通常小朋友幾大先會發現佢有亞氏保加症??

flamenco

我的小朋友現讀 K3.
近日跟班主任傾談有關他在學校與其他同學相處的情況時, 班主任表示可以替他寫轉介信去健康院做評估(即班主任都覺得他可能有問題, 但沒有直接說)

剛才在協康會的網頁閱讀有關自閉症和亞氏保加症兒童的特徵的資料,
http://www.heephong.org/chi/slp/slp_article.php?id_postitem=765
發現小兒除了"語言溝通障礙"那幾點不符合之外, 其他"社交發展與人際關係障礙" 和 "狹窄及刻板的興趣、行為模式" 的特徵都符合(大部份):
- 自我中心，不合群，很少主動與人分享感受或成就
- 難於理解不明文的規則
- 有時會做出不恰當的社交行為
- 活動刻板、單調
- 一些生活細節或遊戲方式很固執，難於適應環境的改變，稍有變動便會煩躁不安甚至發脾氣
- 終日沉迷某些興趣

由於小兒沒有顯著的語言發展遲緩, 亦無智能障礙, 所以他應該不是自閉症.
看情形, 我自己覺得似亞氏保加症多些 (最好係佢咩問題都無啦).

我有以下疑問, 希望大家可以給我意見.
1) 小兒有以上特徵, 不知患有亞氏保加症的機會大嗎? 抑或是我過分擔憂, 諗多咗??
2) 通常患有亞氏保加症的小朋友, 幾多歲會被發現?
3) 小兒快六歲了, 九月升小一. 不知健康院會否接受六歲以上的個案呢?? 如果不接受, 那我應到那兒尋求協助?

yin-ting

我小朋友讀 k3 時在評估智能測驗中心已診斷為有
自閉性傾向, 他的問題早期未必那樣明顯, 因此都
是評估階段.

至於你小朋友最好交由專業人仕去評估, 如健康院,
一般會先看心理學家或心理醫生, 而且, 由於排期
需要一段時間, 所以愈早愈好 ! 最好在升小一前能
確診貴小朋友是屬哪性質, 方便日後找哪類型小學.

yin-ting

無論自閉或亞氏保加都應能在這年紀診斷,

若有學校轉介, 健康院應該不會不理,

否則便要去一些較昂貴的私人機構.

blip

以下是個人意見及經驗之談, 如有不確請指正.
1) 小兒有以上特徵, 不知患有亞氏保加症的機會大嗎? 抑或是我過分擔憂, 諗多咗??
亞氏保加症也是自閉症之一, 不同只是語言能力和智能正常, 如確診, 一般政府評估會寫自閉症傾向或Autistic Spectrum Disorder, 智能測驗通常滿六歲先做, 不過無論診斷如何, 社交困難和執著行為始終都是要解決的問題, 尤其是上小學後需要面對的處境更多.

2) 通常患有亞氏保加症的小朋友, 幾多歲會被發現?
兩三歲都可以從日常玩耍, 過份執著等表現懷疑為亞氏保加症, 但要經智力和言語評估為正常發展一般是六歲.

3) 小兒快六歲了, 九月升小一. 不知健康院會否接受六歲以上的個案呢?? 如果不接受, 那我應到那兒尋求協助?
健康院服務至11歲, 但要排期 (半年至一年不等), 建議盡早轉介, 因小一以後服務由教育局提供. 然而, 如小朋友問題不嚴重, 評估後基本是沒有服務提供的, 確診後的程序是約見精神科醫生, 排期往往是兩三年後, 就算見了醫生也不一定有服務, 而小學方面, 若呈報了學校(可以選擇不呈報), 學校或會有服務, 但一般都很有限, 且不夠針對性, 對小朋友幫助有限.  

個人經驗, 不要等評估結果, 事實上無論診斷為甚麼, 有行為問題便要立即找解決方法, 積極尋求社交小組訓練, 小一適應班等, 這幾個月可以做的預備及訓練十分重要, 目標是幫助小朋友及自己適應小學生活.

