用戶登入
用戶名稱:
密      碼:
搜索
教育王國 討論區 幼校討論 粵英班 / 普英班的考慮
查看: 4705|回覆: 22
go

粵英班 / 普英班的考慮

Rank: 3Rank: 3


238
發表於 10-2-15 08:40 |顯示全部帖子
小朋友的學校可以任揀粵英班 / 普英班, 大家會揀哪一班?  想多聽大家意見.

我選了粵英班, 基於以下原因:

1. 我見小學面試大多用廣東話/英文, 好似無乜學校用普通話interview.  

2. 就算揀粵英班, 仍然每天都有普通話堂上, 不過只有15-20分鐘.  

3. 仔仔(細仔)講野唔算太叻, 怕同時間太多語言會令佢混淆, 兩頭唔到岸.  我唔想因為聽唔明, 影響認知和學習進度.

4. 家裡無人識普通話, 無人跟到佢功課, 要全靠自己發揮.

5. 我見有不少津校雖然引入了普通話教中文, 但1級4班可能只有1班以普教中, 即係以廣東話教中文在津校仍然是主流 (這可能與師資不足有關).  而且小學課程緊逼, 如果在幼稚園以普教中, 小學即轉以粵教中, 可能要預計小一上學期唔太適應.  

坦白說, 我個人係傾向粵英班, 你見我列左多個原因就知, 但今日拜年時俾奶奶問起, 佢就不停以責怪口吻問我點解唔揀普英班 .   我都明白從小學習普通話係最好最標準, 長遠係最最最好的, 但我衡量了仔仔和香港學校今時今日的實際情況, 我暫時仍覺得粵英班較好.  所以我想聽下各位媽咪的意見, 希望大家能分享一下實際經驗.

Rank: 3Rank: 3


117
發表於 10-2-15 09:01 |顯示全部帖子
你 BB 是讀 N1 還是 K1? 我的情況和你相似, 屋企人 D 普通話好普通, 怕教壞小朋友.

所以 N1 我地係上粵英班, 何況 N1 都有普通話班. 到 K1 時再睇情況, 睇阿 B 到時跟唔跟到, 進展良好先同佢轉普英班.

Rank: 7Rank: 7Rank: 7


11360
發表於 10-2-15 14:22 |顯示全部帖子
有冇機會k2時switch?我兒學校k2開始才會有pth老師做班主任,我覺得咁樣安排幾好,但係我又覺得返學得3小時,其實又唔會話上左英普班到考小學時又冇左優勢,其實同學仔交談之間都係講返廣東話,o係屋企又係講廣東話,其實都仲係主要o既語言,不過如果本身照顧者唔係講廣東話可能就要再諗諗.

Rank: 3Rank: 3


117
發表於 10-2-16 18:02 |顯示全部帖子
你話基本溝通我地 D 普通話都可以, 不過如果要教 bb 做示範就...

我係擔心幾年後讀粵英班會唔會輸蝕, 我地心目中想讀既係蔡繼有/陳守仁/培僑呢類既直資. 但又擔心普英班我地俾唔到足夠 support 小朋友.

Rank: 5Rank: 5


2785
發表於 10-2-16 18:43 |顯示全部帖子
我贊成母語為先,學好廣東話先啦!遲D先學普通話都未遲。況且即使是粵英班,一樣會有普通話學呢!其實普教中是為了迎合祖國呢!是否真的學得多就識得多呢?如果自己母語都學不好,溝通能力及自信也會有問題的。普教中有時是因為人有我有,綽頭來的。係唔係咁細個就咁重要呢?

