父母學歷

jswailam928

原帖由 nc2000 於 09-10-5 14:15 發表
老實講, 我都好鄙視同睇唔起呢d 要查九代既學校, 教育唔係有教無類嗎? 知道父母的母校有何用意? 難道父母小學中學是一般平民百姓學校就不能進入他們學校入讀嗎? 現今作為父母也太艱難, 為了希望小朋友入讀一所理想學 ...

100%認同........教育真係要拎個心出黎教ga, 屋企幾有$$$代表什麼? 我唔想個女咁細過就要睇到呢d面目, 我覺得教育真係唔係咁架...唔通個學生無$就無得讀書咩?

cherriemama

父母係舊生有10分+適齡入學10分 (相信個個都有呢10分) , 所以= 20分!

如果兄姊o係到讀緊就唔駛計分, 因為係"必收生"!!!

原帖由 Winnietao 於 09-10-5 14:06 發表
自行分配學位是父母是舊生應該係有10分，如果兄姊係到讀緊就係20分先岩

swmami

Mama828，我好同意妳嘅意見，現行嘅計分校網制度源用多年，一直引為咎病亦被評為過時，聽聞教育署想改但一直無乜聲氣，難為一眾新生學子同佢哋D家長俾個制度玩到殘，其實我都覺得要俾D壓力俾教育署，我都覺得可能有足夠理據去平機會投訴，不過我不是律師又不是教育界，有無D專業律師家長可以俾D意見呢？

HebeMama630

same question on me last year, so i didn't apply this school for my daughter...

原帖由 jswailam928 於 09-10-4 16:22 發表
咁如果父母只係得中五畢業又唔係名牌學出黎, 咁係咪即係唔駛報呢間x生書院???

IvyKBB

原帖由 swmami 於 09-10-5 23:44 發表
Mama828，我好同意妳嘅意見，現行嘅計分校網制度源用多年，一直引為咎病亦被評為過時，聽聞教育署想改但一直無乜聲氣，難為一眾新生學子同佢哋D家長俾個制度玩到殘，其實我都覺得要俾D壓力俾教育署，我都覺得可能有足夠理據去平機 ...

totally agree w/u.
Is it ok to report to 平機 ?? it's really unfair to most of child.

jswailam928

原來st cat 都要寫架??? 嗄~但呢間我係最想入ga一間.....其實我真係覺得父母讀乜乜乜真係關個小朋友咩事呢......
真係好複雜~

elmolly

維記, 學之園都要填架. 父母職業, 幾乎間間都要填

eggmama

我嘅諗法係: 教育小朋友一定要家校合作, 學校要了解學生家庭能否配合課程模式係需要. 例如英普班, 家中完全無普通話人, 只得上課幾小時, 點吸收得有效率呢? 如果學校要求填家庭月入就唔妥當.

nc2000

如果真係需要了解到咁仔細, 咁應該填埋會考幾多分同大學成績! 如果家中無人識英文, 係咪唔駛讀有英文教授既學校? 如果家中無人識普通話咁就等如唔好讀有普通話既學校? 咁就好多小朋友都只可以報cantonese only 既學校! 家校合作, 家庭能否配合, 以我理解係家長同學校既教學理念相同, 學校主張活動教學, 但家長就投訴學校無功課, 考試, 咁就死火la!

家長教育水平唔高 or 唔係名校出身, 但唔等如佢配合唔到學校! 佢地反而會更加着緊子女成績, 希望有更好的教育替供給子女!

相反, 學校要求填父母入息, 亦可以同樣理由去解釋, 學校要睇你有無錢, 有無能力栽培小朋友, 可唔可以提供更多課外活動比小朋友, 令佢地更能考入名小學! 就係要填多一樣資料, 就令學校更易分類, 標籤學生罷了!

要清楚家庭背景, 所以要詳細填資料, 無問題的, 但不是在報名表上填一些較令人敏感的資料, 學校可在取錄了學生時, 才需要填有關資料, 這樣就令人感覺好一點, 公平一點! 學校又真的做到有教無類了!

以上只是個人近來填表後的後感, 不吐不快罷了!  祝大家順利入讀心儀學校! 謝謝!!

原帖由 eggmama 於 09-10-6 10:40 發表
我嘅諗法係: 教育小朋友一定要家校合作, 學校要了解學生家庭能否配合課程模式係需要. 例如英普班, 家中完全無普通話人, 只得上課幾小時, 點吸收得有效率呢? 如果學校要求填家庭月入就唔妥當. ...

牛津

我有野想講, 但係因為係聽返來, 所以唔岩聽唔好插我

我朋友有個friend(我唔識佢)在某一間極之出名的幼稚園教書(年年好多人去in, 年年都有police在學校外面睇有冇人違例泊車果間), 佢真係話佢間學校係睇你有冇宗教, babamama讀邊間小學住邊區law, lee d如果中晒, 都有9成係收law, 如果咩都冇.都會收的, 但係小law
唉~~~我d小朋友就係咩都冇, 但係又收wor, 所以大家唔洗擔心

jswailam928

其實我覺得唔駛填呢d野囉, 因為家庭環境&父母有無$$$, 父母同小朋友選什麼學校都會量下有無能力先會報某某名校幼稚園, 如果父母覺得自己真係唔得, 都唔會去報啦!!!

