德望 or St.Cat!!!! 家姐小一抽獎結果搞到我計劃亂晒

beautiful_mama

大女之前一早德望收咗, 抽獎諗住抽第一志願瑪利諾…點知結果抽到第二志願九龍塘聖家. 而聖家又確係非常唔錯!!
而家竟然心大心細攞唔定主意讀邊間好???
阿妹之前考到St.Cat同德望. 本來一心諗住好有計劃, 阿妹跟住家姐選小學去定揀幼稚園:

家姐 入到瑪利諾 then 阿妹 St.Cat
(家姐讀瑪利諾, 咁阿妹遲D一定會入瑪利諾, 就緊係讀學術比較有保証嘅St.Cat, 加上家姐而家讀住覺得好好)

家姐 要讀德望 then阿妹 德望
(主要阿妹非首名子女第日抽獎冇着數, 可能倒頭來又係考私校, 德望幼稚園應該一定昇到德望小學, 三年後唔駛玩多次呢個殘忍昇小一遊戲, 加上同家姐一間學校亦方便照顧…. 但係, 德望第一年辦幼稚園, 辦成點冇人知)

但家姐而家抽到九龍塘聖家, 好多朋友又話入九龍塘聖家都好, 搞到我心大心細, 決定家姐又要同時決定阿妹….. 點呢????????????

okangelmama

俾我就讀聖家LA~起碼係津校又有名氣,妹妹都可以入聖家GA,留返D錢同小朋友學其他野OR去下旅行開心下好過,上小學好多野好忙GA LA~

elmolly

我都要提早兩年面對呢個問題, 因為我個女起第一輪自行已經夠分入聖家, 德望又收左, 我揀左德望.

德望起學術上應該好過聖家, 重點係德小上中學已經接左龍, 讀緊聖家既朋友話要成績保持起頭幾十名先可以secure到聖家中學個位. 我無信心兼顧到平日既功課/乜乜物物報告之餘, 再keep到咁top既成績, 不過德望上到中學, 真係好貴.

B.BB

聖家真係非常唔錯，又可確保妹妹都一定入到，可必花咁多錢讀德望呢？

仔仔錫錫你

原帖由 beautiful_mama 於 10-6-7 00:21 發表
大女之前一早德望收咗, 抽獎諗住抽第一志願瑪利諾…點知結果抽到第二志願九龍塘聖家. 而聖家又確係非常唔錯!!
而家竟然心大心細攞唔定主意讀邊間好???
阿妹之前考到St.Cat同德望. 本來一心諗住好有計劃, 阿妹跟住家 ...

家姐入到瑪利諾, 細妹讀村校都得喇