小朋友病了﹐班主任有無打電話問候啊﹖

ccland

請你睇清楚個內容, 個post無話個老師唔打電話, 所以你提出有無責任感係唔合邏輯, 老師係打電話俾家長, 不過係背後唱你地班不知所謂又無理要求多多的家長, 如果你講到責任感, 為飯碗都係責任感, 對家人負責任囉, 同事病左問候係正常, 唔問候亦係正常, 可能你當同事係朋友, 你會問候下, 你唔當佢係朋友, 問候只係social skill, 唔係關心囉, 出來工作梗要有social skill, 你唔問候個同事, 亦唔代表你無良知, 如果係咁, 你都好無良知囉, 醫院診所日日都好多人病, 你去check下電話薄, 跟住打電話問候下佢地你就有良知啦

原帖由 龜龜媽媽 於 09-10-22 15:09 發表



哈哈！絕對同意你嘅講法!就算你係打份工都要做好呢份工啦！做人要有責任心!若果佢有仔女俾呢啲"無良教師"唔知佢有乜嘢感受呢？但我相信仲有好多有HEART嘅老師,我個女個班主任兩日無返學都打嚟問吓,我哋並唔係要老師噓寒 ...

ccland

做老師唔一定有愛心, 教育界有好多動物, 老師非禮學生等新聞層出不窮, 可能佢地過份地有愛心啦, 經濟唔好個時d人一窩蜂去做老師大有人在, 因為夠穩定假期多,  佢地都唔一定有愛心, 你要搞清楚做老師唔等於有愛心, 做文員一樣都可以有愛心, 做sales一樣可以有愛心, 做小販都同樣可以有愛心, 愛心係形容一個人的人格特質,  同工作性質無關, 你要好好進修一下中文同搞清楚點用d詞彙,你亦都要好好訓練下d邏輯思維, 因為你講野無point, 醫院診所日日都好多人病, 你去check下電話薄, 跟住打電話問候下佢地, 咁你就有良知有愛心啦

原帖由 pollybell 於 09-10-22 16:09 發表
[佢會唔會係樓主小朋友個老師.............哈哈.呢些垃圾老師好彩我個仔無遇倒.quote]原帖由 pig_2006 於 09-10-22 14:41 發表
睇你d回應, 我唸你都係其中一個 ...

[ 本帖最後由 ccland 於 09-10-24 21:12 編輯 ]

pig_2006

我睇你份人唔只複雜, 還冷酷無情……
點解個世面咁複雜, 咁殘酷, 點解世人咁無情, 咪就係有你呢類人囉, 以為自己見過好多世面, 以為自己睇法一定啱, 又以為個個老師都好似你咁, 打電話問候只係工作嘅一部份, 大家唔係咩朋友, 唔需要關心他人, 其實係你未見過世面, 未接觸過d真會關心他人嘅老師, 唔好再自暴其短啦….

ccland

最有愛心就係你啦, 係我見識少囉 , 我都未見過你呢d咁有愛心的人, 如果你係關心人, 你咪做個好榜樣俾我睇, 然後應該用你的愛心同關心感化我囉,   

原帖由 pig_2006 於 09-10-24 23:18 發表
我睇你份人唔只複雜, 還冷酷無情……
點解個世面咁複雜, 咁殘酷, 點解世人咁無情, 咪就係有你呢類人囉, 以為自己見過好多世面, 以為自己睇法一定啱, 又以為個個老師都好似你咁, 打電話問候只係工作嘅一部份, 大家唔 ...

[ 本帖最後由 ccland 於 09-10-25 00:11 編輯 ]

龜龜媽媽

原帖由 pig_2006 於 09-10-24 23:18 發表
我睇你份人唔只複雜, 還冷酷無情……
點解個世面咁複雜, 咁殘酷, 點解世人咁無情, 咪就係有你呢類人囉, 以為自己見過好多世面, 以為自己睇法一定啱, 又以為個個老師都好似你咁, 打電話問候只係工作嘅一部份, 大家唔 ...

