用戶登入
用戶名稱:
密      碼:
搜索
教育王國 討論區 特殊教育 ADAD 因食藥問題, 同老公爭執?
發新帖
查看: 3386|回覆: 10
go

ADAD 因食藥問題, 同老公爭執?

Rank: 5Rank: 5


1679
發表於 10-3-19 15:12 |顯示全部帖子
昨日老公同個囡覆診, 醫生提議在 Easter 期間試食藥(Ritalin, 半粒), 睇下食藥後有什麼分別?   

我知道後, 問佢點解要食, 佢話睇下食藥會唔會好D?  唔使我成日咁勞氣.  我話唔想, 有副作用, 又係「兒童可卡因」, 點比個囡食呀?


(小囡現小一, 主要專注力差, 成日遊雲, 老師都話未到要食藥, 仲話上小二可能會好d)

真係唔知點好!     


點解大家會比小朋友食?

Rank: 3Rank: 3


278
發表於 10-3-19 16:50 |顯示全部帖子
其實我覺得只要有適當的用量, 問題不大, 我都有比我個仔吃, 因為唔吃會很勞氣, 對大家都唔好, 如醫生 suggest , 我覺得不妨試下, 如因專注力不足影響學習, 對將來甚至上更高年級時因基礎打得不好, 影響小朋友自信心, 咁樣重弊, 大d 可能佢專注力好左, 反而唔駛食呢...

P.S. 我個仔都是 P.1

Rank: 5Rank: 5


2504
發表於 10-3-20 00:25 |顯示全部帖子
唔好太擔心及憂慮藥呢個間題! 我個仔小四了, 今年至CONFIRM 佢係ADD, 我地知道後完全無諗過比藥佢食, 覺得食藥好大件事, 又有副作用, NO! 用了行為治療, 比佢讀專注力班, 對阿仔黎講, 無用! 見佢成績因為粗心大意, 唔專心, 越黎越差, 大家都好唔開心, 阿仔自己都好似有心無力做好咁, 見佢自信心越黎越無, 於是決定比佢食藥, 同醫生傾完, 都好放心比阿仔試藥, 而家只係食左幾日, 見阿仔無之前所講既副作用, 只係LUNCH 時食小左1/3 合飯!問佢感覺係點, 佢話平時上堂會唔想聽老師講書, 而家就可以較專心同都聽老師講書, 返到屋企藥效都開始慢慢消失, 又唔見佢好似D 人話食左藥成個乖晒吽晒咁, 佢表現如常, 又睡得好! 但我就食長效CONCERTA! 而家都係試藥階段, 都要睇耐D 情況而定!

樓主, 唔好在食藥方面睇得太負面, 最緊要係適當適合對小朋友既幫助!


原帖由 bb12345 於 10-3-19 15:12 發表
昨日老公同個囡覆診, 醫生提議在 Easter 期間試食藥(Ritalin, 半粒), 睇下食藥後有什麼分別?   

我知道後, 問佢點解要食, 佢話睇下食藥會唔會好D?  唔使我成日咁勞氣.  我話唔想, 有副作用, 又係「兒童可卡因」, 點 ...

Rank: 5Rank: 5


2135
發表於 10-3-21 22:20 |顯示全部帖子
原帖由 bb12345 於 10-3-19 15:12 發表
昨日老公同個囡覆診, 醫生提議在 Easter 期間試食藥(Ritalin, 半粒), 睇下食藥後有什麼分別?   

我知道後, 問佢點解要食, 佢話睇下食藥會唔會好D?  唔使我成日咁勞氣.  我話唔想, 有副作用, 又係「兒童可卡因」, 點 ...


查實除咗專注力, 佢重有冇其他嘢?學習上又追唔追到?

Rank: 3Rank: 3


353
發表於 10-3-22 11:43 |顯示全部帖子
我們也有過掙扎, 由醫生及朋友提出吃藥後半年才下決心試, 並特別選擇了可以量化藥效的活動, 就我兒的情況來說, 吃藥的作用遠比副作用大, 暫時我們還是覺得值得繼續的.

