好唔開心呀.

manysy

小女今次考試成績唔係太理想(F.1) , 差不多最全級最尾, 我冇唸過係咁後, 佢平均分係合格, 考14樣,得4樣唔合格, 我知道後好唔開心, 我好擔心佢會留班, 但又唔知可以點幫佢?

ytpeople1

你知唔知你呀女學校升留班政策係點啊？如果唔知，不如向班主任查詢。

你呀女唔合格四科，係唔係主科架？

原帖由 manysy 於 10-1-26 14:43 發表
小女今次考試成績唔係太理想(F.1) , 差不多最全級最尾, 我冇唸過係咁後, 佢平均分係合格, 考14樣,得4樣唔合格, 我知道後好唔開心, 我好擔心佢會留班, 但又唔知可以點幫佢? ...

Elona

為人父母緊張仔女既學業係好正常, 你既擔心人人都會有, 希望你可以放鬆冷靜, 唔好比太大壓力女女, 相信佢都好唔開心, 另外比多d信心佢, 鼓勵佢令佢知道自己仲有好多既進步空間, 令佢保持學習既興趣, 做媽咪既要全力支持佢…..

小兒上次form test既英文都唔合格, 我都好似你咁驚佢會留班, 因為英文係主科….你女女係讀band幾既中學 ? 唔合格既有冇主科 ?  不過我後來諗深一層如果仔仔既英文程度唔達標, 勉強升班都係冇好處, 事關其他科目都係英文, 想通咗同有心理準備之後就好好多, 後來再分析了解唔合格既原因係溫習準備唔夠, 同埋要考 成100個生字咁多, 一時間又記唔熟, 另外要考story book成十幾個故事既內容又唔知, 完全冇溫到, 所以唔合格…….

知道問題所在之後, 就針對問題去改善, 所以最近 一次既考試, 成績改善咗好多….. 所以

Never give up and tomorrow is better !!

manysy

小女係讀band1英中, 4科唔合格係, 英文寫作, 數學, 中史, 中教.

samuel89

唔好再當阿女仲讀緊小學......
阿女讀緊band1英中....之前墊佢底既同學仔都走晒啦.....

violetching

請問甚麼是"中教"。

原帖由 manysy 於 10-1-26 16:45 發表
小女係讀band1英中, 4科唔合格係, 英文寫作, 數學, 中史, 中教.

sukkiu

原帖由 violetching 於 10-1-26 18:31 發表
請問甚麼是"中教"。

我估係宗教,但係都係第一次考試,小朋友可能未適應中學的學習模式,數學是唔識解題,數係要做多先識,同時睇得多唔識個字,都會估到條數係問D咩.

violetching

Thanks! 個人鈍鈍地,腦筋唔識轉彎!

原帖由 sukkiu 於 10-1-26 18:45 發表

我估係宗教,但係都係第一次考試,小朋友可能未適應中學的學習模式,數學是唔識解題,數係要做多先識,同時睇得多唔識個字,都會估到條數係問D咩.

ytpeople1

小女學校英文科只列總分，她的英文科第一次評估很差；數學科也不合格…第二次評估，英文6X，數學合格。

由小學升上中學，多左幾科，加上好多科轉晒英文書，令到小朋友很難適應的，所以我諗要比多d時間同體諒你呀女啊！(

原帖由 manysy 於 10-1-26 16:45 發表
小女係讀band1英中, 4科唔合格係, 英文寫作, 數學, 中史, 中教.

[ 本帖最後由 ytpeople1 於 10-1-27 12:18 編輯 ]

dabbycheung

原帖由 ytpeople1 於 10-1-26 20:36 發表
小女學校英文科只列總分，她的英文科第一次評估很差；數學科也不合格…第二次評估，兩科終於可以六十幾分。

由小學升上中學，多左幾科，加上好多科轉晒英文書，令到小朋友很難適應的，所以我諗要比多d時間同體諒你呀女啊！( ...

見到你個女成績有進步, 好替你開心, 加油呀!

樓主:

大家都要加油!

MonaLeung

我個女又係band 1英中F.1, 第一次test成績好差, 剛考完試好少少, 都有些閒科唔合格, 我又係驚升唔到班, 都有諗過幫佢F.2轉間直資英中, 現在唯有盡量幫她改善成績, PUSH 她勤力D, 希望可順利度過.

samuel89

原帖由 MonaLeung 於 10-1-27 12:16 發表
我個女又係band 1英中F.1, 第一次test成績好差, 剛考完試好少少, 都有些閒科唔合格, 我又係驚升唔到班, 都有諗過幫佢F.2轉間直資英中, 現在唯有盡量幫她改善成績, PUSH 她勤力D, 希望可順利度過. ...

幫佢F.2轉間直資英中....咪甘就可以解決問題架
唔怪得d直資學校收到貴一貴都大把人爭住入啦....

