唔知可以點教個女 (比較長)

kathylo

我個女5歲多, 讀k3

幼稚園老師來電, 傾迎來個女的情緒和行為問題, 老師說她最幾日, 她表現不開心, 問她有什麼不快事發生, 她答沒有但眼濕濕想哭, 有一日下午, 她在學校不能入睡, 於是老師和她傾談, 問她有什麼心事, 她哭得很厲害, 說晒她感到唔開心的事, 她說她什麼都沒有, 金魚無了, 婆婆無了, 爸爸媽媽都無了, 老師問她為什麼要這樣說, 她答金魚死晒, 婆婆唔同佢住要返大陸住, 爸爸媽媽要去外國, 以後都見唔到, 於是老師同佢解釋, 身邊的人和物最終都是會離開自己, 教佢什麼是生老病死, 要佢唔好亂諗野, 教佢要珍惜現在擁有的, ......
老師以為佢講的事是真的, 其實, 金魚只是死了一兩條, 之前因為婆婆做了小手術, 所以同我地暫住幾日, 然後返回自己家, 沒有去大陸住, 差不多每星期日都會去婆婆家吃晚飯, 我和老公沒有打算去外國唔返, 亦無試過放低佢自己去旅行
當老師知道實情之後, 她都覺得我個女想得太多, 多到有些過份, 甚至超越佢的年紀, 而且思想很負面, 佢可以因為小小的事情可以聯想到很多很遠和很壞, 以致影響佢的情緒和行為
放完聖誕節假期後返學, 老師發覺她同小朋友相處出現問題, 佢會霸佔住佢最要好的同學, 有其他同學想同佢的要好坐, 佢會大聲罵人, 叫人走開 or 唔比人行近, 老師立即捉佢埋一邊, 教訓佢, 又再同佢解釋一番, 佢又好似好些, 但無幾耐佢又再嚟過

其實由佢3歲開始, 我地已經發覺她的思想與同齡的小朋友好唔同, 時常諗埋一邊, 又諗得好多好長遠, 但又係好負面的, 所以, 佢細細個已經無了童真, 時常鬧情緒, 身邊的大人又誤解佢, 唔明白她的人, 又覺得佢好小姐脾氣, 又話我地太縱佢

經過幾年的努力, 仍然改變唔到佢的想法, 我和老公真的唔知可以點教佢

囡囡婷婷

你應該趁你囡囡仲係細, 尋求下各方面意見, 就好似睇醫生咁, 有時一個唔得, 就睇第二個, 對症下藥就無問題, 你可以問下老師有無轉介服務, 你可以問下以下機構, 希望幫到你,

http://www.yang.org.hk/fhe/serve_1_test.htm

woolooloo

你個女是獨女? 還是有其他兄弟姊妹? 如有，她排行第幾? 年齡相隔多少? 知道這些可能會看到些端倪，才能給你一些意見。

kathylo

原帖由 woolooloo 於 10-1-12 10:51 發表
你個女是獨女? 還是有其他兄弟姊妹? 如有，她排行第幾? 年齡相隔多少? 知道這些可能會看到些端倪，才能給你一些意見。

佢係大女, 有一個3歲半的妹妹, 佢地相差大約2年半, 不過, 係妹妹出世前, 佢的思想都係咁上下

woolooloo

就你的描述，你囡囡的表現似是源自一種「被遺棄的恐懼」。這麼小的孩子會有這種恐懼很大機會是因為有弟妹出世，不單是出世之後，就連媽媽懷孕期間囡囡可能已經有情緒，只是太年少，不懂表達。所以你要仔細回想，她是何時第一次表現負面思想?是不是你懷有妹妹期間?

另外，她與妹妹的相處如何? 會分享玩具/食物嗎? 除了「金魚無了, 婆婆無了, 爸爸媽媽都無了」，她有沒有表達過「妹妹無了」?因為她提及金魚,  爸爸媽媽，都是非常親近，經常接觸的，但連婆婆都有，卻跳過了妹妹就有點奇怪。

當然，妹妹應該不會是唯一或最主要原因，因為就算因著有妹妹出世，她的情緒也未至於如此負面。所以你可能要再想想有沒有什麼情況出現過，會令她感到被遺棄。不要用大人的角度想，一個3歲的小女孩是有很強的無力感和不安感的，所以可能在大人眼中的很小事都會造成大陰影的。

還是這句，知道多些才可能會看到些端倪，才能給你多點意見。

helenso

孩子出現這等狀況，真的，要好好面待處之！不要讓其惡化下去。

kathylo

原帖由 woolooloo 於 10-1-13 18:27 發表
就你的描述，你囡囡的表現似是源自一種「被遺棄的恐懼」。這麼小的孩子會有這種恐懼很大機會是因為有弟妹出世，不單是出世之後，就連媽媽懷孕期間囡囡可能已經有情緒，只是太年少，不懂表達。所以你要仔細回想，她是何時第一次表 ...

佢的負面思想是在兩歲多是開始出現, 我覺得唔係妹妹出世的影響, 而係佢個人想得太多

大女下個月就滿6歲啦, 近來, 佢時常同人比較, 見同學仔有而佢沒有時, 佢就會唔開心, 覺得自己咩野都無, 有時親戚送禮物, 比佢揀先才輪到妹妹, 揀完個一刻就好開心, 但過左一日之後, 佢有講妹妹果份好好多, 自己果份好細好小, 跟住又吵又鬧, 在學校聖誕聯歡會時與同學一起交換禮物返屋企之後, 佢都會覺得自己的禮物不及同學的好, 佢時常覺得別人比自己擁有多好多野, 當佢吵鬧時, 老公同佢數番哂d玩具, 飾物, 圖書, 食物, ...., 佢又會變番正常, 但每次都要解釋再解釋, 我地都感到好無奈

helenso

其實你已做得很好。
但請別覺得無奈而失去耐性，持之以恆用「公平」「愛」「支持」「良好的溝通」來對待大女兒，她會懂的，就只是誠意付出父母一份無條件的大愛。

她在出現脾氣或扭計時，切記心平氣和，溫柔的向她解釋道理，切忌長篇大論，以簡短有力的內容為宗旨。

每天，留一段「專屬時間」給她，這段時間，讓你們跟好她盡情談心事，跟她說故事（可挑選一些相關議題的小故事，在心理學來說是種"隱喻"，很有效果的）。

preciousstone

會唔會佢對自己無自信？試吓不斷讚美她得唔得？佢開始出現問題時確是妹妹來臨這個世界的時候，可能你們沒有察覺到，但可能真的有關，要多點贊美她幸福因為有一個妹妹。我也有兩個女兒，當有人贊妹妹，我都盡量歸功於家姐。

phoebeylbbshop

睇完第一時間覺得同我細個好似....跟住睇埋落去, 原來同我一樣係姐姐嚟.....有時父母梗有少少偏心, 但又不自知.....其實我都唔知點解釋, 不如照顧細之餘, 多D 照顧大女, 大女雖然大, 但佢其實都係細的, 唔好成日話你係姐姐, 要就下個妹, 姐姐都係細路來的:)