女強人名校攻略 送寶貝入女拔

龍舌蘭

3/2/2010 HKET (文中 highlight 為本人所加)

女強人名校攻略 送寶貝入女拔

撰文:陳韻文
欄名:Career
在商場，羅盛慕嫻總是披上一身硬朗，在會計界名氣響噹噹；放下工作，她又是稱職的媽咪，為囡囡鋪排入讀名校，栽培成今日的5A2B會考高材生。難怪她笑言，自己當母親比當會計師更出色。

羅太與女兒羅安宜長得像「餅印」，尤其深深的梨渦，笑容特別甜美。平日約羅太訪問，多是談及稅務等奇難雜症，但今次談到「湊女經」，羅太更加起勁，細說其獨門秘訣。

招數1︰訓練膽識

羅太以「緊張大師」形容囡囡羅安宜，坦言她性格較怯懦，缺乏自信及安全感，因此早在囡囡唸幼稚園時，已經常參與學校親子活動，並充當先頭部隊，為女兒壯膽。其後，女兒在女拔萃升讀中學，開始參加校內中、英文辯論隊，訓練口才。

招數2︰誠意打動

在名牌效應下，羅太安排囡囡到女拔萃小學面試，事前雖沒上過坊間的面試「雞精班」，但她叮囑囡囡面試時，答題要詳細。羅太憶述，其中一條題目是「請舉出蘋果和提子的四種分別？」

其後，羅太寫信給校長，態度懇切地解釋選讀該校原因，以及自己作為專業人士如何為囡囡鋪排前路，並附上名片，結果女兒成功踏入名校之門。羅太笑言︰「不知道這個方法有沒有效，但一試無妨！」

招數3︰做200小時義工

羅安宜在小六時曾參加「傑出學生獎」，比賽按4個準則評分，包括成績、音樂、體育和義工活動，可惜羅安宜名落孫山，致命傷是義工「零」經驗。

於是羅太安排囡囡參與義工活動，一口氣在一年內當了200小時義工。「公司舉辦甚麼義工服務，我也帶她去；在學校當風紀也計算在內。」結果羅安宜獲得義工金獎，中三那年，更得到全港傑出少年獎。

招數4︰陪太子讀書

羅安宜小學時成績中規中距，老師曾提醒羅太要多花點時間，於是羅太由安宜小三開始，盡量不出席晚上的應酬活動，迫不得已的話，亦會騰出45分鐘先回家替女兒檢查功課，再趕往宴會。

至於美術功課，就交由現任市建局行政總監羅義坤的丈夫代勞。結果囡囡成績突飛猛進，成為班中「黑馬」，在校內漸露頭角。

招數5︰鼓勵投身商界

羅安宜計劃執教鞭，羅太沒有反對，但向女兒提出了一個問題：「如果其他同學投身商界，10年後她們的職位和成就，可能和當老師的很不一樣。」
羅太指，不是每個人也想賺很多錢，假如囡囡認為當老師是自己喜歡的事，她會予以支持，但想女兒考慮到，以其成績、語文及表達能力，若投身會計行業，出路會比當老師更廣。

﹏﹏﹏﹏﹏﹏﹏﹏﹏﹏﹏﹏﹏﹏﹏﹏﹏﹏

囡囡入讀名校之路

①安排女兒入讀維多利亞幼稚園，打好根底；

②多參與學校親子活動，往往充當先頭部隊，為女兒壯膽；

③參加鋼琴、小提琴和兒童合唱團興趣班；

④申請女拔萃小學，面試後，寫信給校長，態度懇切地解釋申請原因，並附上自己卡片；

⑤晚上盡量不去應酬，就算有宴會，也騰出45分鐘時間回家檢查女兒功課；

⑥女兒一年參與200小時義工活動，成功獲得傑出少年獎；

⑦參加中英文辯論隊，訓練口才及思維。

龍舌蘭

睇完之後, 笑得出嗎 ? 人人都想仔女入名校,
父母關心孩子是天經地義, 但將孩子塑造成自已內心的模樣, 是幸福? 還是悲哀?

Yvonne Law同佢老公無半億身家都有三千萬啦, 應該可以俾佢個女做自己種意既事架, 真係睇唔明.

Charlotte_mom

有d小朋友, 細細個已經好識唸野, 對自己要求高, 識同自己plan, 有領導才能, 呢d小朋友, 唔讀一線名校我都覺得浪費
有d小朋友, 只係父母滿足願望既工具, 讓父母將自己不停向上推, 我覺得係悲哀

原帖由 龍舌蘭 於 10-2-3 10:30 AM 發表
睇完之後, 笑得出嗎 ? 人人都想仔女入名校,
父母關心孩子是天經地義, 但將孩子塑造成自已內心的模樣, 是幸福? 還是悲哀?

Yvonne Law同佢老公無半億身家都有三千萬啦, 應該可以俾佢個女做自己種意既事架, 真係睇唔明 ...

grace_xian

悲哀

大內密探

雖說是悲哀, 但為自己小朋友先打好基礎, 唔係現代關心子女既家長都喺度做緊既咩。
撫心自問，我自己都希望子女可以多點他們的想法及選擇，但大部份時間係做唔到既，試問又有幾多家長做到呢?
我都好反對佢比自己既方向同睇法，唔比第時可以做到教育家，辦間學校，比美現在既名校咩。
但係我都係為現代既小朋友感嘆--無乜自由，為成人滿足自己部份慾望既扯線公仔。

mat媽

我朋友是女拔出身, 她結婚時只得兩個女拔 friend, 佢話讀書時係好唔開心的, 個個同學都好似官心計咁... 為咩呢????