[ 本帖最後由 BBG1 於 10-2-16 18:45 編輯 ]

Rank: 20Rank: 20Rank: 20Rank: 20Rank: 20

超級版主 醒目開學勳章


57353
發表於 10-2-17 15:37 |顯示全部帖子
我女學校(講遠左, 佢小學生喇)係全普通話教中文(即一星期5日都有PTH), 之前揀學校時都無唸咁多, 聽到有pth就覺得"好wor"咁lor

而家比較返其他學校 (學上面家長話齋, 我相信有D真係人有我有, 推行得唔徹底, 學左等於無, 好多傳統學校都轉緊pth教, 不過唔可能一夜之間話轉就轉, 唔通炒晒而家d中文老師咩? 所以推行步伐係慢d的, 反而蔡繼有/陳守仁/培僑等可以話用pth就用pth, 如果小朋友本身有底子, 考學校一定有著數), 好慶幸揀左間中文程度高既俾小朋友, 有BK家長話學校用pth默書, 小朋友聽唔明, 我真係R晒頭.........我女一年班上左幾個月, D PTH已經勁我百倍, 拼音一早學晒啦 (成日奚落我啦...), 今日我夠膽講句: 我完全唔需要為我女PTH擔心, 夠搵食有餘! (我自己絕對覺得pth唔係迎合祖國咁簡單, 係大勢所催, 今日我地出去搵工, 9成都話要識pth, 呢個情況我唸20年後會更犀利, 唔識流利普通話睇怕幾難搵食)

我屋企都係廣東話人, 點怕女女唔識廣東話.........反而幼稚園講多過寫, 小朋友可以無壓力地PICK UP一種新既語言tim..........至於父母跟功課問題, 我又ok(識拼音咁大把), 有拼音都仲攪得掂, 唔識咪叫佢教返我lor! 終生學習嘛!
原帖由 BBG1 於 10-2-16 06:43 PM 發表
我贊成母語為先,學好廣東話先啦!遲D先學普通話都未遲。況且即使是粵英班,一樣會有普通話學呢!其實普教中是為了迎合祖國呢!是否真的學得多就識得多呢?如果自己母語都學不好,溝通能力及自信也會有問題的。普教中有時是因為人 ...

Rank: 5Rank: 5


1426
發表於 10-2-17 16:18 |顯示全部帖子
個人認為, 如果心儀係直資小學, 小朋友能夠操流利ge兩文三語, interview o個陣相信會有利d, 所以黎緊我仔仔上k1都會選英普班, 至於pth, 我自已基本溝通無問題, 不過教就真係爭dd, 同意charlotte_mom所講 - 終生學習, 所以黎緊會打算進修pth, 同仔仔一齊努力~

Rank: 4


522
發表於 10-2-17 16:24 |顯示全部帖子
Charlotte_mom,

Can you share with us whether your daughter having Cantonese/English Class or PTH/English Class?

Thanks a lot!

Rank: 5Rank: 5


1426
發表於 10-2-17 16:29 |顯示全部帖子
補充一下 : 仔仔班主任ge建議

如果小朋友語言發展良好or已能夠掌握一種基本語言, 就可以考慮k1轉英普班, 如果未得, 可以考慮k2至轉~待佢地語言發展好先轉, 否則真係會兩頭唔到岸......

Rank: 3Rank: 3


143
發表於 10-2-17 17:41 |顯示全部帖子
Although Cantonese is our mother-tongue, it is only a dialect of Chinese Language.

Fluent in Cantonese can't help your kid in written Chinese.

However, I agree the mum saying that your kid should learn and understand your mother-tongue well before adding one more language to the kid.

It is too harsh for our kids in HK!

Rank: 20Rank: 20Rank: 20Rank: 20Rank: 20

超級版主 醒目開學勳章


57353
發表於 10-2-17 20:34 |顯示全部帖子
我女幼稚園d普通話..........哎, 自己個名都唔識講果種 , 所以我k2就俾佢出去學, 我女無咩叻, 係語言叫學得快又面皮厚, 有好一段時間係1:1咁學, 所以上小學涵接完全無問題 (英文都係要出去跟鬼佬學, 所以學費都金架! 如果幼稚園本身學費包埋就慳好多啦)
我之前段野意思係, 語言係要靠浸的, 如果學校可以provide到好多練習既機會, 一定係好事, 好似人地話屋企有菲傭, 小朋友要"生存"就要講英文, 普通話一樣, 如果pth老師只識pth(我見既pth老師係扮唔識廣東話的), 小朋友硬住頭皮都要上 , 而幼稚園未駛寫, 小朋友只需齋講, 學習壓力會較細
到我仔........我認同, 如果小朋友學講野慢, 真係要等佢pickup左廣東話先, 我仔情況比較"堅", 佢直頭有語言障礙, 所以普通話仲係好普通既程度, 希望佢上到小學會pickup得好d

Rank: 5Rank: 5


4012
發表於 10-2-21 07:58 |顯示全部帖子
我係屋企嘅做法係:看書說故事只用ENG OR PTH, 平時玩同生活先可加廣東話, 囡囡會自動波轉.


