BB 便秘 ！ Help !!!

moma_223

我BB  18 months la !! only have 4 teeth ! she can eat soft rice and congee but only 100ml ( ~ small bb bowl ) she still love her milk , she can drink 10 oz each time and 4-5 times a day + one congee + one cereal + one friut per day ! she drink water too ,
but she dont like the vegetable ( ? 怕草青味 , 但愛吃薯仔 , pumpkin.... Etc .
any one have idea can help !

yaulinda

有時奶粉都幾熱氣架,
我自己就會俾小朋友飲吓開奶茶,
不過最穩陣都係看看醫生啦!

Joicee

If this happen occasionally only, you can try to let you baby eat some prune.

kwokfred

你bb係咪飲得好少水呀?試下比佢飲多d,再唔得帶佢睇醫生

我想問開奶茶有乜用??

qq-chu

Try baby yogurt

bobo1314

我個女由出世到依傢兩嵗幾都唔係日日有poh-poh!
醫生成日叫我轉奶粉，唔好食日本奶粉，但我無理，見唔係太差，費事轉，直至上幾個月，谷poh-poh谷到pat pat 出面生“瘡“，抹pat pat 次次都有血！我先轉奶粉，轉左兩只，上個星期食美素佳兒，依傢日日有poh-poh !
之前試過plum juice, 開奶茶。。。如果這些方法都唔得， 轉奶粉係好方法！

sh_yip

原帖由 bobo1314 於 10-5-24 10:35 發表
我個女由出世到依傢兩嵗幾都唔係日日有poh-poh!
醫生成日叫我轉奶粉，唔好食日本奶粉，但我無理，見唔係太差，費事轉，直至上幾個月，谷poh-poh谷到pat pat 出面生“瘡“，抹pat pat 次次都有血！我先轉奶粉，轉左兩只，上個星期食美素佳 ...

我個仔都係(2歲4個月), 以前食人奶就日日有便便, 開始食固體食物後(6個月後)開始變差, 最耐試過6天先有便便, 轉食大仔(最初食明治, 現在食雪印)奶粉後就2/3/4天先有, 唔定時, 而且依家仲話唔鍾意poo-poo, 因為好多時佢d便便都很硬, 同細細粒, 要好用力去痾, 仲痾損個pet pet, 抹時有少少血, 真係慘, 見到好心痛!
已經比好多生果佢食, 水就有時肯飲, 有時唔肯飲, 每個星期都飲開奶茶及食乳酪, 唔通真係要轉食美素佳兒?
有朋友話雀巢個隻Excel都係對便便好, 但我驚這類奶粉加咗好多唔知係咪真係對bb好的用料, eg. 太多益生菌 /太甜, 真係煩!

請問你個B最初食邊隻日本奶粉?
美素佳兒會唔會好甜?

Step_C

大家可以試試煮鮮奶麥皮俾bb食! 呢個我女食左好得!!! 可以唔駛落糖, 但落幾粒提子乾/香蕉吊味, 健康又有益!!!

sh_yip

原帖由 Step_C 於 10-5-24 16:41 發表
大家可以試試煮鮮奶麥皮俾bb食! 呢個我女食左好得!!! 可以唔駛落糖, 但落幾粒提子乾/香蕉吊味, 健康又有益!!!

試過啦, 但無太大幫助 … 鮮奶麥片 /　鮮奶麥皮　+生果，　連蜜糖水都試過，　但亞仔唔鍾意，　飲兩啖就唔肯飲

bobo1314

原帖由 sh_yip 於 10-5-24 16:21 發表


我個仔都係(2歲4個月), 以前食人奶就日日有便便, 開始食固體食物後(6個月後)開始變差, 最耐試過6天先有便便, 轉食大仔(最初食明治, 現在食雪印)奶粉後就2/3/4天先有, 唔定時, 而且依家仲話唔鍾意poo-poo, 因為好多 ...

我個女食由出世到今年四月都係食森永，我看開個兒科好反對我地食日本奶粉，成日叫我地轉雪印/美素佳兒！但我無理！搞到阿女pat pat生埋“外瘡“,試過轉香港雪印，好d,但都唔係日日有便便！試過excel,阿女唔肯飲！
試美素佳兒，初初同森永一半半甘沖 （120 + 120 ml) ,効果唔太好！上個星期四，開始全部frisco...真係好神奇，日日有便便，仲份量多個只！可能連d宿便都清理埋，我個女個肚係脹仆仆，兒科話好多肚風+宿便，食左幾日， 肚仔扁左！你可以試試看，！但我個女仲有三個月就3嵗，我都係食3號先，我怕4號好難消化！

sh_yip

原帖由 bobo1314 於 10-5-25 09:10 發表


我個女食由出世到今年四月都係食森永，我看開個兒科好反對我地食日本奶粉，成日叫我地轉雪印/美素佳兒！但我無理！搞到阿女pat pat生埋“外瘡“,試過轉香港雪印，好d,但都唔係日日有便便！試過excel,阿女唔肯飲！
試美素佳兒，初初 ...