Imel

咁佢一年內做200hrs 義工後, 第二年係咪有做啦?
咁為咩呢? 為取得獎項?
如果為升學, 我見到呢個學生做義工咁冇恒心, 而且咁功利, 一定唔收佢:;pppp:

原帖由 mat媽 於 10-2-3 15:16 發表
我朋友是女拔出身, 她結婚時只得兩個女拔 friend, 佢話讀書時係好唔開心的, 個個同學都好似官心計咁... 為咩呢????

happyvalley

女拔係深水步 bor，就算讀到，到時人地問妳屋企有幾多個工人，兩個、爸爸媽媽。

我同學個細佬係男拔中學教書，佢都話最西利唔係老師，係補習老師，專科專教，成千蚊個鐘，比得起先好唸，費時做戰灰

judy

原帖由 happyvalley 於 10-2-3 16:37 發表
女拔係深水步 bor，就算讀到，到時人地問妳屋企有幾多個工人，兩個、爸爸媽媽。

我同學個細佬係男拔中學教書，佢都話最西利唔係老師，係補習老師，專科專教，成千蚊個鐘，比得起先好唸，費時做戰灰 ...

其實我唔明，男拔有得自行收生，點解唔收啲醒目仔，要收一啲要補習嘅，唔補習就成戰灰嘅傻仔。

judy

原帖由 Imel 於 10-2-3 15:50 發表
咁佢一年內做200hrs 義工後, 第二年係咪有做啦?
咁為咩呢? 為取得獎項?

天生我才必有用，香港的窮人、弱能人士就更有用，可以被利用來升學。

happyvalley

原帖由 judy 於 10-2-3 16:54 發表


其實我唔明，男拔有得自行收生，點解唔收啲醒目仔，要收一啲要補習嘅，唔補習就成戰灰嘅傻仔。

我的意思是佢地都收啲醒目仔，專收添，就是親朋及好有錢都要考得好先收，但入到去讀書，如果要超高其他同學幾級，就要靠家長請高人，在家中專科專教。所以未教已經學左，唔適就補到適。

brian61950

很多人也一樣做緊她所做的,而一般嗰類人都係鐘意周圍晒的.
又吹佢唔漲.

judy

原帖由 happyvalley 於 10-2-3 17:02 發表


我的意思是佢地都收啲醒目仔，專收添，就是親朋及好有錢都要考得好先收，但入到去讀書，如果要超高其他同學幾級，就要靠家長請高人，在家中專科專教。所以未教已經學左，唔適就補到適。 ...

我又唔明，既然要考得好先收，入得去嘅，都知其他人有咁上下啦，要超高其他同學幾級做咩，太自找苦吃了。

點解未教要学定先呢？唔識補到識我就明。

happyvalley

原帖由 judy 於 10-2-3 17:19 發表


我又唔明，既然要考得好先收，入得去嘅，都知其他人有咁上下啦，要超高其他同學幾級做咩，太自找苦吃了。

點解未教要学定先呢？唔識補到識我就明。 ...

想各方面的公開賽獎牌都擺到，咪定要與同學競爭。至於先學左，所以讀完中四上學期都可以考得會考 la，所以咪有大把時間捉 d 非常題目，捕 A 率咪高好多。

雪文

多謝分享

原帖由 龍舌蘭 於 10-2-3 10:26 發表
3/2/2010 HKET (文中 highlight 為本人所加)

女強人名校攻略 送寶貝入女拔

撰文:陳韻文
欄名:Career
在商場，羅盛慕嫻總是披上一身硬朗，在會計界名氣響噹噹；放下工作，她又是稱職的媽咪，為囡囡鋪排入讀名校，栽培成今日的5 ...

LittleEggBB

父母望子成龍, 望女成鳳係好正常.  不過我覺得都好睇小朋友既能力同性格.  如果係咁谷, 小朋友頂唔住d壓力唸埋一邊......真係得不償失!

[ 本帖最後由 LittleEggBB 於 10-2-3 17:53 編輯 ]

happyvalley

原帖由 LittleEggBB 於 10-2-3 17:51 發表
父母望子成龍, 望女成鳳係好正常.  不過我覺得都好睇小朋友既能力同性格.  如果係咁谷, 小朋友頂唔住d壓力唸埋一邊......真係得不償失!

大把人是這樣，有時小朋友真係可以谷，不過變晒 learning machine，no input 就會 no output。

LittleKidult

睇完之後覺得佢囡囡真係只係成績中規中距果類... 咁既資源下都係得5A2B......
冇講佢個女有冇補習?

judy

原帖由 LittleKidult 於 10-2-4 00:40 發表
睇完之後覺得佢囡囡真係只係成績中規中距果類... 咁既資源下都係得5A2B......
冇講佢個女有冇補習?

好好嘅啦，我估全港冇1000人考5A或以上！

GiGiMum

Very agreed!

原帖由 大內密探 於 10-2-3 15:10 發表
雖說是悲哀, 但為自己小朋友先打好基礎, 唔係現代關心子女既家長都喺度做緊既咩。
撫心自問，我自己都希望子女可以多點他們的想法及選擇，但大部份時間係做唔到既，試問又有幾多家長做到呢?
我都好反對佢比自己既方向同睇 ...