想問應該幾時報PLAY GROUP

pingu88

我個B係09年12月出世，宜家就快四個月，想問下想佢遲D讀PLAY GROUP，通常要早幾多個月開始報？
同埋邊間PLAY GROUP好D？THX

ET0626

睇下你想報的playgroup受歡迎程度. 我o係bb6個月時報維多利亞周末playgroup, 宜家20個月都未有位. 之後我報Dr poon playgroup, 約個多月有位.

我自己就俾bb過左1歲先開始返1pg, 活動能力高d.

ShinTeresa

有d pg 要bb足1yrs 有d要歲半, 睇你想bb 玩咩

原帖由 pingu88 於 10-4-1 11:54 發表
我個B係09年12月出世，宜家就快四個月，想問下想佢遲D讀PLAY GROUP，通常要早幾多個月開始報？
同埋邊間PLAY GROUP好D？THX

pingu88

請問隨維多利亞，仲有邊D PLAY GROUP比較出名？

GAT

My opinion is to start playgroup at age 1. Before that is kind of wasting money cause they baby cannot walk and is difficult to understand and participate in the activities.

Freesia_cat

我在我兒3個月大時開始幫佢排Victoria週六班，都排到阿仔17個月大先有位。個人就好喜歡Victoria的playgroup，覺得老師好好，有俾advice我點教兒子(我仔好活躍，坐唔定)。

我仔6個月大時我就同佢上Dr Poon，都好好的，對於我呢種第一次做阿媽的人好有用，教我點同阿仔玩，建立親子關係。那時因為Dr Poon初初開始搞pg，唔駛排夠人就開班。

另外我地亦有上基督教服務處的幼潛，呢個係每期抽籤的，由6個月開始可以報，要留意佢地報班時間。幼潛同Dr Poon的pg有些似，不過幼潛就再加多些紀律活動，如要BB學執嘢(阿仔當時8個月左右)。

阿仔1歲時有上過MyMusikBox，當時我地包班，唔駛排。

其實上咩班好睇自己，我想阿仔較全面發展，所以揀的course多數唔係特別專的pg。

pingu88

多謝你的意見，對我好有用，因為真係咩都唔識，唔知點幫阿女揀。
我想問下包班係咩呀？thx

原帖由 Freesia_cat 於 10-4-6 12:35 發表
我在我兒3個月大時開始幫佢排Victoria週六班，都排到阿仔17個月大先有位。個人就好喜歡Victoria的playgroup，覺得老師好好，有俾advice我點教兒子(我仔好活躍，坐唔定)。

我仔6個月大時我就同佢上Dr Poon，都好好的，對於我呢種 ...

Freesia_cat

pingu88:

包班係我自己找夠其他學生, 如一班6至8個學生, 咁我找到另外5至7個人, 足夠收生人數可要求pg有一班是專門給我們呢班人.

包班好處係大家都識, 你又可以控制咩人同你一班(如全部都係同月份出生), 同埋有時有更大bargaining power, 如特別開多班俾你, 有折扣等 不過唔係間間俾你包班, 如Victoria呢類當然無啦. 但如MyMusikBox或Baby gym班通常都有, 可以要求包班.

cecilia.wilson

我女女6個月上TT, 上到11個月 (eng teacher is gd but not PTH teacher)
之後去左kinder-u 半年 (原本個老師幾好, 但越來越發現佢地間公司有問題, 加上又加價, 所以無讀)
上過何文田維記(係個肚11個月已經交form, 一出世再fax出世紙, 不過唔知點解我有d朋友話唔比未出世報名)同埋耀宗(兩個都唔得)

依家返緊一間細細間的, 返而ok....唉

p.s.我非常支持早教, 我個女 so far都好好

Freesia_cat

我自己覺得唔同階段唔同性格的細路係有唔同的需要. 在1歲之前我會揀一些著重親子關係建立, 會玩適合其階段需要的pg, 而且我會盡量搞包班, 確保參加BB都係跟我仔同一月份(最多+/-1個月), 因為呢個時期差1個月的BB階段需要都好不同. 為左確保pg所玩的一定適合我仔程度, 所以會包班.

到1歲我會揀心儀幼稚園搞的pg, 一來有些幼稚園讀佢pg去考有著數, 不是指一定有優先,但面試時熟識的環境點都有好處; 二來係可以俾小朋友試下mini返學生活.

2歲過後我會開始揀混齡pg, 因為小朋友開始真正學社交, 而混齡好處是佢可以由大過佢的小朋友學習, 同時佢亦可以教細過佢的小朋友去鞏固知識.

呢個係我大致上的計劃, 我仔宜家剛過2歲, 我正逐步幫佢實現最後的混齡pg階段.