原帖由 flamenco 於 10-5-4 17:51 發表
我的小朋友現讀 K3.
近日跟班主任傾談有關他在學校與其他同學相處的情況時, 班主任表示可以替他寫轉介信去健康院做評估(即班主任都覺得他可能有問題, 但沒有直接說)

剛才在協康會的網頁閱讀有關自閉症和亞氏保加症 ...

[ 本帖最後由 blip 於 10-5-7 11:16 編輯 ]

flamenco

yin-ting, ha!, blip,

好多謝你地的回應!!

我發表第一篇文章前, 其實睇咗好多呢個討論區裡面的文章, 發現大部份家長都係喺小朋友2-3歲時發現自閉/自閉傾向問題.
所以我以為如果小朋友已經到咗5、6歲都無發現問題, 應該就無問題.
但睇完你地的分享, 先知原來亞氏保加症好多時係要到5、6歲先會被發現.

我到現在都仲未收到學校的轉介信, 所以暫時都未有行動.
(其實係咪無轉介信都可以去協康會?)

我仲有一個問題想請教.
唔知你地有無聽過 "Highly Sensitive Person"(HSP) 或 "Highly Sensitive Child"(HSC) 呢?
HSP/HSC 同亞氏保加症有無關係/有咩分別?

我睇過一些關於 HSC 的文章, 覺得 HSC 的特徵都幾似亞氏保加症 ... ...

甜芋

原帖由 flamenco 於 10-5-7 16:45 發表
yin-ting, ha!, blip,

好多謝你地的回應!!

我發表第一篇文章前, 其實睇咗好多呢個討論區裡面的文章, 發現大部份家長都係喺小朋友2-3歲時發現自閉/自閉傾向問題.
所以我以為如果小朋友已經到咗5、6歲都無發現問題,  ...

唔需要等學校轉介.如果你想快啲,揾私家評估都得.當然政府會平好多.
Highly Sensitive Person"(HSP) 或 "Highly Sensitive Child"(HSC) :唔知你指0既係唔係呢類人的特質.亞氏保加症0既人有呢種特質都唔出奇.仲有spirited child.睇完,可以幫助你了解你0既小朋友.在適當的時候幫助他.

yin-ting

我可以再詳細講講我小朋友當時的情況, 雖然他從小一直有健康院跟進, 但只是發現他有發展遲緩, 語言及認知較弱, 確認後便轉介醫院的評估中心, 之後, 安排他入兼收位.

上了k1打後, 開始逐漸出現愈來愈多行為上的問題, 自制能力, 專注力及社交上都十分弱.

期間我都不斷參與不同的講座, 那時還以他是那個感覺統合症上的失調問題.

我想從中得到多方面的確認及支援, 於是在學校方面的鼓勵下, 寫了一封信, 是關於小兒過去種種的行為上的問題, 嚴重影響他日常生活和社交生活, 把這信交給醫院的『體能智力測驗中心』, 即所講的評估中心, 之後, 安排了他見物理治療師, 我詳細講述小兒過去種種情況和問題, 治療師覺得他似自閉性傾向, 多過感覺統合上的問題, 於是, 再轉介他看心理醫生, 才真正確診他為自閉性傾向的小朋友. 雖然他發展比較緩慢, 但智力屬於正常, 可入讀主流小學.

我用了寫信方法的途徑, 希望得到有關人仕的幫助, 若你仍然感到十分擔心, 你或許也可以試試這個方法, 除了校方的轉介信, 還可以加上自己的信, 讓院方更早詳細了解小朋友的情況, 無論小朋友是有有關方面的問題, 或是正常, 都希望可以盡早得識.

xixi1218

我仔仔的情況和你的小朋友的情況有些相似，我是上個月才知，他已經6歲多了，我都好迷惘。不過我是找精神科醫生看的，都見了兩次醫生，但要下次才再商量到訓練的事宜，好似仲會幫我轉介到一個心理醫生。我只有見步行步。。。。再分享。

flamenco

甜芋, yin-ting,
好多謝你地的分享.

