我應該揀邊類小學比女女呢?

happyelimme

女女怕生保, 慢熱, , 被動, 做事冇信心, 冇記性
愛做功課, 愛跟我一起閱讀, 喜歡音樂. 跳舞

正唸緊替她揀活動式教學的小學
還是傳統的小學

邊類小學適合女女情況呢?

呀Bow

原帖由 happyelimme 於 10-6-17 04:02 發表
女女怕生保, 慢熱, , 被動, 做事冇信心, 冇記性
愛做功課, 愛跟我一起閱讀, 喜歡音樂. 跳舞

正唸緊替她揀活動式教學的小學
還是傳統的小學

邊類小學適合女女情況呢? ...

你女女今年讀K3呀?

happyelimme

any more comments?

小木偶媽咪

傳統小學較適合

TMMA

原帖由 happyelimme 於 10-6-17 04:02 發表
女女怕生保, 慢熱, , 被動, 做事冇信心, 冇記性
愛做功課, 愛跟我一起閱讀, 喜歡音樂. 跳舞

正唸緊替她揀活動式教學的小學
還傳統的小學

邊類小學適合女女情況呢? ...

活動式教學的小學
可有多d機會給她改善(not改變)慢熱, , 被動, 做事冇信心的性格，
在傳統的小學，可能因她冇記性or慢熱而比老師忽略，而做事更冇信心，
因傳統的小學多是大班&同學來自五湖四海，老師較難有時間去鼓勵做事冇信心& 冇記性的同學，
而活動式教學的小學多是小班，情況可能比較好d，但都要小心choice，否則活動式教學可能會變成失控式教學。

小木偶媽咪

一年級時我囡囡派到一間活動教學小學
我囡囡是一位好好講規則,文靜,內向
愛做功課,好喜歡看書的女孩
這一年講左好幾多次上課很嘈吵,影響佢聽書,
但冇辦法..活動教學就係經常要一組組去討論問題
二年級時,我便幫他轉到一間傳統女校,
佢都係一個好慢熱既人,最初幾個月日日小息
都係去圖書館,唔同人玩,(老師好好,有叫大家要同插班生玩,
亦經常有問囡囡慣唔慣,有咩都可以同老師講等等....)
不過囡囡同我講返學開心好多,同學仔好乖,上堂唔會嘈,
到而家快要升三年級,已經好多朋友,唔再怕醜,學校又適合佢
做媽咪既我真係好開心,好滿足
所以...樓主我好欣賞你,你會根據小孩既性格去選校
而唔係好似好多人咁一窩蜂人話好就走去讀
希望你可入到心儀既學校

[ 本帖最後由 小木偶媽咪 於 10-6-19 17:03 編輯 ]

Umi

我個人認為好似傳統教學岩你個囡喎!

我個女也是這類性格，原本讀近活動教學，P3同佢轉左傳統教學，她給我既comment係OK喎，上堂無咁嘈，氣氛影響到佢上堂既専心程度，咁當然小朋友係真的喜歡少功課的，但現在呢間學校既功課量佢又handle到喎! 學既野深左，功課多左，但....成績仲好過以前既活動教學.

其實你揀學校睇囡囡性格外，都要睇吓你有幾多時間會投放落去佢既功課和温習度架! 如果媽咪你晚晚都OT既，咁你唔好唸...去活動教學，如果你可以準時放工或者係full time mom既話. 咁我當然贊成傳統教學啦!

happyelimme

好多謝你地回覆, 我會慢慢參考
你地d意見好有用, 同我另一topic的回覆好唔同

yu-ma

請教各位家長, 我仔仔今年要揀小一, 他的性格與樓主的囡囡相反, 較坐唔定, 好動, 老師話佢上堂專注力差, 是否活動教學啱佢呢?
但各位又講活動教學較嘈難集中學習, 咁會否令囝囝更加難坐定專心上堂?