以下是當時的日記, 希望可作為你的參考:

2009年4月19日(小兒當時正是P.1)
縱然有很多疑慮, 今天還是決定試藥, 希望正如x醫生所說, 剔除障礙, 能與其他人一起努力. 放學後先讓囝囝在屋苑到處走走,之後讓他吃了塊麵包才給半顆藥丸, 並對他說這是專心藥, 下午五時許便開始做功課, 讀語文和做言語練習, 一切都很順利, 雖有離位, 但叫他便回座, 很合作, 直至五時五十五分, 便自行去會所上乒乓球課 (他還是大意忘了帶球拍), 我隨後去打算跟教練說一聲, 留心他的表現, 臨走時隨口說希望他打到二十板, 其實只是說了算, 並不認真, 因為他一向正手都只能打十來板, 二十板好像是一個不能達到的目標. 半小時後, 家姐也加入, 我即管再去了解一下, 看看吃藥後是否改善了專心情況, 曾sir有點喜出望外地跟我說, 他的表現十分之出色, 正手打了25板, 而反手更是打到16板, 他又說囝囝對自己的表現也非常高興. 這實在是出乎意料, 令人難以致信, 因為囝囝過往反手最多不過一兩板, 而家姐也只是打三數板, 半顆藥丸 = 16板!! 心裏一邊叫好, 一邊慨歎原來真是專心的問題窒礙了這個孩子的進步. 回家第一時間打電話與丈夫分享喜悅, 又想事不宜遲, 明天應繼續服藥, 看看他在學校的表現. 於是致電向相熟的治療師報告及商量服藥的安排, 終決定一開始便早上半顆, 午飯後半顆, 假期可以停藥. 晚上問囝囝感覺如何, 他好像很欣賞自己服藥後的表現, 但到晚上九時半做數學每日一篇(日曆)時, 他又集中不到精神, 他自覺的說藥效又怎能維持這麼久呢! 至於睡眠和食慾, 第一天正常, 看不見有副作用.


(後記: Ritalin在小兒的副作用是降低食慾和頭痛, 藥力過後便回復正常)

原帖由 bb12345 於 10-3-19 15:12 發表
昨日老公同個囡覆診, 醫生提議在 Easter 期間試食藥(Ritalin, 半粒), 睇下食藥後有什麼分別?   

我知道後, 問佢點解要食, 佢話睇下食藥會唔會好D?  唔使我成日咁勞氣.  我話唔想, 有副作用, 又係「兒童可卡因」, 點 ...

[ 本帖最後由 blip 於 10-3-22 16:49 編輯 ]

Rank: 5Rank: 5


1679
發表於 10-3-22 16:29 |顯示全部帖子
多謝大家的回應.

本人還有很多担心:

blip,
(Ritalin 在小兒的副作用是降低食慾和頭痛, 藥力過後便回復正常)
---
請問持續多久? 因小囡本身很矮小, 食量也很少, 學校飯盒最叻都係食1/3, 好時好似無食過, 老師要佢再食多d)

ahpei,
你囝囝係咪食Ritalin , 食咗有無副作用?

nc2000,
是否一開始就食長效CONCERTA? 同Ritalin有無唔同?



SandraLo,
除咗專注力, 仲有做功課很慢, 成日發白日夢, 經常唔應人, 唔知佢聽唔到定聽唔明.   經常離開坐位, 上學期平均分89分. 聆聽比較差(唔及格), 老師說她不算太差.  不過到現在抄手冊都有漏.

Rank: 3Rank: 3


353
發表於 10-3-22 16:44 |顯示全部帖子
小兒也是身型比平均矮瘦, 在學校食量很少, 扒幾口便算, 惟有晚餐煮得用心一點, 他也能多吃些, 其實小一小二還沒到發育時期, 如果藥物可以令他知道何謂專心, 何妨一試, 待他升上高小後, 自制能力好些, 再考慮繼續服用與否.

小兒初期吃半顆藥, 現在吃一顆, 藥力有效約四小時.

其實小兒也試過行為治療, 感統訓練等, 效果不彰. 如果試吃了沒有效用, 或副作用太多, 那隨時停止也可以.  在假期, 小兒也是沒有服藥的.

原帖由 bb12345 於 10-3-22 16:29 發表
多謝大家的回應.

本人還有很多担心:

blip,
(Ritalin 在小兒的副作用是降低食慾和頭痛, 藥力過後便回復正常)
---
請問持續多久? 因小囡本身很矮小, 食量也很少, 學校飯盒最叻都係食1/3, 好時好似無食過, 老師要 ...

