SPSS

Rattie

亞囡五上考試成績都係麻麻，俾科數拉低哂，佢自己都唔開心，我冇話佢，佢都唔想架，費時俾壓力佢。好在呢兩次計分試叫做暫時過咗關。
考Convent一d都唔簡單，家長要support之餘，仲要小朋友合作至得。要present 4個book reports (兩中兩英) ，又要上網做e-portfolio，跟住first interview，有幸過到關仲要second in，呢d係今年嘅玩法，淨係聽都覺得好疲累。
不如加把勁考好個試啦。

原帖由 chatroom台長 於 10-1-6 15:47 發表
好彩上學期唔計, 今個假期個女都唔係好肯溫習, 今次考試有d危, 你講得岩呀考私校都唔容易, 我朋友都有叫我試下考 convent, 但我唸我女成績同課外活動都唔係好標青, 去考又係陪跑, 希望下學期讀得好d.

...

Rattie

Candy
你囡自動波咁掂，你唔洗煩啦。
除左呈分,成績表都祗係只計考試分數.即是冇平時分.
呈分係計5年級下學期同6年級上,下學期(共3次考試分數).
5年級考試時間表同1-4年級係一樣,6年級係12月頭同3月尾.
呈分科目包括中(x9),英(x9),數(x9),常(x6),視藝(x3),音樂(x2) (佔比重)
中文 : 中卷(50%),作文(15%),說話(15%),默書(10%),聆聽(10%)
英文 : 英卷(50%),作文(15%),說話(15%),默書(10%:80%seen/20%unseen),聆聽(10%)
數學 : 數卷(100%)
常識 : 常卷(100%)
視藝
: 多數係畫畫,堂上完成,老師通常會講俾小朋友知
音樂 : 唱歌,吹牧童笛,少許樂理

原帖由 candy_kent 於 10-1-6 17:40 發表
rattie
講講下, 唔係好記得測驗同考試所佔既分數比例係點架 ?  小一同小六同唔同架 ?

Rattie

Hi Candy
講漏咗，小一到小四 : 兩次測驗共佔50%; 考試佔50%

Rattie

今年中文卷改版，冇咗問答、重組句子，好處係唔洗死背，不過冇咗d攞硬嘅十分八分。我最憎重組句子，亞囡一係抄漏，一係抄錯，又要諗，幾十個字要寫，勁哂時間，cut咗唔洗恨。三篇閱讀理解，e d真係考語文真章，只有睇多d課外先有幫助。
Writing 攞高分比較少數，唔洗太緊張住。叫佢試吓運用多d(四字)詞語，d老師buy架。
至於Chin Oral，或者暑假期間可以同佢join d 辯論班，訓練吓佢講嘢。

原帖由 kyma1128 於 10-1-6 17:52 發表

今年的語文卷中, 有多篇的閱讀理解, 因佔50% OR ABOVE, 是一份卷的關鍵所在, 亦是一個"變數". 平時的作文, 分數都是俾得好緊的, 好D先有80分頭, IF NOT,就是 7X, 你話EXAM 的作文真是不敢去想. 在ORAL方面, ...

Rattie

上、下學期各兩測一考，弟一次測完要見家長，上學期派成績表都會見家長。有咩問題就要抓緊呢兩次機會問啦。
下學期就靠自己，成績表都係亞囡攞番屋企咋。下學期會有獎狀，如學業成績優良獎、進步獎等。
上、下學期係各自運作，感覺上下學期好似重要d，升唔升班靠佢嘛。

原帖由 candy_kent 於 10-1-7 15:43 發表


rattie,
thanks a lot !

佢地total有4測兩考(小一除外), 你所指是否係以一個學期來計呀 ?

Rattie

Candy
可能係因為上學期已經見過家長兩次，幫得嘅都幫咗，有問題都應該問哂啩?
呢間學校嘅老師把口好密，連分數都唔會話你知，考試卷唔會派番俾小朋友，淨係上堂對model answer。除咗學校，冇人會知道分數。淨係得個grade，估估吓。不過你可以同班主任提出要求去check卷嘅。

原帖由 candy_kent 於 10-1-8 16:17 發表


rattie
我都有留意上學期有兩次見家長, 反而下學期唔洗見家長都係第一次遇見, 不知為何這安排?? 真有趣 !!  

想知老師會否告知學生在班內名次 或全級名次 ? ...

Rattie

咁我都未試過check卷，係d師姐嘅媽咪講我知。
至於班中位置，中間呀、中上呀，呢d我聽過囉，冇計啦，鬼叫亞囡嚟嚟去去都係呢d位置咩。
我始終覺得人為錯誤係會發生嘅，希望多d家長開聲爭取，假以時日學校肯俾小朋友睇番自己份考試卷。

原帖由 candy_kent 於 10-1-11 13:57 發表


Rattie,
都有留意通常出grade既都唔會講分數, 但老師會否都講比家長知小朋友在班中位置?  

check卷===>無稔過要check bor, 信得過老師改得都好少機會錯既, 唔洗咁大件事呀 !! ...

Rattie

我咃連呈分試都唔知實際分數，冇話d內部嘅試啦。統統唔講!
你自己慢慢計/估啦。

原帖由 candy_kent 於 10-1-12 12:59 發表


RATTIE
人為既野咁一定會有錯既.

唔比卷學生睇, 我估可能係學校政策.  

不過唔派就真係連錯乜自己都唔會知, 何來下次會改善到呢 !!  真係稔唔明  

唔派卷但老師會否講比同學知自己幾多分呀 ? ...

Rattie

進步獎就要同上學期比較，其它都淨係計下學期嘅表現。
不過有個模範生獎我就唔知係咪成個學年計啦。

原帖由 kyma1128 於 10-1-12 17:41 發表


咁,升留級,各項獎都只是計算下學期的表現嗎? OR上+下學期/2呢?