官塘區- band 1 男生選校

kat2006

我都係咁話, 我將頭6位放 band 1頭至尾, 第7位及後放band 2 諗住博下,  但係老師話佢教咗咁多年都未見過咁博喎等同自殺   令都我而家都唔知點填好, 真係咁博唔過嗎 ~~~

原帖由 sasa88 於 10-4-28 10:46 發表
完全明白妳既心情 現在我每天anytime都在諗緊個排位，真係好煩！
跟自己意願學校又吾比，跟學校意願，就即係只搏一間學校，有時諗如果跟學校意思去排...就算派倒第二志願我都一定會去叩門的話，咁點解吾搏一搏自己 ...

EW

我唔知有冇分析錯呢，全觀塘有大約4500人，Band 1生約有三分一即1500人，男女比例約如700+800(因唔知比例幾多)，咁派位係派完Band 1 先派 Band 2，咁將頭1志願開始放 band 1頭至尾，後放band 2去到第10志願都起碼有1000個位，咁小朋友都起碼唔會去到第10志願後Band3學校，可以博下喎。

sasa88

d老師一定咁講啦！佢未見過≠一定吾成功呀！

咁妳問吓個老師咁多年有無見過d學生就係依照學校咁講只揀1間band1，點知派左第二志願....band 2學校，之後d家長同學生都喊左出黎仲要即刻去叩門呢?? 妳又睇吓佢點答妳!

無錯如果跟學校意思咁揀，好大機會派倒首三志願。
但我同老公坐低再三商量過，假設跟學校既方式揀而派倒第二志願 我們都肯定吾會接受兼且必定會去叩門，與其係咁...我地寧願揀番自己心儀既學校放在頭三志願，第四就放一間最能接受既band2頭學校補底先，咁衰極都係去間band 2頭，但起碼我都無放棄首三志願既抽獎機會吖！
兼且我填果首三志願，到時都仲有機會叩門呢！因為我朋友提醒我，佢上年佢個女升中叩門時，有很多學校(10間有8間)都會問家長自行或乙部首三志願是否選擇這間學校，否則連form都不會派呢！所以如果依照學校咁揀，到時真係想返轉頭叩門...恐怕有d難度呢！

如其要擔驚受怕來保住學校升中派位首三志願既百分率，我不如保住我個仔既叩門機率！ 所以我已經填好左張派位表交埋添！我同老師講：「呢個係我老公既決定！」

原帖由 kat2006 於 28-4-2010 18:18 發表
我都係咁話, 我將頭6位放 band 1頭至尾, 第7位及後放band 2 諗住博下,  但係老師話佢教咗咁多年都未見過咁博喎等同自殺   令都我而家都唔知點填好, 真係咁博唔過嗎 ~~~


...

游泳寶寶

我有小小唔明白呢個制度想clarify一下.

即係而家你驚你個小朋友派唔到好好既英中, 係咪? 但你個小朋友係Band 1的. 只係而家區中的英中唔夠咁多個Band 1學生分, 是嗎? 咁你就驚如果隨機number好後, 小朋友係Band 1尾, 會連最差既英中都入唔到, 所以要揀D 冇咁好既學校以防入唔到英中, 是嗎?

但如果你個小朋友真係Band 1尾, 輸到佢揀學校既時候, 無論佢將間學校放響邊個志願, 派入既機會係一樣架咩? 即係如果佢放間冇咁好既學校響最尾, 而有一個隨機number前過佢既又係揀果間, 不論放在任何位置, 佢都一定會先拿走那個位, 不是嗎? 隨機number 比你後的人, 不論他把那學校放在任何位置, 都會讓你先派入, 不是嗎?

即係話, 一個唔好彩, 個小朋友係Band 1尾, 佢揀左間Band 2學校, 呢個小朋友係入硬既. 如果連呢間Band 2學校都有Band 1 同學爭而佢呢D同學隨機number 較前, 就算你小朋友放呢個Band 2 學校響第一志願, 你都會係最尾派到既Band 1 生.