很徬徨...我應該點做?

worry-mom

已經call左links, 諗住問下3T training, 唉...又係要落waiting list, 唯又等.   又考慮緊佢地言語playgroup...可能上住先試下.
我問過polyu...係要家長陪的.  而家囝囝上既普通playgroup都上了一段日子, 平時circle time做動作/跳舞等...佢大部份都有跟住做.  所以我先唔想停左佢.  其中一個老師都有feel到佢有d問題, 因為佢叫親囝囝都唔啋佢.  老師都叫我自己留意下, check下.
請問感統問題...大概係點呢?
另外想問下大家, 知唔知係咪政府做評估果part, 有提供私家隊呢?  即係要比錢但又可以快d做到評估呢?
我問過step, 佢建議我見左佢地位"高幼師"($700-$800/hr), 睇下佢再建議做"自閉"or"學前"評估囉.

rpang001

感統問題可以係好多範數,包括聽覺敏感[如聽到某些聲音會有好大反應];皮膚敏感[如被人接觸身部會好大反應];鼻/氣管敏感[尤其朝早入晚上或轉天氣];食物敏感[口感/消化某種食物會有敏感];仲有手眼協調,平動作等等,有d情現會随着長大有所轉變

改善感统有好多方珐,links既小組會帶小朋友入感统室,藉搖擺或身體捲動動作,加上有時帶埋耳筒(listening therapy)去幫他們前庭發展,其他方法有:健腦操,去有繩網/攀石牆公園,一方面强化大小肌,改善平衡,另一方面可以撈d正常小朋友玩,鼓勵一起玩,改善社交

我未曾聽過有外出評估服務,需向評估中心查詢,不過有時急都急唔尼[政府排隊係咁架!],不防作最壞打算,起私人道做住先,政府就算即刻評估都仲要排隊等服務....

因妳在日常生活清楚佢既能力,或需就佢能力更多留意.就社交/執着行為/適應能力/專注力/學習+表達能力[讀寫/思考/分析/智商]/大小肌/平衡/感统等等都有向了解,從而提供合適方法改善其能力,作家長的,需裝備自己去幫助孩童克服障礙.

加油

nokia6300

可否分享一下健腦操呢?

anlywan

你好,請問你仔幾大在LINKS上半日制個種啊?我仔仔現在LINKS做緊感統訓練排緊半日制...但佢以架25個月大可以讀出面啲幼兒班..我都唔知應該俾佢讀普通幼稚園的幼兒班定是讀好似LINKS啲課程去改善佢...但又怕到時先去入讀普通幼稚園會好難....唔知媽咪們有咩建議??

原帖由 rpang001 於 10-2-19 20:35 發表
我仔仔起step比$做詳細評估連報告,然後用9個月在links入組上半日制訓練,原先未証實係自閉時打算入普通幼兒院幼初班，但面試已出醜了，那9個月入面都執正d基本日常習慣,最特別係半日制可有更多時間比我同仔仔相處,全力訓 ...

rpang001

健腦操藉練習去改善腦訊息經脊骨傳送到四肢,特別係改善一些因身體協調機能欠缺成熟而產生的不良行為慣,對4~6歲上小一前的學童效果明顯

因在孩童階段,嬰兒成長因某些原因[如:細個未爬過就己學行,相對缺乏在爬行階段嬰兒頸肌的强化話動],到他們尤其升小一所面對大量抄寫動作,會令學童較快疲乏失去專注力,另外上/下肢仲展問題所產生的行為,如坐正身下肢會自然屈曲,下肢仲直上肢的彎曲等都可籍此改善

小童群益會有此項訓練可提供親子學習

rpang001

原帖由 anlywan 於 10-2-27 14:25 發表
你好,請問你仔幾大在LINKS上半日制個種啊?我仔仔現在LINKS做緊感統訓練排緊半日制...但佢以架25個月大可以讀出面啲幼兒班..我都唔知應該俾佢讀普通幼稚園的幼兒班定是讀好似LINKS啲課程去改善佢...但又怕到時先去入 ...

在幼初班階段,即2歲9個月到3歲半,跟住入i位幼兒班,直上到現在高班,己有主小學在自選階段收了下年度小一.

在經濟能負擔的情况下,讀私人小組訓練較容易發現孩童在感統方面的問題,加上有曬言語和職業治療,連帶給家長在家的練習,對打好基本的根底,起碼自理和身體基本機能去做一些日常活動,都有很大幫助

我個仔都係讀咗個多月幼初班,才轉入私人小組.當時d幼初班老師都唔覺得仔仔起社交和身體協調上出了問題,硬係啦!個課室咁大,室內有很大個樂園,每班人數少,個人空間大得很,同同學接觸距離大/時間短,又冇特殊老師,分分鐘攪到升小一才發現有很多問題要收拾就惨!

在幼兒階段大把時間去追d功課,反而越細越要把握機會,執正d基本社交/自理/感统能力,到幼兒班,就比佢去適應在一個群體中學習[因之前係小組],也因之前的大小肌特訓,幫助去面對執筆寫字的要求,在低班就較强調閱讀理解.....

rpang001

補充:因考入幼稚園唔收,迫住去d山卡拉鬼咁遠冇物學生讀個d幼稚院讀,同時去做評估,一路排兼收位,一過在入學後2/3個月轉去私人小組links做特訓.

nokia6300

多謝你的分享

其實我仔只係22月大,係咪可以做呢方面既 training 呢?因佢既 pt 都提及過呢個 training 對仔仔有用,但我去d websites睇多數系course 係 for家長去學，冇一些親子小組,去左小童群益會website都揾唔到呢方面既training.

rpang001

睇小童群益會活動通訊:

美孚中心起2010年1至3月有親子課程p.55頁編號20094c42共四堂費用hk$530,另有講座20094c41,講腦神經發展hk$30共一堂,係d有系統幫助孩童機能成熟發展其中一種方法,有興趣可看看下一季有冇.....

