點解培正用中文教,但係好多人又話d英文又唔差呢?

siulili

樓主

如果培中唔係你杯茶，咁唔好讀培小啦，雖然每年都有一批叻的同學可以轉去很出名的英中，但要看小朋友是否可以保持在成績優異的行列，還要看你提及到的： 小朋友是否合作。 這兩個因素都是未知的。

如果你話， 培中我也喜歡，只是如有更好的，當然也無妨，咁又唔同喎，最少你有培中打底，可以更上一層樓就錦上添花。 但我睇你字裡行間根本不想小朋友入培中，咁無謂留在培小啦。

但我想問； 你小朋友今年K3升P1呀？ 津校是扣門的？ 如果培正知你有津校收，會取消你小朋友小一的學位架喎。 你要小心處理。

siulili

樓主

點解培正咁多小朋友英文ACCENT好？ 因為培正有好多回流家庭的小朋友， 佢地在校學中文， 在家學英文，呢個答案係咪可以解到你心中其中一個疑團呢！

我可以講，叻的小朋友，去邊度都唔會太差，小朋友本身語言能力唔係強果D，你落幾多功夫比佢，佢的ACCENT都未必會好， 只可能係可以做到份卷好高分。 語言能力都係天份的一種。

你睇香港幾多大學生， 博士生果D英文都聽死人，已可見一斑啦。

siulili

樓主

GE係‘嘅’的英文同音字， 好多BK MEMBER都會咁打來SAVE TIME。 don't expect GE = General English.

其實好老實講，你話培正好唔好， 真係要睇小朋友讀左上去才知道，夾唔夾到好老師， 好同學，真係每個人的際遇都唔同，可能每個家長比你的意見都會唔同的。

問心，如果你真係咁注重英文，培正真係唔係你杯茶，我可以話你知， 好多小朋友，就算佢哋係優異生（即係做份卷可以做到好高份），一般的英文會話及日常用語都未必可以HANDLE到，如果你要求你小朋友可以講英文係口若懸河咁，在培小讀真的會有點難度，除非你真係可以在家中營造一個英語環境比佢。 呢樣真係要靠自已囉。

同埋你如果有留意到，ENGLISH NIGHT果日，好多重點人物係重覆又重覆出現架。 因為我小朋友都有份演出，而且還認識某幾個同學， 好幾個今年小六的同學，都沒有留在培中，將會升上傳統英中名校。

原帖由 mandy2003 於 10-7-15 21:08 發表


hinhin_ma:

其實我在post #7已經提過, 當初入培幼是因為讀完培小後替他轉其他的英中(如果成績好的話)。

我都知道我寫這些東西出來, 是會令到好多培正fans好唔開心, 這也是我為何要等到現在這緊急時刻才出此下問， ...

siulili

樓主

聽你咁講，你好似比人誤導左才入培幼，咁升小一轉返去你心儀的小學都未為晚呀？ 點解你又咁唔捨得呢？  可否詳述一下？

其實你介唔介意講你而家有邊幾間選擇呀？

原帖由 mandy2003 於 10-7-16 00:08 發表


其實培正的英文教育真是很缺乏, 全部都要靠家長,

一般的村校也有串字, 培正就冇......

一般的地區津校英文有 TEXTBOOK, 培正又冇。

所有都靠家長同出面D 英文班

問有D甚麼其他的英文支援, 又冇人答得出....
...

siulili

樓主

take it easy.  父母為子女操心都好正常，得A又想B，得了B又想C，真係好正常。 行每一步都唔肯定係唔係幫佢地行左一條最正確，最好的路。 我估你仔仔是你首名子女。

其實我都有你呢個心態架。 我只可以講，無一間學校係完美的， 你自已是老師， 我想你也會明白，遇到不同的老師，學生已經會有唔同的得著。  每間學校都有咁多老師， 只是老師你已經唔可以幫你個小朋友去選擇啦。

同樣，每間學校都有佢的長處及短處，只是你看重甚麼，就去選哪間學校可以提供給你所需的。 沒甚麼大不了。

但我想講的是， 培幼真是一間很好的幼稚園，我想你的小朋友在培幼這三年，都是快快樂樂的，是嗎？  若然他不升上培小，只是你為他選擇了一所你認為更適合他的小學罷了，  don't take things personal.