報得真係預左自己可以先會去報架麻...問咁多問題做乜丫??係咪?

自己表達能力差...唔知你地明唔明我講什麼??

wendycyp

其實我覺得未必有直接影響, 最主要都係睇你小朋友面試表現...

我同事個女都入到St. Catherine, 我同事兩公婆學歷都唔高 (我同事只有high dip.), 亦唔係名校出身, 都ok喎, 而且當時佢個女仲有好幾間學校都收, 所以唔使太緊張啦!

ML_Ngan

I agree with you.

原帖由 nc2000 於 09-10-6 11:30 發表
如果真係需要了解到咁仔細, 咁應該填埋會考幾多分同大學成績! 如果家中無人識英文, 係咪唔駛讀有英文教授既學校? 如果家中無人識普通話咁就等如唔好讀有普通話既學校? 咁就好多小朋友都只可以報cantonese only 既學 ...

nc2000

其實st. cat 收咁多學生, 但名校出身家長既小朋友收晒都唔夠la, 咁當然要收其他3無既學生(無高尚職業, 無高尚住宅, 無名母校)!!

我朋友個女係細女, 爸爸讀st. paul, 媽媽讀maryknoll上年in st. cat, 朋友話個女一句都無答, 心知不炒, 反而同行友人個仔就答晒, 表現一定比佢個女好, 但最後結果係收左朋友個女, 但無收同行友人個仔!

當然3無唔一定會唔收, 但如果呢種學校2選一, 始終名校家長係會1st choice!

原帖由 wendycyp 於 09-10-6 15:32 發表
其實我覺得未必有直接影響, 最主要都係睇你小朋友面試表現...

我同事個女都入到St. Catherine, 我同事兩公婆學歷都唔高 (我同事只有high dip.), 亦唔係名校出身, 都ok喎, 而且當時佢個女仲有好幾間學校都收, 所以唔 ...

mama828

其實我都唔係話覺得小朋友一定要讀某些名校先有前途，只係覺得點解政府可以任由呢d制度存在....我一定唔會亦都反對朋友虛報資料...因為係本末倒置...你試想你做這麼多都係為個小朋友...邊個話讀到某些名校一定好...但係反而你已經教自己個小朋友為了目的而講大話...第日仲點教...讀到邊間都無意思......思...                                                                     所以我都好怕d家長派位時...好激動...因為真係對個小朋友唔好...因為,要教佢地邊間都要好好讀...唔係好學校就實得...普遍學校就唔好 而且每個小朋友的天份真係唔同.... 試想如果劉翔同朗朗都俾人迫讀書..佢地一定唔會有今日的成就...做父母唔係只係要為個子女入名校鋪路...亦都唔係要迫佢地學好多樣嘢....而係要俾機會佢同了解佢的長處.... 興趣要有....唔使多....好好地學一兩樣...先有時間訓練同學得好...朗朗都未必會游水...劉翔都唔一定識彈鋼琴....                                                                    我曾經聽人講過,"做父母或老師最重要係懂得為下一代找到佢要站的舞台" 畢家索都曾經想做詩人,但係佢的老師告訴佢佢的天份可能係畫晝,所以佢幾經努力成為畫家,所以名校可能係一d人的路,但未必係所有人的路..更不是唯一的路..... 但係作為政府就一定有責任提供一個公平的機會俾家長選擇俾學生競爭...所以我係唔明點解今時今日的香港仲有完全不公平同"世襲制"的自行分配學校存在????????                                                           依家的政府....依家香港的教育....唉!!!!真係不吐不快!!!

[[i] 本帖最後由 mama828 於 09-10-6 20:04 編輯 [/i]]

nc2000

同意! 作為現今父母真係為子女入學已經傷透腦筋! 幼稚園都爭到死, 又要為小學舖路, 各出其謀, 1歲多面試nursery 就要識晒5官, 識唱歌, 識動物名稱, 識答老師問題......呢d 又係咩學校? 入唔到直升k1 既幼兒園, 又要面試多一次k1, 今次識既野又再多d, 但小朋友不竟只有2歲, 說話也未說得流暢, 呢批學生就只有聽天尤命! 正苦, 正苦!!

原帖由 mama828 於 09-10-6 19:54 發表
其實我都唔係話覺得小朋友一定要讀某些名校先有前途，只係覺得點解政府可以任由呢d制度存在....我一定唔會亦都反對朋友虛報資料...因為係本末倒置...你試想你做這麼多都係為個小朋友...邊個話讀到某些名校一定好...但 ...

牛津

有時真係感到在香港讀書辛苦

wendycyp

唔... 咁可能我同事個女叻叻又好彩啦...

原帖由 nc2000 於 09-10-6 17:00 發表
其實st. cat 收咁多學生, 但名校出身家長既小朋友收晒都唔夠la, 咁當然要收其他3無既學生(無高尚職業, 無高尚住宅, 無名母校)!!

我朋友個女係細女, 爸爸讀st. paul, 媽媽讀maryknoll上年in st. cat, 朋友話個女一 ...

eycwong