升中一後出現挫敗感

cheukyu

小女o係小學時算係名列前矛,考全級三名之內. 但升上中一後,中學同學o既實力遠超佢所想像,經過幾次測驗,成績只係屬班裡面中游位置,連自己最有信心o既數學,都只係中規中矩. 雖然佢o係我面前表現冇乜o野,但係o係佢自己個blog就顯示出好唔開心.

其實o係未派位之前,我已經同佢打定底,話俾佢知一旦入o左呢個中學,就要有心理準備,好可能由小學考第一,變成考第尾.
早排佢第一次測驗,成績達唔到自己預期,已經有d唔開心. 我即時安慰佢,話唔係佢退步o左,而係而家間學校要求高過佢讀o既小學. 又以香港頂尖運動員作比喻,當佢參加奧運,就可能由跑第一變成決賽都入唔到,咁唔代表o個位運動員表現差o左,而只係佢已經去到另外一個層次,但係'強中自有強中手',只要肯努力,一定可以更上一層樓.

不過佢始終都接受唔到呢個轉變,好down,見到佢咁,我好心痛. 我覺得名次唔重要,最緊要係可以開開心心咁不斷追求知識,而唔係一個分數或者一個名次.

大家o既小朋友有冇曾經呢類經歷,可以分享一下如何令到小朋友克服呢個心理關口?

[ 本帖最後由 cheukyu 於 09-10-21 19:39 編輯 ]

blackbeauty

中一適應期，開學只有個多月，除左學業成績，其他多方面如生理心理都在適應！

Marco-ma

原帖由 cheukyu 於 09-10-21 19:19 發表
小女o係小學時算係名列前矛,考全級三名之內. 但升上中一後,中學同學o既實力遠超佢所想像,經過幾次測驗,成績只係屬班裡面中游位置,連自己最有信心o既數學,都只係中規中矩. 雖然佢o係我面前表現冇乜o野,但係o係佢自己 ...

咁除咗成績外, 你阿女鍾唔鍾間學校? 鍾唔鍾意d老師同學 ??

我大女都似你個女嘅個案, 由小學年年1-3名, 變成舊年f.1時嘅 : 60/200 !

不過佢讀得好開心喎, 初初攞中間分數嘅測考會唔慣囉, 但慢慢佢又搵返自己 "強" 嘅地方, 有返自信..

我諗你多d肯定佢啦, (好似你同佢講開果d), 佢要慢慢調節自己嘅心態, 點樣去享受佢嘅校園生活 ~ 唔係淨係成績標青先開心架嘛！

8331

原帖由 cheukyu 於 09-10-21 19:19 發表
小女o係小學時算係名列前矛,考全級三名之內. 但升上中一後,中學同學o既實力遠超佢所想像,經過幾次測驗,成績只係屬班裡面中游位置,連自己最有信心o既數學,都只係中規中矩. 雖然佢o係我面前表現冇乜o野,但係o係佢自己 ...

唔好咁唔開心啦，我阿仔今年都是升中一，以前在小學都
是考第四。升中後有一次默書竟然得49分，以前次次一
百分，我無唔開心，因為睇過都是錯小問題，而且現在每
個錯字要扣五分，所以他錯了九個錯字都扣了四十五分，
他說老師又讀得快，而且事前無給整編文章他們睇，只有
生字，唔錯又點得呀！

我好睇得開，可能阿仔都是睇我的反應，所以他無唔開心，如果我像他在小學時那樣緊張，他一定覺得唔開心，
所以小朋友都是睇大人。

我阿仔以前的數學好好的，但是現在英中，所以有時令
他無從入手，我為了令他得心應手，所以找了一位補習
老師去幫他，以免令他最好的數學都失守。

你要加油呀！想下點樣去幫下你的小朋友啦！

牛咪咪

講得好好

原帖由 8331 於 09-10-21 20:46 發表


唔好咁唔開心啦，我阿仔今年都是升中一，以前在小學都
是考第四。升中後有一次默書竟然得49分，以前次次一
百分，我無唔開心，因為睇過都是錯小問題，而且現在每
個錯字要扣五分，所以他錯了九個錯字都扣了四十五分，
他說老師又讀 ...

hhma

加上小朋友其實已經進入青春期
佢地既內心世界, 莫講話我同你同daddy, 連佢自己都未必知自己咩事
惟有多d關心, 多d開心, 希望順利過度
小朋友睇得件事唔開心, 你更加要將佢開心化

DaddyShum

我嗰個每個星期日都由朝做功課做到晚,上星期日重做到失控喊咗上嚟。

開頭以為佢只係掌握唔到要自己上網搵料、做對比分析嘅技巧, 所以通識科會須要家長幫, 點知而家除咗科maths佢可以搞得掂, 其他科我都要「逗」住佢d先做得完份功課。過兩個禮拜就測驗周, 唔知佢點死。

MonaLeung

中一D數真係幾深吓, 其他科要記好多生字, 所以就算識都要識寫識串生字先得, 都幾鄧他們辛苦, 唯有給多些支持和鼓勵吧.