正如我亦不打算為小朋友升上培小， 但我依然會讓他在培幼完成這幾年，因為我看見小朋友每天都開開心心上學去， 每次問他，老師錫唔錫佢，佢都話：錫！ 又願意和我分享學校的生活，以幼稚園階段， 我覺得是很足夠了。

小朋友仲有最少十幾廿年去上學，我自已覺得無須要在幼兒階段就谷得佢地咁厲害呀。 我大女當年K1去做CAMBRIDGE TEST，個鬼佬叫佢讀MOVERS，我睇完個TEST之後，發覺，癲架，我女3歲幾，要我女記D咁深GE字，FOR WHAT？ 因我哋一向有同佢地講英文，我女識好多生字，但我哋無要求佢串，只要佢溝通到， 我地已覺得OK，所以佢看圖作答做TEST時，好多香港小朋友未必識的字佢都答到個鬼佬，個結果出左之後，個中國人STAFF都好SURPRISED，我個女K1可以讀MOVERS。 但可能我係個無乜進取心的阿媽，我見到佢D 材料後，我決定唔比我個女讀， 所以我女到而家都無讀CAMBRIDGE啦！

siulili

哈哈！  培正咁多學生，咁多家長，真係各色其式，咩類型的人都有架，真係百花齊放！

原帖由 mandy2003 於 10-7-16 00:46 發表


三年真的有感情, 培正好似一個大家庭,  不要說阿仔唔捨得, 連我都唔捨得, 我可以想像,12年後孩子和大人都會很愛這所學校, 因為這裡的人與人的連繫。

培正有好多的家長都是很好的基督徒, 對學校不問原因的信任, 好 ...

siulili

ic, 你識用PM嗎？你可以PM比我的。

你又唔使覺得對唔住個仔，老實講， 我之前想叫你唔好諗果間有BAND1尾英中聯繫的小學，真係無謂喎，因為培中都唔止係BAND 1尾喎。而家一定唔係， 6年後我唔敢講。。。。(死火，會唔會比人打？？）  講笑啫， 6年後教改都唔知改成點，真係無人可以知。

其實你自中學老師定小學老師，你應該都明白香港的派位方法，根本唔可以用英中定中中去判斷一間學校係好定唔好，其實一間BAND1尾的英中，佢的學生質素有幾高呢？ 根本好多時係睇你個隨機NO。靚唔靚。 如果叻果批， 多數係第一輪自選已被最心儀的學校取錄，而呢D學校太多是BAND 1頭的傳統／地區名校英中。

以你的要求，我估英小及教得深果間反而會令你安心D囉。

原帖由 mandy2003 於 10-7-16 01:11 發表


其實我因為培小放棄了很多, 包括年初的投考各小學的面試 + 大抽獎 + 大抽奬後的叩門黃金期, 因為真係立唔定主意, 想唔清楚 "培正雖然是中文教學, 但係d英文都好深" 這問題。

到發現有問題時, 外面可給我兒面試的 ...

siulili

hinhin_ma

you're welcome!

原帖由 hinhin_ma 於 10-7-16 17:49 發表



TKS SIULILI 媽咪...."GE" 係‘嘅’的意思....


唔好意思MANDY2003..令你誤解左....

簡單來講, 你的問題若果你自己解決不來,..就試問小朋友喜歡邊間新學校?? 你已經幫佢報考左你心儀嘅學校....無論他選 ...

siulili

講開轉校， 頭先學校網頁出左插班生結果，小二居然收左12個。 到底係好多人要留班定係好多人轉走呢？

有無升小二的家長有咩資料呢？  純粹八卦下！

siulili

你唔講我都唔醒起，我估除左英文系，現時大部份D教授GE英文都可能會嚇C人，我估你都有聽講海歸派，呢批教授的英文ACCENT大家可想而知啦。

原帖由 ko06879 於 10-7-16 22:14 發表


唔只博士生果D英文聽死人, 連教大學個班教授D英文都嚇死人。(可能因為我是工程系的, 所以D教授著重計數多。)