請教過來人比D資料:劍嗚有幾好???

luiflora

本來我都唔想報劍嗚N班了,因為佢甘遲先開始申請,手上都已經有幾間學校選擇,但係又見好多家長話會IN-KM,又話以KM為首選,1月4日就開始報名,我唔申請都擔心走寶,但我對佢的了解真的不算多....請問有無過來人比D資料我???十分感謝!!!

share123

原帖由 luiflora 於 10-1-2 23:48 發表
本來我都唔想報劍嗚N班了,因為佢甘遲先開始申請,手上都已經有幾間學校選擇,但係又見好多家長話會IN-KM,又話以KM為首選,1月4日就開始報名,我唔申請都擔心走寶,但我對佢的了解真的不算多....請問有無過來人比D資料我?? ...

KM N班都幾ok架，好多同學仔都入到SC，但如果你手上已經好幾個好好既offer,都唔使再辛苦帶佢去啦

bunbuncoco

咁請問上午中英班好d or下午國際班好d呢

share123

我個小朋友以前係下午班架,我無比較過,只覺得阿B都學左唔少野,d程度同K1差唔多.英文就無咩特別,唔覺得超好果種.

carol716

劍嗚都好多人報．．．

sinwin

my son and daughter studied in KM K2 &K3. They were very happy and learnt much. The teachers, armers were so nice!

i_luv_ian

我囝囝讀左3年,今年k3了, 我地都覺得keenmind既老師都算有愛心,  只不過係我地揀錯學校比囝囝, 令到佢過左3年頗為唔開心既幼稚園生活, 原因係程度都算深, 功課又多, 除左出外參觀或有特別節目既日子,差不多每日返學都係寫字同再寫字, 另外家長都要花較多時間在家幫小朋友溫習, 因為學校教左一兩次就expect佢地識晒的。
今年家長日, 老師同我講囝囝做評估時喊, 因為佢fill in the blanks一題都唔識做, 我一睇份paper先知, 原來係不供詞填充(english), 而不嬲學校冇默書, 所以我冇同囝囝串字, 佢當然係唔識啦, 不過學校就覺得我地準備得佢唔夠好, 對我地黎講, 佢冇咩溫書有90分都好叻仔架喇!
另外我記得上年有一次生日會完左我問囝囝"今日好唔好玩呀?",當時k2既佢竟然答我 "玩?返學係唔會有得玩架, 最多都係去playground踩一陣單車, 不過playground好細囉"。
佢完全唔enjoy番學, 所以k2學期尾時我地試過幫佢轉樂基, 報名之前我地都有問佢好唔好,佢即刻好大反應咁話 "好野", 好可惜... 樂基都冇位,所以最終都冇轉校, 見倒佢呢幾年返學不太開心, 我地覺得我地令到佢好似miss左幼稚園小朋友應該有既快樂校園生活咁!
不過, 正因為keenmind多功課, 所以佢既好處係今年囝囝9月讀小學, 我地都唔太擔心佢會唔習慣做功課囉, 而且佢學左好多野, 所以我估計佢應該到小學二年班先會學"新"野, keenmind的確可以prepare一個小朋友(academic方面) 輕鬆咁讀小學。
總結經驗...如果小朋友係好鍾意寫字既, keenmind會係好既選擇, 相反如果小朋友比較好動, 咁就大家都慘d喇, 每間學校都有好有唔好, 最重要係揀適合小朋友既學校, 令佢地開心成長!

88654321

原帖由 i_luv_ian 於 10-6-6 00:03 發表
我囝囝讀左3年,今年k3了, 我地都覺得keenmind既老師都算有愛心,  只不過係我地揀錯學校比囝囝, 令到佢過左3年頗為唔開心既幼稚園生活, 原因係程度都算深, 功課又多, 除左出外參觀或有特別節目既日子,差不多每日返學 ...

我個女今年都係係k3,我覺得劍嗚D老師好利害,就係佢地教嘢都幾深,但D老師又可以教得個小朋友明白,番到屋企父母唔駛点跟. 至於評估,我係有幫佢温,串字,我要佢明白評估、考試就係咁嘅形式,由k1至k3慢慢一步步邁向小一嘅形式.我個女番學都好happy.
再比我揀,我都會揀keenmind.
不過佢D雜費,例如去旅行, christmas party,畢業礼...等等D$$$$$真係超級貴.一D都唔值. 雖然你可選擇唔去,但D小朋友通常都好渴望,咁次次都唸住"事旦"啦.不知不覺比佢劏咗唔小.

elmolly

原帖由 88654321 於 10-6-7 21:19 發表


我個女今年都係係k3,我覺得劍嗚D老師好利害,就係佢地教嘢都幾深,但D老師又可以教得個小朋友明白,番到屋企父母唔駛点跟. 至於評估,我係有幫佢温,串字,我要佢明白評估、考試就係咁嘅形式,由k1至k3慢慢一步步邁向小一 ...

請問今年k3派位好嗎? 考私校/直資又點?

meowmeow

我聽到好多都好唔錯!!  

mousegirl

原帖由 meowmeow 於 10-6-8 21:35 發表
我聽到好多都好唔錯!!  

有無人考到DGS, DBS, SPCC

meowmeow

SPCC 我就唔知, DBS, DGS 就有!

mousegirl

原帖由 meowmeow 於 10-6-9 11:39 發表
SPCC 我就唔知, DBS, DGS 就有!

