- 在線時間
- 616 小時
- 最後登錄
- 12-6-17
- 國民生產力
- 156
- 附加生產力
- 60
- 貢獻生產力
- 0
- 註冊時間
- 04-8-12
- 閱讀權限
- 10
- 帖子
- 535
- 主題
- 30
- 精華
- 0
- 積分
- 751
- UID
- 28470
|
除左個二仔, 個三女都俾左唔少難題我!
佢而家先剛滿2歲, 但, 由佢歲幾近歲半開始, 我同身邊d朋友都sense到佢布木"唔同", 只係唔敢講佢係聰明定係所謂 gifted, 好似..
1. 語言能力好高: 佢未夠一歲就開始講野, 初時係單字,好快就變成兩個字詞, 冇幾耐已經有短句, 半歲左右開始問問題, 一歲九個月左右就識得用"因為...所以..."/"可能..."/"不如..."呢類連接詞, "你"/"我"/"佢"呢d字亦都用得好成熟
2. 佢好似天生就鍾意書多過玩具, 有得揀的話, 佢會揀書而唔要玩具, 可能平時佢成日睇, 記性又好, 未夠一歲九個月就識讀晒 "我自己會讀" level 紅 o既書, 而家睇緊 level 橙, 每本書都可以自己讀, 有時一口氣教佢認10-15個中文字, 如 "學校","洗澡","餅乾"...講一次佢就記得晒, 隔多丶晚問番佢都仲記得呢
3. 觀察力好強, 成日都睇到d我地冇留意到o既野, 又鍾意問野, 問完又反問番我轉頭,簡單講幾件小事...
- 歲半 : 當時 suumer 成日落雨, 佢就問我 "點解會落雨?" 我答佢天上面有太多水, 咪跌落黎, 咁人出街就要用雨傘... 點知, 幾日後出太陽, 有d路人用雨傘擋太陽, 佢又問:"冇雨喎, 點解ee拎雨傘?"
- 未夠一歲九個月 : 平時我出街會提佢仕車時要坐好唔可以郁, 初時佢只會係見到大哥企起身時先會講一句 :"哥哥坐好!" 但有日佢見到巴士上有人企係度 (平時我地少坐巴士), 佢就問我 :"點解叔叔企係度?"
而家.. 佢見乜問乜, 有時仲會無那那問我點解 van仔上張椅背 (包左膠果d) 會反射到佢個影; 又好似上星期六同佢睇煙花, 佢又問我d煙花會唔會趺落佢隻鞋度... 我就快要去刨十萬個為什麼!
4. 記性好好 : 佢可以只係用3-4日就記熟晒 a-z 既 phonics 發音, 仲自己 blend 埋讀一d佢唔識既生字, 呢d都係23個月大時就識得...
5. 歲半多d就可以自己由1數到50, 家陣可以數到100, 呢d我當佢唸口旺, 但早前發現佢真係有數數量o既 concept, 佢可以幫我 count晒唔同色有幾多隻壽司碟; 另外果d長短高矮相同不相同等等, 幾個月前已識得分喇~
6. 音樂方面, 不論係日文歌仔, 國語, 英文定廣東話, 佢聽幾次就可以跟住唱, 刷牙歌, 小小宇宙 呢d, 全首唱晒都冇難度..
仲有好多好多我眼中既"怪行", 令我覺得佢發展唔止 2歲咁簡單, 可能大家會以為我日夜同佢死谷爛谷, 但真傢, 我又要番工, 又要湊三件, 邊有咁多時間去催谷小朋友丫, 連 playgroup 都冇安排佢番呢~! 有時我都好迷, 究竟係而家d小朋友個個都係咁醒? 係呀女"聰明" d? 定係佢係 gifted child?
幸好暫時佢都未有咩野大情緒問題, 只係佢比較固執, 乜都堅持要自己去解決問題, 好細個就要自己揀衫著... 當你一反對佢時, 佢就會幾激動地表示要堅持自己所做既事...
最近安排左佢插班讀 nursury, 番 4日, 佢一d都冇喊, 星期六日反而仲扭要番學, 今日佢老師先同我地講, 話留意到佢識好多野, 有d打算教佢又以為佢唔識既字, 一拎出黎又已經識晒, 數學係咁 (認數字), 英文又係咁,好似今日教letter "L" 佢就指晒大細楷仲送埋個 phonic 發音俾老師..
有人可能會以為我好開心, 有個醒目女, 但係, 我反而開始驚... 以後點算?! |
|