青苗游泳培訓計劃

mody

由香港業餘游泳總會主辦，康樂及文化事務署資助的青苗游泳培訓計劃，今年幫囡囡報左名參加，明天 (11月7日) 水試，唔知考試範圍考的咩?  因為上課地點只有沙田、粉嶺同荃灣，都幾唔 '就腳'，重一個星期訓練兩晚。值唔值得參加? 請問有無過來人可以分享一下?   


青苗游泳培訓計劃

BB200200

mody,
可否分享你小朋友今天水試考了身物野 ??

mody

Hello BB200200

囡囡昨天水試被編在下午進行，原來青苗包左荃灣城門谷泳池全日作是次水試活動，上午為10歲及11歲組別，下午為八歲及九歲組別。水試範圍原來好似水運會形式，每組約6至8個同年齡組別的小朋友編為一組(有多組)，每位小朋友佔用一條泳線作比賽並由此計劃的工作人員為每位小朋友計時。我囡囡屬九歲組別，首先要進行50公尺捷泳(自由式)及100公尺胸泳(蛙式)之測試。經計時結果後即埸公報獲選名單再進入第二階段之水試，再參加50公尺背泳及200公尺胸泳之比賽計時。我囡囡經首階段之水試後，相信是時間未能 『達標』之故，已無緣參加第二階段之水試了。不過，自現場所見，青苗的工作人員之態度非常認真，而進行挑選的過程亦十分嚴謹。我諗跟佢地學游泳都應該唔差得去邊。另外，我真佩服現在的小朋友，他們小小年紀已把游泳技術掌握得很好，回顧我們以往像他們一般年齡時，如果誰人懂得游泳，已經算是很不錯的了。

雖然囡囡今次考不進 「青苗」，但我珍視這次是我囡囡在她游泳運動裡的一次寶貴實戰經驗，希望她從中會有所領會啦。  

cher.

hi mody

thanks for sharing!  

mody

今日竟然收到香港業餘游泳總會寄來的信，'青苗游泳培訓計劃' 真係收左我囡囡。而家要慎重考慮交學費參加培訓與否，因為我囡囡參加的第五級別 ('青苗' 的最初級別) 都要每星期 training 兩課，每次 3 小時，重要係 weekdays 既晚上添! 真係都幾花時間 (要做功課同溫習)。而家真係心大心細，唔知參唔參加好呢?   

請問有無曾參加 '青苗游泳培訓計劃' 或對此計劃認識的家長可以比的意見及分享一下呢?   

唔該!   

mody

Sorry ~ Duplicated!  

KWT

其實我也想仔仔參加青苗計劃,可惜要水試及要求甚高,仔仔未達要求,故沒有報名.

babyhowie

Hi mody,

請問學費幾多？

另幾時會再招生？

因囡囡就快9歲，我地又住係沙田，
我都好有興趣幫囡囡報名。

請指教，唔該！

mody

Hello babyhowie

唔好意思咁遲先覆妳!

青苗游泳培訓計劃是分三個組別的。

第五級 (9 歲或以下) : 全期30課，共90小時，學費 $1,350。

第六級 (10 歲或以下) : 全期45課，共135小時，學費 $2,025。

第七級 (11歲或以下) : 全期45課，共135小時，學費 $2,025。

我囡囡呢班就係 12月頭開課，至於下一期幾時招生，我就唔係好清楚，或者妳可以致電香港業餘游泳總會專責青苗游泳培訓計劃既職員查詢，聯絡電話 : 2572-8594 黃小姐。

如果妳囡囡已懂得游泳，我都覺得妳不妨一試，尤其是妳住沙田， 佢地有係沙田賽馬會游泳池開班架!