原帖由 DaddyShum 於 09-10-21 23:22 發表
我嗰個每個星期日都由朝做功課做到晚,上星期日重做到失控喊咗上嚟。

開頭以為佢只係掌握唔到要自己上網搵料、做對比分析嘅技巧, 所以通識科會須要家長幫, 點知而家除咗科maths佢可以搞得掂, 其他科我都要「逗」住佢 ...

ZZdaphne

中一真係好辛苦，
我都要幫手輔助阿女，
特別是數學和通識兩科，
一跟不上就麻煩。

LittleKidult

我細仔舊年升S1, 都係小學成績好, 升到S1就差左, 不過呢個已經係預期之內, 之前揀學校時都已經講過有可能變成包尾, 但佢都話冇間題, 讀左S1後正如所料, 英文科真係有唔合格, 不過我地冇比壓力佢, 因為始終由中文小學升做英文中學, 要求係高d, 我地只要求下次合格先, 而唔需要高分, 佢係facebxxk有提自己唔合格, 不過就冇話唔開心........
下學期都開始上翻軌道, 雖然而家都係應該係中游位置, 不過我地覺得已經OK.

[ 本帖最後由 LittleKidult 於 09-10-22 09:53 編輯 ]

MonaLeung

中游位置已經幾好啦, 不能要求太高, 最重要是讀得開心, 少d 壓力.

原帖由 LittleKidult 於 09-10-22 09:52 發表
我細仔舊年升S1, 都係小學成績好, 升到S1就差左, 不過呢個已經係預期之內, 之前揀學校時都已經講過有可能變成包尾, 但佢都話冇間題, 讀左S1後正如所料, 英文科真係有唔合格, 不過我地冇比壓力佢, 因為始終由中文小學 ...

heidili1997

其實中一生要面對新環境，新事物，尤其中小轉英中，太多科目，太多生字，又要應付默書測驗，真是十分吃力，每次看見他做功課做得很夜，一早便要起床，沒有時間溫書，只能在星期日可以溫習，連玩的是間都無，重慘個我們返工，我看見也十分心疼，我們好似沒有得選擇。如果今日讀書那個是我又會點？
所以我只要求他合格便算了。 希望他慢慢適應啦。

mayc

每個人都不一樣,無一條方程式是一定行得通,有些人遇強愈強,有些人又有不同的反應,每個小朋友的成長都有不同的問題,我覺得無需要"斬腳趾避沙虫",我們家長只需在他們出現問題時盡力支持便可!

原帖由 ha8mo 於 09-10-22 11:37 發表
我唔係來揶揄你地

不過你地所講的，令我諗起某幾位網友常說的「寧為雞口 莫為牛後」，什麼小學避選名校，在較次小學輕鬆讀，到小四開始打幾鞭搏到前列，再升上普普通通的Band 1尾英中，咁就一路讀得好有自信、好開心云云。

我 ...

[ 本帖最後由 mayc 於 09-10-22 12:06 編輯 ]

碧加

選校之所以令家長頭痛是因為存在有很多因素和變數，到左中學階段我地係被動的，不再像小學般阿媽話事。
我覺得最重要係校風，仔女踏入青春期，未必聽你枝笛，父母既要學識放手，但暗地裏又要監察住孩子有否越位。
其次先係學校的成績，能按仔女程度加少少進步空間來選校，固然可喜可賀。個個父母都希望揀程度深的將來入U的路途較順暢，但有幾多個孩子咁聽教聽話？吾反抗又肯捱丫？除非孩子係戰鬥格羅。
揀程度淺的將來考U有無佢份呢？就算band 1尾亦只係half and half乍﹗吾係入到band 1中學就前途無限嫁，不過，香港越黎越多U可供選擇，問題係入邊間姐？俾你入到U又畢吾畢到業呢？
事實上為免在中學階段多磨擦而令孩子向壞，我寜願在我範圍內由孩子自主選校，就可避免吾適應而放pair的危機。

ZZdaphne

中學嘅試題已經唔係係書本中有答案，
好多時要寫出自己感想和意見，
呢點係最難取得分數，
特別是f.1 仔，
家長平時比多些機會佢發表意見，
對佢人生和考試都有幫助。

hhma

從何覺得這topic的個案=你所講既case?

唔識答你個問題

原帖由 ha8mo 於 09-10-22 11:37 發表
我唔係來揶揄你地

不過你地所講的，令我諗起某幾位網友常說的「寧為雞口 莫為牛後」，什麼小學避選名校，在較次小學輕鬆讀，到小四開始打幾鞭搏到前列，再升上普普通通的Band 1尾英中，咁就一路讀得好有自信、好開心云云。

我唔知你地點睇番轉頭？