- 在線時間
- 4 小時
- 最後登錄
- 10-11-2
- 國民生產力
- 17
- 附加生產力
- 0
- 貢獻生產力
- 0
- 註冊時間
- 05-10-27
- 閱讀權限
- 0
- 帖子
- 56
- 主題
- 18
- 精華
- 0
- 積分
- 73
- UID
- 62174
|
據我經驗, 香港對資優的培育, 要到小六先有. 仲要有學校轉介, 政府診所報告佢地先會有ACTION. 當年我個仔3歲有政府醫生報告及學校信, 不過未讀小5所以佢地都無野可以做.
分享我的經驗, 我將個仔轉去國際學校, 因為佢有過度活躍的問題, 再同老師討論佢的教學方法, 例如: 比佢堂堂上半堂, 因為佢資優根本領略力強, 唔會跟唔上, 然後比佢去校長室, 校長叫佢幫手鉋鉛筆, 傾計, 順手訓練佢耐性, 同埋吸收課程外的事. 有時比佢上高年班課室跟上堂. 自由度大D. 我無諗比佢跳班, 因為IQ高, 所以與同輩溝通有時會格格不入, 我唔想佢自視過高. 變成衰格. 所以小學我係不斷教佢做人.
課外活動, 我比佢讀美國史XX大學的校外數學課程. 因為佢數學係佢強項. 比D難度佢消磨時間. 另一方面比佢學空手道,找一個資深有教小朋友經驗的教練,加強佢專注力訓練, 同消耗佢多餘的體力.
呢個係我10年前的自救法,我覺得成功,因為我個仔數學上已經有成績,可以幫佢日後找心怡的大學。空手道佢可以打國際賽,都算學有所成。所以你要發掘孩子的長項。
我試過幫佢報私人及暑假大學舉辦的標籤資優的課程,我個仔話比我知浪費時間,課程無POINT,D講師都唔知有什麼學歷,堂堂得個嘈字,嘩喇嘩喇又落堂。不過你都可以試下,因為每個小孩的感覺都可以唔同。我個仔好明顯係認真一派, 佢鍾意認真學習而不是遊戲中學習個種。
因為資優係越早培訓越好,到了16歲資優的優勢開始因經驗,文化和知識已減少同齡的差距。外國文章更指出,資優的性格問題往往係佢地人生的敗筆,佔61%,所以性格培訓比智能培訓重要。我會將自己童年的成功事和魚事都話比佢知。 |
|