用戶登入
用戶名稱:
密      碼:
搜索
教育王國 討論區 中華基督教會基灣小學 基灣要諗辨法啦!!
發新帖
查看: 3386|回覆: 6
go

基灣要諗辨法啦!!

Rank: 1


2
發表於 10-6-11 17:46 |顯示全部帖子
你地好,
我唔係一位家長,
我係一個畢左業幾年既學生.

首先講下我自己啦,
我係一個中二既學生,
平平無奇,
抽中左一個好理想既英中.
唔講我個年有幾多個入左啦,(你地會知我係邊個架 - -!)
嗯..講3年前啦..
得3個入左.
到我同我依家呢間學校既老師傾過既時候..
原來..
8年前!! 10幾個入去..!!!
好震撼吧?
當我再睇番以前我小一既英文書..
再睇番依家小一既英文書((本人有補習,所以同基灣仍係與時並進呢!
發現原來淺左好多..問題出左係邊啦?一向聽基灣都係一 間好學校..
突然諗起..
係我小四個時已經轉左幾次英文書!

我認為基灣應該由下年既小一入手,開始轉書,
唔係轉淺d,係轉深d!
點解我覺得要係小一入手?
原因好簡單,
其實每一個小學學生需要既唔止係學習環境,
仲要有老師,家長既配合.
唔少得既梗係教科書啦!
大家入泥基灣都係咁上下,識既野都係唔多.
點解人地x心學校(女子小學)可以個個出泥面試,
成口larklark聲,基灣既學生唔可以?
因為書太淺.
小一對每一個人都係好重要既.
因為小一係為6年既小學打好基礎,
所以基灣好應該由小一入手.!

教科書就講完啦,
我好想講下家長既價值觀,
記得以前嘛,你地仲係小朋友既時候.
老師可以任打,任鬧,你地屋企人會唔會去話個老師唔岩先?
可能就係你地細個比老師打過,所以想保護你地既子女,
家長既心情係可以理解,
只不過..鬧你地既子女出發點為咩?為老師自己咩?
當然為學生啦~
你地有無理解老師呢?
我係一個幾開朗既人~亦好鐘意同每一個老師傾計~
其實老師都有佢地既工作壓力,
古語有云:教不嚴,師之惰     
教得唔嚴係老師既懶惰~
但係老師教得嚴得泥係咩?
家長既沖擊?
其實我真係好想同你地家長講啊~^^
你地可以放心,我都知大家都係當子女係寶咁,
但係如果連你地都唔放手比老師去教,
學生點知是非黑白對錯呢?

學校環境我就不多說啦.
近幾年先擴建完~唔錯啊~~

學校風氣問題,
基灣既學生...認真的..
真係好無書卷味...
要睇多一本書都會懶,
都會抄電腦...唉..


基灣啊基灣 你要加油啊!
家長,老師同校長你地都要加油啊!
搞好基灣!要起錨啦!(笑點.

最後,在此聲明..
如果小妹對各位哥哥姐姐有任何唔岩聽既說話..
請多多包容..  因為我既性格係帶點直接~
亦想籍此了解各位家長既睇法.. ^^!

Rank: 2


76
發表於 10-6-11 21:14 |顯示全部帖子
不得不承認近幾年基灣學生比不上早七八年前的畢業生,我覺得原因並不是課本深淺的問題,而是早幾政府推行統一派位,學校受到教統局限制收生,不能選擇精英學生所致。
另外說基灣學生不及名校學生英文流俐,這也是理所當然,人家名校學生家長大部份都是有錢人家,他們有財力可以請外籍老師,又或者用菲籍工人訓練孩子自細用英語作母語,那當然英文會說得好啦。
還有我曾向高年級學生家長查詢過,六年前他們子女小一採用的課本,比現在小一的更淺。我真的不知道若果現在再加深課程,那麼幼稚園如何能谷只得6歲的小朋友來銜接小一課程。
一向以來我女兒都很喜歡看書,以我問過女兒,她說她的同學都很喜歡看書,我不明白為甚麼你會這樣說,是你接觸的都是這類學生,還是我女兒欺騙我呢?

我知道你都係想母校好,不過我就不太認同你的意見。不好意思!如有得罪,請多多包涵。

Rank: 5Rank: 5

醒目開學勳章


1928
發表於 10-6-11 22:59 |顯示全部帖子
我係一個中二既學生, 平平無奇, 抽中左一個好理想既英中.
唔講我個年有幾多個入左啦,(你地會知我係邊個架 - -!) è
首先恭喜你入到一間理想的英中。


