上小一,是否要上暑期班?贏在起跑線呢!

private

很多家長都要少朋友學很多東西.有必要嗎?小兒今年上小一.但甚麼班都無上過.近來先看到這討論區.很多家長都很用心把小朋友學很多東西. 太早識太多嘢會否失去學習興趣.課堂上無專注力呢!

20091

我會趁暑假安排一,二項,全新的體育活動,
如果有興趣可以keep住學,
沒有興趣的話就當玩過,

VeryHappyMum

很有趣的標題。

我只怕小朋友在起跑線上已耗盡精力，未能真正享受小學校園的生活樂趣。

greendotdot

如題，小朋友就算在起跑線上都站在不同位置去準備起跑，對嗎？準備充足些咪可以在內檔起步，乜都唔做的只能在最外檔起步，讀書相信唔會係跑100米短途嘅，咁內檔起步梗係會着數啲，當然，如果你係大超班，讓賽都無問題啦！不過我都認同一點，適當學吓跑步的正確姿勢，學吓怎樣做熱身運動，做好準備工夫起跑，巳經足夠，有些家長又確係幾誇張嘅，跑步啫，連十項全能都操練埋...     打個比喻啫，唔好怪我好似講馬咁呀。

yungho

原帖由 一一一 於 10-7-22 00:56 發表
我覺得升小一上一個學前的暑期班絕對對小朋友有幫助,因為每間幼稚園課程都唔一樣的,而程度亦不相同,現有有很多屋村幼稚園更是著重活動教學及託兒服務,所以升小一後連26個字母都未識晒絕對唔出奇(當然除左一些注重學 ...

講得很好!

VeryHappyMum

原帖由 greendotdot 於 10-7-22 00:57 發表
如題，小朋友就算在起跑線上都站在不同位置去準備起跑，對嗎？準備充足些咪可以在內檔起步，......     打個比喻啫，唔好怪我好似講馬咁呀。
...

咁，泥地同爛地都有影響噃，負磅多少又可以提高/減低爆炸力，有 d 騎師又鍾意留前鬥後....

happyvalley

教囡囡三年小學經驗，暑期活動是有用的，因為可以令到小朋友脫胎換骨。理由是小童在暑期成張得很快，亦是非常高度吸收知識的人生階段，課堂外的學習，會高度影響小孩的思考方向。

所以我覺得，重要處反而是『學乜野』！與成績有關的？或是增添興趣和對身心有益的？或是學習另類學問的？這點點就會由家長撰擇，適量的進取都是好的，千析不可以過量。

kikiboy

原帖由 一一一 於 10-7-22 00:56 發表
我覺得升小一上一個學前的暑期班絕對對小朋友有幫助,因為每間幼稚園課程都唔一樣的,而程度亦不相同,現有有很多屋村幼稚園更是著重活動教學及託兒服務,所以升小一後連26個字母都未識晒絕對唔出奇(當然除左一些注重學 ...

放心啦, 屋邨幼稚園都唔會有人讀完K3都唔識26個字母架.
反而, 名幼稚園讀完 K3都肯自己食飯、便後唔識清潔就大有人在.

BBHim

暑假唔報活動, 佢地只會投訢話悶........

Charlotte_mom

我覺得好多時真係因材施教的, 我大女細個, 真係比較醒, 我好細個已經俾佢跟鬼佬學英文, 學琴, 體操, 游水, 普通話, etc etc當然其中好多都係玩多, 志在學多樣野識下朋友, 真係放左學至做功課既, 好少好少, 我想佢有機會接觸下唔同既野, 發掘自己興趣同專長, 譬如畫畫, 好早已發現佢唔鐘意了, 無謂side時間, 有d佢有本事的例如朗誦, 出去比賽佢都好有信心
亦好老實講, 當年為左準備考私小直資, 係比較落力的, 咩比賽咩cert都比較緊張
我仔都唔係讀咩名牌幼稚園, 佢發展係無家姐咁醒, 所以一直以黎我都無再特別arrange咩課外活動(已經返全日放學都5pm啦, 學咩wor, 已經預左有家姐照住掛? 考學校都有信心d), 係confirm左小一讀家姐果間學校, 至想練好d普通話(因為小一已經全普通話教中文, 我仲記得幾年前開學時問我女, 係咪全班都識, 我女答, 唔係, 有一個唔識, 我仲心唸, 個同學咪好慘...........我唔想而家輪到我仔做全班唯一唔識果個)所以而家1:1學......呵, 細路既潛力, 真係唔可以睇小, 5月中學到而家, 已經學晒所以聲母單韻母複韻母, 生字都學唔少, 我都放心d, 遲d8月會再有一個專注力訓練, 咁就上小學喇

其實真係有心谷, k3暑假唔係起跑線, 一早就谷左好耐喇.......

瑩瑩老豆

如果讀完K3連26個字母都未識晒, 咁在升小一時的暑假才補已too late了.

原帖由 一一一 於 10-7-22 00:56 發表
我覺得升小一上一個學前的暑期班絕對對小朋友有幫助,因為每間幼稚園課程都唔一樣的,而程度亦不相同,現有有很多屋村幼稚園更是著重活動教學及託兒服務,所以升小一後連26個字母都未識晒絕對唔出奇(當然除左一些注重學 ...

瑩瑩老豆

你指去學"學術性的, 例如英文,奧數"還是"興趣的, 例如游水,打波,畫畫" ?

學術性的班, 我全都沒有比囡囡去上過, 其中一個原因是她冇興趣.
興趣的, 例如鋼琴, 跳舞則有keep 住學.

原帖由 private 於 10-7-10 09:59 發表
很多家長都要少朋友學很多東西.有必要嗎?小兒今年上小一.但甚麼班都無上過.近來先看到這討論區.很多家長都很用心把小朋友學很多東西. 太早識太多嘢會否失去學習興趣.課堂上無專注力呢! ...