絕對同意,請佢返火星吧,地球唔想再有呢啲冷酷無情嘅人响度,既然佢見過咁多世面,不如去火星闖闖!

luilui007

我個人認為小朋友病了 ,不論日數長短都好,班主任打電話比我都會心存感激,但如果唔打都唔洗唔開心啦

ccland

去火星都好喎, 好多謝你咁有見地的意見, 我會好好考慮一下, 去火星好過對住你地班無知少婦

原帖由 龜龜媽媽 於 09-10-25 00:15 發表



絕對同意,請佢返火星吧,地球唔想再有呢啲冷酷無情嘅人响度,既然佢見過咁多世面,不如去火星闖闖!

amazing

某程度上,我agree ccland.我阿仔學校老師都好好,病左好,有其他問題好.佢都會打比我.但好多時係晚上8點啦.老師都係人.佢地都有家庭.佢地係學校已經好忙.教幼稚園好似湊仔咁慘.我反而叫佢地無咩特別,唔使打比我了.我亦都覺得如果你地仔女係有特別事.唔該自己打去報告啦.如果仲左豬,仲等人打比你.唔係掛.???我知道個個小朋友都係父母心中0既寶貝.但唔該你問下自己,會唔會當其他人仔女同自己一樣.?
我只係覺得,依家0的家長要求老師大苛刻.
我地細個0的老師都唔會打比家長.咪又咁大.!!!!

pollybell

你都癲得幾暈巡,(((醫院診所日日都好多人病, 你去check下電話薄, 跟住打電話問候下佢地, 咁你就有良知有愛心啦??)))你拿本俾我呀,都離晒題,老師同學生關係,同唔識既陌生人,你真係未食藥,早些食藥,唔好周圍走啦,嚇親人架.保重,我真係要關心下你,得閒再問候下你先.

原帖由 ccland 於 09-10-24 20:59 發表
做老師唔一定有愛心, 教育界有好多動物, 老師非禮學生等新聞層出不窮, 可能佢地過份地有愛心啦, 經濟唔好個時d人一窩蜂去做老師大有人在, 因為夠穩定假期多,  佢地都唔一定有愛心, 你要搞清楚做老師唔等於有愛心, 做 ...

ccland

多謝問候 , 你立下一個好榜樣, 我相信我地的下一代一定有救啦, 希望你咁有家教的家長教出來的仔女會好好做人

原帖由 pollybell 於 09-10-25 21:44 發表
你都癲得幾暈巡,(((醫院診所日日都好多人病, 你去check下電話薄, 跟住打電話問候下佢地, 咁你就有良知有愛心啦??)))你拿本俾我呀,都離晒題,老師同學生關係,同唔識既陌生人,你真係未食藥,早些食藥,唔好周圍走啦,嚇親 ...

28828881

平心而論, 現在的教育真係跟以前好唔同
以前的家長只希望老師教好自己的子女就足夠
而家的家長還希望老師照顧佢地的子女週到

我知道有好多學校好重視家長,
回應家長的訴求係教師的首要任務.
校長亦好順應家長有理及無理的要求

老師要電聯全班的家長及筆錄談話內容做報告
講 5 分鐘,筆錄要 10 分鐘
全班 20-30 人, 每人15 分鐘
每次老師都要花好幾個鐘
到底呢幾個鐘, 花係跟家長傾談好?
還是用作準備教學工作上實際呢?

學生抄唔齊手冊,有家長係會投訴老師
認為係老師做得唔夠好,但佢地有無想過
其實抄手冊對學生係一種訓練,一種責任
到底老師每日幫學生檢查手冊,
係對佢好? 還是養成學生依賴的壞習慣呢?

