得好好。

上次學校個talk，個講者舉左個例子，一個家長的小朋友幼稚園好叻，入讀到區內名校，家長好高興，比好多資源培訓，到小學都係好叻，唔記得小學幾多年級，小朋友同daddy講話佢做功課的時候好嘈，daddy話你專心d就聽唔到人地講野，到升中時佢誇區入讀中學，到中二有一日無啦啦係課室大叫，然後沖左出課室、學校，個班主任一直追住佢，直至佢訓左係地下，班主任call 白車送左佢去e院，個daddy話佢"親手"送個仔入精神科病房。

我聽完呢個例子，自己反思係咪真係要小朋友科科90幾100先至perfect? 退一步80-90 ok 嗎? 或者再退一步70-80，但再諗有什麼比同佢一齊成長更重要，人生唔係只係讀書，我自己成績都唔叻，但返工老闆冇罵我，我當自己合格。

當然我唔係叫佢唔駛做功課、測考唔駛溫書，我都會抽時間做，不過唔係比咁多壓力自己。留意，係唔好比咁多壓力自己，唔係小朋友。

原帖由 Ellensu 於 11-1-20 14:33 發表
小蕎媽媽：

我都想請教下，係咪放鬆比小朋友，反而佢地會生性左呢？你要返工又考試期間冇工人，小蕎仲煮飯幫你手，我就反問自己會唔會比太少家務阿女做呢？話晒係女仔喎。不過佢考試專心坐係度，我又怕叫佢幫手分左心。平日間中會睇 ...

小蕎媽媽

J'smama:

我女係成日都頑皮，只係間中乖，你好就係成日乖，間中頑皮，其實間中頑皮吓都好架，都會開心d。

原帖由 J'smama 於 11-1-20 15:44 發表
小蕎媽媽, 你囡囡好乖呀! 咁忙都肯幫手做家務, 証明佢孝順你咯！　我囡就頑皮得多, 係屋企就攪攪震, 試過收埋姐姐個掃把等佢係到揾餐死.

Lulu0820

好好既分享!!多謝Qma!!

原帖由 小蕎媽媽 於 11-1-20 16:00 發表
ellen:

唔好講請教，大家討論吓。

我覺得首先係要調節自己的心態，問一問自己係咪小朋友測考真係合格(即係60幾分都接受到)就得? 調節到的話，就要睇時間分配，唔係要小朋友只係做家務唔溫書、唔做功課。

例如想小朋友自己 ...

heilai

正如Daddy 話齋 ，只 要知道小朋友係盡 咗努力就已經收貨!我都不斷調節自己心態。希望做到!
我家大少今年F.3成果人&讀書心態5同晒!(因為成績會用來選科)好努力温習，還會叫我或Daddy 同佢問書。5會再話"是旦"。望佢開始開竅啦!其實上到中學無得跟!祇望在小學階段能幫佢哋知道要有責任(讀書)。

pizzahut

小kiu 媽,

你講得好啱, 問題就係在於自己(家長)可唔可以接受到得7 or 8 字頭. (唔好講6字頭,因為又真係好似要求低左d), 唉...........

今次考完我都無乜鬧佢, only 同佢講, 話考左就算喇, 而家係下學期,新開始, 你重新做人, 改左d careless mistakes 啦, 功課做好d 啦, 上堂留心d 啦! 佢又話promise!!

點知同佢對功課, 都係可以錯一大半, 到我發火話'唔同你對喇', 佢自己再重做, 就可以only 錯一條.

你話我可以點呢?

p.s. 我真係唔想晚晚同佢開片,我都好心疼架

[ 本帖最後由 pizzahut 於 11-1-21 11:14 編輯 ]

pizzahut

我地真係試過一條數講足45分鐘, 佢都話唔明, 個樣仲要好辛苦咁.

所以佢真係越大越令到我好頭痛, EQ無哂.