原帖由 xixi1218 於 10-5-14 14:36 發表
我仔仔的情況和你的小朋友的情況有些相似，我是上個月才知，他已經6歲多了，我都好迷惘。不過我是找精神科醫生看的，都見了兩次醫生，但要下次才再商量到訓練的事宜，好似仲會幫我轉介到一個心理醫生。我只有見步行步。。。。再 ...

xixi1218,
我早幾天帶兒子去了健康院見姑娘, 姑娘安排了下個月見醫生.
你上個月才知道, 現已見了兩次醫生. 你是見私家醫生嗎? 可否 pm 醫生資料(姓名、地址、收費等)給我作參考?
期待你再跟我們分享.

07mami

hi 甜芋 相請教你經驗,我小朋友3歲3個月check左,沒自閉,語言正常,智能比同年高,不過行為就...... 頭痛頭痛,連心理治療師都說不出要轉物理治療師,依家做左5個月,物理師尤叫我幫囝囝報d行為課程,請問有什麼介紹.我問左明愛冇噤細,thk.

原帖由 甜芋 於 10-5-8 15:47 發表

唔需要等學校轉介.如果你想快啲,揾私家評估都得.當然政府會平好多.
Highly Sensitive Person"(HSP) 或 "Highly Sensitive Child"(HSC) :唔知你指0既係唔係呢類人的特質.亞氏保加症0既人有呢種特質都唔出奇.仲有spi ...

甜芋

原帖由 07mami 於 10-5-28 12:31 發表
hi 甜芋 相請教你經驗,我小朋友3歲3個月check左,沒自閉,語言正常,智能比同年高,不過行為就...... 頭痛頭痛,連心理治療師都說不出要轉物理治療師,依家做左5個月,物理師尤叫我幫囝囝報d行為課程,請問有什麼介紹. ...

07媽咪:沒有自閉特徵,那為何評估為亞氏保加症.呢度我有啲唔明.如果你見咗物理治療師,佢覺得你0固小朋友唔需要做感統治療的話.我覺得,要知道佢係咩事,對症下藥.

07mami

原帖由 甜芋 於 10-5-28 13:59 發表


07媽咪:沒有自閉特徵,那為何評估為亞氏保加症.呢度我有啲唔明.如果你見咗物理治療師,佢覺得你0固小朋友唔需要做感統治療的話.我覺得,要知道佢係咩事,對症下藥. ...

以上係剛剛check,我小朋友係2歲check有自閉,經過好多治療(包括髗骶骨治療)現治療話囝囝進步得好抉,所以可以幫他揾行為課程．

lamtsuiyee

Hi 大家好

我都好想同大家分享吓, 我個仔已經5歲, 早排有社交問題帶佢去check,有感統問題 (尤其觸角), 佢好怕扣衫"樓", 又好怕人拍佢個"Back", 3-4個小朋友一起都可以, 如果一班同學就一定唔會一齊玩, 成日話D同學好'Noisy"..只係自己玩, 無乜好朋友, 做過感統訓練, 成效一般..又費.. 佢學業成績可以, 都聰明..但Stubborn 及要講好耐先可以試新野... 我估佢有亞氏保加症..及highly sensitive.. 依家都好煩...但情緒暫時都Stable.. 我都想大家比d意見我...

甜芋

原帖由 lamtsuiyee 於 10-6-15 12:29 發表
Hi 大家好

我都好想同大家分享吓, 我個仔已經5歲, 早排有社交問題帶佢去check,有感統問題 (尤其觸角), 佢好怕扣衫"樓", 又好怕人拍佢個"Back", 3-4個小朋友一起都可以, 如果一班同學就一定唔會一齊玩, 成日話D同學 ...