好的老師, 佢地的目標係好想教好d學生,想佢地有進步,
佢地係唔會想做門面功夫去討家長歡心,佢地的心力和心機係應該花教小朋友上

坦白講, 好多好老師都離開咗呢個行業, 佢地都係好有經驗,有料又有heart 的, 佢地唔會話比你聽,佢地為你小朋友做咗幾多幾多嘢,因為有好多嘢的成效係唔會係今日即刻俾你見到的

真係唔需要因為班主任無打電話問候而失望,可能在學校裡,小朋友已經從老師中有好多得著
包括知識及品德  :>

[ 本帖最後由 28828881 於 09-10-26 11:13 編輯 ]

daisy100

同意！幼稚園的老師真的很忙，囡囡的班主任放學後一星期三晚趕夜校進修，有些工作更不是可見或可想像的，老師也有自己的家庭，我們也要體諒老師的工作，一班那麼多小朋友，每天也有小朋友病，最主要是家長有沒有已經告假，如果家長已經告假，老師已經知道小朋友病了在家休息，那不打電話問題也不大，除非家長沒有告假，老師又不打電問問，那才責怪老師，囝囝囡囡是我們的心肝寶貝，我們多數只有一個或兩個小孩子，當然照顧周到，但一班二三十人，時間有數得計，可能老師用僅餘的時間打電話給沒有告假的家長，可能老師也正在不舒服或其他原因...我們也要體諒老師沉重的工作量啊！

pig_2006

有你d咁嘅人, 我地下一代想有救都難啦...叫你打個電話問候小朋友, 又話workload重 (workload重還可以咁得閒咁詳盡回應) 又話冇需要關心d小朋友, 又舉d咩非禮呀, 醫生病人嘅case, 根本就唔同情況, 點比呀....你唔好再係度9唔搭8啦, 無良知無sense嘅外星人

vivicicimimi

我覺得各有各啱！ 針無兩頭利！！

ching070707

我個女n1,今個月頭病左一星期,個班主任都無打過電話黎,起初我都好似樓主咁念.重唔開心...但念返,佢都係人,都係打扮工,返到屋企重要做公司野,被我一定唔會囉 ==!
要睇個老師有無愛心有無料到~ 睇返你個小朋友就知啦 好似我個女咁 自從返左學之後
講多左好多野,重晚晚唱完歌先訓,
有時d野唔可以睇表面既.
++以上係個人意見+++

jasons_hk

deleted...

[ 本帖最後由 jasons_hk 於 09-12-9 16:06 編輯 ]

晞晞豬

原帖由 ching070707 於 09-10-28 01:31 發表
我個女n1,今個月頭病左一星期,個班主任都無打過電話黎,起初我都好似樓主咁念.重唔開心...但念返,佢都係人,都係打扮工,返到屋企重要做公司野,被我一定唔會囉 ==!
要睇個老師有無愛心有無料到~ 睇返你個小朋友就知啦  ...

對!! 贊成!! 見到佢返學放學都好開心, 返嚟又同我地講學校既生活, 就正明咗佢响學校好開心, 在我嚟講, 已經夠. 除非真係有咩大問題, 先打電話通知, 我覺得都不為過.

之前想學交校長講過, 大家家長唔好覺得自己係一個消費者, 當學校係俾緊服務家長, 要求這個要求那個, 這個做得不夠好, 那個做可以做得更好, 要得到一百零一既服務, 老師又要好好態度對家長.... 等等...

其實學校同家長都係得一個目的, 就係教好小朋友, 令佢地開心能學到應有既智識.

有電話既就當係一個bouns, 無既亦唔重要~~

ericalui74

如果你覺得呢度d人是無知, 點解你又回應? 咁講你咪仲更加無知.

原帖由 ccland 於 09-10-25 00:32 發表
去火星都好喎, 好多謝你咁有見地的意見, 我會好好考慮一下, 去火星好過對住你地班無知少婦

babykeika

我囡囡舊年pn每次病左班主任 or 姑娘都會call我問下小朋友咩c.&每月有一call講下小朋友在學校的情形 but今件上左k1換左老師就冇咩收到call. 但如果病左幾日都會call下問候下了解情況.

claudiayk

老師打唻問候小朋友, 我會感激, 唔會唸人哋轉個頭會咩咀咒...!!!點解要將一啲正面既關心唸成門面功夫呢啲咁反面既嘢呢?
無打唻我亦唔會怪老師...都知佢哋workload大..