Ellensu

有科60幾分已係Band 3生了，我點調較都好難接受。不過7-80幾，就算尚可囉！講緊守住Band 2我已經好安慰。自己全職教，Band 2係我底線。

原帖由 pizzahut 於 11-1-21 11:13 發表
我地真係試過一條數講足45分鐘, 佢都話唔明, 個樣仲要好辛苦咁.

所以佢真係越大越令到我好頭痛, EQ無哂.

pizzahut

你知唔知BAND 2生可唔可以以升返上培中嗎?

Lulu0820

原帖由 pizzahut 於 11-1-21 11:13 發表
我地真係試過一條數講足45分鐘, 佢都話唔明, 個樣仲要好辛苦咁.

所以佢真係越大越令到我好頭痛, EQ無哂.

...真係唔識答你...因為唔知你講緊邊類型既題目，牽涉到空間感、羅輯、定係解題目，唔知好難比提議。我教我囡如果用左15分鐘佢都唔明，咁會由得佢先，等第日佢精神好d再做，又或者叫佢老豆教，因為佢識教人多過我。

Ellensu

Band 2咪等大抽獎囉，我女從來頂多都只係一個Band 2生。以前有下試6字，做過Band 3 tim.  

慶幸離開左職場，我以前係做秘書既，打雜位，boss唔收工我唔可以準時走，想起都 有面色睇好難頂。而家係培正識左班可以互相支持既家長，教我點放低對自己要求，慢慢教女。我找到方向，好多謝佢地啦！

教數呢家野我多數叫老公做，我女接受爸爸多d.

小蕎媽媽

有d科目我女從來都攞唔到8字頭或以上，好似書法、視藝咁，不過呢d而家好似唔計入成績到，唔知呈分試時計唔計呢?

原帖由 pizzahut 於 11-1-21 11:11 發表
小kiu 媽,

你講得好啱, 問題就係在於自己(家長)可唔可以接受到得7 or 8 字頭. (唔好講6字頭,因為又真係好似要求低左d), 唉...........

今次考完我都無乜鬧佢, only 同佢講, 話考左就算喇, 而家係下學期,新開始, 你 ...

小蕎媽媽

如果同我女講"盡 咗努力就已經收貨"，佢話佢次次都盡咗力 even 係到玩緊都會話盡咗力，所以調節只係自己的心態，唔係講出來對佢的要求，對佢地冇要求，佢地就好hea，始終佢地重細。我有set target，不過多數達唔到，呀女得唔到自己想要的禮物，佢要自己諗吓繼續係咁定再努力。我諗係要教佢用自己的方法去面對學習，呢樣野我重係摸索，我想學羅乃萱咁教好自己個女，係呢個時候多d引導佢，第時佢有乜事可以返來找我當cushion。

heilai: 你仔F.3啦，好似時間過得咁快。

原帖由 heilai 於 11-1-20 21:08 發表
正如Daddy 話齋 ，只 要知道小朋友係盡 咗努力就已經收貨!我都不斷調節自己心態。希望做到!
我家大少今年F.3成果人&讀書心態5同晒!(因為成績會用來選科)好努力温習，還會叫我或Daddy 同佢問書。5會再話"是旦"。望佢開始 ...

heilai

Q Ma

我希望在小學階係協助佢地訂定指引，及調節佢地對讀書心態。
我哋係最了解&明白佢地，佢地在學習，我哋做父母也在學習。正如Lulu 話齋，自己生ga 2 個教導方法也會南轅北轍。
真的要不斷摸索，為佢地及自己禱告，要時時反省。
時間真係過得好快呀! Brother 現在F.3，好快就到小喬、Zoey……. 佢地又升中ga la !

Lulu0820

我地依倫好靜喎...

想問吓大家知唔知而家講緊既中學減班,對我地中學有無影響?我地學校會唔會減嫁?

heilai

Lulu
我見TVB news 報導，培中不會減班。

Lulu0820

Thanks, heilai! 咁都定D!

原帖由 heilai 於 11-3-6 21:05 發表
Lulu
我見TVB news 報導，培中不會減班。

SUSANNA

測完驗，又係等派彩的時候，為免影響心情，呢個星期日就出去散下心先