到我同我依家呢間學校既老師 傾過既時候..原來..8年前!! 10幾個入去..!!!
好震撼吧?
è
唔震撼因為8年前的升中派位機制和你派位那年都不同。



當我再睇番以前我小一既英文書..再睇番依家小一既英文書((本人有補習 ,所以同基灣仍係與時並進呢!
發現原來淺左好多..問題出左係邊啦?一向聽基灣都係一間好學校..突然諗起..係我小四個時已經轉左幾次英文書! è
跟據你讀個陣時應該只轉了1次中、英文書,你果時應該是用LONGMAN (WELCOME),而現在讀小一是用LONGMAN (EXPRESS),這2本書的課程比較,EXPRESS比WELCOME深。再者環顧基灣四周的小學都是用LONGMAN (EXPRESS),看不出有什麼程度分別。再說在你就讀時基灣是根據教育局的課程來教,現在基灣走是校本課程,校本課程是由教師及校長在課程發展的過程中,適切及認真地設計課程目標、課程內容、教學活動等等…,簡單來說是跟據學生的程度來設計學習課程,今學生有更大的得著。有幸我有一女(小六)一仔(小一)現讀基灣,我亦與基灣與時並進呢! 大女讀小一時,沒有英文和中文作文堂,但現在小一有中、英文作文堂,所有作文必需在課堂完成,目的是了解小朋友的語文程度。



待續…

Rank: 5Rank: 5

醒目開學勳章


1928
發表於 10-6-11 23:46 |顯示全部帖子
點解人地x心學校(女子小學 )可以個個出泥面試,成口larklark聲,基灣既學生唔可以?
因為書太淺.小一對每一個人都係好重要既. ==>原因很簡單,你所指的小學是英文小學。但請你不要忘記基灣是一間地區的中文小學,40年前是一所給漁民子弟讀的小學。再者近年我們PTA所舉辦的升中模擬面試亦針對面試的語文能力,學校亦有作面試的訓練〔千萬用你讀小六時個屆來評價〕,據我所知並不是所有出名的小學都有這個訓練。BTW, 誰說教科書深會成口lark lark聲說英文。要英文程度好,除了上課用心,亦要多看課外書,多聽英文。學語文必需要活學活用。今年區會的聯校畢業禮請的主禮嘉賓 – 香港大學副校長徐教授亦鼓勵小六的畢業生要多看英文字典,多看英文書。她分享她的故事,她讀中文小學,升讀英文中學,中一時英文程度不好,但她和她的同學放學後到圖書館借英文書看,她一星期看最少7本英文書,最後她的英文當然是不錯啦。學好外語必需要靠自己,其他教科書只是一個工具。


我好想講下家長既價值觀, 記得以前嘛,你地仲係小朋友既時候. 老師 可以任打,任鬧,你地屋企人會唔會去話個老師 唔岩先? ==>對唔住我讀書時老師已經唔可以打小朋友了。

鬧你地既子女出發點為咩?為老師 自己咩? 當然為學生啦~你地有無理解老師 呢?我係一個幾開朗既人~亦好鐘意同每一個老師 傾計~其實老師 都有佢地既工作壓力, 古語有云:教不嚴,師之惰
教得唔嚴係
老師 既懶惰~
但係
老師 教得嚴得泥係咩? 家長既沖擊? 其實我真係好想同你地家長講啊~^^你地可以放心,我都知大家都係當子女係寶咁, 但係如果連你地都唔放手比老師 去教, 學生點知是非黑白對錯呢? ==>我作為PTA成員和家長義工,我當然明白老師的好意。所以我時常同家長說每件事都有兩面,不要只聽/看一面,多與老師溝通。在香港生活的人有誰沒有工作壓力,做學生有壓力、做老師有壓力、做校工有壓力、做經理有壓力、做家庭主婦都有壓力。老師、主任、校長、辦學團體和家長也要與時並進,不停學習才會進步。老師唔可以原地踏步,用舊時個套來教育學生,因為現今的社會唔容許人懶惰。

學校風氣問題, 基灣既學生...認真的..真係好無書卷味...要睇多一本書都會懶,
都會抄電腦...唉.. ==>我相信係個別學生的問題,我識得有些書蟲成日轉堂、大息、小息都拿著書來看。學校從小培育小朋友看課外書,有午讀課,低小有伴讀小恆星、閱讀約章、續書會…當然看課外書都是要自小培養,家長要出一分力,唔可以單靠學校,
right?

最後,在此聲明,以上內容是我的個人意見和感受,如有任何得罪,請多多包涵!

Rank: 5Rank: 5

醒目開學勳章


1928
發表於 10-6-12 00:06 |顯示全部帖子
Keepholdingon:
如果你有其他意見/見解,你可以隨時隨地電郵給學校,因為學校成立了法團校董會,我們有校友校董,你可以向他表達!如你想要這個渠道,可告知我!

Rank: 5Rank: 5


1039
發表於 10-6-12 07:46 |顯示全部帖子
Xantle, 好多謝你既分享,我睇完都覺得清楚左好多學校既發展.

Keep.holding.on, 小兒今年讀小一,可以同你分享既係佢係學校既薰淘下,勁鐘意睇書,鐘意返學,放假得耐就掛住幾時可以返學.

Rank: 5Rank: 5

醒目開學勳章


1928
發表於 10-6-12 08:54 |顯示全部帖子
keep.holding.on,

其實我也感恩你能把你的意見說出來,中二生的你也能替小學生補習,心想作為小學的家長對你一定有一定程度的信任,你的英文程度也必不錯。深信你也下了一番苦工,繼續努力,你的前途必定無可限量!

DDC,

我只是把我所知的事情與大家一起分享!