343
發表於 10-2-22 11:48 |顯示全部帖子
sooo gd .Envy u!!!. my PTH is v poor.... :( can't really do that to my son.


原帖由 eggmama 於 10-2-21 07:58 發表
我係屋企嘅做法係:看書說故事只用ENG OR PTH, 平時玩同生活先可加廣東話, 囡囡會自動波轉.

Rank: 3Rank: 3


268
發表於 10-2-24 14:00 |顯示全部帖子
我就一定會選英普班, 因為我都是細個開始學, 先無困難地掌握好PTH, 剛同阿仔去左一轉大陸行, 佢自動波可以轉用國語同內地小朋友(街邊識) 一齊玩, 我覺得幾好. 小朋友潛力好大, 不需太擔心他們在會混亂左廣東話或普通話.

Rank: 20Rank: 20Rank: 20Rank: 20Rank: 20

超級版主 醒目開學勳章


57353
發表於 10-2-24 19:55 |顯示全部帖子
我唸起我女細個一個趣事:
當年佢4歲, 流利廣東話+基本英文, 我帶佢去日本旅行, 我地2公婆買緊野, 我個日本朋友就帶住佢, 同d唔識既當地小朋友social
我唔知佢地點溝通喇, 交換下糖呀身體語言呀咁, 到我買完野同個女講要走喇, 約左人食飯, 我女幾不滿咁"但係我同緊我d朋友玩呀"
我成日都覺得千祈唔好睇低小朋友
原帖由 BH_2 於 10-2-24 02:00 PM 發表
我就一定會選英普班, 因為我都是細個開始學, 先無困難地掌握好PTH, 剛同阿仔去左一轉大陸行, 佢自動波可以轉用國語同內地小朋友(街邊識) 一齊玩, 我覺得幾好. 小朋友潛力好大, 不需太擔心他們在會混亂左廣東話或普通 ...

Rank: 3Rank: 3


334
發表於 10-3-4 17:37 |顯示全部帖子
呀女剛開學時我都擔心o架!  
我個女K1開始就讀英普班, OK喎, 佢係o學校學普通話, 返到屋企我會問返佢廣東話點讀, 佢都識, 所以小朋友應該掌握到, 唔駛過份擔心!


6654
發表於 10-3-28 00:40 |顯示全部帖子
提示: 作者被禁止或刪除 內容自動屏蔽

Rank: 5Rank: 5


1610
發表於 10-3-29 09:12 |顯示全部帖子
雖然我屋企有語言環境,但當初我幫小朋友選英普班,都有d擔心會影響佢以後用廣東話面試既表現. 不過,經過大半年的英普班生活,我覺得比想像中好,佢既廣東話無唔dim,反而普通話真係突飛猛進. 所以,我好贊成大家選英普班

Rank: 3Rank: 3


223
發表於 10-3-29 12:51 |顯示全部帖子
我的想法跟樓主一樣, 我曾聽過有小朋友讀全英普幼稚園, 之後上了一所中文及其他科以廣東話為主既津貼名校, 中文科完全跟不上

PTH 當然重要, 但我覺得要看將來選小學既取向!

Rank: 4


592
發表於 10-3-30 14:05 |顯示全部帖子
同意,除左中文科,其實數學科都會係死穴。如果幼稚園是以英文為主,上到中文小學數學會有問題,因為要睇文字題,老師講解也用廣東話。 

原帖由 i.cream 於 10-3-29 12:51 發表
我的想法跟樓主一樣, 我曾聽過有小朋友讀全英普幼稚園, 之後上了一所中文及其他科以廣東話為主既津貼名校, 中文科完全跟不上

PTH 當然重要, 但我覺得要看將來選小學既取向! ...