(自行分配學位)如有兄姐正就讀要記得帶埋其出世紙正副本

召藥師

如題，我今日就唔記得左帶要補交，另提示校方應該更新校網資料，以免家長要走多轉(我有朋友都係咁)。

taihunghk

Thank you very much even though it is not relevant to me.  Am very glad to have a super helpful 版主.  My daughter just got the admission to 農圃道 for 10/11 academic year.  Very happy and no need to worry about her little brother as well.

召藥師

到時記得多D入黎交流吓

BBTWIN

召藥司,

你囡囡係今年參加小學派位的嗎?????你幫囡囡都係揀農小????我見你講忘記交兄姐的出世紙. 點解最後你都揀返呢間, 你之前話對呢間學校有d失望, 希望囡囡博第二間???我想知你再揀返同一間學校既原因, 請指教.

召藥師

原帖由 BBTWIN 於 09-11-25 06:30 PM 發表
召藥司,

你囡囡係今年參加小學派位的嗎?????你幫囡囡都係揀農小????我見你講忘記交兄姐的出世紙. 點解最後你都揀返呢間, 你之前話對呢間學校有d失望, 希望囡囡博第二間???我想知你再揀返同一間學校既原因, 請指教. ...

我另外有報直資，不過只入waiting list，我會一直等到6月，另外就俾細女入番農小(只因近接送，兩兄妹係學校有照應，另我老公唔想到時大抽獎唔滿意要叩門要個女同自己辛苦)。

如果直資最後都唔收佢，我就疊埋心水俾佢入農小，多d參與家教活及義工活睇住佢地。

34區我心水得好少，因為我同老公都唔鍾意有宗教背景小學，所以選擇不多。大仔入左農小，細女報馬頭涌實入唔到，大抽獎就要睇彩數。

BBTWIN

原帖由 召藥師 於 09-12-1 03:41 發表


我另外有報直資，不過只入waiting list，我會一直等到6月，另外就俾細女入番農小(只因近接送，兩兄妹係學校有照應，另我老公唔想到時大抽獎唔滿意要叩門要個女同自己辛苦)。

如果直資最後都唔收佢，我就疊埋心水俾佢入農小，多d ...

召藥司,

其實我當初係希望你因為農小有進步而決定比囡園入讀. 睇完之後我又有少少失望. 不過好多事都唔係自己能夠決定. 我地d囡最後入邊間, 都要睇個天點去安排. 我自己就十分喜歡有宗教背景的學校(雖然我唔係教徒), 特別係女校. 始終覺得女校的小朋友會乖d, 我對女紀律方面比較鬆散, 嚴的學校會對佢地有幫助. 係呢, 你話要參加義工/家教會去睇住佢地, 點解"要去睇住佢地"呢???? 因為驚某d學生行為有問題會帶壞低年級嗎???

召藥師

原帖由 BBTWIN 於 09-12-1 03:41 PM 發表


召藥司,

其實我當初係希望你因為農小有進步而決定比囡園入讀. 睇完之後我又有少少失望. 不過好多事都唔係自己能夠決定. 我地d囡最後入邊間, 都要睇個天點去安排. 我自己就十分喜歡有宗教背景的學校(雖然我唔係教 ...

因為我本身想了解佢地學校生活多d，始終小學唔同幼稚園，學校透明度低好多(因為唔會日日見到老師)，做家長義工係唯一機會俾我去直接了解(我唔太喜歡同其他家長交際，毒女)，又可以同老師傾多幾句，從而更了解學校。

阿仔一年級時我有做家長義工，經常放學後到圖書館包書，而阿仔就係圖書館入面做功課，我覺得我嘅付出對個仔有正面影響(圖書館環境好，佢可專心做功課，另外又多左機會借書及睇書)，不過其後校方改左家長義工參與時間，一定要上課時間去做，我又要接個女放學及煮lunch box俾個仔，所以冇再做囉。

學校係有進步，仍有好多進步空間。

召藥師

有時自己仔女講學校嘅生活有可能不盡不實(有機會唔記得而加鹽加醋，又或者有部份隱瞞左冇講)，所以我會做家長義工用自己對眼去睇清楚，而我老公送個仔返學時亦會細心觀察個仔同其他同學點應對等。

BBTWIN

原帖由 召藥師 於 09-12-1 16:11 發表


因為我本身想了解佢地學校生活多d，始終小學唔同幼稚園，學校透明度低好多(因為唔會日日見到老師)，做家長義工係唯一機會俾我去直接了解(我唔太喜歡同其他家長交際，毒女)，又可以同老師傾多幾句，從而更了解學校。

...

原來係甘, 我都安心d.

學校有進步, 少少都好過冇麻. 對女點都有機會入黎讀, 聽到佢評價越黎越好, 我會好開心.

BBTWIN

原帖由 召藥師 於 09-12-1 16:17 發表
有時自己仔女講學校嘅生活有可能不盡不實(有機會唔記得而加鹽加醋，又或者有部份隱瞞左冇講)，所以我會做家長義工用自己對眼去睇清楚，而我老公送個仔返學時亦會細心觀察個仔同其他同學點應對等。 ...

你兩夫婦都好細心, 做你地o既子女真係好幸福 .

召藥師

原帖由 BOBO6 於 10-6-16 09:50 PM 發表
我想問如果我自行選母校,我只找到一張---上面台頭係寫住小六學生證,跟住係我的學生資料及小學名稱,小學校長簽名同小學校印,下面果PART就係我派去邊間中學,係唔係要用依張呀到時,我知9月就係自行交表,次序係點同仲有 ...

可以直接打去學校問。(我幫大仔報自行時係用我自己張畢業證書)

其實好簡單，係交表限期內親身到心儀學校交表(可到校網瀏覽有關安排)，帶齊所需文件正本及副本(申請人身份證、孩子出世紙、水費、電費、差餉單等任何一張地址證明、父母或兄長在校就讀證明、兄長出世紙)，另外要帶埋一個已貼上足夠郵資的回郵信封。

如果地址證明非申請人的名字，要提出足夠證明予校方(如是公公的名，就要出示母親出世紙證明關係)，手提或上網單係唔接受。申請人應自己親身到校交表，除非您配偶做申請人，就由他去交表。

[ 本帖最後由 召藥師 於 10-6-21 18:45 編輯 ]