- 在線時間
- 635 小時
- 最後登錄
- 15-4-26
- 國民生產力
- 195
- 附加生產力
- 765
- 貢獻生產力
- 0
- 註冊時間
- 03-3-23
- 閱讀權限
- 10
- 帖子
- 3451
- 主題
- 8
- 精華
- 0
- 積分
- 4411
- UID
- 8202
|
回復 64# GIPW 的帖子
GIPW,
好高興睇到你既回覆啊! 你囡囡普通話咁好, 又響番KCS直升, 適應上應該無大問題吧!
我女小一響GH時, 學業上就好快適應, 但社交上就出咗D麻煩, 佢勁唔慣D同學成日郁D就話: "我唔同你玩!"..." 你行開啦, 邊個話同你玩啫!"...."你要同XXX玩, 咁我唔同你玩喇!"....云云....所以小一時成日都唔開心! (我仲想過好多次, 想同佢轉校添!) 幸好升到小二, 學校係將全級大兜亂咁分班 (話係用電腦隨機編班)....今年比較好彩, 分到班比較識得體諒, 接納 & 分享既小朋友....今年總算開心番D!
PIANO方面, 剛過去既十月畀佢考咗三級鋼琴試, 幸運地攞到DISTINTION....之後琴老師叫佢參加"第十六屆亞洲鋼琴公開比賽"...呢個比賽響聖誕期間進行咗初賽, 又幸運地入到決賽, 所以唻緊農曆新年(年初七)又要去比賽了!...完埋呢個比賽, 就專心練習校際音樂節...今年會彈GRADE 4既Sonatina in G, OP,168, NO.2....已經進入背譜階段, 另外老師亦都開始咗同佢逐句細執...希望阿女練得切老師所教既嘢吧!
GH逢星期二三四都有功課堂畀小朋友在校做功課....阿女都好識諗, 快手既話, 可以響學校做晒功課返唻; 有時慢既, 都做咗八九成...返唻做埋少少手尾, 所以花響學校功課方面既時間都唔算太多....通常每日五點前都可以完成晒所有功課的!
另外, 我地每星期都有中英文默書, 數學小測就玩突擊, 評估方面: 全年兩測兩考, 無分比重, 所以我當佢係四個考試咁唻溫....我地測驗D卷就會派番屋企畀家長睇, 但考試既卷就唔會派, 所以考試錯D乜, 老師有無扣錯分等等, 都不得而知啊! |
|