Sound good! Are you current K3 parent?

How is your children school life in KM?

meowmeow

大部份KM 老師都好有愛心, 個仔係KM 讀咗4年都好開心.  問題係佢 management 方面有進步既空間.
由於我從來冇讀過第二間KG, 所以好難作比較, 但係我相信個仔係KM度學會好多野, 呢個對於佢升小學應該有好大幫助~
但係要知道KM K3 D 功課真係幾多, even 而家考完試, 仍然有不少功課要做, 另外仲有寫家課手冊要小朋友適應吓小學既模式!

[ 本帖最後由 meowmeow 於 10-6-9 23:50 編輯 ]

meowmeow

都好贊同88654321既講法.

原帖由 88654321 於 10-6-7 21:19 發表


我個女今年都係係k3,我覺得劍嗚D老師好利害,就係佢地教嘢都幾深,但D老師又可以教得個小朋友明白,番到屋企父母唔駛点跟. 至於評估,我係有幫佢温,串字,我要佢明白評估、考試就係咁嘅形式,由k1至k3慢慢一步步邁向小一 ...

elmolly

我覺得km係一間好有水準既學校, 無奈為左小學, 唔可以繼續讀落去. 好感激km比左咁好既一年我囡囡

meowmeow

咁你個女而家去邊樹讀?

elmolly

原帖由 meowmeow 於 10-6-16 21:18 發表
咁你個女而家去邊樹讀?

我? 時勢所迫, 焗住要去間一條龍學校

3X

小囡由n1開始讀km pm international class,
而家k1, 今年9月升k2.
她屬於"過份"活潑好動型,
有時是有點過度活躍症的行為,
不過學校教得很好, 從未被老師投訴過不守行為,
不聽指令, 最多是說她非常主動吧..
我相信學校是有一套教好小朋友自律的好方法.

個人覺得學校辦得很好,
(本人屬於有要求的家長),
各方面來看都很有水準,
老師對學生無微的關懷,
一些非常微細的小事老師都看得出來,
再向家長報告,
校工們對小朋友的細心照顧,
本人都非常滿意.
亦可能是小班教學的原因,
感覺每位學生都受到高度的重視.

n1, k1中的 課程, 我相信是深的,
不過老師教得非常非常好,
小朋友都吸收得很好,
雖然k1上學期開始, 每天經已有2-3樣功課,
星期五有4樣, k1中段已經要寫字,
本來我都有擔心, 不過小囡卻得到老師的指導下,
非常願意自己完成, 每天放學校服都沒有換,
就急著完成全部功課了
(k1尾每天的功課約在15-20mins內完成),
有時我想坐在她身旁,陪她做功課,
她都要我走開, 不要看著她,
原因是老師說過要小朋友自己做,
做完才給家長check! 這樣才是好學生,
而且我跟班中不少相熟的家長談起,
大家的小朋友都很願意和享受做功課的過程.
大家都感到很欣慰.

學校活動算很多,
每月的生日會,
每年的各節日慶祝會,
學校大旅行, 學校運動會,
校外參觀等等, 小朋友都非常開心.

每次派回家的手工堂課,
雖然是小小不起眼的小手工,
卻在我眼中可見學校的那份認真,
用料多元化, 亦有創意,
我女兒每次都很開心的跟我說,
老師是如何教同學製造.


雖然km的校齡較短,
比起其他有幾十年歷史的所謂名校幼稚園沒有這樣出名,
不過我相信在若干年後, km一樣會辦得非常出色.

在n1中期由於知道學校未必會收番晒所有n1小朋友,
於是我都有同個囡去考定幾間其他的幼稚園扛底,
當中不乏大家常提起, 人所共知的"名"幼稚園,
很幸運地小囡全都被取錄,
不過一知道km會收我小囡升k1,
我全都放棄了.
而k2人人都想轉過去讀的超級名幼稚園,
小囡亦都很好彩地被取錄, 不過經過幾天的考慮下,
我亦把學位讓給有更需要的人.

因為我覺得名與不名並不太重要,
最緊要是找到一間跟小朋友非常配合,
有心辦學, 課程深得來小朋友又全吸收的,
老師上下都很有愛心的幼稚園並非繞幸,
既然小朋友一早與這間幼稚園有緣的,
而她亦非常喜愛學校就順應天意吧!
每次小囡有小小作病, 她都很自動食藥和休息,
因為她說怕明天不能上學見老師和同學.

非常感謝km在過去的兩年給女兒的美好回憶,
我亦非常放心繼續把之後的兩年(k2,k3),
交托給劍鳴幼稚園.
正所謂條條大路通羅馬,
只要在學校吸收到, 學得開心的..
對於即將去考小一時, 自然會把所學的好好發揮出來,
無謂太執著某些名聲而去冒險.

以上是我這兩年對劍鳴幼稚園的感覺,
純個人意見!

[ 本帖最後由 3X 於 10-6-18 09:31 編輯 ]

whychan777

很好的分享.........謝謝你

原帖由 3X 於 10-6-17 23:12 發表
小囡由n1開始讀km pm international class,
而家k1, 今年9月升k2.
她屬於"過份"活潑好動型,
有時是有點過度活躍症的行為,
不過學校教得很好, 從未被老師投訴過不守行為,
不聽指令, 最多是說她非常主動吧..
我相信學 ...