救救下一代

MGO

港童的問題我個人覺得係唔可以莫視. 在著重孩子旁身學術技能多一點, 出色一點時, 切勿忘記教他生存技巧.
看見報導時, 我感覺安慰, 終於有人原意企出來正視呢個問題.

以前在精神科診所, 一到考試前後總有傷心的父母帶著精神緊張, 屈強眼神, 無精打彩的孩子求診. 離不開的問題係思覺失調, 有幻聽, 自言自語,情緒失控.

每每父母都說佢之前好乖, 日日都好正常返學放學, 自己溫書, 佢讀書好好, 有MUG獎MUG獎...................
到問你孩子有無其他課外活動? 什麼補習, 日文, 法文, 彈琴................一堆.
再加一句運動呢? 問10個有8個都 -O- 晒咀. 佢功課都好忙, 佢無MUG出街..........一堆理由.
通常我問到呢到,再問父母都比唔到什麼答案我. 我就叫父母出去等等,轉問小朋友, 答案精彩得多. 有D父母聽教, 明顯會在短時間內個小朋友有改善. 有D真係只可送個"唉"字, 浪費咗個小朋友.

而家仲多一班留學恐懼症的孩子. 父母打算送佢出國繼續學業, 先發現個仔MUG都唔識, 要迫佢短時間學會. 最後個細路嚇傻了. 對父母態度強硬, 頂咀, 失眠, 手震. 同個細路傾, 原來原兇是父母, 個細路驚MUG? 唔識認路, 因為父母車出車入, 否則有TAXI, 分唔到洗頭水同沖涼液, 唔識洗衫, 唔識煮嘢食, 包括杯麵. 唔識買內衣, 最離譜連衛生巾都唔識買. 我問過點解, 型型式式都有, 包括: 媽咪叫唔駛做,理掂D學業就得, 去超市都唔駛, 爸爸會買. 屋企有工人呀媽話要用盡佢, 有個串到, 呀媽話有學識有錢就有人幫我做唔駛學..............唉!最終呢一刻咪驚到傻咗.

父母們早知如今, 何必當初.

happyvalley

原帖由 MGO 於 10-8-1 23:36 發表
港童的問題我個人覺得係唔可以莫視. 在著重孩子旁身學術技能多一點, 出色一點時, 切勿忘記教他生存技巧.
看見報導時, 我感覺安慰, 終於有人原意企出來正視呢個問題.

以前在精神科診所, 一到考試前後總有傷心的父母 ...

唔識認路, 所以我知錯，放低晒所有中英數，今日開始，到山頂探路，由西環搵路去山頂，全部個囡負責。今日失敗，不過學緊生存之道，明天繼續。

happyvalley

原帖由 happyvalley 於 10-8-2 18:46 發表


唔識認路, 所以我知錯，放低晒所有中英數，今日開始，到山頂探路，由西環搵路去山頂，全部個囡負責。今日失敗，不過學緊生存之道，明天繼續。 ...

今日好成功，囡囡嘗試搵新路，足足快左數個小時，不到十二點已經到達，佢好開心。要讚是、不依舊的方法，用新理念去自我改進，學到的，好過『補血練習』。

『機會』、『嘗試』再『創新』就是小朋友探索將來的其中之一種好方法，起碼我認為是。

MGO

加油! 就算遲都要開始. 同埋無壓力下的學習會給收得快d, 買本地圖比佢試下睇喇. 因為外地好多地鐵/地面都有地圖同車站圖, 識睇好好多. 因為以我經驗問路都未必識答.

happyvalley

原帖由 陳家大少奶 於 10-8-15 00:27 發表


我好朋友個仔，小一開始就話忙到無得去playground，呢兩年（今年小四）就發現佢好似有d障礙…唉！

其實玩都係學習，同人一齊玩公園更是好有用的學習。例如乜乜 Project，要求合作，咪就係同人一齊玩公園時學到的技巧，去興趣班只是就各自坐定定，無溝通，一個小時太小。

還有要 Present 個 Project，玩得多就 EQ 高 d，講野都叻 d，興趣班都係自己同導師有原則下講野。

idy926

Lee排我女女成日好興緻勃勃地話要幫我綁鞋帶，我先留意佢大部份鞋都無鞋帶，５歲啦，係時候改變~

今朝就算就黎遲到走班車，我都伸雙腳出去比佢搞!

其實好多時小朋友係好想學野，只係家長無留意同比機會呢！

happyvalley

唔可以怪晒我地，好似無冷氣可唔可以瞓覺呀！所以家教的用錢要用得其所，唔好亂洗。

elmostoney

我個女今年4歲, 佢返蒙特梭利, 之前除左返學, 有上下興趣班, 跳舞(佢自己要求),音樂 pg, 畫畫同邏輯解題, 因為佢最憎呢樣,所以我叫佢學.

兩個月前, 佢老師同我講, 叫我比多d運動佢做, 佢性格一直都係好大頭蝦, 唔專心, 怕困難, 所以老師話佢學野需時比人多一陪, 佢話物野運動都得, 亦要佢在家幫手做下家務 (我重來唔會鼓勵工人幫d細路做哂野, 反而叫工人多d比佢地做下家務, 照顧下自己). 最好係刺激前庭嘅運動.  我個女而家日日都去運動, 溜冰, 踩單車 (冇輔助轆), 游水, 瑜伽, 體操, 當然重有去公園玩 (之前我都一直有帶佢去公園, 不過春天時天氣唔穩定, 有時想帶佢都冇得去), 總之每日盡量最少一項運動, 我發現佢整體改善左, 有信心左.