我都明白有d兒科醫生反對食日本奶粉係因為唔知其中的成份，罐上的說明係全日文，所以無信心。　請問你自己有無試過“美素佳兒”會唔會好甜？　我鍾意日本奶粉比較淡口，唔易有蛀牙。　我仔仔晚上刷完牙先食奶，食完奶就即刻訓覺，唔肯再飲水，所以為有等佢訓咗後用濕棉花擦一擦d牙仔。　

bobo1314

原帖由 sh_yip 於 10-5-25 11:16 發表


我都明白有d兒科醫生反對食日本奶粉係因為唔知其中的成份，罐上的說明係全日文，所以無信心。　請問你自己有無試過“美素佳兒”會唔會好甜？　我鍾意日本奶粉比較淡口，唔易有蛀牙。　我仔仔晚上刷完牙先食奶，食完奶就即刻 ...

我老公試過，話excel好甜，frisco幾好味！我個女都係，要刷完牙，之后先飲奶，但飲完奶唔肯飲水！
我之前好buy日本奶粉，我覺得食得阿女好好！但依傢唯有要轉香港奶粉，再加上日本奶粉都係食到三嵗，之后都唔知食乜！但香港好多牌子都可以食到三嵗以上！

仲有，近年多左人食番香港牌子，少左好多人食日本奶粉！可能連衛生署都唔buy日本牌子(有小冊子講日本奶粉唔太可靠，係clinics都有得攞！）尋日我去葯房買frisco，我見好多人買這牌子，搞到我只買到一罐3號乍！

Step_C

原帖由 sh_yip 於 10-5-24 17:48 發表


試過啦, 但無太大幫助 … 鮮奶麥片 /　鮮奶麥皮　+生果，　連蜜糖水都試過，　但亞仔唔鍾意，　飲兩啖就唔肯飲

唔... 咁不如試下放d麥皮入粥仔/飯仔度一齊煮, 等佢唔覺唔覺就食落肚. 另外西梅汁都好得, 我加熱水落去d西梅汁度, 等佢暖暖地(我唔俾佢飲凍野), 又乘機等佢飲多d水...另外我99會煲蘋果無花果湯, 呢個都ok.

我好明白你心情, 我女因為便秘睇過好多次醫生, 佢其實好鐘意食菜食生果飲水, 但都唔知點解大便會咁差, 次次便秘到佢喊晒又一路叫"屎屎出黎", 我真心痛死. 我立誓一定要幫佢解決呢個問題!!! 我主張由飲食入手唔靠藥(當然真係好多日便便唔到就食乳果糖幫手...), 到目前我覺得麥皮係最好. 雖然便便未係最靚, 但就起碼唔難去先. 大家一起加油!!!

chowhui97

我都係俾BB食日本奶粉, 之前有一排都係好硬... 次次POO POO都喊同叫媽咪, 仲有血tim!!

我最尾都無轉奶粉, 成日硬係因為太多積住, 所以一定要日日去, 清乾淨先得!

醫生俾金油條我, 佢一日半無去就幫佢塞, 迫佢日日去連續一個星期, 之後好啲. 後尾有一排佢咳, 咁好多生果佢唔食得, 於是基乎日日都係木瓜, 跟住又真係軟好多喎!  另外第一次飲益力多都有用, poo好多!  最後就係食提子乾, 一日食十幾粒, 食咗幾日poo poo又係軟好多呀!

p.s. 我個b快20個月.  希望以上幫到你地!

sasa08

亞b現13個月. 出世食森永都係成曰便秘, 疴到喊同patpat 流血. 8個月大睇e生同美素佳兒. 2号會有少少甜. 3号ok幾好. 現少左便秘

misialam

原帖由 sasa08 於 10-5-29 23:51 發表
亞b現13個月. 出世食森永都係成曰便秘, 疴到喊同patpat 流血. 8個月大睇e生同美素佳兒. 2号會有少少甜. 3号ok幾好. 現少左便秘

我B同你一樣，睇幾次醫生及轉惠氏都無進展，苦惱.....

oceanwong

我亞仔11個月啦, 但一路都有便秘問題, 成三四日先有得去大便, 醫生都睇過哂都係咁!  但我試左用木瓜煮粥仔比佢, 佢第二日就即刻有架啦, 係次次都得, 你都可以就咁樣比木瓜佢當生菓食, 但我亞仔唔鐘意木瓜果隻味唔肯就咁食, 所以我放落粥仔度煮, 好work!

Lindamo

原帖由 oceanwong 於 10-7-11 20:32 發表
我亞仔11個月啦, 但一路都有便秘問題, 成三四日先有得去大便, 醫生都睇過哂都係咁!  但我試左用木瓜煮粥仔比佢, 佢第二日就即刻有架啦, 係次次都得, 你都可以就咁樣比木瓜佢當生菓食, 但我亞仔唔鐘意木瓜果隻味唔肯 ...

飲多點水同果汁了...食生果都得架...