請教成功入讀名校的家長,你們呢幾年是如何栽培子女的呢?

elmolly

原帖由 小伊 於 10-6-21 00:16 發表
另一辦法就系帶佢去in多D其他學校，mud鬼都in下，in都屬晒咪唔會怯場。

我個女既情況都係咁上下, n1 in左9間, k1就1x間, 完全無改善

anteater

咁有無面試班介紹?

原帖由 vet 於 10-6-20 23:38 發表
for your son's case, 面試 ...

[ 本帖最後由 anteater 於 10-6-21 11:04 編輯 ]

bb-bu-bu

我個細女都極度怕羞, 而家四歲, 讀緊K1, 前年見學校時都唔肯出聲, 後來學校肯收都係因為哥哥在高班讀緊, 所以收, 想個小朋友冇咁怕羞, 真係可以從叫管理員開始, 重有街坊, 雖然而家好多隔離都生疏, 我地要以身作則, 叫人地早晨, 漸漸仔女都會跟!

我同老公對我兩個小朋友都嚴, 做錯事都要罰同檢討, 品德對小朋友好重要, 我見過有家長提過如果兩個小六生同分叩門入中學, 操行分高D果個會入, 操行都係自小陪養, 重有如果小一想入直資, 小朋友品德, 學識, 同見家長都重要, 但係見政府學校反而睇你識幾多野, 流利英語同普通話就多數收, 所以有一些班可以從小去上, 二至三歲可以上唱遊班, 見多D小朋友, 有集體嘅概念, 四五歲可以上英文故事班, 接觸外籍人士, 聽多一種語言, 在家自己可以讀中文故事書, 增加中文字理解, 或者自小上普通話班, 都可以識多D字, 到左升小一首先要知道你個小朋友專注力夠唔夠, 記性好唔好, 你先去選擇入咩小學, 好多家長力谷小朋友入名校, 或TOP1嘅政府小學, 入左去如果小朋友谷唔上, 日日功課七八樣, 題題唔識, 日日要鬧, 做到十一二點先瞓, 我唸第二年都會轉走, 同埋比你入到名校, 年年考尾果幾個, 都冇用!

另外, 我見而家好多父母都過份寵愛, 鬧佢怕佢喊, 打佢怕佢痛, 有時要狠心D, 鬧完佢或打完佢就同佢講道理, 要佢唸吓有咩唔啱, 我同兩個小朋友去看兒科, 睇得最多野, 呢一代個個都自我做中心, 見到人地玩緊D玩具, 想要就一手搶, 有次搶我個仔玩緊果D, 我只會叫亞仔讓佢, 有個超級霸王周圍搶人玩具, 人地坐住車仔, 佢想恐開人, 點知個小朋友都係霸王唔走, 佢個媽叫佢讓都唔讓, 最後超級霸王拉人地頭髮, 又大喊, 佢個父母掛住睇電視後來先發現, 但係都冇鬧到個仔, 呢D細路, 再唔鬧到返學時, 時時比同學投訴, 可能又會開個TOPIC問人點解我個仔成日比老師罰?

(個人意見)

仔仔錫錫你

原帖由 elmolly 於 10-6-20 22:22 發表


想請教下如果小朋友好慢熱同好固執既話又有乜妙計?

太遲睇到你呢篇post...

我無讀過兒童心理學亦都唔係幼兒工作者, 我連你小朋友幾大都唔知, 好難憑你一兩句就有好方法去幫你, 不過你亦可以參考下我做法 (其實都係大路野)

慢熱 : 對人定對事?  都係果套, 見多d人, 去多d公園.  我兩個小朋友每日一定落街玩20-30mins 先返學, 小朋友日日都有得玩, 性格自然會偏向開朗.  落街玩唔係由佢自己玩, 要同佢一齊玩, 發掘下一d 低b問題.  好似上星期日去西貢行山, 好多蜘蛛, 我就問d問題然後解釋比佢聽.  久而久之, 佢對咩都好奇亦每事問(大仔2.5yrs / 細女20個月開始問點解/咩黎/用來做咩).  間接亦令佢地理解/表達能力提高.

固執 : 小朋友必經階段, 係咩都固執or有時?  好似我咁, 剛搬去馬鞍山, 某日同阿仔行去商場, 走時諗住行第條路試下會唔會快d, 但阿仔就話我錯(佢認得原路, 我老公都未認得)係都要行原路走.  呢d都係一種固執, 解決方法有好多, 我自己就慢慢解釋比佢知為何要行別路, 有咩好/壞處, 攪左半粒鐘先再行.  其實只要自己有耐性好多事都可以好容易解決.

Tilly

Agree!

原帖由 bb-bu-bu 於 10-6-22 17:48 發表
我個細女都極度怕羞, 而家四歲, 讀緊K1, 前年見學校時都唔肯出聲, 後來學校肯收都係因為哥哥在高班讀緊, 所以收, 想個小朋友冇咁怕羞, 真係可以從叫管理員開始, 重有街坊, 雖然而家好多隔離都生疏, 我地要以身作則,  ...