我囝囝都係, 上完pg 會自己攞鞋同埋我或工人對鞋,(當時佢未夠一歲半), 呢d好得意, 係天生, 我地重來都冇教佢.  反而我個女我放左好多心機, 佢唔做就係唔做, 有d野係要後天補救, 但都係性格所限.  我個仔記性整體好好, 我個女就非常選擇性揀佢鍾意嘅野去記. 我個仔物野都鍾意自己試下做先, 個女就最好有人幫, 我而家都一直努力抖正佢.    不過佢地兩個都算係咁, 兩歲半之後, 我個女都唔洗人點抱, 又唔坐bb車.  我個仔兩歲鬆d, 我一個帶佢去海洋公園, 行足三個幾鐘, 到後來臨走時, 佢真係攰到散哂, 我先抱佢出去.  行路都要培養, 而家個個人都抱, BB車坐到5歲...唉!

[ 本帖最後由 elmostoney 於 10-8-17 14:13 編輯 ]

samuel89

原帖由 MGO 於 10-8-4 12:45 發表
加油! 就算遲都要開始. 同埋無壓力下的學習會給收得快d, 買本地圖比佢試下睇喇. 因為外地好多地鐵/地面都有地圖同車站圖, 識睇好好多. 因為以我經驗問路都未必識答. ...

我媽話我未讀幼稚園已經"識"自己拿飯盒行幾條街俾返緊工既爸爸......
但我要等到阿仔升到中一才放心俾佢自己搭車去尖沙咀....

Imagist

我都覺得大人真係要識得適當放手, 我都算識得放手, 而亞囡(2歲4個月)都算獨立! 但是6299就時常比說話我聽, 真係煩! 好似亞囡由細到大都不太like比人抱, 因為佢好奇心重, 活躍鍾意自己行去接觸四周圍既事物, 但是佢地就話亞囡唔女仔, 唔嗲, 唔比抱, 話會"舌底" (因為佢地時常想抱佢)

另外亞囡eq都算ok, 如果有小朋友推佢, , 佢只會話比對方知佢唔開心, 佢唔會還手! 99就話咁係好笨, 比人蝦都唔還手!

出行, 我盡量都會放d亞囡既物品(食具, 衫)落佢backpack度, 其實好輕, 亞囡都願意攞, 但是佢地見到就會幫亞囡攞, 話咁辛苦仲咩!

MGO

其實呢D說話我以前都比人話得多, 不過我當時運高聽唔到囉! 我覺得教仔女有好多方法, 但只唔係傷害到小朋友, 佢又安全, 你就要堅持自己的理念.
我個仔14歲喇, 超掂. 好的開始係成工的一半, 你要加油.
寵壞容易, 教養難.

燁燁媽

我個仔8歲以前要人幫沖涼!
因為我放工放好遲, 返到黎佢已沖好涼. 其實我都覺唔多好. 但無奈我係同6299住...一講到比佢自己試下, 就會比人話我"唔洗理就會大"

但我個仔去學游水, 佢都唔會游完自己沖下涼. 只係換好衫就走. 問佢點解唔沖埋涼先..佢話唔鐘意....

直到有天, 佢5月去露營, 晚上一定要沖涼..因為真係好duty, 已經叫左個讀6年班既哥哥幫佢. 但佢都唔聽哥哥話, 原來佢只係除左衭, 唔除衫, 又唔除襪除鞋. o個下真係激到我想一巴巴車埋佢.
係o個次之後, 我亦好好反醒.
但就做哂衰人. 亦同9962嘈..亦同老公嘈到要離婚黎到去換搬出去住.

相間幾個月, 每天要當佢係bb咁, 比時間同心機佢去試.
昨天又去宿營, 佢已經可以自己沖涼, 在家亦是自己沖涼.

最後我想講, 其實仔女話唔鐘意, 唔係真係唔鐘意, 係唔識.
因為唔識, 咪唔做囉....

MGO

原帖由 燁燁媽 於 10-8-31 07:38 PM 發表
我個仔8歲以前要人幫沖涼http://adex.baby-kingdom.com/www/delivery/avw.php?bannerid=583&cb=1111!
因為我放工放好遲, 返到黎佢已沖好涼. 其實我都覺唔多好. 但無奈我係同6299住...一講到比佢自己試下, 就會比人話 ...

其實你已經做遲咗，我個仔5歲就訓練佢自己用花灑沖涼，佢都試過用護髮素當洗頭水，初初叫佢開門沖，沖完要叫我入去檢查有無泡泡，最初幾日都要用水再沖下,然後話比佢知, 呢到有泡泡咁囉, 叫佢下次再細心D. 通常1星期就學會，然後教佢自己準備衫，同搽身毛巾用完要掛開吹乾，最後放D衫去洗衣籃。不過，都係個句，遲教好過唔教，同埋D長輩出聲或者老公出聲,我都會用好溫柔的語氣問: 吓! 你幾歲識自己沖涼? 你幾歲識埋台食飯唔駛人FEED呀? 通常D人就無聲出，以前奶奶成日彈我，個仔出街都要自己背包包, 返屋企又要自己飲剩樽水自己飲埋佢.......數不盡的不滿. 我都係講: 我見我老公咁獨立,我以為你由細就教佢做人要獨立,唔好吓吓靠人，咁奶奶你幫我老公背書包背到幾歲呀? HAHAHA~~你話佢GOOD再彈佢, 通常佢只不段話自己有幾勁就唔會再彈我囉.