MonaLeung

我自己咁諗啫, 人地唔一定收架. 相比下直資會較資助學校多點學位, 應較容易轉掛. 現在讀緊的是BAND 1 英中, 太多功課, 同學個個都叻, 所以壓力頗大, 直資應會較活動教學的, 也唔會谷得咁勁.

samuel89

原帖由 MonaLeung 於 10-1-27 14:48 發表
我自己咁諗啫, 人地唔一定收架. 相比下直資會較資助學校多點學位, 應較容易轉掛. 現在讀緊的是BAND 1 英中, 太多功課, 同學個個都叻, 所以壓力頗大, 直資應會較活動教學的, 也唔會谷得咁勁. ...

做你個女真系很"幸福"呵...
而家香港成日都聽到d人話小朋友太多功課,課外活動, 同學個個都叻, 所以壓力頗大,.....為人父母就千方百計希望可以減輕小朋友壓力.....連幫佢地轉學校呢d以前叫"斬腳趾避沙虫"既方法都可以有"直資應會較活動教學的, 也唔會谷得咁勁"....甘"正"既理由..

mayc

samuel89:
轉唔轉校的事,並非只有一面倒"斬腳趾避沙虫 '的,當然讀得唔理想,首先要自我檢討,並且努力改善,但如果真是覺得適應不來,考慮轉校也未嘗不是一件好事,最重要是不要打沉囝囡的自信心!要放棄一間band1的英中的學校,要做這個決定,做家長也必定掙扎了很久,有更多的人會不捨得這個學位,或是怎樣面對親朋好友,而硬著要囝囡讀下去,另一面睇便是"退一步海闊天空",不過現在只是第一次考試,諗轉校可能是言之過早,希望monaLeung囡囡適應後會有所進步啦!

原帖由 samuel89 於 10-1-27 16:16 發表



做你個女真系很"幸福"呵...
而家香港成日都聽到d人話小朋友太多功課,課外活動, 同學個個都叻, 所以壓力頗大,.....為人父母就千方百計希望可以減輕小朋友壓力.....連幫佢地轉學校呢d以前叫"斬腳趾避沙虫"既 ...

[ 本帖最後由 mayc 於 10-1-28 13:32 編輯 ]

ZZdaphne

原帖由 manysy 於 10-1-26 16:45 發表
小女係讀band1英中, 4科唔合格係, 英文寫作, 數學, 中史, 中教.

英文總分合格嗎？？
如果英文總分合格和總平均分合格應該唔會留班，
中史和宗教應該好易適應，
但某些學校宗教一定要合格才可升班，
你女間學校是否呢類學校？
然後多做數學，
下次成績一定有進步。
加油！！

samuel89

原帖由 mayc 於 10-1-28 13:28 發表
samuel89:
轉唔轉校的事,並非只有一面倒"斬腳趾避沙虫 '的,當然讀得唔理想,首先要自我檢討,並且努力改善,但如果真是覺得適應不來,考慮轉校也未嘗不是一件好事,最重要是不要打沉囝囡的自信心!要放棄一間band1的英中的學校,要做這個決定,做家長也必定掙扎了很久,有更多的人會不捨得這個學位,或是怎樣面對親朋好友,而硬著要囝囡讀下去,另一面睇便是"退一步海闊天空",不過現在只是第一次考試,諗轉校可能是言之過早,希望monaLeung囡囡適應後會有所進步啦!..

當然如果真系經過藍字既思考,努力...我都唔會反對轉校...
問題佢話:
直資應會較活動教學的, 也唔會谷得咁勁.....
好明顯覺得轉直資系解決問題既方法....我只系覺得如果直資,活動教學系靈丹妙藥的話...臻美應該無可能會結業....

MonaLeung

"希望monaLeung囡囡適應後會有所進步啦!"
首先多謝mayc 的祝福.

我都同意現在是言之過早, 我都希望她能跟得上就不用轉了.只是為萬一要留班, 或者她真的讀得不開心, 作為一條後路啫.

samuel 89,
我沒說"直資的活動教學系靈丹妙藥.."
小女現在讀的也是相當好的學校, 只是程度過高, 不太適合小女而已. 作為父母難度致之不理嗎? 就只能想方法幫她吧. 我也不會隨便推她進一所直資學校便算, 事先當然會了解和衡量一番呢!

kenny325i

現行的派位制度，無可避免地會出現學生質素參差的情況。任何一間學校，都有成績好同成績差的學生。

入到band 1 英中，證明小朋友有一定的實力，針對小朋友的弱項，想辦法幫佢，幫佢安排作息時間，睇緊D功課，大人唔緊張，小朋友更唔緊張。同時，不要忽視小朋友的潛質，你唔催谷佢，佢可能永遠原地踏步。個人認為，上學期只是升中的適應期，新的同學，新的環境，新的教學方式，甚至答題方式對小朋友都有影響。適應期過後，小朋友成熟左，一發力，情況可能便會唔同，唔駛咁擔心。

如果大人同小朋友都盡左力，成績仍然不理想，只能嘆一句「天外有天，技不如人」，到時再作打算吧！

manysy

英文總分係合格, 已經有補習,
中史和宗教都唔知點幫佢.
數學已去學學林數,
學校講明三科主科+其中兩科合格才可升班，
現欠數學, 但萬一下次又係, 都唔知點算.