應否選擇用普通話上小一中文課一問

KITMAN622

應否選擇用普通話上小一中文課一問

小一要選擇用普通話或廣東話上課,

但通告寫明家長要於課餘用普通話陪伴閱讀及
玩認字遊戲等,

因本人之普通話水平一般,怕未能應付,

但又想女兒以普通話上課,

請問各位家長有何意見?

有沒有子女現時用普通話上課?可否告知情況如何?

謝謝

billysim

原帖由 KITMAN622 於 10-6-11 23:17 發表
應否選擇用普通話上小一中文課一問

小一要選擇用普通話或廣東話上課,

但通告寫明家長要於課餘用普通話陪伴閱讀及
玩認字遊戲等,

因本人之普通話水平一般,怕未能應付,

但又想女兒以普通話上課,

請問各位家長有何 ...

我囝仔學校都係普教中, 我既普通話都係麻麻嫁, 個人意見當然好啦, 小朋友一星期有五天都可以接觸到, 我唔太擔心佢地應付唔到因為學語言從小開始係好d嫁!!!, 我而家係屋企有時都盡量用我有限既普通話同阿仔講, 有時我講錯或唔識佢都會教我嫁!!

VeryHappyMum

唔通自己英文唔好，就唔比個女讀英文咩？

其實小一開始最易適應，小朋友語言能力好高，友儕間講吓講吓就會掌握到，要咬字好準繩就要下多 d 苦功，但千祈唔好放棄。

其實依家好多網站都有聲母韻母同拼音，你可以同佢一齊起步，如果你往後唔努力，亞女好快就拋甩你。

課文默書唔會有問題，因爲依家 d 課文全部有CD，你只須播碟、 press pause 同讀標點符號 (用普通話)就得，所以可以慳好多口水; 但現實 d 講，當默課外文章時，可能就有問題，因爲小朋友始終會有字未聽過普通話音，或者老師曾「乘機」教過但小朋友唔在意，但我覺得無所謂啦，讀書唔可以咁故步自封，而且課外部份始終佔少 d 分，讀熟課文已經十拿九穩。

普教中可以改善好多口語問題，唔好錯失呢個機會。無論開學後係咪普教中，趁暑假快 d 自學拼音先，然後借 d 有拼音既圖書嚟睇，真係冇想像中咁難嫁。   

起錨 ... ACT NOW


  oh.. 想嘔

hoikiuqq

請教我女普通話是有限, 但我很想給她嘗試, 初上堂時會否連老c說的也不明? 回來是一片空白?

Geni

有得揀我都想個仔用普通話上中文, 可惜學校冇~~~~ 用普通話, 我手寫我口, 又可以用拼音, 易學易明好多~~~

VeryHappyMum

原帖由 Geni 於 10-6-12 09:56 發表
我手寫我口,~~

是的。
亞女放學回來，如果當天有作句，我哋會食飯時一齊諗，佢都係用普通話講出來，通常我要佢改，都係意思唔太啱，語法好少會錯，佢二年班作句時，已經直接寫落簿度，唔再另外起草。

(反而佢覺得網上留言好混亂，佢讀唔到出嚟，我話對唔住，香港就係咁架喇。)

希玗媽媽

我個大女今天讀小學一年級，而學校系用普通話教中文．
由於小女一直都無學過普通話，學校教完回來就一片空白，開初真系好擔心，自己又吾識，都教吾到佢啦，後來朋友介紹佐個老師比我，我就帶佢去上下當．大約過了大半年時間佢先好一ｄ．起碼會讀課書比我聽．不過都系好後悔無比佢早ｄ學，個老師講早ｄ學會好ｄ．有ｄ音容易糾正．我個女而家都有兩個音發吾到．．所以我就比細女一早學．．．希望第日上小學會好ｄ．．．

不過我都系想佢地兩文三語都ｏｋ．而家時代吾同以前．．．

kukukoo

May I know will the child learn 拼音 as starting point in P.1 ? Or the teacher will just teach them to read the book and some vocabulary ? How about if you let you child to go the putonghua class, will the teacher teach them the pinyin like (b, p, m, f) as I am afraid the children will mix up with English pronouncation ?

