可否給我一點意見!

stephanielum

囡囡雖然現在讀緊K1, 不過我都開始留意小學既教學模式, 但我都唔知點揀好, 希望大家可以比些少意見我, 等我好好參考下.

我覺得亞女係有d少聰明既, 係學校老師都講話佢服從性強, 做事有規律, 聽過講過既野都很上心, 不過我覺得佢對讀書做功課既自發性就唔係咁好(我同佢做過皮紋測試結果都話佢讀書方面好弱, 須要加強訓練), 有時同佢一齊睇故事書, 佢都只可維持最多五分鐘就走開, 做功課好多時都要提佢今日學校派咗乜野比你呀, 佢先至攞出來, 求知慾就一樣樣事情, 不過佢比較定性, 好多時都靜觀其變先去行, 有時落公園玩又唔喜歡同玩得好顛個d小朋友玩, 而我本人就喜歡活動教學, 因為我覺得活動教學對小朋友讀書可以無咁大壓力, 唔想為咗面對測驗考試而影響親子關係, 所以我寧願同亞女一齊去搵資料做project, 都唔想日日迫佢讀書.
我心目中對兩間小學有好感, 一間係傳統既小學, 現在亞女係該校讀緊幼稚園, 我當初選擇是因為學校d學生品行好有禮貌, 教育程度中上, 另一間係活動教學既學校, 我喜歡無測試, 一年一次考試, 學校主張上午學術, 下午藝術既學習模式, 就係因為兩間學校學習模式好唔同, 所以我都煩惱緊邊類型既小學最適合佢, 有時我都唔知自己咁既想法啱唔啱架, 所以想各位比d意見同提點.

ziyi

如果單純你說的,我會recommend傳統的.

原帖由 stephanielum 於 10-3-12 12:08 發表
囡囡雖然現在讀緊K1, 不過我都開始留意小學http://das.baby-kingdom.com/www/delivery/avw.php?zoneid=37&bannerid=85&cb=11224468&n=a136fd08既教學模式, 但我都唔知點揀好, 希望大家可以比些少意見我, 等我好好參 ...

fatgoat

唔好諗咁多，魚翁撒網，兩三年後考到先算，話唔定考到D超級名校，你唔比個女讀，佢怨你一世......

eggmama

既然了解囡囡不足之地方, 利用1-2年時間好好調整一下, 睇到時進度與興趣再選校. 看書專注度可訓練的--多看.

ggoo

小朋友成日變,你唔使擔心咁多.我女以前都唔肯坐定定睇書,踏入四歲後就肯坐,不過唔是自己睇書,要我講故事比佢聽,一年間改變可以好大.我女今年要報讀小一,唔知你可唔可以PM你心目中第二個間學校個名比我參考呢? 因為我幾鍾意你所講既第二間學校.我想揀活動式既學校比我女.
THANKS!

[ 本帖最後由 ggoo 於 10-3-12 15:12 編輯 ]

CERISE

原帖由 stephanielum 於 10-3-12 12:08 發表
囡囡雖然現在讀緊K1, 不過我都開始留意小學http://das.baby-kingdom.com/www/delivery/avw.php?zoneid=37&bannerid=85&cb=11224468&n=a136fd08既教學模式, 但我都唔知點揀好, 希望大家可以比些少意見我, 等我好好參 ...

想請問什麼皮紋測試?

stephanielum

check PM.

原帖由 ggoo 於 10-3-12 15:09 發表
小朋友成日變,你唔使擔心咁多.我女以前都唔肯坐定定睇書,踏入四歲後就肯坐,不過唔是自己睇書,要我講故事比佢聽,一年間改變可以好大.我女今年要報讀小一,唔知你可唔可以PM你心目中第二個間學校個名比我參考呢?:bashfu ...

stephanielum

何謂「皮紋學」
「皮紋學」(Dermatoglyphics)是綜合大腦科學、遺傳學和行為科學的一門知識，最早是應用在病態研究上。指紋除了讓美國FBI作罪犯的基因配對，讓人在e道上識別身份出入境外，研究皮紋學的專家更相信，皮紋能反映人類的先天遺傳潛能。
「世界上每個人的指紋也不同，大腦紋路與皮紋是同步成長的，每隻手指代表不同的能力範疇，可以透露我們先天智能，包括學習類型、風格和敏感度等，準確性高達80%。」
皮紋是泛指身體上所有的击紋，而身體上最多击紋的地方就是手指和腳，皮紋的形成是從母體懷孕時開始至懷孕第19 週，腦部與脊髓開始分開發展，腦部會慢慢形成多條摺痕，而每條摺痕均會反映於指紋上面。十隻手指頭反映了十個腦區，而皮紋正是DNA反映於外表的証據，獨一無二,且終生不變。
皮紋分析的用處，家長往往不瞭解孩子能力在哪裡? 一般的父母只知道加強孩子的智能教育，卻不知給予適當的學習環境，因此若配合適合的教育方針，便能事半功倍。
以往說「3 歲定80」，太遲了﹗ 最新的教學角度，早於懷孕期3個月，已定下一生!


我同老公之前聽了一個講座, 主要介紹做皮紋測試, 皮紋可以分析每個人既特質, 左右腦潛能, 例如 : 數學, 羅輯, 語言等十個範疇,  當測試後可以知道自己邊方面強項而去加以栽培去發展潛能, 個講師提到現在父母比好多興趣班小朋友上, 但其實佢地都唔知小朋友邊方面潛能係優勝, 要學到一段時間先知小朋友邊樣有潛能邊樣無, 到時只會浪費時間金錢, 她續說, 如果父母可以一早知道小朋友有邊方面潛能而提早加以栽培, 成績一定會事半功倍的. 但我所做個間皮紋測試要一個家庭做, 即係小朋友父母都要做, 之前我都有反問我地父母都大了, 點解仍要去做呢! 她解釋是因為父母做了, 可以知道自己屬於什麼性格而去點樣教個小朋友, 同樣地都可以清楚了解大家性格而去維繫整個家庭, 一個完美家庭才是對小朋友成長一項主要的事, 所以去了做皮紋測試. 報告講我地三個既性格都好準, 起碼有90%準確, 至於講我囡囡既潛能, 佢八成都唔錯, 唯一係視覺唔好, 要有待開發, 即係話佢對睇野方面無潛能, 唔會係過目不忘既人, 對睇書無興趣, 所以佢讀書方面唔會叻! 至於解決就要訓練佢多d睇書, 要陪佢一齊睇, 等佢習慣同埋增加睇書既學趣.  我又覺得好準, 亞女由細到現在, 比書佢睇佢都無乜興趣, 有時睇兩三版就走咗去, 扮去做第二樣野就唔會再睇過, 我一路以為小朋友專注力唔夠, 所以無免強要佢再睇. 現在唯有開始培養佢睇多d書, 總括整個分析報告, 雖然只係分析, 唔可以100%作準, 咪用嚟當藍本作參考囉. 不過我同老公都覺得好有用, 起碼知道小朋友邊方面好, 邊方面唔好, 雖然我唔係要個女做最聰明最醒目個個, 但都唔想佢樣樣都包尾, 現在出嚟既結果, 起碼唔會遲多幾年先去反問自己點解個女讀極都讀唔到書, 原因天生佢唔係讀書好叻既材料, 後天結果點樣就要睇今天我地點樣加以培育佢了.

http://www.yipwinnie.com/?page_id=20

原帖由 CERISE 於 10-3-13 02:19 發表


想請問什麼皮紋測試?