名校與I位的選擇

pplam

本人的女兒被評為發展遲緩, 智齡落後半年至１年, 但名校收了她讀K1, I 位又派到, 很頭痛唔知點揀.

請大家俾D意見.

bbmami07

入讀名校,唔得在入i位,小朋友落後1年半年好快追到.

原帖由 pplam 於 10-6-24 10:49 發表
本人的女兒被評為發展遲緩, 智齡落後半年至１年, 但名校收了她讀K1, I 位又派到, 很頭痛唔知點揀.

請大家俾D意見.

salpaut

我都好明白你的心情, 因為我有個朋友同你個case差唔多, 她的小朋友是言語方面的問題, 佢最後揀左去i位, 因為小朋友的爸爸擔心入左名校之後, 萬一小朋友真係追唔到, 會俾間名校勸佢地退學, 到時又放棄左間有i位的幼稚園, 會好冒險; 不過, 如果你經濟能力許可, 你都可以照俾小朋友讀名校, 然後, 找專業治療師幫佢, 相信小朋友校野能力快, 應該可以追到, 不要太擔心!

pplam

理解能力低可以有什麽訓練?

Dr.T

如果如你所述是"理解力"的問題，那代表小朋友對抽象概念不容易掌握，是智力的問題。因為孩子只是2-3歲，智齡如果是落後半年至一年即是可能只得一歲多一些...智能表現不如言語遲緩有機會"追"到，絕對博唔過。

不建議選擇所謂名校，除非你資源充足，每星期最少三日能安排專家(導師+ST+OT)訓練，否則還是混合位比較穩陣。

只是八卦路過，如有問題煩請POST到小弟題目內..

原帖由 pplam 於 10-6-25 09:37 發表
理解能力低可以有什麽訓練?

bbmami07

hi 你是否決定比個幾會囡囡讀名校,真唔得咪在讀番i位,至少有個幾會可以試過.如果囡囡理解能力低你可以叫囡囡多d表達自己,了解周圍事物,看比多d書觀察分辨 join d 潛能開發班,戲劇訓練班.

原帖由 pplam 於 10-6-25 09:37 發表
理解能力低可以有什麽訓練?

amon28

請注意,當你放棄I位就要重新排過,咁就浪費時間啦

如果I位不是你心目中嗰間,而你又資金充足可以半日讀名校,半日讀私人S位密集訓練

原帖由 bbmami07 於 10-6-25 11:21 發表
hi 你是否決定比個幾會囡囡讀名校,真唔得咪在讀番i位,至少有個幾會可以試過.如果囡囡理解能力低你可以叫囡囡多d表達自己,了解周圍事物,看比多d書觀察分辨 join d 潛能開發班,戲劇訓練班. ...

cecilau

名校幼稚園係唔係真係咁重要, 考小學可能會睇下小朋友讀邊間幼稚園, 但係最重要都是睇小朋友的表現, 如果表現唔好, 名校幼稚園都係無用. 如果讀津校, 乜野幼稚園都無所謂啦.

遲緩的小朋友讀名校幼稚園可能老師都唔識教, 小朋友就會浪費左3年時間, 不如就讀於i位, 有i位老師 + st 的幫助下, 小朋友的進步會更快.

apple~y

你指理解能力低是什麼方面呢??
抽象概念??形狀配對,顏色配對,聽指領唔明白??
如果係可以係9個開學前上多些導師個別訓練
加多些家居訓練
加強理解力

我仔仔都係發展遲緩問題,不過我排e位
排e位期間唔想浪費小朋友3age前學習黃金期
就自己節衣縮食比仔仔上私人s位
自己又學0左好多技巧教仔仔
番0左差不多6個月,仔仔抽象概念方面,理解力都ok
空間感概念都明白
現只差語言方面比較弱,句子未得
我都放心來緊9月都會番出面k1,試下番
間學校都好多家長報
不過我選擇下午班,始終學生無0甘多
相對師生比例小些
不過e位唔知幾時有,......

pplam

形狀配對,顏色配對OK
聽指領就差D.

kikiboy

如果經濟和其他條件許可我會選擇讀名校, 再返E位 + 私人訓練.
其實E位並唔係比I位資源少.

singren

我覺得，如果你財政上屬於...