佢去到冒險樂園或遊樂場會點0架?我囝囝聽覺高敏.佢會聽到日光燈聲同大廈出邊電梯運作的聲音.轉學去咗一間細間的小學.同學少好多,佢係新學校度好專注.

你話佢唔中意扣鈕,佢手部肌肉發育得好嗎?攞筆寫字得唔得?手部訓練同一啲感統訓練,係屋企可以自己做.揾間啱0既小學好緊要.

lamtsuiyee

Hi there,

He is ok in Jumping gym cos he has high level of endure ability. Same happen at school, he feels the classmates are noisy but he loves the school and enjoy the school life. However, he hates to wear the blouse shirt (because of the button). He's ok in writing but not strong enough, no significant problem on writing and he loves playing piano. (I guess piano can help on the finger movement). Luckily, we still keep him in the international school.

I doubt whether I should put him back to Traditional local school. Please give me some comment.

儀

以下係我仔仔剛剛做既評估路程:-

2010年3月2日去健康院見姑娘, 講出我仔仔既問題 (因為係我覺得有問題去既, 其他人都唔覺佢有咩大問題 包括老師), 姑娘話冇野, but 我擔心就安排我見醫生.

3月25日見健康院醫生, check完一輪, 醫生講佢唔覺我仔仔有咩問題, but 見mami "噤" 擔心, 就安排去評估.  then 就寫左轉介信去評估中心.

4月19日去評估中心見姑娘, 搞左半日, 姑娘又講, 唔覺仔仔有咩問題, but 我地再3強調我地擔心既野, then佢先講, 噤排期見醫生. 當日仲要拎一份野比學校老師填寫後直接寄番比佢地既.

排期時間, 有人cancel 左booking, 我地就後補去做評估, 好彩..都算好快.  6月1日就評估左, 亞氏保加症, 個醫生仲問我點解噤明顯都噤遲先去做評估, 真係好無奈.

都唔識講.. 唉~

[ 本帖最後由 儀 於 10-6-28 14:14 編輯 ]

flamenco

原帖由 儀 於 10-6-15 23:35 發表
以下係我仔仔剛剛做既評估路程:-

2010年3月2日去健康院見姑娘, 講出我仔仔既問題 (因為係我覺得有問題去既, 其他人都唔覺佢有咩大問題 包括老師), 姑娘話冇野, but 我擔心就安排我見醫生.

3月25日見健康院醫生, ch ...

儀,
你仔仔幾大?? 可否簡單講下你覺得佢有咩問題? 點解醫生會話好明顯, 但就只有你一個人懷疑有問題, 其他人唔覺??
仲有, 你仔仔被評估為亞氏保加症後, 醫生有咩跟進? 可否分享一下. (唔好意思, 咁多問題)

我的情況同你有少少似, 我覺得仔仔有問題, 但我老公就覺得無問題, 成日話我諗多咗, 自己對號入座, 唉 ~~

我下星期會去評估中心見姑娘(第一次見). 姑娘喺電話同我講, 到時再排期見醫生, 大概要等半年.

甜芋

原帖由 lamtsuiyee 於 10-6-15 16:26 發表
Hi there,

He is ok in Jumping gym cos he has high level of endure ability. Same happen at school, he feels the classmates are noisy but he loves the school and enjoy the school life. However, he hate ...

如果佢係國際學校讀得開心.不如留係0固度.我係舊年聽過一個亞氏保加症的會議.有家長分享開心例子,都係讀國際學校.

你將佢轉黎傳統學校.真係要睇下0固間學校的老師是否理解呢類學生.冇乜心機的老師,或者會覺得家長育兒方法唔妥.會覺得家長無事生非.家長想問學校多啲了解孩子的狀況.仲要睇老師的白眼.聲明先,我唔係一位死纏爛打的家長.轉學啦,講咗亞氏保加,學校以冇學額拒絶咗.

依家我囝囝已經係新學校讀咗5個月了.情況好好.所以,我覺得,如果你的孩子讀得開心,就留在國際學校里吧.