其他方法最簡單就係去d有繩網/石牆/穿山洞的公園,好處係佢自己自動波,唔駛跟到貼.

rpang001

p.s.課程對象為k1-k3孩童及其家長,一週一次,晚上8-10pm

nokia6300

唔該曬!

worry-mom

昨日終於去左健康院見姑娘, 我無諗過...姑娘竟然唔多想比我見醫生.   佢問我囝囝既進展, 我如實答唔多說話, 佢識講什麼什麼單字, 但唔係成日講, 佢見到或鍾意就會講, 唔鐘意表達, 唔喜歡手指指.   跟住我順便講埋覺得囝囝有D自傾既特徵(無眼神交流等).  問可否見一見醫生.  姑娘話...佢都識講D單字, 我好難安排比你見醫生.  真係奇怪, 我已經強調以上幾樣野, 佢都話唔得, 佢地有準則去監訂.   最後佢可能見我咬住唔放, 先話...咁我寫你囝囝只識講4個單字啦, 你記得見醫生時, 唔好話佢識得多個4個, 如果你愈講愈多, 醫生只會叫你2歲半先再返來check多次.
真係很奇怪...假如係自傾既小朋友, 2歲真係什麼都未識講嗎?   如果係識少少單音字, 但又有自傾特徵, 都唔明點解都唔比我見醫生.... 唉!

nokia6300

我case同係好似呢.....

but 我就見到 dr 的,佢話大把2歲一粒音都未出,你仔仔有幾個音已是很好了,至於我都同dr說好似自閉,佢逐一同我ban曬,叫我快d比佢返nursery,同埋好重要的係,當佢一講多d野,d"我話似自閉既"問題會消失

up to now....又好似系wor,不過佢仲有大小肌問題要追

祝你仔仔都大進步,比佢返唔同既 playgroup,效果很好,而家排定先啦

加油!

rpang001

起健康院睇醫生以我囝囝的情況(同妳的都係2歲多才講4~5個字句)都無試過,會唔會係健康院醫生先會睇較明顯先天問題,比如話"次"舌(利)根,弱視,弱聽等等,而自閉特徵應由兒童評估中心去(全面性,包括言語,大小肌等)評估,再由該中心的社工跟進入學安排?

因評估方面需由專業的言語/職業治療師去做......當然醫生可能同時有此類專業資格,但一條龍服務,都係cac好啲.

worry-mom

我都明白政府一定先比D急切需要既人享用服務先, 但係我只係要求見健康院既醫生先都咁難!   
另外, 今日我帶囝囝去睇開醫生, 我試下問醫生是否可以幫我寫轉介信, 佢簡單問左我一輪, 又係無答案, 聽我講完...又話都唔一定係架.   又叫我唔好睇咁多網上資料(自傾特徵), 單憑呢D資料唔一定係.   最後....佢叫我睇多一個月先, 如有問題再找佢寫.   走既時候, 我個囝仲同醫生&姑娘goodbye kiss(平時唔一定做).   
唉....都唔知搆乜野, 好似無人幫到我咁既.
而家都係要找私人機構做評估先, 唔係就真係一拖再拖了.
其實我囝囝都識講20個左右既單音字, 但係又係果句....你叫佢講, 佢唔講, 唔叫佢講, 佢自己又講.   煩死了.

rpang001

原帖由 worry-mom 於 10-3-6 01:38 發表
我都明白政府一定先比D急切需要既人享用服務先, 但係我只係要求見健康院既醫生先都咁難!   
另外, 今日我帶囝囝去睇開醫生, 我試下問醫生是否可以幫我寫轉介信, 佢簡單問左我一輪, 又係無答案, 聽我講完...又話都唔 ...

睇尼妳囝囝要起言語/溝通上有所改善唔係淨係帶佢做訓練咁簡單！即就算有好的言語基礎也未必會用口表達，更何況係言語仲有問題呢？

個人覺得佢係需要被"激發"引起同人之間產互動，籍此鼓勵佢用言語去清楚表達事情和感受。佢更需要玩伴來激發互動和作為模仿對象..... 如果真係冇這類玩伴，那麽就由妳來充當這個角色，藉着地面親子時間(Floor Time)來藉遊戲進入(介入)佢內心世界，並在其中引渡發展人與人之関係，建立人際間的溝通，係要佢在很開心很high的情況下去用言語去自然地產生互動。此法比日常黑板/單向的言語治療來得生動及有效，但妳需去上堂了解，本月尾有30/3[二]   下午2:30 - 4:30 屯門大會堂有免費介紹

worry-mom

聽落很深奧下.   其實地面親子時間(Floor Time)係點樣呢?   咁找ST 1VS1比佢有無用呢?

原帖由 rpang001 於 10-3-6 05:43 發表


睇尼妳囝囝要起言語/溝通上有所改善唔係淨係帶佢做訓練咁簡單！即就算有好的言語基礎也未必會用口表達，更何況係言語仲有問題呢？

個人覺得佢係需要被"激發"引起同人之間產互動，籍此鼓勵佢用言語去清楚表達事情和感受。 ...

worry-mom

但係佢地要我比左個高級幼兒導師睇左先....之後至話我知應該做"自閉"or"學前"評估喎....

原帖由 pipi331 於 10-3-6 23:52 發表


您個仔 自己有自己講, 人地揾佢就唔睬呢樣嘢, 同我果個好似. 帶佢去step 做個$2500 評估la.