1. 有錢：名校+私人s位

2. 普通：名校+政府"e"位 (另可按經濟能力而針對地加一些私人訓練)

SandraLo

原帖由 pplam 於 10-6-24 10:49 發表
本人的女兒被評為發展遲緩, 智齡落後半年至１年, 但名校收了她讀K1, I 位又派到, 很頭痛唔知點揀.

請大家俾D意見.

先睇睇你派到間 I 位嘅地區、口碑如何.....
幼稚園名校都有唔同種類, 吹谷嗰d 就普通小朋友都讀到cc吓, 千祈咪制, 有d 出名得嚟, 標榜小功課, 愉快學習的, 都可以試吓....
有時唔係淨係話俾學校有冇勸你離開...... 小朋友長期處於一個令他覺得「自己比人較差」的學習環境, 係一d 好處都冇, 經常失敗, 自信心受挫, 重影響埋佢學習！

pplam

我check過我區e位條龍長過 i 位, 所以唔會排e位了, 排得嚟要下年9月, 我個女今年９月讀K1了.

我都想名校+私人訓練, 除了負擔大(冇學卷), 該校出名程度高和傳統, 雖然女兒好乖, 但怕做了私人訓練也跟不上.

老師話女兒學習慢了少少, 不是嚴重, 搏唔搏得過讀名校呢? 我想她入到好的小學.

女兒 i 位讀保護兒童會馬頭涌學校, 該校好嗎?

[ 本帖最後由 pplam 於 10-6-29 08:58 編輯 ]

ALAL

除非是九龍塘 X 中 ,否則I位好D.

原帖由 pplam 於 10-6-28 12:57 發表
我check過我區e位條龍長過 i 位, 所以唔會排e位了, 排得嚟要下年9月, 我個女今年９月讀K1了.

我都想名校+私人訓練, 除了負擔大(冇學卷), 該校出名程度高和傳統, 雖然女兒好乖, 但怕做了私人訓練也跟不上.

老師話女 ...

mamee

原帖由 pplam 於 10-6-25 22:31 發表
形狀配對,顏色配對OK
聽指領就差D.

聽指令差D, 我會簡I位, 因為I位老師會有時間, 有經驗去改善這方面問題, 而名校老師就未必做到.

我同意另外一位網友所言, 考小學最重要是小朋友臨場表現, 比讀那一間幼稚園更重要, 除非幼稚園本身自己有小學直升.

我仔仔都是I位出身, 我識另外2位I位出身的小朋友, 都考到公認的名校小學, 當然本身小朋友和他們媽媽都不斷栽培同努力=返I位再出外上堂.

如果你最後是選名校的話, 就記住問問社工可不可轉排E位.

ktv

睇完另一條THREAD有人話佢仔讀一間學校的情形, 我就唔係好敢揀名幼稚園, 雖然佢O個間可能唔係名校, 但我覺得名校會大D機會發生, 因D老師冇I位咁包容, 佢地可能諗, 個個都乖, 係你最頑皮。

"
1.唔坐凳就比老師收咗張凳
2.摺(巢)通告又比老師沒收
3.同學挑釁發脾氣老師只係罰佢
4.在同學面前話佢有問題
5.做得好唔會讚,做錯事就大事張揚
6.對其他小朋友就成日笑,對住佢就永遠黑面"

原帖由 pplam 於 10-6-24 10:49 發表
本人的女兒被評為發展遲緩, 智齡落後半年至１年, 但名校收了她讀K1, I 位又派到, 很頭痛唔知點揀.

請大家俾D意見.

jasmine4711

I support you going for 1-place as she is very much behind.唔係一定追得番. Going to 名校risks being kicked out. I will not take that risk. Start I-place from K1, then she has a better chance of catching up by p1. 3 years of intensive training will show great improvement, tho no guarantee she will attain a normal level....

My son has speech delay for 9 months and has been trained for 2 years,仍追唔上. Now still 6 months behind.

Lately, he is diagnosed as suspected autism. But too late to change school now that he is going to k3. The waiting list is over a year!

kelvin_hmlau

如果一個發展遲緩小孩去讀程度很高的幼稚園, 相信會係一個超錯的選擇.

pplam

多謝各位寶貴的意見, 我諗我傾向讀I位.
但我有點憂累, 我曾到該I位學校, 看見Ｄ学生品德方面不太好, 如隨地拋垃圾, 其家長也不埋也不教, 我女兒好鍾意學其他小朋友的行為, 我擔心佢會学些壞行為, 始終佢在學校的時間多過我見佢好多, 點算?