大埔英藝家長請回應

Kwan

snoopy_lamlam,
我隔鄰公司識個人個囝讀田家炳, 等我幫你問下佢先, 聽佢講個囝每日都起碼要做2小時功課, 但佢話個校長都幾嚴, 校風好, 學生英文程度都幾好!  8到再話你知!

Kwan

seabird8,
你囡囡幾時開學呀?

seabird8 寫道:
kwan
係學費呀.不過我個囡會試讀.當囡囡唔肯返學先轉.

bbcasmeen

HI, 小女今年已經六歲了，於英藝幼稚園由N1起讀至去年畢業，本人對於幼稚園非常滿意，於英藝幼稚園，小女所學的一切，皆為本人認為四年前選擇此幼稚園為她幼兒成長之地方，是明智之舉。
英藝幼稚園師生上下，一向做事認真，本人皆十分認同老師之教學法，她們不只是關心小朋友，且用法得宜。像小女以往，不喜吃生果及蔬菜，老師更提議小朋友於放學後留校午膳，此舉，真的令小女之飲食習慣改變了，她吃多了，亦更加健康呢!
再看到有家長說有被騙之講法，未免有點不公。每天，我於屋苑下等校車時，因本人皆為十分緊張小女學業之家長，常與一些讀九龍塘幼稚園之家長，齊對比彼此之家課，發覺英藝之課程，絕對可以與九龍塘之課程相比，而絕不會比下去，此實在於今年，小女升讀小一時，可充分體會得到。

Joy

我報左英藝, 明年開學啦........ 真係有dddd驚, 請多些英藝的家長上來傾下好嗎? 例如不好的miss, 姓麼ga? 可不可以pm我, 等我有所防範, 知道係佢教就可以立即轉班or轉校..... 好好的miss又姓咩呢? 希望我個仔有幸跟到個好miss. 幼稚園真係好重要呀, 小朋友人生行為的起點來ga, 若被不好的miss嚇到失去做人的信心就慘啦................

Kwan

HELLO, JOY , 好耐冇chat呀

我都係有d驚驚地呀, 因為都聽到好多唔好的comment, 雖然都聽到一d好的, 我都覺得幼稚園老師有愛心係重要的!

Joy

Hi Kwan,
真係long long time no chat啦, 成日跟唔到你地的進度呀       我個仔轉左返明年8月啦, 因為佢近排成日病.....唔知將來可不可以做到同學仔呢???

Kwan

jasper都係8月返, 不過佢返n1, 你亞仔係返k1呀, 我都應該會比佢試下, 唔好先轉咁law, 希望jasper鐘意啦!

Joy

kwan,
都好, 到時可以在學校見到見, 都可以交流下. 到時天天同jasper都有機會拖下手仔做下朋友仔吧   

Joy

Anson&TulipMami
好多謝你的回應, 我也是不介意學校課程深的, 因為小朋友現在的吸收能力是好強的, 如果不教佢, 不俾知識佢, 只是白白浪費左, 好可惜...... (我好鐘意卡而威特的教育方法)...... 唯一擔心就是miss沒有愛心, 因為沒有愛心自己沒有耐性, 沒有耐性就不可能細心的發現小朋友的需要及特長...... 我自己在家教我個仔, 真係用了好多心機, 發現小朋友真係好聰明, 好多野我們以為佢不會懂, 而實際他是懂的..... 所以我都盡量多教佢..... 到了學校, 希望miss也可以付出不是全部, 至少有我一半的愛心.....就滿足了.......

Kwan

bbcasmeen，
多謝你的分享呀！

JOY,
好呀, 等佢地培養下感情呀

Kwan

snoopy_lamlam,
幫你問o左了, 我朋友個囝以前係讀浸信會 (運頭塘那間) , 而家係讀緊運頭塘那間田家炳二年級, 佢話千禧田家炳新d靚d運動叻d (功課都多), 而lee間就派中學好d喎, 佢話其實兩間都好谷好辛苦, 佢忡話浸信會同田家炳及邧鄭個校長好熟, 學生派小學多數派lee兩間, 我對派小學唔熟, 我諗你再問多人意見啦!

歌莉亞

Kwan
你是否住在粉嶺? 以前在媽媽會所見你亦有發表，我以前都是住粉嶺的。
講返英藝，我個女由兩歲起已在這所學校讀書，我現以一位過來人身份和一位老師的身份來評一評這所學校。(我自己都是一位老師)
話說很早以前，我的一位教書朋友(她在大埔教的)，是她建議我俾個女出去讀的，因粉嶺上水的幼稚園很一般，她說這間幼稚園和安基司的小朋友很有紀律，上到她那所小學讀小一時，她所見他們都很smart，程度亦很好，我便到這兩所學校去了解，我發現英藝很嚴，但小朋友很乖，而安基司亦不錯，但我覺得太活動化，小朋友當然覺得很開心，只是日後上小學時較難銜接，我當時都心大心細，不過最後，我都是讓她讀英藝。
我的女兒將畢業了(她已讀高班)，她很愛返學，由很細開始已懂得將學校的事情說給我知，她亦說過有老師會罰同學，亦會將不守紀律的同學抽離課室。
但我覺得這間學校的程度很高，高班已讀一年班的課程，當然，有家長覺得唔好，但我就認為若果跟得上的話是一件好事，英藝比較嚴格，要求亦很高，好不好是在乎各人對學校和對自己子女的要求而已，很難下一個定義，如果你的小朋友較活潑的話，便不太容易適應了。