原帖由 tom911 於 10-6-12 15:32 發表
我大女今年讀小一又係會用普通話上堂，我就而家開始搵左個普通話老師上門教佢地， 趁暑假打好個底，細女都學埋一份，因佢第時又會跟家長同一間小學。希望聽多d，練多d，自已又唔叻，搵個老師幫幫佢。

我普通話老師就由佢 ...

qqzzma

小兒現讀一普教中的小學(小二), 可有少少分享.

學校在小一家長會時聲明會assume 所有小朋友也不懂普通話開始教, 小一時班中有很多小朋友也初次接觸普通話.  其實小朋友的適應力很高, 在一個良好的語言環境(中文和社會文化科都是用普教)和師資 的配合下 (學校所有中文老師不但通過了普通話語文能力評核, 也擁有中文大學的普通話作為教學語言專業文憑資格), 很快個個同學聽課也沒有問題, 讀課文都字正腔圓.
平時轉堂小息時,中文和社會文化科老師也只會以普通話與小朋友溝通.

學校除中文科外,還有專教普通話pin yin的堂,中文課本也選有pin yin的教科書和cd, 方便家長幫小朋友默書時參考(如家長懂的話).

我非常支持普教中, 但也明白學校是否有足夠師資配合是一個實際的問題.

[ 本帖最後由 qqzzma 於 10-6-15 09:52 編輯 ]

Gabrielma

普通話係大趨勢, 就算唔係普教中, 個個家長. 小朋友都要另外比錢出去學普通話, 與其高年班要比錢學, 不如小一就開始普教中, 唔係字正腔圓, 最少都識聽 !

不過最好小朋友都識多d字, 聽唔明老師講普通話都識自己睇, 咁上堂會冇咁驚 !

Charlotte_mom

yes 200% agree
如果學校老師質數唔好, 老師都要睇住d拼音讀, 又或者教材並唔配合.........學左好過無咁lor, 最怕學壞師
有時o係bk見到d留言, 話小朋友聽唔到老師既普通話, 默書又唔知做緊咩, 小朋友連學中文都失去埋興趣同信心, 我心唸攪咩呀...........

原帖由 qqzzma 於 10-6-14 10:40 AM 發表
我非常支持普教中, 但也明白學校是否有足夠師資配合是一個實際的問題.

beywat496

同意, 我囡學校每次中默, 大把人 (more than half) 唔合格。

原帖由 Charlotte_mom 於 10-6-14 17:50 發表
有時o係bk見到d留言, 話小朋友聽唔到老師既普通話, 默書又唔知做緊咩, 小朋友連學中文都失去埋興趣同信心, 我心唸攪咩呀...........

有一點真係唔明, 點解家長們咁mind (姑寒 吝惜) 去買中文課本的普話 audio CD 呢 ?  其實中默的內容大致圍繞課本內容, 聽多就自己知係咩。 我問過有些家長, 佢地話學校都無強迫性要求買。

隻 CD 只係幾十元, 好過請補習, 但係好多家長都寧願請補習老師教。

Charlotte_mom

如果小朋友真係自動波, 唔需要cd, 就話唔駛姐
如果小朋友攪唔掂, 家長又唔識, 又明知會考, 點解唔買呢.......

原帖由 beywat496 於 10-6-14 08:56 PM 發表
同意, 我囡學校每次中默, 大把人 (more than half) 唔合格。

有一點真係唔明, 點解家長們咁mind (姑寒 吝惜) 去買中文課本的普話 audio CD 呢 ?  其實中默的內容大致圍繞課本內容, 聽多就自己知係咩。 我問過有些 ...

zakka069

唔好意思,
我想知中學會唔會用普通話教中文科?

如果到中學無用普通教中文,會不會忘記拼音呀?

loveyingying

其實普教中的概念係好, 但我見過有小朋友識隨口讀出課文, 但竟然唔識用廣東話讀番個字

billysim

原帖由 zakka069 於 10-6-14 22:08 發表
唔好意思,
我想知中學會唔會用普通話教中文科?

如果到中學無用普通教中文,會不會忘記拼音呀?

個人意見, 現今教育不斷咁變真係唔知將來小朋友上到中學會唔會有普教中, 但係如果而家小學已經學一定是有得益而無損失, 而你擔心併音會否忘記我相信唔會, 學左咁多年一定要底子唔會咁快忙記既!!!!

mingb

我非常贊成用普通話教中文，只可惜係有ｄ學校唔夠普通話老師，得一兩班用普通話教學．