Rank: 5Rank: 5


2504
發表於 10-3-23 00:55 |顯示全部帖子
一開始食就係CONCERTA, 醫生話食長效CONCERTA對我小朋友會適合D, 因為佢返全日制小學, 返學前食一粒, 就LAST 到12 HRS! 至於LUNCH, 我就唔同佢訂學校飯, 佢話好難食, 佢好唔鐘意食,未食藥前咁我就已經比佢帶屋企反返學校食, 佢可以全部食晒, 到食藥後, 就影響到佢LUNCH 胃口, 食少1/3 到LA, 到放學後TEA 同DINNER 就同之前差唔多, 因為藥力已慢慢減退, 睡覺亦無影響! 食左一個禮拜藥, 副作用唔係好明顯, 無頭暈, 嘔心, 腸胃不適, 瞓唔到覺等問題, 適應藥物亦好好, 但至於係咪在專注力方面好有幫助, 我唔敢肯定, 因為未有考試測驗可以驗證佢係咪細心左, 無咁粗心大意, 高分左等! 但見佢做功課, 練習等亦一樣見到佢D 大意野, 一樣粗心大意, 暫時未見到好明顯成效, 可能真係要有個TEST 比佢做, 我就會明顯D知道係點! 但阿仔就話食左藥佢會專心D上堂, 同埋老師叫佢做既野, E.G. 抄手冊等, 佢會自動做, 如果無食藥, 人地抄手冊, 佢就唔會郁...上課時有D 堂好悶, 佢之前會唔想聽, 發下夢, 但而家悶個D堂佢都聽到老師講咩! 我地比佢選食藥定唔再食藥, 邊樣幫到佢, 佢由抗拒食藥變為選擇食藥, 咁佢可能真係FEEL 到藥係幫到佢, 所以佢有咁既選擇!

原帖由 bb12345 於 10-3-22 16:29 發表
多謝大家的回應.

本人還有很多担心:

blip,
(Ritalin 在小兒的副作用是降低食慾和頭痛, 藥力過後便回復正常)
---
請問持續多久? 因小囡本身很矮小, 食量也很少, 學校飯盒最叻都係食1/3, 好時好似無食過, 老師要 ...

Rank: 3Rank: 3


278
發表於 10-3-24 16:47 |顯示全部帖子
Hi ~ 我兒現在吃 Ritalin, 之前都有吃過Concerta, 但副作用較大因訓唔到覺, 胃口亦差, 同醫生商量改用 Ritalin, 情況好一些, 但中間會有反彈情況...但因健康比較緊要, 所以暫時都會繼續比 Ritalin 。

所以其實佢講既副作用一定有, 初期可能會頭痛, 胃痛, 不過都是輕微, 藥力過了或適應後就沒有這類副作用。而訓唔到覺和無胃口就唔多唔少有影響, 我兒就兩樣都有, 所以唯有煮d 高卡路里既野比佢吃, 藥與藥之間吃東西會比較好胃口。

專注力 / 過度活躍 明顯有改善, 因我兒是 ADHD, 吃了藥會無咁衝動, 唔會成日騷擾人, 自已都覺得乖d, 做功課會自動自覺, 當然仍要在旁提點, 如唔吃藥d 字會打風, 吃左藥就有心機d...所以吃藥就明顯見到有唔同, 放假不用學習的日子我沒有給藥。

ahpei

原帖由 bb12345 於 10-3-22 16:29 發表
多謝大家的回應.

本人還有很多担心:

blip,
(Ritalin 在小兒的副作用是降低食慾和頭痛, 藥力過後便回復正常)
---
請問持續多久? 因小囡本身很矮小, 食量也很少, 學校飯盒最叻都係食1/3, 好時好似無食過, 老師要 ...

[ 本帖最後由 ahpei 於 10-3-24 16:57 編輯 ]

Rank: 4


544
發表於 10-3-24 17:47 |顯示全部帖子
看你先生想孩子食藥的原因,是不想你太'努氣'.
所以,我很覺得食不食藥,要好視乎外在因素:如孩子父母及外間(e.g. 老師,親友.....)對她的包容或接受程度,而不是她的嚴重程度.
當真的要食藥,便要承受後果.
坦白說:除非孩子的老師,同學及父母....,任何一方或多方對她有所意見,食藥都是要三思而後行,免當有風吹草動時,心有所動搖.
他有天賦的智慧,卻因一些障礙,而阻礙了發揮,我深信他如果得到適切的訓練和處理,把障礙清除或減少,他會更光更芒。
面對困境時沒有怨懟、自憐,只以「平常心」面對現實。樂觀是積極愉快生活的主要元素。

Rank: 5Rank: 5


2135
發表於 10-3-27 17:47 |顯示全部帖子
原帖由 bb12345 於 10-3-22 16:29 發表
SandraLo,
除咗專注力, 仲有做功課很慢, 成日發白日夢, 經常唔應人, 唔知佢聽唔到定聽唔明.   經常離開坐位, 上學期平均分89分. 聆聽比較差(唔及格), 老師說她不算太差.  不過到現在抄手冊都有漏....


我都識一對夫婦, 小朋友係資優ADHD, daddy想小朋友食藥, mummy就唔想.......... 最後daddy win, 試咗......
小朋友所有興趣班導師同學校都話佢好咗好多, 差不多變咗另一個人, 成績亦進步咗好多.... 我覺得可以試吓, 睇吓個分別先....