VENUSSUM

剛留意到有呢個TOPIC, 我大女都是由N1 開始讀到現在高班, 她是讀全日班的, 明年一月細佬都會上N1 全日班.
我見到好多關於英藝的消息多是負面的, 但我個女讀了咁多年都好開心, 好肯返學, 所以我想是有個別情況吧! 你們可以見到該校仍舊有好多學生, 如果真的咁差, 又會唔會收到咁多學生呢? 大埔有好多幼稚園撰擇嘛, 而且佢地學費又唔係平, 對嗎?
其實我認為每間學校都會有枯枝, 問題係會唔會俾你見到/遇到, 事實上今年英藝係換咗好多新人, 的確就連我呢D出入幾年的家長都顯得有點冷漠, 不過見得多了情況都有好轉; 有時門面嘢好多學校都可以做得好好睇, 問題係我都唔明點解佢地唔可以改善一下; 不過我關心反而是學生在課室跟先生的相處, 好的話, 外面接待處的問題, 我反而覺得不太重要, SO FAR 我個女連最惡的老師都可以應付(其實果個MISS 雖然好嚴, 但係佢好好記性, 學生細微的跟足,所以我亦放心等人教女)--我個女果時都試過如之前一位媽咪所講, 被罰無得玩滑梯等等, 但佢自知什麼原因, 當然我聽到時都會覺得有點不開心, 但做錯就要負責嘛, 唯有多加教導便是.
在剛過去的星期六是學校旅行, 我也見到老師們周圍搵自己學生的家長傾計, 一起SHARE 食物, 咁我覺得情況又唔係太壞啫.
還有一樣嘢我反而想教你們, 讀哪間幼稚園, 真的咁影響派位的嗎?  我填表時根本不用填幼稚園的名字, 第一輪是計分, 第二輪是教署派NO, 佔95%都是講彩數(直屬除外), 餘下叩門的學位就只得幾個, 但D小學校長同咁多幼稚園有交情, 按什麼分給哪一個呢?

Joy

歌莉亞,
好多謝你的分享. 是否說英藝較重紀律性呢? 會否壓抑了小朋友的創造性 OR 想像力? 還是只是重守紀律, 而不會壓抑小朋友的思想呢? 我的仔仔很活潑, 但十分聽話, 只要我們可以用道理OR故事講得佢通, 佢就不會再任性下去..... 但反之, 若對佢用強硬的手法, ONLY SAY, NO, 不可以, 一定要做..... 之類的話, 佢就一定不就範......

請問就你的看法, 我的兒子是否能適應英藝的生活呢? 英藝的miss會不會很強硬, 還是會tum小朋友呢? 例如, 我個仔成日不穿拖鞋, 罵佢嚇佢,佢都不聽, 但一同佢講 "不穿拖鞋, 鞋上的熊熊會好傷心" 佢就會立刻穿上拖鞋說 "熊熊好開心啦"

試問英藝的miss教法會是怎樣的呢? 會tum or just order him to do, 如果不做就罰出課室?????

Kwan

hi 歌莉亞,
係呀, 我住粉嶺架, 好似在粉嶺媽咪都見過你呀, 不過你冇再入來chat, 你搬了去大埔嗎?  

我都知要睇學生本身適應學校, 所以我同老公講過, 都係決定比個囡試下先, 如果佢真係唔適應先再諗law, thanks你的分享呀

Joy

VENUSSUM,
見到你真係太好啦, 快d幫我解答疑難? 昨天我打過去問英藝的劉校長, 想佢上來回應下我地..... 但佢唔肯, 佢話不想越描越黑.... 但我真係好多問題.... 不如你得閒向學校反應下啦. or 你又做下代言人啦, (你好經驗豐富呀) thank you !!!

VENUSSUM

Joy,
做代言人, 你真係識講笑
劉校長? 死火, 我都唔知係邊個.  或可能我見到林校長的機會大D, 不過佢地唔回應都唔一定係壞事, 起碼佢唔會係度吹虛自己學校.
至於反映, 我估好多幫學生轉校的家長都有提出問題, 但風格依舊, 我諗...... 其實每一間學校會有自己的宗旨作風, 不會咁輕易任憑幾個人的說法去動搖, 是對是錯, 都是觀點角度的問題吧!
其實你想知道些什麼? 因為我都唔會識晒所有先生的, 其實最實際是返放學時問D家長, 咁會全面D.  又或者我試吓問個女啦